ПАГАДНЕННЕ
АБ СУПРАЦОЎНIЦТВЕ Ў ГАЛIНЕ СТАТЫСТЫКI ПАМIЖ МIНIСТЭРСТВАМ
СТАТЫСТЫКI I АНАЛIЗУ РЭСПУБЛIКI БЕЛАРУСЬ I ФЕДЭРАЛЬНЫМ
СТАТЫСТЫЧНЫМ УПРАЎЛЕННЕМ ФЕДЭРАТЫЎНАЙ РЭСПУБЛIКI ГЕРМАНII*
_____________________________
*Уступiла ў сiлу 12 мая 1995 г.
Мiнiстэрства статыстыкi i аналiзу Рэспублiкi Беларусь i
Федэральнае статыстычнае ўпраўленне Федэратыўнай Рэспублiкi
Германii, надалей - Бакi,
грунтуючыся на палажэннях Дагавора памiж Федэратыўнай
Рэспублiкай Германiяй i Рэспублiкай Беларусь аб развiццi
шырокамаштабнага супрацоўнiцтва ў галiне эканомiкi, прамысловасцi,
навукi i тэхнiкi ад 2 красавiка 1993 года,
у мэтах зблiжэння метадаў збору i апрацоўкi статыстычнай
iнфармацыi, стварэння базы для мiжнародных супастаўленняў,
правядзення кансультацый, падрыхтоўкi статыстычных i аналiтычных
матэрыялаў, а таксама расшырэння тэхнiчнага супрацоўнiцтва ў галiне
метадалогii, падрыхтоўкi кадраў i аўтаматызаванай апрацоўкi даных,
пагадзiлiся ў наступным:
Артыкул 1
Узгаднiць канкрэтны ўклад Бакоў у адпаведнасцi з iх
магчымасцямi ў распрацоўку i ажыццяўленне праграмы супрацоўнiцтва ў
галiне статыстыкi. Узгадненне праграмы супрацоўнiцтва будзе
ажыццяўляцца кожныя два гады.
Артыкул 2
Федэральнае статыстычнае ўпраўленне Федэратыўнай Рэспублiкi
Германii акажа Мiнiстэрству статыстыкi i аналiзу Рэспублiкi Беларусь
дапамогу ў выкананнi задач, якiя вынiкаюць з Урадавай праграмы па
пераходу статыстыкi на мiжнародныя стандарты i метадалогiю, што
прынята ў прамыслова развiтых краiнах з рыначнай эканомiкай.
Мiнiстэрства статыстыкi i аналiзу Рэспублiкi Беларусь падрыхтуе
прапановы па прыярытэтных напрамках работы, што паслужаць асновай
праграмы супрацоўнiцтва, якая прадугледжвае правядзенне семiнараў,
абмен спецыялiстамi, арганiзацыю iх стажыроўкi i абмен вопытам у
галiне статыстычнай метадалогii. У мэтах рэалiзацыi гэтай праграмы
Мiнiстэрства статыстыкi i аналiзу Рэспублiкi Беларусь прадстаўляе ў
кожным выпадку неабходную колькасць кампетэнтных спецыялiстаў для
ўдзелу ў гэтых мерапрыемствах.
Артыкул 3
Мiнiстэрства статыстыкi i аналiзу Рэспублiкi Беларусь
абавязуецца даваць публiкуемыя статыстычныя матэрыялы i знакомiць з
ходам эканамiчнай рэформы Рэспублiцы Беларусь, а таксама праводзiць
кансультацыi па пытаннях, якiя знаходзяцца ў яго кампетэнцыi i
прадстаўляюць iнтарэс для Федэральнага статыстычнага ўпраўлення
Федэратыўнай Рэспублiкi Германii.
Артыкул 4
У выпадку правядзення намечаных мерапрыемстваў у Рэспублiцы
Беларусь Мiнiстэрства статыстыкi i аналiзу Рэспублiкi Беларусь
створыць неабходныя ўмовы для работы, у тым лiку прадаставiць
памяшканнi, тэхнiчныя сродкi, рабочыя матэрыялы, забяспечыць
неабходны пераклад i падтрымку на месцы.
Артыкул 5
Федэральнае статыстычнае ўпраўленне Федэратыўнай Рэспублiкi
Германii возьме на сябе вывучэнне магчымасцей рэалiзацыi ў
Федэратыўнай Рэспублiцы Германii прапаноў па супрацоўнiцтву ў галiне
статыстыкi i распачне работу па iх узгодненаму ажыццяўленню.
Артыкул 6
Федэральнае статыстычнае ўпраўленне федэратыўнай Рэспублiкi
Германii выдзелiць экспертаў для правядзення мерапрыемстваў у
Федэратыўнай Рэспублiцы Германii i ў Рэспублiцы Беларусь, а таксама
складзе план неабходнага фiнансавання мерапрыемстваў па тэхнiчнаму
супрацоўнiцтву. У прыватнасцi, да планавання i правядзення
мерапрыемстваў прыцягваецца статыстычнае ўпраўленне зямлi Паўночны
Рэйн-Вестфалiя Федэратыўнай Рэспублiкi Германii.
Пры правядзеннi мерапрыемстваў у Федэратыўнай Рэспублiцы
Германii нямецкi Бок забяспечыць тэхнiчныя ўмовы, прадаставiць
памяшканнi i iнфраструктуру, акажа падтрымку на месцы i забяспечыць
неабходны пераклад.
Артыкул 7
Федэральнае статыстычнае ўпраўленне Федэратыўнай Рэспублiкi
Германii акажа Мiнiстэрству статыстыкi i аналiзу Рэспублiкi Беларусь
неабходную дапамогу ў ажыццяўляемай iм рабоце па паляпшэнню моўнай
падрыхтоўкi работнiкаў Мiнiстэрства шляхам арганiзацыi ў
Федэратыўнай Рэспублiцы Германii спецыяльных курсаў па ўдасканаленню
ведання нямецкай мовы.
Артыкул 8
Дадзенае Пагадненне заключаецца на нявызначаны тэрмiн.
Дзеянне гэтага Пагаднення можа быць спынена па жаданню аднаго з
Бакоў шляхам накiравання пiсьмовага паведамлення другому Боку.
Пагадненне спынiць сваё дзеянне з даты атрымання такога
паведамлення.
Артыкул 9
Дадзенае Пагадненне ўступае ў сiлу з дня яго падпiсання.
Заключана ў горадзе Мiнску 12 мая 1995 года ў двух экзэмплярах,
кожны на беларускай i нямецкай мовах, прычым абодва тэксты маюць
аднолькавую сiлу.
За Мiнiстэрства статыстыкi За Федэральнае статыстычнае
i аналiзу Рэспублiкi Беларусь ўпраўленне Федэратыўнай
Подпiс Рэспублiкi Германii
Подпiс
|
