ПРАТАКОЛ
АБ СУПРАЦОЎНIЦТВЕ ПАМIЖ КАМIТЭТАМ ПА СПРАВАХ РЭЛIГIЙ
I НАЦЫЯНАЛЬНАСЦЕЙ ПРЫ САВЕЦЕ МIНIСТРАЎ РЭСПУБЛIКI БЕЛАРУСЬ
I ДЭПАРТАМЕНТАМ НАЦЫЯНАЛЬНЫХ МЕНШАСЦЕЙ I ЭМIГРАЦЫI
ПРЫ УРАДЗЕ ЛIТОЎСКАЙ РЭСПУБЛIКI НА 2003-2004 ГАДЫ *
_____________________________
* Уступiў у сiлу 16 верасня 2003 г.
Дадзены Пратакол аб супрацоўнiцтве памiж Камiтэтам па справах
рэлiгiй i нацыянальнасцей пры Савеце Мiнiстраў Рэспублiкi Беларусь i
Дэпартаментам нацыянальных меншасцей i эмiграцыi пры Урадзе
Лiтоўскай Рэспублiкi на 2003-2004 гады (далей - Пратакол)
падпiсваецца на аснове артыкула 2 Пагаднення аб супрацоўнiцтве памiж
Дзяржаўным камiтэтам па справах рэлiгiй i нацыянальнасцей Рэспублiкi
Беларусь i Дэпартаментам нацыянальных меншасцей i эмiграцыi пры
Урадзе Лiтоўскай Рэспублiкi (далей - Бакi) ад 28 верасня 1999 года
(далей - Пагадненне).
У мэтах рэалiзацыi Пагаднення ў IV квартале 2003-2004 гадах
Бакi:
1. Будуць аказваць садзеянне i дапамогу ў дзейнасцi аб'яднанняў
асоб, якiя названы ў частцы другой прэамбулы Пагаднення, у тым лiку
арганiзацыйную i фiнансавую.
2. Накiруюць адзiн аднаму тэксты нарматыўных актаў i
iнструктыўна-метадычных матэрыялаў па арганiзацыi работы дзяржаўных
органаў па развiццю сувязей з суайчыннiкамi, якiя пражываюць за
мяжой.
3. Будуць iнфармаваць адзiн аднаго аб навуковых i
навукова-практычных мерапрыемствах, што праводзяцца ў iх дзяржавах у
сферы нацыянальных адносiн i адносiн з суайчыннiкамi, якiя
пражываюць за мяжой, з мэтай аказання садзеяння ў забеспячэннi
ўдзелу ў даных мерапрыемствах спецыялiстаў другога Боку.
4. Накiруюць адзiн аднаму аналiтычныя матэрыялы аб стане
нацыянальных адносiн i аб рэалiзацыi праў асоб, якiя належаць да
нацыянальных меншасцей, у сваiх дзяржавах.
5. Да заканчэння тэрмiну дзеяння дадзенага Пратакола накiруюць
адзiн аднаму iнфармацыю аб становiшчы ў iх дзяржавах адзначаных у
частцы другой прэамбулы Пагаднення асоб, дзейнасцi ў 2003-2004 гадах
аб'яднанняў даных асоб i яе падтрымцы з боку органаў улады дзяржавы
пражывання.
6. Да заканчэння тэрмiну дзеяння дадзенага Пратакола вызначаць
пералiк праблем i пытанняў, што выклiкаюць узаемны iнтарэс, для
разгляду iх у 2005 годзе.
7. Дадзены Пратакол уступае ў сiлу з моманту падпiсання i
дзейнiчае да 31 снежня 2004 года.
Пратакол падпiсаны ў г.Мiнску 16 верасня 2003 года ў двух
экземплярах на беларускай i лiтоўскай мовах, пры гэтым усе тэксты
маюць аднолькавую сiлу.
За Камiтэт па справах За Дэпартамент нацыянальных
рэлiгiй i нацыянальнасцей меншасцей i эмiграцыi
пры Савеце Мiнiстраў пры Урадзе Лiтоўскай Рэспублiкi
Рэспублiкi Беларусь А.Пятраўскас
С.I.Буко
|
