"Пратакол пагаднення памiж Мiнiстэрствам абароны Рэспублiкi Беларусь i Мiнiстэрствам абароны Украiны аб парадку падрыхтоўкi афiцэрскiх кадраў у ваенна-навучальных установах"

Зарегистрировано в НРПА РБ 20 февраля 2003 г. N 3/590

--------------------------------

<*> Уступiў у сiлу 17 снежня 1992 года.

Мiнiстэрства абароны Рэспублiкi Беларусь i Мiнiстэрства абароны Украiны, надалей Бакi,

кiруючыся палажэннямi Пагаднення памiж Мiнiстэрствам абароны Рэспублiкi Беларусь i Мiнiстэрствам абароны Украiны аб ваенным супрацоўнiцтве ад 17 снежня 1992 г.,

дамовiлiся пра наступнае:

Артыкул 1

Бакi ажыццяўляюць узгодненыя дзеяннi, накiраваныя на падрыхтоўку афiцэрскiх кадраў, зыходзячы з патрэб iх Узброеных Сiл. Падрыхтоўка ваенных кадраў для Узброеных Сiл Рэспублiкi Беларусь i Узброеных Сiл Украiны будзе ажыццяўляцца, пачынаючы з набору 1992 года, беларускiмi i ўкраiнскiмi ваенна-навучальнымi ўстановамi па заяўках на дагаворнай аснове, з выключэннямi, указанымi ў артыкуле 2 гэтага Пратакола.

Артыкул 2

Бакi даюць курсантам i слухачам ваенна-навучальных устаноў Рэспублiкi Беларусь i Украiны, а таксама ад'юнктам i дактарантам права бясплатна прадоўжыць i закончыць навучанне ў беларускiх i ўкраiнскiх ваенна-навучальных установах i навукова-даследчых установах, у якiя яны паступiлi да 1992 года.

Артыкул 3

На аснове гэтага Пратакола Бакамi распрацоўваецца гадавы план прыёму на вучобу ў беларускiя i ўкраiнскiя ваенна-навучальныя ўстановы.

Гадавы план прыёму на вучобу курсантаў, слухачоў, ад'юнктаў i дактарантаў ваенна-навучальных i навукова-даследчых устаноў Рэспублiкi Беларусь i Украiны распрацоўваецца рабочымi групамi Бакоў да 15 лiстапада кожнага года.

У план падрыхтоўкi ваенных кадраў уключаецца патрэбная колькасць вучэбных месц, тэрмiны падрыхтоўкi, спецыяльнасцi, па якiх плануецца падрыхтоўка афiцэрскiх кадраў для Бакоў, i iншыя пытаннi.

План падрыхтоўкi афiцэрскiх кадраў падпiсваецца ўпаўнаважанымi асобамi Бакоў да 15 снежня кожнага года.

Артыкул 4

Кожны з Бакоў адбiрае i накiроўвае абiтурыентаў у вышэйшыя ваенна-навучальныя ўстановы па дамоўленасцi. Адказнасць за адбор кандыдатаў ускладаецца на камандзiруючы Бок. Камандаванне ваенна-навучальнай установы абавязваецца правесцi медыцынскi агляд абiтурыентаў i пасля iх прыёму нясе адказнасць за належную арганiзацыю вучэбнага працэсу, стварэнне неабходных сацыяльна-бытавых умоў у перыяд навучання.

Бакi праводзяць фiнансавыя разлiкi, звязаныя з рэалiзацыяй гэтага Пратакола, да пачатку навучальнага года за поўны год навучання, а таксама прымаюць меры да поўнага выканання курсантамi, слухачамi, ад'юнктамi i дактарантамi правiл унутранага распарадку ваенна-навучальных устаноў, парадку i правiл паводзiн у дзяржаве знаходжання ў адпаведнасцi з дзеючым у ёй заканадаўствам.

Артыкул 5

Невыкананне або скасаванне кантракта, у тым лiку па вiне курсанта, слухача, ад'юнкта або дактаранта, спыняюць яго дзеянне з абавязковай кампенсацыяй выдаткаў на навучанне вiнаватым Бокам.

Артыкул 6

Бакi прызнаюць эквiвалентнасць дакументаў аб адукацыi ў беларускiх i ўкраiнскiх ваенна-навучальных установах на тэрыторыi сваiх дзяржаў.

Спецыяльнасцi, тэрмiны падрыхтоўкi ваенных кадраў для Узброеных Сiл i колькасць навучэнцаў вызначаюцца Бакамi на аснове заявак, падаваемых штогод, не пазней 1 студзеня года паступлення на вучобу.

Асобам, якiя закончылi ваенна-навучальныя ўстановы, першае афiцэрскае званне прысвойваецца загадам Мiнiстра абароны дзяржавы, якая накiравала iх на вучобу.

Артыкул 7

Бакi выпрацоўваюць механiзм узаемных разлiкаў па падрыхтоўцы афiцэрскiх кадраў на дагаворнай аснове. Прыём i навучанне курсантаў, слухачоў ажыццяўляецца на аснове дзеючых правiл i палажэнняў прымаючага боку.

Артыкул 8

Пратакол набывае сiлу з моманту яго падпiсання i дзейнiчае ў адпаведнасцi з артыкулам 6 Пагаднення памiж Мiнiстэрствам абароны Рэспублiкi Беларусь i Мiнiстэрствам абароны Украiны аб ваенным супрацоўнiцтве ад 17 снежня 1992 года.

Адбылося ў г. Кiеве 17 снежня 1992 г. у двух экземплярах, кожны на беларускай i ўкраiнскай мовах, прычым усе тэксты маюць аднолькавую сiлу.

За Мiнiстэрства абароны                            За Мiнiстэрства абароны
Рэспублiкi Беларусь                                Украiны
Подпiс                                             Подпiс