ПАГАДНЕННЕ
ПАМIЖ УРАДАМ РЭСПУБЛIКI БЕЛАРУСЬ I УРАДАМ ТУРЭЦКАЙ
РЭСПУБЛIКI АБ ГАНДЛЁВЫМ I ЭКАНАМIЧНЫМ СУПРАЦОЎНIЦТВЕ *)
_____________________________
*) Уступiла ў сiлу 1 снежня 1993 г.
Урад Рэспублiкi Беларусь i Урад Турэцкай Рэспублiкi, якiя ў
далейшым называюцца "Дагаворныя Бакi",
- жадаючы развiваць i дыверсiфiкаваць узаемавыгадныя гандлёвыя
i эканамiчныя сувязi памiж абедзвюма краiнамi на стабiльнай i
збалансаванай аснове,
- пацвярджаючы iх жаданне да далейшага ўмацавання iснуючых
сяброўскiх адносiн на аснове прынцыпу роўнасцi, узаемнай павагi i
выгады,
ДАМОВIЛIСЯ АБ НIЖЭЙПАДАДЗЕНЫМ:
Артыкул 1
Дагаворныя Бакi згодна з iх дзеючым нацыянальным заканадаўствам
прымуць неабходныя меры для развiцця i дыверсiфiкавання iх гандлёвых
сувязей на доўгатэрмiновай, стабiльнай i збалансаванай аснове,
пашырэння эканамiчнага супрацоўнiцтва ў рамках iснуючых магчымасцей.
У гэтых мэтах Дагаворныя Бакi створаць неабходныя спрыяльныя
ўмовы для зябеспячэння пераемнасцi ў супрацоўнiцтве памiж iх
адпаведнымi юрыдычнымi асобамi, прадпрымальнiкамi, арганiзацыямi.
Артыкул 2
Дагаворныя Бакi прадаставяць адзiн аднаму рэжым найбольшага
спрыяння ў адносiнах да:
- мытных пошлiн i любых збораў на iмпарт i экспарт,
- метадаў спагнання гэтых пошлiн i збораў,
- правiлаў i фармальнасцей, што датычацца мытнай ачысткi,
транзiту, складзiравання i перагрузкi,
- падаткаў i iншых унутраных збораў, якiя накладаюцца прама цi
ўскосна на тавары, што iмпартуюцца,
- метадаў плацяжу i пераводу такiх плацяжоў.
Дадзеныя палажэннi не распаўсюджваюцца на:
- прывiлеi, якiя прадастаўляюцца суседнiм краiнам для
палягчэння прыгранiчнага i прыбярэжнага гандлю;
- прывiлеi, якiя вынiкаюць з пагадненняў аб стварэннi мытнага
саюза цi зоны свабоднага гандлю, заключаных цi якiя будуць заключаны
ў будучым якiм-небудзь з Бакоў;
- прывiлеi, якiя прадастаўляюцца краiнам, што сталi на шлях
развiцця, на аснове мiжнародных пагадненняў.
Артыкул 3
Дагаворныя Бакi дзеля забеспячэння вольнага доступу на рынкi
адзiн аднаго, а таксама для паляпшэння i дыверсiфiкацыi двухбаковага
гандлю памiж абедзвюма краiнамi дамовiлiся садзейнiчаць аператыўнаму
абмену iнфармацыяй, наладжванню кантактаў памiж дзелавымi людзьмi,
пашыраць абмен дэлегацыямi прадпрымальнiкаў, а таксама садзейнiчаць
iх удзелу ў мiжнародных выставах i кiрмашах, што будуць арганiзаваны
ў Беларусi i Турцыi.
Артыкул 4
Дагаворныя Бакi згодна з iх дзеючым нацыянальным заканадаўствам
будуць садзейнiчаць таму, каб iх упаўнаважаныя органы аказвалi
садзейнiчанне ў аператыўнай выдачы iмпартных i экспартных лiцэнзiй,
неабходных для выканання кантрактаў, падпiсаных у адпаведнасцi з
палажэннямi дадзенага Пагаднення.
Артыкул 5
Прымаючы пад ўвагу важнасць банкаўскай справы ў развiццi
ўзаемных эканамiчных i камерцыйных сувязей, Дагаворныя Бакi
дамовiлiся садзейнiчаць супрацоўнiцтву памiж банкамi абедзвюх краiн.
Артыкул 6
Дагаворныя Бакi згодна з iх дзеючым нацыянальным заканадаўствам
зробяць адпаведныя захады па вызваленнi ад мытных пошлiн i падаткаў
тавараў, часова iмпартаваных у краiну з мэтай рээкспарту.
Артыкул 7
Дагаворныя Бакi акажуць садзейнiчанне ў супрацоўнiцтве абедзвюх
краiн у галiне iнвестыцый i тэхналогii, апрача ўсяго iншага, шляхам
стварэння сумесных прадпрыемстваў на iх тэрыторыях для задавальнення
патрэб як iх унутраных рынкаў, так i рынкаў трэцiх краiн.
Акрамя таго, Дагаворныя Бакi вызначылi, апрача ўсяго iншага,
наступныя галiны ў якасцi магчымых напрамкаў супрацоўнiцтва:
- сельская гаспадарка;
- машынабудаванне;
- вытворчасць тавараў народнага спажывання;
- вытворчасць прадуктаў харчавання;
- будаўнiчыя i падрадныя работы;
- мадэрнiзацыя прадпрыемстваў лёгкай прамысловасцi.
Артыкул 8
Усе плацяжы па iмпарце i экспарце тавараў i паслуг будуць
праводзiцца ў свабодна канверсаванай валюце ў адпаведнасцi з дзеючым
у кожнай з краiн заканадаўствам аб валютным рэгуляваннi.
Артыкул 9
Дагаворныя бакi вырашылi стварыць Сумесную Мiжурадавую
Беларуска-Турэцкую эканамiчную Камiсiю для разгляду ходу выканання
дадзенага Пагаднення, вывучэння пытанняў, якiя ўзнiкаюць пры яго
выкананнi, а таксама для выпрацоўкi рэкамендацый Урадам абедзвюх
краiн па далейшым пашырэннi двухбаковых эканамiчных i гандлёвых
сувязей.
Гэта Камiсiя будзе складацца з прадстаўнiкоў, якiя назначаюцца
Урадамi, i будзе збiрацца ва ўзаемапрымальныя тэрмiны па чарзе ў
Турцыi i ў Беларусi.
Дагаворныя Бакi, у выпадку неабходнасцi, могуць залучаць
экспертаў i саветнiкаў да ўдзелу ў пасяджэннях Камiсii.
Артыкул 10
Гэта Пагадненне не ўшчамляе правоў i абавязацельстваў
Дагаворных Бакоў, якiя вынiкаюць з дзеючых двухбаковых i шматбаковых
мiжнародных пагадненняў.
Артыкул 11
У выпадку спынення дзеяння гэтага Пагаднення яго палажэннi
захоўваюць сiлу ў адносiнах да любых нявыкананых абавязацельстваў,
узнiкшых па кантрактах, заключаных у перыяд яго дзеяння.
Артыкул 12
Гэта Пагадненне ўступае ў сiлу з даты, калi Дагаворныя Бакi
паведамяць адзiн аднаму аб тым, што прадугледжаныя iх заканадаўствам
працэдуры, неабходныя для юрыдычнага адабрэння Пагаднення, выкананы.
Гэтае Пагадненне будзе дзейнiчаць на працягу пяцi гадоў i
аўтаматычна будзе прадаўжацца на адзiн год, калi толькi адзiн з
Дагаворных Бакоў не паведамiць аб iншым пiсьмова другому Боку за
шэсць месяцаў да сканчэння тэрмiну яго дзеяння.
Учынена ў г.Iзмiры 8 верасня 1993 г. у двух сапраўдных
экземплярах на беларускай i турэцкай мовах, прычым абодва тэксты
маюць аднолькавую сiлу.
За Урад Рэспублiкi Беларусь _____________ подпiс
За Урад Турэцкай Рэспублiкi _____________ подпiс
|
