ПАГАДНЕННЕ
ПАМIЖ УРАДАМ РЭСПУБЛIКI БЕЛАРУСЬ, З АДНАГО БОКУ, I
ФЕДЭРАЛЬНЫМ МIНIСТРАМ ЭКАНОМIКI I ФЕДЭРАЛЬНЫМ МIНIСТРАМ
ФIНАНСАЎ РЭСПУБЛIКI АЎСТРЫЯ, З ДРУГОГА БОКУ, АДНОСНА
ПРЫЗНАННЯ СЕРТЫФIКАТАЎ ПАХОДЖАННЯ I РАМЕСЛЕНАЙ ВЫТВОРЧАСЦI
ТАВАРАЎ У МЭТАХ IХ IМПАРТАВАННЯ Ў АЎСТРЫЮ БЯСПОШЛIННА АБО ПА
ПАНIЖАНЫХ ТАРЫФАХ ПОШЛIНЫ*
_____________________________
*Уступiла ў сiлу 13 лiстапада 1992 г.
Артыкул 1
Урад Рэспублiкi Беларусь гэтым сведчыць, што
Гандлёва-прамысловая палата Рэспублiкi Беларусь упаўнаважана
выдаваць сертыфiкаты паходжання i рамесленай вытворчасцi тавараў у
мэтах iх iмпарту ў Аўстрыю бяспошлiнна або па панiжаных тарыфах
пошлiны.
Артыкул 2
(1) Пры ўмове адпаведнасцi палажэнням пункта 2, форма i змест
сертыфiкатаў паходжання i рамесленага вырабу тавараў павiнна
адпавядаць Форме А, якая выкарыстоўваецца Усеагульнай сiстэмай
iльготных пошлiн.
(2) Сертыфiкаты павiнны змяшчаць наступныя дадатковыя палажэннi
на англiйскай мове:
(а) Дадатковая дэкларацыя экспарцёра (у пункце 7 упамянутай
дэкларацыi):
"Усе вышэйназваныя тавары выраблены рамесленым спосабам".
(б) Пасведчанне упаўнаважнай установы, якая згадана вышэй у
артыкуле 1 (у пункце 4 упамянутнай Формы):
"На падставе праведзеных праверак гэтым сведчыцца, што тавары,
якiя ўказаны ў гэтым сертыфiкаце, з'яўляюцца рамесленай прадукцыяй у
адпаведнасцi з Пагадненнем памiж Рэспублiкай Аўстрыя i Рэспублiкай
Беларусь".
...................................................................
Месца i дата, подпiс i пячатка органа, якi засведчвае".
(3) Пад рамесленай прадукцыяй разумеюцца тавары, якiя выраблены
ў асноўным уручную або з выкарыстаннем станкоў, якiя прыводзяцца ў
рух рукамi або нагамi, або ручным iнструментам. Выкарыстанне
сыравiны, вырабленай машынным спосабам, у прынцыпе не пазбаўляе
рамесленыя тавары ад iльгот, якiя прадастаўляюцца аўстрыйскiм
заканадаўствам.
Артыкул 3
Урад Рэспублiкi Беларусь паведамляе ў Федэральнае мiнiстэрства
Рэспублiкi Аўстрыя аб кожным змяненнi ў адносiнах да службаў, якiя
ўпамянуты у Артыкуле 1.
Артыкул 4
Гандлёва-прамысловая палата Рэспублiкi Беларусь будзе аказваць
адмiнiстратыўную дапамогу аўстрыйскiм уладам па iх просьбе ва
ўстанаўленнi аўтэнтычнасцi i дакладнасцi сертыфiкатаў.
Артыкул 5
Гэта Пагадненне ўступае ў сiлу праз шэсць тыдняў пасля
падпiсання; яно заключаецца на двухгадовы перыяд. Яго дзеянне
аўтаматычна працягваецца на кожны наступны год, калi за шэсць
месяцаў да сканчэння тэрмiну нi адзiн з Дагаворных Бакоў не
паведамiць пiсьмова па дыпламатычных каналах другому Дагаворнаму
Боку аб сваiм намеры спынiць дзеянне Пагаднення.
Учынена ў Вене 2 кастрычнiка 1992 года ў трох экземплярах на
беларускай, нямецкай i англiйскай мовах, прычым усе тры тэксты маюць
аднолькавую сiлу. У выпадку рознагалосся пры тлумачэннi дадзенага
Пагаднення на англiйскай мове з'яўляецца рашаючым.
За Урад Рэспублiкi Беларусь ______________ подпiс
Федэральны Мiнiстр эканомiкi
Рэспублiкi Аўстрыя ______________ подпiс
За Федэральнага Мiнiстра фiнансаў
Рэспублiкi Аўстрыя ______________ подпiс
|
