ПОИСК ДОКУМЕНТОВ

"Пагадненне мiж Урадам Рэспублiкi Беларусь i Урадам Украiны аб пунктах пропуску"

Текст документа с изменениями и дополнениями по состоянию на ноябрь 2013 года

< Главная страница

Зарегистрировано в НРПА РБ 12 декабря 2001 г. N 3/247

--------------------------------

<*> Вступило в силу 17 декабря 1992 года.

Урад Рэспублiкi Беларусь i Урад Украiны, надалей Бакi,

кiруючыся неабходнасцю ўдасканалення арганiзацыi перасячэння гранiцы асобамi i транспартнымi сродкамi, перамяшчэння грузаў,

з мэтай стварэння спрыяльных умоў для развiцця пагранiчных зносiн памiж Рэспублiкай Беларусь i Украiнай,

пагадзiлiся ў наступным:

Артыкул 1

1. Перасячэнне гранiцы памiж Рэспублiкай Беларусь i Украiнай будзе адбывацца праз наступныя пункты пропуску:

1.1. Чыгуначныя пункты пропуску:

а) Хацiслаў - Забалоцце, грузавыя i пасажырскiя зносiны;

б) Гарынь - Удрыцк, грузавыя i пасажырскiя зносiны;

в) Славечна - Выступовiчы, грузавыя i пасажырскiя зносiны;

г) Церуха - Гарнастаеўка, грузавыя i пасажырскiя зносiны;

д) Церахоўка - Шчорс, грузавыя i пасажырскiя зносiны;

е) Iолча - Нiданчычы, грузавыя i пасажырскiя зносiны.

1.2. аўтадарожныя пункты пропуску:

а) Тамашоўка - Пулемец, грузавыя i пасажырскiя зносiны;

б) Макраны - Даманава, грузавыя i пасажырскiя зносiны;

в) Камарын - Славуцiч, грузавыя i пасажырскiя зносiны;

г) Новая Гута - Новыя Ярыловiчы, грузавыя i пасажырскiя зносiны;

д) Весялоўка - Сянькоўка, грузавыя i пасажырскiя зносiны;

е) Верхнi Церабежаў - Гарадзiшча, грузавыя i пасажырскiя зносiны;

ж) Новая Рудня - Выступовiчы, грузавыя i пасажырскiя зносiны;

з) Махро - Дольск, грузавыя i пасажырскiя зносiны.

2. Пункты пропуску, зазначаныя ў артыкуле 1, будуць адкрытыя кругласутачна для асоб, транспартных сродкаў i перамяшчэння грузаў незалежна ад грамадзянства цi дзяржаўнай прыналежнасцi.

3. На аўтадарожных пунктах пропуску перасячэння гранiцы асобамi можа ажыццяўляцца з прымяненнем транспартных сродкаў цi пешшу.

Артыкул 2

Для перамяшчэння грамадзян, транспартных сродкаў i перавозкi грузаў Рэспублiкi Беларусь i Украiны будуць адкрыты аўтадарожныя пункты пропуску:

а) Олтуш - Пiша;

б) Исключен. - Протокол от 12.03.1999.

б) Невель - Прыкладнiкi;

в) Дзiвiн - Самары.

г) Исключен. - Протокол от 12.03.1999.

Артыкул 3

1. Для перамяшчэння грамадзян, транспартных сродкаў i перавозкi грузаў Рэспублiкi Беларусь i Украiны будуць адкрыты на ўчастку радёактыўнага забруджання гранiцы аўтадарожныя пункты пропуску:

а) Глушкавiчы - Майдан Капiшанскi;

б) Исключен. - Протокол от 12.03.1999.

б) Аляксандроўка - Вiльча.

2. Парадак перамяшчэння транспартных сродкаў, асоб, грузаў праз тэрыторыю радыёактыўнага забруджання на гэтым участку гранiцы вызначаецца адпаведнымi органамi Бакоў.

3. Тэрмiны адкрыцця пунктаў пропуску, пералiчаных у артыкулах 1, 2, 3, Бакi вызначаюць праз абмен дыпламатычнымi нотамi.

Артыкул 4

1. Перад датай адкрыцця пунктаў пропуску, пра якiя гаворыцца ў артыкулах 1, 2, 3 гэтага Пагаднення, кожны Бок рыхтуе на тэрыторыi сваёй дзяржавы адпаведную iнфраструктуру.

2. Пры распрацоўцы i рэалiзацыi праектаў для пунктаў пропуску адпаведныя органы Бакоў будуць прадугледжваць магчымасць адаптацыi iнфраструктуры дзеля стварэння ўмоў для ажыццяўлення сумеснага пагранiчнага, мытнага i iншага кантролю ў адным пункце пропуску.

Артыкул 5

Адпаведныя органы Бакоў прымуць неабходныя рашэннi, каб наладзiць пагранiчны рух i адкрыць пункты пропуску для мiжнароднага руху. Пры рэалiзацыi гэтых рашэнняў яны будуць прытрымлiвацца прынцыпаў, якiя змяшчаюцца ў артыкуле 4 гэтага Пагаднення.

Артыкул 6

Вызначэнне новых, адкрыццё, закрыццё цi абмежаванне руху на пунктах пропуску будзе ажыццяўляцца на падставе дамоўленасцi памiж Бакамi шляхам абмену дыпламатычнымi нотамi.

Артыкул 7

Спыненне цi абмежаванне руху на асобных пунктах пропуску можа адбыцца пры сур'ёзным пагаршэннi санiтарнага становiшча, грамадскай небяспецы цi ў выпадку стыхiйных бедстваў.

Бок, якi мае намер спынiць цi абмежаваць пагранiчны рух, паведамляе пра гэта другому Боку не пазней чым за 5 дзён перад плануемым закрыццём пункта пропуску цi абмежаваннем руху.

Артыкул 8

Кiраўнiкi пагранiчных службаў Рэспублiкi Беларусь i Украiны па дамоўленасцi i ўзгадненнi з мытнымi органамi могуць у асобных выпадках дазволiць перасячэнне гранiцы:

1. На пункце пропуску, дзе не прадугледжаны гэты вiд руху.

2. За межамi дзеючага пункту пропуску.

Артыкул 9

1. Пытаннi, якiя звязаны з выкананнем гэтага Пагаднення, будуць вырашацца шляхам правядзення кансультацый i перегавораў памiж адпаведнымi органамi Бакоў.

2. Бакi на падставе ўзаемнай згоды могуць уносiць у Пагадненне змяненнi i дапаўненнi.

Артыкул 10

1. Гэтае Пагадненне набывае сiлу з моманту падпiсання.

2. Гэтае Пагадненне падпiсана на няпэўны тэрмiн. Яно можа быць дэнансавана кожным Бокам шляхам пiсьмовага паведамлення другога Боку. У гэтым выпадку яно страцiць сiлу пасля сканчэння тэрмiну ў 12 месяцаў з дня паведамлення аб дэнансацыi.

Адбылося ў г.Кiеве 17 снежня 1992 г. у двух экземплярах, кожны на беларускай i ўкраiнскай мовах, пры гэтым усе тэксты маюць аднолькавую сiлу.

За Урад Рэспублiкi Беларусь ______________ подпiс

За Урад Украiны ______________ подпiс

Archive documents Папярэдні | Наступны