ПОИСК ДОКУМЕНТОВ

"Пагадненне памiж Урадам Рэспублiкi Беларусь i Урадам Турэцкай Рэспублiкi аб супрацоўнiцтве ў галiне турызму"

Текст документа с изменениями и дополнениями по состоянию на ноябрь 2013 года

< Главная страница

Зарегистрировано в НРПА РБ 8 июня 2005 г. N 3/1781

--------------------------------

<*> Вступило в силу 11 января 1997 года.

Урад Рэспублiкi Беларусь i Урад Турэцкай Рэспублiкi, якiя надалей называюцца Бакамi,

прымаючы да ўвагi iснуючыя сяброўскiя адносiны памiж iх краiнамi,

адзначаючы значнасць турызму як фактару эканамiчнага развiцця, так i сродку для далейшага развiцця сувязей памiж iх народамi,

прымаючы пад увагу рэкамендацыi Мiжнароднай канферэнцыi Арганiзацыi Аб'яднаных Нацый па турызму i падарожжах, якая адбылася ў Рыме ў 1963 годзе i Хельсiнскага Заключнага Акта Нарады па бяспецы i супрацоўнiцтву ў Еўропе,

дамовiлiся аб нiжэйпададзеным:

Артыкул 1

Бакi ў мэтах развiцця адносiн у галiне турызму, заахвочвання супрацоўнiцтва ў сферы турызму i прыцягнення турыстаў з трэцiх краiн садзейнiчаць i заахвочваць дзейнасць турысцкiх арганiзацый дзяржаўнага i прыватнага сектараў у абедзвюх краiнах.

Артыкул 2

Бакi будуць заахвочваць неабходныя кантакты памiж установамi i арганiзацыямi, якiя займаюцца турызмам, у абедзвюх краiнах у мэтах стварэння сумесных прадпрыемстваў i iнфраструктур у галiне турызму, а таксама садзейнiчаць развiццю дзейнасцi i абменам у гэтай галiне.

Артыкул 3

Бакi будуць аказваць садзейнiчанне зацiкаўленым турысцкiм арганiзацыям у галiне стварэння iнфраструктуры турызму, дагаворных паслуг, сумесных прадпрыемстваў i iнвестыцый, а таксама ўдасканальваннi турысцкага сектара ўвогуле.

Артыкул 4

Бакi будуць заахвочваць абмен экспертамi i кансультантамi ў галiне турызму, ажыццяўляць абмен вопытам i ведамi ва ўсiх сферах турызму, а таксама вывучаць прапановы, якiя датычацца ўзаемнага прадастаўлення стыпендый, арганiзацыi семiнараў i стажыровак для персаналу, якi заняты ў галiне турызму.

Артыкул 5

Бакi будуць садзейнiчаць узаемнаму абмену друкаванымi рэкламнымi матэрыяламi ў галiне турызму. Парадак iх увозу вызначаецца заканадаўствам краiн абодвух Бакоў.

Артыкул 6

Бакi могуць адкрываць Нацыянальныя iнфармацыйныя цэнтры (Прадстаўнiцтвы) дзяржаўных турысцкiх органаў.

Артыкул 7

Бакi будуць iмкнуцца да спрашчэння адпаведных пагранiчных фармальнасцей для прыцягнення патоку турыстаў памiж дзвюма краiнамi.

Артыкул 8

Бакi ў мэтах:

а) рэалiзацыi гэтага Пагаднення,

б) вывучэння пытанняў, якiя патрабуюць сумеснага вырашэння,

в) ацэнкi змяненняў, якiя звязаны з рэалiзацыяй гэтага супрацоўнiцтва,

дамовiлiся стварыць Змешаную камiсiю, якая складаецца з прадстаўнiкоў упаўнаважаных турысцкiх устаноў абедзвюх краiн, што назначаюцца Бакамi.

Бакi захоўваюць права запрасiць прадстаўнiкоў i экспертаў грамадскага i прыватнага сектараў прысутнiчаць на пасяджэннях Змешанай камiсii.

Пасяджэннi Змешанай камiсii будуць склiкацца кожныя два гады па чарзе ў кожнай з краiн.

Пасяджэннi Змешанай камiсii будуць праходзiць пад старшынствам кiраўнiка дэлегацыi прымаючага Боку.

Рашэннi, якiя прыняты Змешанай камiсiяй, будуць выносiцца абодвума Бакамi для адабрэння i выканання.

Артыкул 9

Гэта Пагадненне ўступае ў сiлу з даты апошняга паведамлення аб выкананнi неабходных працэдур у адпаведнасцi з заканадаўствам дзяржаў.

Гэта Пагадненне будзе заставацца ў сiле на працягу пяцi гадоў, аўтаматычна прадаўжацца на наступныя пяцiгадовыя перыяды, калi нi адзiн з Бакоў пiсьмова не паведамiць другому Боку за шэсць месяцаў да сканчэння адпаведнага перыяду аб сваiм намеры спынiць яго дзеянне.

Здзейснена ў Анкары 24 лiпеня 1996 года на беларускай, турэцкай i англiйскай мовах, прычым усе тэксты з'яўляюцца аднолькава аўтэнтычнымi. У выпадку разыходжанняў у тлумачэннi перавагу мае тэкст на англiйскай мове.

За Урад Рэспублiкi Беларусь М.МАРЫНIЧ

Архив документов Папярэдні | Наступны