ПАСТАНОВА САВЕТА МІНІСТРАЎ РЭСПУБЛІКІ БЕЛАРУСЬ
18 верасня 2007 г. № 1185
АБ УНЯСЕННІ ЗМЯНЕННЯЎ У ПАСТАНОВУ САВЕТА МІНІСТРАЎ
РЭСПУБЛІКІ БЕЛАРУСЬ АД 15 ЧЭРВЕНЯ 2006 Г. № 762
Савет Міністраў Рэспублікі Беларусь ПАСТАНАЎЛЯЕ:
1. Унесці ў пастанову Савета Міністраў Рэспублікі Беларусь ад
15 чэрвеня 2006 г. № 762 «Аб некаторых пытаннях аховы гісторыка-
культурнай спадчыны» (Национальный реестр правовых актов Республики
Беларусь, 2006 г., № 103, 5/22474) наступныя змяненні:
1.1. у Палажэнні аб парадку выдачы дазволу на выкананне работ
на гісторыка-культурных каштоўнасцях, зацверджаным гэтай пастановай:
пункт 8 выкласці ў наступнай рэдакцыі:
«8. Для атрымання дазволу заказчык, які з’яўляецца юрыдычнай
асобай або індывідуальным прадпрымальнікам, звяртаецца ў
Міністэрства культуры з заявай, складзенай па форме, якая
ўстанаўліваецца Міністэрствам культуры, да якой прыкладае наступныя
дакументы:
копію спецыяльнага дазволу (ліцэнзіі) на права ажыццяўлення
дзейнасці «Праектаванне і ўзвядзенне будынкаў і збудаванняў I і II
узроўню адказнасці і правядзенне інжынерных пошукаў для гэтых мэт»;
справаздачу аб выкананых на працягу папярэдняга года работах
на гісторыка-культурнай каштоўнасці (пры атрыманні дазволу на працяг
работ).»;
пункт 9 выключыць;
у пункце 12 слова «20-дзённы» замяніць словам «15-дзённы»;
1.2. у Палажэнні аб парадку выдачы пасведчанняў на права
выканання навукова-даследчых работ на гісторыка-культурных
каштоўнасцях і кіраўніцтва распрацоўкай навукова-праектнай
дакументацыі на выкананне рэстаўрацыйна-аднаўленчых работ на
гісторыка-культурных каштоўнасцях, зацверджаным гэтай пастановай:
пункт 5 выкласці ў наступнай рэдакцыі:
«5. Пасведчанні выдаюцца на падставе пісьмовага звароту ў
Міністэрства культуры навукова-даследчых, праектных, навуковых
арганізацый, устаноў адукацыі, складзенага па форме, якая
ўстанаўліваецца Міністэрствам культуры.
Да звароту прыкладаюцца:
копія дыплома кандыдата на атрыманне пасведчання;
фотаздымак кандыдата памерам 3 х 4 см.»;
у частцы першай пункта 8 словы «10 дзён» замяніць словамі «5
дзён».
2. Міністэрству культуры прыняць меры па прывядзенню сваіх
нарматыўных прававых актаў у адпаведнасць з гэтай пастановай.
3. Дадзеная пастанова ўступае ў сілу праз месяц пасля яе
афіцыйнага апублікавання, за выключэннем пункта 2 і дадзенага
пункта, якія ўступаюць у сілу з дня афіцыйнага апублікавання.
Прэм'ер-міністр Рэспублікі Беларусь С.Сідорскі
|
