Стр. 1
Страницы:
Стр.1 |
Стр.2 |
Стр.3 |
Стр.4 |
Стр.5 |
Стр.6 |
Стр.7 |
Стр.8
РАШЭННЕ БРЭСЦКАГА АБЛАСНОГА САВЕТА ДЭПУТАТАЎ
21 снежня 2006 г. № 281
АБ ЗАЦВЯРДЖЭННІ ПРАГРАМЫ ЗАХАВАННЯ І РАЗВІЦЦЯ
КУЛЬТУРЫ БРЭСЦКАЙ ВОБЛАСЦІ НА ПЕРЫЯД 2006-2010 ГАДОЎ
Брэсцкi абласны Савет дэпутатау РАШЫЎ:
1. Зацвердзiць Праграму захавання i развiцця культуры Брэсцкай
вобласцi на перыяд 2006-2010 гадоў (дадаецца).
2. Рэкамендаваць гарадскiм i раённым Саветам дэпутатаў
распрацаваць рэгiянальныя праграмы захавання i развiцця культуры на
2006-2010 гады.
3. Кантроль за выкананнем дадзенага рашэння ўскласцi на
намеснiка старшынi Брэсцкага абласнога выканаўчага камiтэта
Цупрыка Л.А.
Старшыня Л.А.Лемяшэўскі
ЗАЦВЕРДЖАНА
Рашэнне
Брэсцкага абласнога
Савета дэпутатаў
21.12.2006 № 281
ПРАГРАМА
захавання і развіцця культуры Брэсцкай вобласці на перыяд 2006-2010
гадоў
ГЛАВА 1
АГУЛЬНЫЯ ПАЛАЖЭННІ
1. Праграма захавання і развіцця культуры Брэсцкай вобласці на
перыяд 2006-2010 гадоў (далей - Праграма) распрацавана адпаведна
Закону Рэспублікі Беларусь ад 4 чэрвеня 1991 года «Аб культуры ў
Рэспубліцы Беларусь» (Ведамасці Вярхоўнага Савета Беларускай ССР,
1991 г., № 20, ст. 291; Национальный реестр правовых актов
Республики Беларусь, 2004 г., № 87, 2/1031) і на падставе прапаноў
аддзелаў культуры гарадскіх і раённых выканаўчых камітэтаў, устаноў
культуры і мастацтва.
2. У Праграме зроблены аналіз дасягнутага ўзроўню развіцця
культуры Брэсцкай вобласці (далей - вобласць) за мінулую пяцігодку,
вызначаны мэты і задачы, асноўныя накірункі дзейнасці ўстаноў
культуры і мастацтва вобласці, прыярытэты развіцця галіны на
2006-2010 гады, сістэма мер арганізацыйнага, сацыяльна-эканамічнага
характару па іх рэалізацыі.
ГЛАВА 2
СТАН КУЛЬТУРЫ ВОБЛАСЦІ
3. Стратэгічнай мэтай дзяржаўнай палітыкі ў галіне культуры
з’яўляецца развіццё і эфектыўнае выкарыстанне культурнага патэнцыялу
краіны, забеспячэнне пераемнасці развіцця беларускай культуры разам
з падтрымкай культурных інавацый (дадатак 1).
4. Як нацыянальны рэсурс культура ўяўляе сабой сукупнасць
матэрыяльных і духоўных каштоўнасцей, уключаючы нацыянальную мову,
гісторыка-культурную спадчыну, традыцыі, фальклор, народныя промыслы
і рамёствы, прафесійнае і самадзейнае мастацтва, культуралагічную і
мастацкую адукацыю, установы і кадры культуры, міжнацыянальныя і
міждзяржаўныя культурныя сувязі, матэрыяльнае і фінансавае
забеспячэнне. Культура аказвае значны ўплыў на фундаментальныя
асновы дзяржавы, на светапоглядныя, ідэалагічныя, палітычныя,
сацыяльна-эканамічныя аспекты існавання і ўстойлівага развіцця
чалавека, грамадства і з’яўляецца адным з яе стратэгічных рэсурсаў.
5. Галіну культуры складае сетка ўстаноў, якія ажыццяўляюць
культурна-асветную, тэатральна-відовішчную, гастрольна-канцэртную,
навукова-даследчую дзейнасць, а таксама падрыхтоўку кадраў культуры
і мастацтва. На сённяшні дзень у вобласці налічваецца 706 клубных
устаноў, 738 бібліятэк, 4 тэатральна-відовішчныя ўстановы, 3
сярэднія спецыяльныя навучальныя ўстановы, 90 дзіцячых школ
мастацтваў, 12 музеяў, 285 кінавідэаўстановак. У 2006 годзе ў
г. Пінску адкрыты Палескі драматычны тэатр.
6. Клубнымі ўстановамі забяспечана работа 3445 гуртоў
мастацкай самадзейнасці і 1007 аб’яднанняў, якія наведваюць каля 47
тысяч жыхароў вобласці, у тым ліку 24,5 тысячы дзяцей. Пяць
самадзейных калектываў маюць ганаровае званне «Заслужаны аматарскі
калектыў Рэспублікі Беларусь».
7. Бібліятэкамі вобласці штогод абслугоўваецца звыш 560 тысяч
чытачоў, ці 39 працэнтаў насельніцтва, у тым ліку 47 працэнтаў -
сельскага. Працягваецца працэс аўтаматызацыі бібліятэк. Сёння ў іх
налічваецца 205 камп’ютэраў, 35 ксераксаў, 136 прынтэраў, 35
сканераў.
8. Ва ўсіх установах культуры і мастацтва працуе 8353
работнікі, у тым ліку 6371 спецыяліст. Бюджэтныя выдаткі на
ўтрыманне склалі ў 2006 годзе каля 70,0 мільярда рублёў (далей -
млрд. руб.). Сярэдняя заработная плата складае 398,3 тысячы рублёў
(далей - тыс. руб.), па абласных установах - 459,3 тыс. руб.
9. З улікам сучасных патрабаванняў паглыбляюцца традыцыі
прафесіяналізму ў розных відах мастацтва, з клопатам пра пераемнасць
і далейшае развіццё народнай творчасці праводзяцца фестывалі,
конкурсы, агляды, канферэнцыі, іншыя буйныя мерапрыемствы, на
высокім узроўні ажыццяўляецца падрыхтоўка спецыялістаў навучальных
устаноў культуры і мастацтва, актыўна падтрымліваюцца дзяржавай
адораныя дзеці і таленавітая моладзь.
10. Разгляд найбольш актуальных праблем развіцця сучаснай
нацыянальный культуры, ажыццяўленне дзяржаўнай палітыкі, каардынацыю
дзейнасці ўпраўлення культуры з іншымі ведамствамі, установамі і
арганізацыямі, мясцовымі органамі ўлады ажыццяўляе калегія
ўпраўлення культуры аблвыканкама, якая з’яўляецца калектыўным
органам кіравання галіной.
11. Важнейшым напрамкам работы калегіі павінна стаць
забеспячэнне своечасовага і якаснага выканання ўказаў,
распараджэнняў, пратаколаў даручэнняў Прэзідэнта Рэспублікі
Беларусь, рашэнняў Савета Міністраў Рэспублікі Беларусь і
аблвыканкама ў галіне культуры і мастацтва.
12. Калегія ўпраўлення культуры аблвыканкама будзе ажыццяўляць
арганізацыю і каардынацыю работ па рэалізацыі Праграмы, уносіць ва
ўстаноўленым парадку прапановы па ўдакладненні мерапрыемстваў
Праграмы з улікам існуючай сацыяльна-эканамічнай сітуацыі,
забяспечваць кантроль за мэтавым выкарыстаннем сродкаў.
ГЛАВА 3
АСНОЎНЫЯ МЭТЫ І ЗАДАЧЫ ПРАГРАМЫ
13. Стратэгічнай мэтай у галіне культуры з’яўляецца захаванне
гісторыка-культурнай спадчыны, стварэнне ўмоў для ўсебаковага
развіцця асобы, росту яе творчай ініцыятывы, духоўных і эстэтычных
патрэбнасцей, што значна павысіць ролю асобы як галоўнай рухаючай
сілы новага постіндустрыяльнага грамадства (дадатак 2).
14. Для дасягнення гэтай мэты ў галіне культуры вобласці
прадугледжваецца вырашэнне наступных задач:
актывізацыя дзейнасці ўстаноў культуры і мастацтва па
арганізацыі вольнага часу насельніцтва вобласці, садзейнічанне росту
грамадскай ініцыятывы ў сферы духоўнага жыцця, падтрымліванне
адораных дзяцей і таленавітай моладзі;
захаванне і далейшае развіццё традыцыйнай культуры рэгіёнаў;
забеспячэнне даступнасці каштоўнасцей і паслуг, якія
аказваюцца ў гэтай сферы ўсім слаям насельніцтва, павышэнне ўзроўню
і якасці паслуг, павелічэнне іх аб’ёмаў для жыхароў сяла з мэтай
набліжэння да ўзроўню абслугоўвання гарадскога насельніцтва,
паляпшэнне культурнага абслугоўвання аддаленых вёсак;
рэалізацыя мерапрыемстваў рэстаўрацыі, рэканструкцыі і
захавання прыярытэтных, гісторыка-культурных каштоўнасцей Брэсцкай
вобласці, уключэнне іх у культурны і гістарычны абарот; вызначэнне і
аднаўленне ў рэгіёнах вобласці найбольш значных сельскіх гістарычных
сядзіб для выкарыстання ў якасці аб’ектаў культурна-дасугавай
дзейнасці;
распрацоўка і ўкараненне рацыянальнай схемы размеркавання
сельскiх устаноў культуры з улікам канкрэтнай сацыяльна-
дэмаграфічнай і эканамічнай сітуацыі ў сельскіх населеных пунктах і
раёнах;
павышэнне канкурэнтаздольнасці творчых калектываў і выканаўцаў
на ўнутраным і знешнім рынках;
забеспячэнне рэалізацыі кадравай палітыкі па падрыхтоўцы і
перападрыхтоўцы спецыялістаў культуры і мастацтва на аснове
ўкаранення новых адукацыйных тэхналогій;
стварэнне пры сярэдніх спецыяльных навучальных установах
культуры і мастацтва кансультацыйных цэнтраў для аказання метадычнай
дапамогі і выяўлення на сяле адораных дзяцей і таленавітай моладзі;
пры фарміраванні рэпертуарнай палітыкі ўдасканальванне
актуальнасці раскрыцця той ці іншай тэматыкі спектакляў і канцэртных
праграм з улікам эстэтычных і духоўных патрэбнасцей грамадства.
15. Напрамкамі развіцця прафесійнага мастацтва павінны стаць
павышэнне яго ролі ў эстэтычным і маральным выхаванні насельніцтва,
пераход да інтэнсіўнага развіцця, павышэнне прэстыжу работнікаў
творчых прафесій.
16. Для эфектыўнага развіцця культуры вобласці да 2010 года
неабходна ажыццявіць комплекс мер па вядучых напрамках дзейнасці ў
сферы культуры:
захаванне дзеючай сеткі ўстаноў культуры і мастацтва і якаснае
яе ўдасканальванне;
стварэнне новых культурных аб’ектаў, больш гібка рэагуючых на
змяненні ў патрэбнасцях і запатрабаваннях насельніцтва;
умацаванне і абнаўленне матэрыяльна-тэхнічнай базы;
захаванне рухомай і нерухомай культурнай спадчыны;
захаванне і рэстаўрацыя гістарычных помнікаў культуры;
стварэнне банка даных па гісторыка-культурнай спадчыне
вобласці, народным мастацтве і рамёствах;
развіццё прафесійнай творчасці і прафесійнай мастацкай
адукацыі, народнай мастацкай творчасці, народных промыслаў і
традыцыйнай культуры;
павышэнне ўзроўню якасці паслуг.
17. Галоўнымі напрамкамі рэалізацыі Праграмы павінны стаць:
падрыхтоўка доўгатэрміновых рэгіянальных праграм зберажэння
гісторыка-культурнай спадчыны, уключэнне гісторыка-культурных
каштоўнасцей у сферу турысцкай дзейнасці, выкарыстанне аб’ектаў для
пазнавальных, адукацыйных і прапагандысцкіх мэт;
стварэнне карпаратыўнай інфармацыйнай сеткі музеяў;
камплектаванне бібліятэчных фондаў і інфарматызацыі
бібліятэчнай справы;
вывучэнне, захаванне і развіццё нацыянальнай культуры,
развіццё і ўдасканальванне новых формаў і метадаў арганізацыі
вольнага часу насельніцтва;
удасканаленне структуры сеткі, умацаванне матэрыяльна-
тэхнічнай базы сельскіх культурна-дасугавых устаноў, далучэнне
працаўнікоў сяла да прафесійнага мастацтва, павышэнне якасці
кінавідэаабслугоўвання сельскага насельніцтва, фарміраванне
структуры эстэтычнага выхавання, адраджэнне, развіццё і
папулярызацыя традыцыйнай культуры, захаванне гісторыка-культурнай і
прыроднай спадчыны, развіццё інфраструктуры сельскага турызму з
выкарыстаннем мясцовых традыцый і звычаяў;
развіццё і прапаганда нацыянальных традыцый тэатральнага
мастацтва, павышэнне яго канкурэнтаздольнасці на міжнародным
узроўні;
развіццё і падтрымка відаў і жанраў музычнага мастацтва,
далейшае ўдасканаленне сістэмы рэгулявання гастрольна-канцэртнай
дзейнасці;
развіццё і падтрымка ўсіх відаў выяўленчага мастацтва,
фармiраванне музейнага фонду вобласці праз набыццё твораў
выяўленчага мастацтва, сумесная з творчымі саюзамі работа па
рэалізацыі і прапагандзе мастацкіх праектаў;
паляпшэнне кінавідэаабслугоўвання насельніцтва;
рэалізацыя рэгіянальных мэтавых праграм работы з кадрамі і
правядзенне комплекснага аналізу кадравага забеспячэння галіны з
мэтай удасканальвання формаў і метадаў падбору спецыялістаў,
кіруючых кадраў галіны культуры;
абмены ў галіне культуры, у тым ліку паміж калектывамі,
творчымі работнікамі, выкладчыкамі і спецыялістамі ў сферы культуры,
паміж установамі і арганізацыямі ў галіне культуры, супрацоўніцтва з
міжнароднымі і рэгіянальнымі інтэграцыйнымі аб’яднаннямі іншых
дзяржаў згодна з заключанымі дагаворамі супрацоўніцтва Брэсцкай
вобласці з абласцямі Расіі, Украіны, Брэсцкай вобласці і еўрарэгіёна
«Буг».
прапаганда беларускай культуры і мастацтва;
павышэнне ўзроўню заработнай платы, павелічэнне аб’ёмаў
рэалізацыі новых відаў паслуг, а таксама павышэнне аб’ёмаў паслуг
культуры насельніцтву ў сельскай мясцовасці;
ажыццяўленне рэканструкцыі і тэхнічнага перааснашчэння ўстаноў
культуры і мастацтва.
18. Рэалізацыя Праграмы будзе садзейнічаць захаванню і
развіццю культурнай спадчыны, нацыянальна-культурнай самабытнасці
беларускага народа, беларускай мовы, пашырэнню сферы яе ўжывання;
забеспячэнню ўмоў для свабоднага развіцця культур усіх сацыяльна-
этнічных груп, якія пражываюць на тэрыторыі вобласці; стварэнню ўмоў
для вольнай творчасці; дасягненню здаровага маральнага клімату ў
грамадстве.
ГЛАВА 4
ГІСТОРЫКА-КУЛЬТУРНАЯ СПАДЧЫНА
19. Дзяржаўная палiтыка ў галiне аховы i ўлiку гiсторыка-
культурнай спадчыны Брэстчыны ажыццяўляецца ў адпаведнасцi з Законам
Рэспублiкi Беларусь ад 9 студзеня 2006 года «Аб ахове гiсторыка-
культурнай спадчыны Рэспублікі Беларусь» (Национальный реестр
правовых актов Республики Беларусь, 2006 г., № 9, 2/1195).
Яе рэалiзацыю забяспечвае абласны, гарадскiя i раённыя
выканаўчыя камiтэты i iх мiжведамасныя каардынацыйныя саветы па
ахове матэрыяльнай i духоўнай спадчыны.
20. Адным з асноўных накiрункаў ахоўнай справы з’яўляецца
паслядоўнае фармiраванне Дзяржаўнага спiсу гiсторыка-культурных
каштоўнасцей Рэспублікі Беларусь, зацверджанага пастановай
Міністэрства культуры Рэспублікі Беларусь ад 10 красавіка 2003 г.
№ 11 (Национальный реестр правовых актов Республики Беларусь,
2003 г., № 82, 8/9523) у гарадах, раёнах i вобласцi.
21. На сённяшнi дзень у Дзяржаўным спiсе налiчваецца 695
гiсторыка-культурных каштоўнасцей, у тым лiку 678 нерухомых, з iх
288 аб’ектаў архiтэктуры i 163 археалогii.
У Спiс сусветнай спадчыны ўключаны два аб’екты вобласцi -
Нацыянальны парк «Белавежская пушча» i Дуга Струве, якая пралягае па
тэрыторыi Драгiчынскага i Iванаўскага раёнаў.
22. Абласным бюджэтам ажыццяўляецца перспектыўная праграма
рэстаўрацыi першапачатковых аб’ектаў, у якую ўключана 26
прыярытэтных помнiкаў гiсторыi i архiтэктуры вобласцi.
23. Мэтанакiравана ажыццяўляецца аднаўленне Косаўскага палаца-
паркавага ансамбля разам з Домам-музеем Т.Касцюшкi, музейнага
комплексу Н.Орды ў в. Варацэвiчы Iванаўскага раёна, палаца
Бутрымовiча ў г. Пiнску i iншых прыярытэтных аб’ектаў.
Разам з тым актуальнай застаецца праблема прыцягнення
пазабюджетных сродкаў, у тым лiку замежных iнвестыцый. Значнай
падтрымкi патрабуюць помнiкi гiсторыi i культуры ў малых гарадах i
аграгарадках.
24. У 2006-2010 гадах асаблiвая ўвага будзе накiравана на
вырашэнне наступных перспектыўных задач:
удасканаленне ахоўнай справы ў гарадах i раёнах;
каардынацыя ўсiх службаў i ведамстваў, якiя маюць дачыненне да
зберажэння помнiкаў;
правядзенне рэстаўрацыi прыярытэтных аб’ектаў, у першую чаргу
ў аграгарадках, а таксама на турыстычных маршрутах вобласцi;
удасканаленне праектна-рэстаўрацыйнай базы i кадравага
патэнцыялу;
фармiраванне электроннага банка звестак аб гiсторыка-
культурных каштоўнасцях, у тым лiку электроннай версii аб абаронцах
Айчыны i ахвярах войнаў;
падрыхтоўка дакументаў па ўключэннi фартыфiкацыйных аб’ектаў
Брэсцкай крэпасцi i Камянецкай вежы ў Спiс сусветнай спадчыны;
развiццё мiжнароднага супрацоўнiцтва ў галiне захавання
гiстарычнай спадчыны.
ГЛАВА 5
МУЗЕІ БРЭСЦКАЙ ВОБЛАСЦІ
25. Значную ролю ў фарміраванні духоўнага багацця сучаснага
грамадства, захаванні гісторыка-культурнай спадчыны выконваюць
музеі. У сучасны момант у Брэсцкай вобласці дзейнічае 13 дзяржаўных
музеяў абласнога падпарадкавання, больш за 240 музеяў ведамасных,
школьных, прыватных. Назіраецца пазітыўная дынаміка ў развіцці
музейнай сеткі вобласці. Толькі за апошні год спіс дзяржаўных музеяў
павялічыўся на 2 новых - Дом-музей Т.Касцюшкі і мастацкая галерэя
імя Н.Орды.
Адкрыты новыя экспазіцыі ў музеі «Камянецкая вежа»,
Баранавіцкім, Столінскім раённых музеях.
26. Назіраецца пазітыўная дынаміка ў камплектаванні музейнага
фонду. Дзяржаўны фонд музеяў вобласці на 1 студзеня 2006 г. налічвае
416 411 музейных прадметаў, з іх асноўны фонд складае 285 650,
навукова-дапаможны фонд - 130 761 адзінку захавання.
27. Музеі вобласці прынялі актыўны ўдзел у мерапрыемствах,
прысвечаных 60-годдзю вызвалення Беларусі ад нямецка-фашысцкіх
захопнікаў і 60-годдзю Перамогі ў Вялікай Айчыннай вайне. Былі
арганізаваны экспазіцыі, стацыянарныя і перасоўныя выстаўкі,
праведзены вечары Памяці мастакоў-удзельнікаў Вялікай Айчыннай
вайны.
28. Штогод музеі вобласці наведваюць звыш 320 000 чалавек,
навуковыя супрацоўнікі абслугоўваюць каля 7000 экскурсійных груп,
арганізуюць экспанаванне 200 выставак. Адначасова з экскурсіямі і
выстаўкамі развіваюцца новыя формы работы з музейным наведвальнікам.
Культурна-адукацыйная дзейнасць музеяў паступова становіцца ўсё
больш дыферэнцыяванай, разлічанай на розныя катэгорыі
наведвальнікаў.
29. Сярод праблем развіцця музейнай дзейнасці - стварэнне
новых тыпаў музеяў, экспазіцый і ўдасканаленне існуючых,
рэканструкцыя і тэхнічнае абсталяванне музейных фондасховішчаў,
мадэрнізацыя сістэмы аховы і жыццезабеспячэнне музейных прадметаў,
камп’ютэрызацыя музейнай сферы.
30. Галоўная задача ў развіцці музейнай справы на
перспектыву - гэта ажыццяўленне пераводу сістэмы музейнага
дакументавання з папяровых носьбітаў на электронныя, шырокае
ўкараненне і развіццё камп’ютэрнай тэхналогіі ў музейнай практыцы,
стварэнне Дзяржаўнага каталога музейнага фонду Рэспублікі Беларусь,
правядзенне кансервацыі і рэстаўрацыі музейных прадметаў.
31. Для дасягнення пастаўленых мэт неабходна сканцэнтраваць
увагу на наступных напрамках развіцця музейнай дзейнасці (дадатак
3):
умацаванні матэрыяльна-тэхнічнай базы музеяў;
стварэнні інфармацыйных сайтаў усіх дзяржаўных музеяў вобласці
у Інтэрнэце;
больш эфектыўным выкарыстанні магчымасцей музеяў для
ўнутранага і міжнароднага турызму;
фарміраванні кадраў музейных прафесіяналаў у раённых музеях.
ГЛАВА 6
БІБЛІЯТЭКІ БРЭСТЧЫНЫ
32. Значная частка iнтэлектуальнай спадчыны знаходзiцца ў
фондах бiблiятэк - важных састаўных духоўнага i матэрыяльнага
багацця, культурнага i iнфармацыйнага патэнцыялу грамадства. У
апошнiя гады ў сувязi з палiтычнымi i эканамiчнымi рэформамi,
бiблiятэкi рэспублiкi ўступiлi ў новы этап свайго развiцця.
Праходзiць эвалюцыя сацыяльнай ролi бiблiятэкi, да традыцыйных
функцый асветнiцкага характару дабаўляюцца функцыi iнфармацыйных
цэнтраў.
33. Дзякуючы дзяржаўнай падтрымцы, у вобласцi захавана
бiблiятэчная iнфраструктура: на 1 студзеня 2006 г. сетка публiчных
бiблiятэк склала 738 бiблiятэк сiстэмы Міністэрства культуры
Рэспублікі Беларусь. У сельскай мясцовасцi знаходзiцца 656 (88,5
працэнта) бiблiятэк, з iх 19 - у аграгарадках, 17 камп’ютэрызавана.
Працэнт бiблiятэк, працуючых на няпоўную стаўку, а таксама бiблiятэк-
клубаў, бiблiятэк-музеяў на сяле складае 35,5 працэнта ад агульнай
колькасцi. Развiццё бiблiятэчнага абслугоўвання большасцi з iх можа
забяспечвацца з дапамогай бiблiобусаў, аснашчаных сучаснымi
тэхнiчнымi i iнфармацыйнымi сродкамi.
34. Рэчаiснасць такая, што пры знiжэннi колькасцi чытачоў на
сяле назiраецца iх прырост у гарадах. Але гэты станоўчы працэс
стрымлiваецца марудным развiццём сеткi гарадскiх публiчных бiблiятэк
i iх слабай матэрыяльнай базай. Умацаванне матэрыяльнай базы
бiблiятэк не толькi павысiць прэстыж устаноў, прафесii i галiны ў
цэлым у вачах карыстальнiкаў, але i дазволiць расшырыць пералiк
платных паслуг для павелiчэння аб’ёмаў пазабюджэтнага фiнансавання,
накiраванага найперш за ўсё на папаўненне кнiжных фондаў.
35. У апошнiя гады працягваецца працэс знiжэння аб’ёмаў
кнiжных фондаў. Вельмi марудна абнаўляецца фонд у вобласцi. Агульны
фонд на 1 студзеня 2006 г. папоўнiўся на 248,7 тысячы экзэмпляраў
(далей - тыс. экз.) дакументаў i склаў 9890,2 тыс. экз. Новыя
паступленнi ў сярэднiм на аднаго чытача публiчнай бiблiятэкi
вобласцi склалi 0,2 экзэмпляра кнiгi, а ў сельскай мясцовасцi - 0,1.
Каля 60 працэнтаў кнiжнага фонду вобласцi з’яўляецца састарэлым.
Такiм чынам, павялiчваецца дыспрапорцыя памiж магчымасцямi
бiблiятэкi i патрэбамi насельнiцтва.
36. Працэс iнфарматызацыi публiчных бiблiятэк пачаўся з
распрацоўкi аўтаматызаванай iнфармацыйнай бiблiятэчнай сiстэмы.
Нягледзячы на недастатковае фiнансаванне, дзяржаўная праграма
iнфарматызацыi выконваецца. Парк машын на 1 ліпеня 2006 г. налiчваў
205 камп’ютэраў, 35 ксераксаў, 136 прынтэраў, 35 сканераў.
37. Адпрацоўваецца мадэль узаемадзеяння Нацыянальнай i
абласных бiблiятэк. Тыпавыя праграмы дазволяць у блiжэйшы час
устанавiць у межах кожнай вобласцi сувязь памiж абласнымi
бiблiятэкамi i цэнтралізаванымі бібліятэчнымі сістэмамі, стварыць
онлайнавыя Iнтэрнэт-каталогi абласных бiблiятэк. Аўтаматызацыя i
падключэнне да Iнтэрнэту публiчных бiблiятэк рэспублiкi павiнна быць
закончана да 2008 года.
Акрамя аўтаматызацыi, прыярытэтнымi накiрункамi развiцця
з’яўляюцца каардынацыя ў фармiраваннi iнфармацыйных рэсурсаў,
iнтэграцыя iнфраструктуры бiблiятэк усiх узроўняў у адзiную
бiблiятэчную сетку i iнфармацыйнае ўзаемадзеянне, а таксама
паступовае пераўтварэнне бiблiятэк у даведачна-iнфармацыйныя цэнтры.
Задача iнфарматызацыi сацыяльнай прасторы стаiць сёння перад кожнай
бiблiятэкай.
38. З мэтай фармiравання ў Рэспублiцы Беларусь адзiнай
iнфармацыйна-прававой прасторы, якая забяспечвае даступнасць
прававой iнфармацыi для ўсiх слаёў грамадскасцi i кожнага
грамадзянiна, па рашэнні калегii Мiнiстэрства культуры былi створаны
публiчныя цэнтры прававой iнфармацыi. Гэта новы накiрунак дзейнасцi
бiблiятэк краiны. За 2005 год у цэнтрах правой iнфармацыi вобласцi
атрымалi адказы на цiкавыя iм пытаннi больш за 7,8 тысячы
карыстальнiкаў.
Аднак застаецца актуальнай праблема адсутнасцi неабходнай
тэхнiкi для ажыццяўлення паўнавартаснай дзейнасцi публiчных цэнтраў
прававой iнфармацыi. У далейшым неабходна ажыццявiць праграму
тэхнiчнай i iнфармацыйнай падтрымкi сеткi публiчных цэнтраў прававой
iнфармацыi i аснасцiць камп’ютэрнай тэхнiкай i праграмным комплексам
тыя бiблiятэкi, на базе якiх будуць фармiравацца публiчныя цэнтры
прававой iнфармацыi.
39. Пытанням рэалiзацыi асноўных накiрункаў дзейнасцi
бiблiятэк былi прысвечаны калегii ўпраўлення культуры, штогадовыя
семiнары для дырэктараў i супрацоўнiкаў цэнтральных бібліятэчных
сістэм, абласных бiблiятэк, спецыялiстаў аддзелаў культуры
гаррайвыканкамаў, шматлiкiя рэспублiканскiя i абласныя конкурсы
(«Бiблiятэка - асяродак нацыянальнай культуры», «Бiблiятэка дзецям.
Бiблiятэка для дзяцей», навуковых работ па бiблiятэказнаўству,
бiблiяграфii i кнiгазнаўству, на лепшую пастаноўку работы па
экалагiчнай адукацыi i iнфармацыi насельнiцтва).
40. Асаблiвую значнасць у апошнi час набыла распрацоўка
рэалiзацыi ў вобласцi рэспублiканскай праграмы «Кадры».
Неабходнасць апошняй невыпадковая, бо ажыццявiць пастаўленыя
задачы могуць толькi высокаадукаваныя кадры, якiя арыентаваны на
бесперапынную прафесiйную адукацыю i здольны хутка рэагаваць на
шматлiкiя змены ў патрабаваннях да прафесii з боку грамадства.
Кадравы патэнцыял вобласцi характарызуецца наступнымi паказчыкамi:
усяго на 1 студзеня 2006 г. у публiчных бiблiятэках працуе 1478
бiблiятэкараў. Колькасць спецыялiстаў у сярэднiм складае 72,9
працэнта. Працэс скарачэння i бягучасцi кадраў па вобласцi практычна
спынены. У той жа час у сельскiх бiблiятэках-фiлiялах толькi кожны
другi работнiк мае базавую бiблiятэчную адукацыю.
41. Тым не менш у бiблiятэчнай справе iснуе шэраг праблем,
галоўная з якiх - фiнансаванне дзейнасцi бiблiятэк на розных
узроўнях. Пад непасрэдным кiраўнiцтвам i пры ўдзеле ўпраўлення i
аддзелаў культуры на месцах ствараюцца i паспяхова ажыццяўляюцца ў
бiблiятэках так званыя мэтавыя праграмы. Стварэнне такiх праграм на
абласным i мясцовым узроўнях дазваляе зрабiць работу сiстэмнай,
сканцэнтраваць бюджэтныя грошы на асноўных накiрунках дзейнасцi, а
галоўнае - быць неабходнай i цiкавай карыстальнiкам. Сёння амаль у
кожным раёне вобласцi ажыццяўляецца свой рэгiянальны праект.
42. Усе вышэйназваныя праблемы могуць з’яўляцца арыенцiрамi
прафесiйнай дзейнасцi i бiблiятэчнай палiтыкi вобласцi на перыяд да
2010 года. Для дасягнення пастаўленых мэт намаганні патрэбна
скіраваць на наступных напрамках (дадатак 4):
забяспечыць выдзяленне сродкаў (не меней за 15 працэнтаў ад
агульнай колькасці сумы бюджэтнага фінансавання дзейнасці бібліятэк)
на папаўненне кніжных фондаў;
умацаваць матэрыяльную базу бібліятэк з мэтай пашырэння
пераліку платных паслуг для павелічэння аб’ёмаў пазабюджэтнага
фінансавання, накіраванага на папаўненне кніжных фондаў бібліятэк;
стварыць карпаратыўную інфармацыйную сетку бібліятэк з
выкарыстаннем тэлекамунікацый;
стварыць онлайнавыя Інтэрнэт-каталогі публічных бібліятэк
рэгіёна;
закончыць аўтаматызацыю публічных бібліятэк да 2008 года і
падключыць бібліятэкі да Інтэрнэту;
прыняць удзел у рэалізацыі дзяржаўнай праграмы «Памяць
Беларусі» з мэтай захавання найбольш каштоўнага рэпертуару
дакументальных помнікаў;
развіваць бібліятэчнае абслугоўванне малых населеных пунктаў з
дапамогай бібліобусаў, аснашчаных сучаснымі тэхнічнымі і
інфармацыйнымі сродкамі.
ГЛАВА 7
УСТАНОВЫ КУЛЬТУРЫ І НАРОДНАЯ МАСТАЦКАЯ ТВОРЧАСЦЬ
43. У культурным жыцці вобласці клубныя ўстановы па-ранейшаму
застаюцца адным з асноўных культурна-сацыяльных інстытутаў, асноўным
механізмам рэгуляцыі грамадства і эстэтычнага ўзбагачэння
насельніцтва.
Яны прызваны: арганізоўваць культурны адпачынак і задавальняць
культурныя запатрабаванні грамадзян у сферы вольнага часу,
арганізуючы мерапрыемствы на аснове як традыцыйных, так і
інавацыйных тэхналогій; ствараць умовы для развіцця аматарскага
мастацтва ва ўсіх відах і формах яго існавання як у горадзе, так і
на сяле, выступаючы ў якасці арганізаванай прасторы духоўнага і
фізічнага станаўлення людзей і іх самарэалізацыі і самавызначэння;
акумуліраваць, падтрымліваць і развіваць культурна-сацыяльныя
ініцыятывы розных груп і слаёў грамадства.
Аматарскае мастацтва мае нацыянальную адметнасць і з’яўляецца
асновай для прафесійнага мастацтва - тэатра, музыкі, танца, вакалу і
г.д.
44. Асноўныя накірункі дзейнасці мясцовых дзяржаўных органаў
кіравання ў сферы народнай мастацкай творчасці:
стварэнне ўмоў для рэгулярных кантактаў шырокіх колаў
насельніцтва з мастацкімі каштоўнасцямі;
стымуляванне працэсаў самаарганізацыі культурнага жыцця на
месцах і асаблівая актывізацыя культурна-дасугавай дзейнасці на
сяле;
распрацоўка мер, накіраваных на павышэнне культурнай
актыўнасці людзей, уздзеянне праз актывізацыю разнастайных формаў і
відаў культурнай дзейнасці на іх пачуцці і свядомасць;
работа па далейшай рэструктурызацыі і аптымізацыі структуры
клубных устаноў: рэарганізацыя і аб’яднанне ўстаноў культуры там,
дзе гэта мэтазгодна і абгрунтавана, стварэнне і ўдасканальванне
дзейнасці новых комплексных тыпаў клубных устаноў: дамоў (цэнтраў)
рамёстваў, фальклору, народнай творчасці, нацыянальных культур і
іншых тыпаў, дзейнасць якіх накіравана на захаванне і развіццё
розных відаў народнай мастацкай культуры, з улікам канкрэтнага
Страницы:
Стр.1 |
Стр.2 |
Стр.3 |
Стр.4 |
Стр.5 |
Стр.6 |
Стр.7 |
Стр.8
|
