ПРАТАКОЛ
АБ КАНСУЛЬТАЦЫЯХ ПАМIЖ МIНIСТЭРСТВАМ ЗАМЕЖНЫХ СПРАЎ
РЭСПУБЛIКI НIКАРАГУА I МIНIСТЭРСТВАМ ЗАМЕЖНЫХ СПРАЎ
РЭСПУБЛIКI БЕЛАРУСЬ *)
_____________________________
*) Уступiў у сiлу 7 лiпеня 1994 г.
Мiнiстэрства замежных спраў Рэспублiкi Нiкарагуа i Мiнiстэрства
замежных спраў Рэспублiкi Беларусь, якiя далей называюцца "Бакi",
натхнёныя жаданнем узмацнiць сувязi сяброўства i салiдарнасцi
памiж абодвума народамi на аснове ўзаемапавагi i ўзаемаразумення,
прызнаючы карыснасць узмацнення супрацоўнiцтва ў мiжнароднай
сферы,
перакананыя ў тым, што шчыры i канструктыўны дыялог па пытаннях
двухбаковых адносiн i iншых мiжнародных i рэгiянальных тэмах, якiя
прадстаўляюць узаемны iнтарэс, будзе спрыяць найбольшаму зблiжэнню
памiж Рэспублiкай Нiкарагуа i Рэспублiкай Беларусь,
дамовiлiся аб нiжэйпададзеным:
Артыкул 1
Бакi праводзяць кансультацыi па пытаннях, якiя датычацца
развiцця ўзаемнага супрацоўнiцтва ў галiне палiтыкi, эканомiкi,
навукова-тэхнiчных, экалагiчных адносiн i гуманiтарнага i
культурнага супрацоўнiцтва.
Артыкул 2
Бакi па меры неабходнасцi праводзяць кансультацыi па
мiжнародных пытаннях, якiя прадстаўляюць узаемны iнтарэс i, у
прыватнасцi, закранаюць наступныя галiны:
- развiццё супрацоўнiцтва ў рамках мiжнародных арганiзацый;
- мiжнародныя пытаннi ў гуманiтарнай галiне i ў галiне правоў
чалавека, а таксама ў галiне павагi i абароны правоў нацыянальных
меншасцяў;
- развiццё мiжнароднага эканамiчнага i навукова-тэхнiчнага
супрацоўнiцтва, у тым лiку супрацоўнiцтва ў галiне экалогii;
- пытаннi, якiя з'яўляюцца прадметам мiжнародных шматбаковых
перамоў у рамках Арганiзацыi Аб'яднаных Нацый i яе спецыялiзаваных
устаноў.
Артыкул 3
Кансультатыўныя нарады па мiжнародных пытаннях i пытаннях
двухбаковых адносiн, якiя прадстаўляюць узаемны iнтарэс, праводзяцца
на высокiм службовым узроўнi кожнага з Бакоў i ў выпадку прыняцця
адпаведнага рашэння па ўзаемнай дамоўленасцi могуць праводзiцца на
ўзроўнi начальнiкаў упраўленняў, кiраўнiкоў дыпламатычных
прадстаўнiцтваў у трэцiх дзяржавах цi кiраўнiкоў пастаянных
прадстаўнiцтваў пры мiжнародных арганiзацыях.
Артыкул 4
Бакi вызначаюць па дыпламатычных каналах склад удзельнiкаў,
дату i месца правядзення кансультатыўных нарадаў, якiя могуць
праводзiцца па вырашэнню Бакоў у Беларусi цi Нiкарагуа, а таксама ў
дыпламатычных прадстаўнiцтвах у трэцiх дзяржавах цi пастаянных
прадстаўнiцтвах пры мiжнародных арганiзацыях.
Артыкул 5
У рамках сваёй кампетэнцыi i сумесна з адпаведнымi ўстановамi
сваёй дзяржавы Бакi супрацоўнiчаюць у мэтах усталявання i развiцця
прамых сувязяў памiж дзяржаўнымi ўстановамi, грамадскiмi
арганiзацыямi i iншымi арганiзацыямi абедзвюх краiнаў, у тым лiку на
мясцовым узроўнi.
Артыкул 6
Гэты Пратакол набывае моц з дня яго падпiсання, дзейнiчае на
працягу пяцi гадоў з наступным аўтаматычным прадаўжэннем кожны раз
на адзiн год у тым выпадку, калi адзiн з Бакоў не паведамiць другому
Боку аб сваiм жаданнi спынiць яго дзеянне не менш чым за шэсць
месяцаў да прадаўжэння яго дзеяння на наступны перыяд.
Падпiсана ў г.Манагуа 7 лiпеня 1994 года ў двух экзэмплярах,
кожны на iспанскай i беларускай мовах, прычым абодва тэксты маюць
аднолькавую моц.
За Мiнiстэрства За Мiнiстэрства
замежных спраў замежных спраў
Рэспублiкi Нiкарагуа Рэспублiкi Беларусь
Подпiс Подпiс
|
