ПОИСК ДОКУМЕНТОВ

Постановления СМ РБ

Постановления других органов Республики Беларусь

Постановление Совета Министров Республики Беларусь от 15.06.2006 № 762 "Аб некаторых пытаннях аховы гiсторыка-культурнай спадчыны"

Текст документа с изменениями и дополнениями по состоянию на ноябрь 2013 года

< Главная страница

Зарегистрировано в НРПА РБ 23 июня 2006 г. N 5/22474

У адпаведнасцi з Законам Рэспублiкi Беларусь ад 9 студзеня 2006 года "Аб ахове гiсторыка-культурнай спадчыны Рэспублiкi Беларусь" Савет Мiнiстраў Рэспублiкi Беларусь ПАСТАНАЎЛЯЕ:

1. Зацвердзiць прыкладзеныя:

Палажэнне аб парадку вядзення Дзяржаўнага спiса гiсторыка-культурных каштоўнасцей Рэспублiкi Беларусь;

Палажэнне аб парадку фармiравання Банка звестак аб гiсторыка-культурнай спадчыне Рэспублiкi Беларусь i парадку азнаямлення з iнфармацыяй, якая змяшчаецца ў iм;

Палажэнне аб парадку выдачы дазволу на выкананне работ на матэрыяльных гiсторыка-культурных каштоўнасцях i (або) у зонах аховы нерухомых матэрыяльных гiсторыка-культурных каштоўнасцей;

Палажэнне аб парадку выдачы пасведчанняў на кiраўнiцтва распрацоўкай навукова-праектнай дакументацыi на выкананне рэстаўрацыйна-аднаўленчых работ на матэрыяльных гiсторыка-культурных каштоўнасцях i (або) у зонах аховы нерухомых матэрыяльных гiсторыка-культурных каштоўнасцей;

Палажэнне аб Беларускай рэспублiканскай навукова-метадычнай радзе па пытаннях гiсторыка-культурнай спадчыны пры Мiнiстэрстве культуры;

склад Беларускай рэспублiканскай навукова-метадычнай рады па пытаннях гiсторыка-культурнай спадчыны пры Мiнiстэрстве культуры.

2. Унесцi ў Палажэнне аб ахове археалагiчных аб'ектаў пры правядзеннi земляных i будаўнiчых работ, зацверджанае пастановай Савета Мiнiстраў Рэспублiкi Беларусь ад 22 мая 2002 г. N 651 (Национальный реестр правовых актов Республики Беларусь, 2002 г., N 59, 5/10482), наступныя змяненнi i дапаўненнi:

2.1. пункт 2 дапоўнiць абзацам сёмым наступнага зместу:

"дазвол дзяржаўнай навуковай установы "Iнстытут гiсторыi Нацыянальнай акадэмii навук Беларусi" - дакумент, якi выдаецца дзяржаўнай навуковай установай "Iнстытут гiсторыi Нацыянальнай акадэмii навук Беларусi" ва ўстаноўленым парадку i з'яўляецца пацвярджэннем прадастаўленага Нацыянальнай акадэмiяй навук Беларусi выканаўцам права на правядзенне археалагiчных даследаванняў.";

2.2. у пункце 3:

у частцы першай словы "Законам Рэспублiкi Беларусь "Аб ахове гiсторыка-культурнай спадчыны" (Ведамасцi Вярхоўнага Савета Рэспублiкi Беларусь, 1992 г., N 30, арт. 504)" замянiць словамi "Законам Рэспублiкi Беларусь ад 9 студзеня 2006 года "Аб ахове гiсторыка-культурнай спадчыны Рэспублiкi Беларусь" (Национальный реестр правовых актов Республики Беларусь, 2006 г., N 9, 2/1195)";

частку другую выкласцi ў наступнай рэдакцыi:

"Характар дзейнасцi ў дачыненнi да археалагiчных аб'ектаў, якiя не з'яўляюцца матэрыяльнымi гiсторыка-культурнымi каштоўнасцямi, вызначаецца Мiнiстэрствам культуры на падставе заключэння дзяржаўнай навуковай установы "Iнстытут гiсторыi Нацыянальнай акадэмii навук Беларусi". Правядзенне земляных i будаўнiчых работ на тэрыторыi археалагiчнага аб'екта ажыццяўляецца па ўзгадненню з Мiнiстэрствам культуры.";

2.3. у пунктах 5 i 6 словы "дзяржаўным органам аховы гiсторыка-культурнай спадчыны" замянiць словамi "Мiнiстэрствам культуры";

2.4. частку другую пункта 7 выкласцi ў наступнай рэдакцыi:

"Меры па ахове археалагiчных аб'ектаў у зоне земляных i будаўнiчых работ распрацоўваюцца арганiзацыямi, якiм выдадзены дазвол дзяржаўнай навуковай установы "Iнстытут гiсторыi Нацыянальнай акадэмii навук Беларусi" ў адпаведнасцi з дагаворамi, заключанымi дзяржаўнай навуковай установай "Iнстытут гiсторыi Нацыянальнай акадэмii навук Беларусi" з юрыдычнымi, фiзiчнымi асобамi, якiя вядуць праектаванне ў названых зонах.";

2.5. з пункта 8 словы "i распрацоўка" выключыць;

2.6. пункт 10 выкласцi ў наступнай рэдакцыi:

"10. Мiнiстэрства культуры, а таксама археолагi, квалiфiкацыя якiх пацверджана пасведчаннем на права выканання навукова-даследчых работ на гiсторыка-культурных каштоўнасцях i кiраўнiцтва распрацоўкай навукова-праектнай дакументацыi на выкананне рэстаўрацыйна-аднаўленчых работ на гiсторыка-культурных каштоўнасцях, маюць права сваiм рашэннем прыпынiць земляныя i будаўнiчыя работы ў выпадку з'яўлення пагрозы пашкоджання цi знiшчэння археалагiчнага аб'екта.";

2.7. пункт 11 выкласцi ў наступнай рэдакцыi:

"11. Юрыдычныя i фiзiчныя асобы ў выпадку выяўлення археалагiчных аб'ектаў пры правядзеннi земляных i будаўнiчых работ павiнны паведамiць аб гэтым Мiнiстэрству культуры i прыпынiць далейшае вядзенне работ.

На падставе звароту Мiнiстэрства культуры дзяржаўная навуковая ўстанова "Iнстытут гiсторыi Нацыянальнай акадэмii навук Беларусi" дае заключэнне аб навуковай вартасцi выяўленага аб'екта i прапануе меры па яго ахове.";

2.8. частку другую пункта 12 выкласцi ў наступнай рэдакцыi:

"Iнфармацыя аб размяшчэннi археалагiчных аб'ектаў, якая атрымана ў ходзе правядзення земляных i будаўнiчых работ, прадстаўляецца навуковымi арганiзацыямi археалагiчнага профiлю, выканаўцам якiх прадастаўлена права на правядзенне археалагiчных даследаванняў. Дадзеная iнфармацыя ўключае ў сябе iлюстраваныя i тэкставыя матэрыялы, якiя распрацоўваюцца на аснове сучасных картаграфiчных матэрыялаў, узгадняюцца дзяржаўнай навуковай установай "Iнстытут гiсторыi Нацыянальнай акадэмii навук Беларусi" i Мiнiстэрствам культуры, пасля чаго зацвярджаюцца дзяржаўнымi органамi землекарыстання.";

2.9. пункт 13 дапоўнiць словамi ", якая пацверджана пасведчаннем на права выканання навукова-даследчых работ на гiсторыка-культурных каштоўнасцях i кiраўнiцтва распрацоўкай навукова-праектнай дакументацыi на выкананне рэстаўрацыйна-аднаўленчых работ на гiсторыка-культурных каштоўнасцях";

2.10. у пункце 14 словы ", выдадзенага Нацыянальнай акадэмiяй навук Беларусi" замянiць словамi "Мiнiстэрства культуры".

3. Мiнiстэрству культуры да 31 снежня 2006 г. унесцi ў Савет Мiнiстраў Рэспублiкi Беларусь прапанову аб пацвярджэннi статусу гiсторыка-культурных каштоўнасцей, уключаных у Дзяржаўны спiс гiсторыка-культурных каштоўнасцей Рэспублiкi Беларусь да дня ўступлення ў дзеянне Закона Рэспублiкi Беларусь ад 9 студзеня 2006 года "Аб ахове гiсторыка-культурнай спадчыны Рэспублiкi Беларусь".

4. Прызнаць страцiўшымi сiлу:

пастанову Савета Мiнiстраў Рэспублiкi Беларусь ад 16 кастрычнiка 1998 г. N 1590 "Аб Беларускай рэспублiканскай навукова-метадычнай радзе па пытаннях гiсторыка-культурнай спадчыны пры Мiнiстэрстве культуры" (Собрание декретов, указов Президента и постановлений Правительства Республики Беларусь, 1998 г., N 29, арт. 758);

пастанову Савета Мiнiстраў Рэспублiкi Беларусь ад 25 верасня 2002 г. N 1314 "Аб унясеннi змяненняў i дапаўненняў у пастанову Савета Мiнiстраў Рэспублiкi Беларусь ад 16 кастрычнiка 1998 г. N 1590" (Национальный реестр правовых актов Республики Беларусь, 2002 г., N 111, 5/11189);

пастанову Савета Мiнiстраў Рэспублiкi Беларусь ад 25 лiстапада 2004 г. N 1497 "Аб унясеннi змяненняў у пастанову Савета Мiнiстраў Рэспублiкi Беларусь ад 16 кастрычнiка 1998 г. N 1590" (Национальный реестр правовых актов Республики Беларусь, 2004 г., N 190, 5/15225).

5. Дадзеная пастанова ўступае ў сiлу з 24 лiпеня 2006 г.

Прэм'ер-мiнiстр Рэспублiкi Беларусь С.Сiдорскi

                                                 ЗАЦВЕРДЖАНА
                                                 Пастанова
                                                 Савета Мiнiстраў
                                                 Рэспублiкi Беларусь
                                                 15.06.2006 N 762

Глава 1 АГУЛЬНЫЯ ПАЛАЖЭННI

1. Дадзенае Палажэнне распрацавана ў адпаведнасцi з Законам Рэспублiкi Беларусь ад 9 студзеня 2006 года "Аб ахове гiсторыка-культурнай спадчыны Рэспублiкi Беларусь" (Национальный реестр правовых актов Республики Беларусь, 2006 г., N 9, 2/1195) (далей - Закон) i ўстанаўлiвае парадак вядзення Дзяржаўнага спiса гiсторыка-культурных каштоўнасцей Рэспублiкi Беларусь (далей - Дзяржаўны спiс) у мэтах забеспячэння захавання звестак аб гiсторыка-культурных каштоўнасцях.

2. Дзяржаўны спiс рэгiструецца ў Дзяржаўным рэгiстры iнфармацыйных рэсурсаў.

3. Вядзенне Дзяржаўнага спiса ажыццяўляецца Мiнiстэрствам культуры.

4. Вядзенне Дзяржаўнага спiса ўключае:

разгляд прапаноў аб наданнi матэрыяльнаму аб'екту i (або) нематэрыяльным праяўленням творчасцi чалавека статуса гiсторыка-культурнай каштоўнасцi Беларускай рэспублiканскай навукова-метадычнай радай па пытаннях гiсторыка-культурнай спадчыны пры Мiнiстэрстве культуры (далей - Навукова-метадычная рада);

падрыхтоўку праектаў пастаноў Савета Мiнiстраў Рэспублiкi Беларусь аб наданнi матэрыяльнаму аб'екту i (або) нематэрыяльным праяўленням творчасцi чалавека статусу гiсторыка-культурнай каштоўнасцi i катэгорыi гiсторыка-культурнай каштоўнасцi;

унясенне аб'ектаў, якiм нададзены статус гiсторыка-культурнай каштоўнасцi, ў Дзяржаўны спiс;

падрыхтоўку праектаў пастаноў Савета Мiнiстраў Рэспублiкi Беларусь аб пазбаўленнi статусу гiсторыка-культурнай каштоўнасцi i пры неабходнасцi аб змяненнi катэгорыi гiсторыка-культурнай каштоўнасцi;

выключэнне аб'ектаў, якiя пазбаўлены статусу гiсторыка-культурных каштоўнасцей, з Дзяржаўнага спiса.

5. Дзяржаўны спiс з'яўляецца асноўным дакументам дзяржаўнага ўлiку гiсторыка-культурных каштоўнасцей Рэспублiкi Беларусь.

Глава 2 СКЛАД ДЗЯРЖАЎНАГА СПIСА

6. Дзяржаўны спiс змяшчае наступныя раздзелы:

6.1. гiсторыка-культурныя каштоўнасцi, якiя знаходзяцца на тэрыторыi Рэспублiкi Беларусь. У гэты раздзел уносяцца звесткi аб матэрыяльных i нематэрыяльных гiсторыка-культурных каштоўнасцях, якiя знаходзяцца на тэрыторыi Рэспублiкi Беларусь (незалежна ад iх паходжання);

6.2. гiсторыка-культурныя каштоўнасцi, якiя згодна з заканадаўствам знаходзяцца за межамi Рэспублiкi Беларусь. У гэты раздзел уносяцца звесткi аб матэрыяльных i нематэрыяльных гiсторыка-культурных каштоўнасцях, якiя пры дакументальна пацверджаным беларускiм паходжаннi апынулiся за межамi Рэспублiкi Беларусь у парадку, што адпавядае нормам мiжнароднага права, а таксама звесткi аб увасобленых нематэрыяльных гiсторыка-культурных каштоўнасцях, носьбiты якiх пры бясспрэчным (у тым лiку прызнаным iмi самiмi) беларускiм паходжаннi (нацыянальнасцi) не маюць грамадзянства Рэспублiкi Беларусь;

6.3. гiсторыка-культурныя каштоўнасцi, якiя незаконна знаходзяцца за межамi Рэспублiкi Беларусь. У гэты раздзел уносяцца звесткi аб матэрыяльных i нематэрыяльных гiсторыка-культурных каштоўнасцях, якiя ў парушэнне норм мiжнароднага права пры дакументальна пацверджаным беларускiм паходжаннi апынулiся за межамi Рэспублiкi Беларусь;

6.4. гiсторыка-культурныя каштоўнасцi, якiя знiклi цi страчаны пры нявысветленых абставiнах. У гэты раздзел уносяцца звесткi аб матэрыяльных i нематэрыяльных гiсторыка-культурных каштоўнасцях, наяўнасць якiх дакументальна засведчана, пры ўмове адсутнасцi бясспрэчных дакументальных звестак аб знiшчэннi гэтых гiсторыка-культурных каштоўнасцей;

6.5. гiсторыка-культурныя каштоўнасцi, якiя знаходзяцца пад пагрозай знiшчэння, страты цi знiкнення. У гэты раздзел уносяцца звесткi аб матэрыяльных i нематэрыяльных гiсторыка-культурных каштоўнасцях, якiя знаходзяцца пад пагрозай знiшчэння, страты цi знiкнення, з указаннем прычын, што выклiкаюць пагрозу, i мер, неабходных для захавання гэтых гiсторыка-культурных каштоўнасцей.

7. Пры ўключэннi комплекснай гiсторыка-культурнай каштоўнасцi ў Дзяржаўны спiс у гэты спiс уключаецца таксама кожны з яе матэрыяльных аб'ектаў або нематэрыяльных праяўленняў творчасцi чалавека, якi ўваходзiць у склад комплекснай гiсторыка-культурнай каштоўнасцi i па сваiх адметных духоўных, мастацкiх i (або) дакументальных вартасцях можа лiчыцца асобнай гiсторыка-культурнай каштоўнасцю.

8. Кожны раздзел Дзяржаўнага спiса складаецца са звестак аб уключаных у дадзены спiс гiсторыка-культурных каштоўнасцях, якiя змяшчаюцца ў наступных графах:

шыфр;

назва;

датаванне;

месцазнаходжанне;

катэгорыя;

дата i нумар пратакола пасяджэння Навукова-метадычнай рады;

дата i нумар пастановы Савета Мiнiстраў Рэспублiкi Беларусь;

8.1. шыфр гiсторыка-культурнай каштоўнасцi складаецца з дзесяцi знакаў па наступнай схеме:

x x x x xxxxxx

8.1.1. першы знак у шыфры дае спасылку на месца, дзе пастаянна знаходзiцца гiсторыка-культурная каштоўнасць, па наступнай нумарацыi:

1 - Брэсцкая вобласць;

2 - Вiцебская вобласць;

3 - Гомельская вобласць;

4 - Гродзенская вобласць;

5 - Магiлёўская вобласць;

6 - Мiнская вобласць;

7 - г.Мiнск;

8 - па-за межамi Рэспублiкi Беларусь;

8.1.2. другi знак у шыфры адпавядае вiду гiсторыка-культурнай каштоўнасцi згодна з артыкулам 12 Закона:

1 - матэрыяльныя нерухомыя гiсторыка-культурныя каштоўнасцi;

2 - матэрыяльныя рухомыя гiсторыка-культурныя каштоўнасцi;

3 - нематэрыяльныя гiсторыка-культурныя каштоўнасцi;

8.1.3. трэцi знак у шыфры - катэгорыя гiсторыка-культурнай каштоўнасцi;

8.1.4. чацвёрты знак у шыфры прадстаўляе звесткi аб гiсторыка-культурнай каштоўнасцi ў адпаведнасцi з яе характарыстыкамi, вызначанымi ў артыкулах 13 - 15, а таксама артыкуле 1 Закона:

А - дакументальныя помнiкi;

Б - запаведныя мясцiны;

В - помнiкi археалогii;

Г - помнiкi архiтэктуры;

Д - помнiкi гiсторыi;

Е - помнiкi горадабудаўнiцтва;

Ж - помнiкi мастацтва;

М - калекцыя;

Н - камплект;

8.1.5. шэсць апошнiх знакаў - нумар гiсторыка-культурнай каштоўнасцi па парадку ўключэння ў Дзяржаўны спiс. Пры гэтым замест лiчбаў нумара, якiя адсутнiчаюць, прастаўляюцца нулi;

8.2. назва гiсторыка-культурнай каштоўнасцi прымаецца Навукова-метадычнай радай на падставе прадстаўленых гiстарычных звестак;

8.3. датаванне гiсторыка-культурнай каштоўнасцi - гэта звесткi аб даце стварэння i (або) найбольш адметных перапрацоўках, якiя вызначаюцца на падставе прадстаўленых гiстарычных звестак;

8.4. месцазнаходжанне - сучасны адрас, па якiм размешчана гiсторыка-культурная каштоўнасць, або для рухомых гiсторыка-культурных каштоўнасцей - месца iх пастаяннага знаходжання ў адпаведнасцi з адрасам уласнiка (уладальнiка).

У выпадках змены адраса (назвы вулiцы, населенага пункта або iншае) гiсторыка-культурнай каштоўнасцi ў Дзяржаўны спiс уносяцца неабходныя змены ў парадку, вызначаным дадзеным Палажэннем;

8.5. катэгорыя гiсторыка-культурнай каштоўнасцi надаецца Саветам Мiнiстраў Рэспублiкi Беларусь на падставе рашэння Навукова-метадычнай рады ў адпаведнасцi са звесткамi аб асаблiвасцях, адметных духоўных, мастацкiх i (або) дакументальных вартасцях i адпаведна iх значнасцi, вызначанай у артыкуле 16 Закона;

8.6. у графе "Дата i нумар пратакола пасяджэння Навукова-метадычнай рады" змяшчаюцца звесткi аб Навукова-метадычнай радзе, на якой разглядалiся прапановы па наданню статусу гiсторыка-культурнай каштоўнасцi, прадстаўленыя зацiкаўленымi ў парадку, вызначаным дадзеным Палажэннем;

8.7. у графе "Дата i нумар пастановы Савета Мiнiстраў Рэспублiкi Беларусь" змяшчаюцца рэквiзiты нарматыўнага прававога акта, якiм прынята рашэнне аб наданнi статусу гiсторыка-культурнай каштоўнасцi матэрыяльнаму аб'екту або нематэрыяльнаму праяўленню творчасцi чалавека.

Глава 3 ПАРАДАК УНЯСЕННЯ ПРАПАНОЎ АБ НАДАННI СТАТУСУ ГIСТОРЫКА-КУЛЬТУРНАЙ КАШТОЎНАСЦI

9. Прапанова аб наданнi матэрыяльнаму аб'екту або нематэрыяльнаму праяўленню творчасцi чалавека статусу гiсторыка-культурнай каштоўнасцi ўносiцца ў Мiнiстэрства культуры любой юрыдычнай цi фiзiчнай асобай у пiсьмовай форме з абавязковым яе абгрунтаваннем, за выключэннем выпадку, прадугледжанага пунктам 3 артыкула 19 Закона.

Абгрунтаванне павiнна ўключаць:

звесткi аб месцазнаходжаннi матэрыяльнага аб'екта або нематэрыяльнага праяўлення творчасцi чалавека, якому прапануецца надаць статус гiсторыка-культурнай каштоўнасцi (далей - аб'ект);

апiсанне i мастацкую ацэнку аб'екта для вызначэння крытэрыяў надання статусу гiсторыка-культурнай каштоўнасцi;

гiстарычныя звесткi аб характары, аблiччы, яго ўплыве на развiццё рэгiёна або рэспублiкi, звесткi аб аўтары або прыналежнасцi знакамiтай выдатнай асобе, аб перыядзе стварэння гэтага аб'екта, яго ўладальнiках i iншае;

выкапiроўку з генеральнага плана з прывязкай аб'екта да мясцовасцi (для матэрыяльных нерухомых аб'ектаў);

фотаздымкi 10 x 15 см у колькасцi, якая дае найбольш поўнае ўяўленне аб аб'екце;

звесткi аб уласнiку (уладальнiку) матэрыяльнага аб'екта (назва арганiзацыi i яе юрыдычны адрас або прозвiшча, iмя, iмя па бацьку фiзiчнай асобы i яе адрас прапiскi) або носьбiце нематэрыяльнага праяўлення творчасцi чалавека.

10. Пасля атрымання прапановы аб наданнi матэрыяльнаму аб'екту або нематэрыяльнаму праяўленню творчасцi чалавека статусу гiсторыка-культурнай каштоўнасцi Мiнiстэрства культуры накiроўвае ўласнiку (уладальнiку) аб'екта, а таксама ў мясцовы выканаўчы i распарадчы орган iнфармацыю аб разглядзе гэтай прапановы на пасяджэннi Навукова-метадычнай рады.

11. Квалiфiкаваны разгляд на пасяджэннi Навукова-метадычнай рады прапановы, якая паступiла ў Мiнiстэрства культуры ў парадку, вызначаным дадзеным Палажэннем, ажыццяўляецца ў тэрмiн, якi не перавышае 30 дзён.

Па вынiках разгляду Навукова-метадычная рада прымае рашэнне аб адпаведнасцi разглядаемага аб'екта крытэрыям, вызначаным у артыкуле 20 Закона, i аб унясеннi прапановы ў Савет Мiнiстраў Рэспублiкi Беларусь аб неабходнасцi надання яму статусу гiсторыка-культурнай каштоўнасцi.

У выпадку адсутнасцi магчымасцi надання прапанаванаму аб'екту статусу гiсторыка-культурнай каштоўнасцi Навукова-метадычная рада прымае рашэнне з абгрунтаваннем прычын адмовы.

12. Паведамленне аб прынятым Навукова-метадычнай радай рашэннi накiроўваецца заяўнiку, уласнiку (уладальнiку), носьбiту, у мясцовы выканаўчы i распарадчы орган у тэрмiн, якi не перавышае 10 дзён з дня яго прыняцця.

13. Пазбаўленне статусу гiсторыка-культурнай каштоўнасцi матэрыяльных аб'ектаў i нематэрыяльных праяўленняў творчасцi чалавека ажыццяўляецца Саветам Мiнiстраў Рэспублiкi Беларусь у выпадку страты iмi iх адметных духоўных, мастацкiх i (або) дакументальных вартасцей, якiя абумовiлi наданне iм статусу гiсторыка-культурнай каштоўнасцi, а таксама ў выпадку iх знiшчэння, страты цi знiкнення ў вынiку ўздзеяння прыродных фактараў або iншых сiтуацый пры немагчымасцi iх аднаўлення. Заключэнне аб немагчымасцi навукова абгрунтаванага аднаўлення гэтых гiсторыка-культурных каштоўнасцей даецца Навукова-метадычнай радай.

Пры неабходнасцi вырашэння выключных дзяржаўных задач помнiкi археалогii пасля iх поўнага вывучэння могуць быць пазбаўлены статусу гiсторыка-культурнай каштоўнасцi Саветам Мiнiстраў Рэспублiкi Беларусь. Заключэнне аб поўным вывучэннi помнiкаў археалогii даецца Навукова-метадычнай радай.

14. Праект пастановы Савета Мiнiстраў Рэспублiкi Беларусь аб наданнi статусу гiсторыка-культурнай каштоўнасцi, наданнi катэгорыi гiсторыка-культурнай каштоўнасцi прапанаванаму аб'екту або пазбаўленнi яго такога статусу цi змяненнi пры неабходнасцi катэгорыi гiсторыка-культурнай каштоўнасцi рыхтуецца Мiнiстэрствам культуры пры неабходнасцi, але не радзей аднаго разу ў год.

15. Матэрыяльныя аб'екты i нематэрыяльныя праяўленнi творчасцi чалавека, у адносiнах да якiх Саветам Мiнiстраў Рэспублiкi Беларусь прыняты рашэннi аб наданнi iм статусу гiсторыка-культурнай каштоўнасцi, уключаюцца ў Дзяржаўны спiс у адпаведнасцi з дадзеным Палажэннем.

                                                 ЗАЦВЕРДЖАНА
                                                 Пастанова
                                                 Савета Мiнiстраў
                                                 Рэспублiкi Беларусь
                                                 15.06.2006 N 762

ПАЛАЖЭННЕ АБ ПАРАДКУ ФАРМIРАВАННЯ БАНКА ЗВЕСТАК АБ ГIСТОРЫКА-КУЛЬТУРНАЙ СПАДЧЫНЕ РЭСПУБЛIКI БЕЛАРУСЬ I ПАРАДКУ АЗНАЯМЛЕННЯ З IНФАРМАЦЫЯЙ, ЯКАЯ ЗМЯШЧАЕЦЦА Ў IМ

Глава 1 АГУЛЬНЫЯ ПАЛАЖЭННI

1. Дадзенае Палажэнне распрацавана ў адпаведнасцi з Законам Рэспублiкi Беларусь ад 9 студзеня 2006 года "Аб ахове гiсторыка-культурнай спадчыны Рэспублiкi Беларусь" (Национальный реестр правовых актов Республики Беларусь, 2006 г., N 9, 2/1195) у мэтах устанаўлення парадку фармiравання Банка звестак аб гiсторыка-культурнай спадчыне Рэспублiкi Беларусь (далей - Банк звестак) i вызначэння парадку азнаямлення з iнфармацыяй, якая змяшчаецца ў iм.

2. Банк звестак рэгiструецца ў Дзяржаўным рэгiстры iнфармацыйных рэсурсаў.

3. Фармiраванне Банка звестак ва ўстаноўленым парадку ажыццяўляецца адкрытым акцыянерным таварыствам "Праектрэстаўрацыя" (далей - ААТ "Праектрэстаўрацыя"), упаўнаважаным на гэта Мiнiстэрствам культуры.

4. Банк звестак уяўляе сабой сiстэматызаваны збор звестак, запiсаных на электронных носьбiтах, аб:

гiсторыка-культурных каштоўнасцях, якiя ва ўстаноўленым парадку ўнесены ў Дзяржаўны спiс гiсторыка-культурных каштоўнасцей Рэспублiкi Беларусь (далей - Дзяржаўны спiс);

адметных вынiках i сведчаннях гiстарычнага, культурнага i духоўнага развiцця народа Беларусi незалежна ад iх месцазнаходжання;

страчаных матэрыяльных аб'ектах, прадметах i нематэрыяльных праяўленнях творчасцi чалавека, наяўнасць якiх дакументальна засведчана i якiя маглi б атрымаць статус гiсторыка-культурных каштоўнасцей.

5. Фармiраванне Банка звестак ажыццяўляецца за кошт сродкаў, прадугледжаных у рэспублiканскiм бюджэце на спецыяльныя праграмы i мерапрыемствы ў галiне культуры, iншых крынiц фiнансавання, не забароненых заканадаўствам.

Глава 2 МЭТЫ ФАРМIРАВАННЯ БАНКА ЗВЕСТАК

6. У Банку звестак захоўваюцца на электронных носьбiтах сiстэматызаваная ў асобных тэматычных раздзелах iнфармацыя аб каштоўнасцях, вiды якiх вызначаны ў пункце 4 дадзенага Палажэння; вызначаныя ва ўстаноўленым парадку раздзелы навукова-праектнай дакументацыi на выкананне работ на гiсторыка-культурных каштоўнасцях; iншыя матэрыялы або iх копii, якiя датычацца гiсторыка-культурнай спадчыны.

7. Назапашванне iнфармацыi аб каштоўнасцях у электроннай форме, а таксама збор праектных, выдавецкiх i iншых матэрыялаў, якiя датычацца гiсторыка-культурнай спадчыны, праводзiцца ў мэтах:

вывучэння i ўлiку матэрыяльных аб'ектаў i нематэрыяльных праяўленняў творчасцi чалавека, якiя могуць мець гiсторыка-культурную каштоўнасць, садзейнiчання ў наданнi iм статусу гiсторыка-культурных каштоўнасцей i ўключэння ў Дзяржаўны спiс;

арганiзацыйнай i навукова-метадычнай дапамогi ў апублiкаваннi Дзяржаўнага спiса;

стварэння ўмоў для комплекснай ацэнкi наяўнага стану, функцыянальнага выкарыстання i ўтрымання гiсторыка-культурных каштоўнасцей;

архiвiравання вызначаных ва ўстаноўленым парадку раздзелаў навукова-праектнай дакументацыi на выкананне работ на гiсторыка-культурных каштоўнасцях, збору выдавецкiх i iншых матэрыялаў, якiя датычацца гiсторыка-культурнай спадчыны народа Беларусi;

садзейнiчання органам дзяржаўнага кiравання, установам, грамадскiм арганiзацыям, грамадзянам, iншым зацiкаўленым пры вырашэннi пытанняў i арганiзацыi работы па ахове гiсторыка-культурнай спадчыны, правядзеннi навукова-даследчых, праектных, вытворчых i iншых мерапрыемстваў у дачыненнi да гiсторыка-культурных каштоўнасцей i ў зонах iх аховы;

садзейнiчання арганiзацыi мiжнароднага супрацоўнiцтва ў справе аховы гiсторыка-культурнай спадчыны, спрыяння дзейнасцi па вяртанню ў Рэспублiку Беларусь культурных каштоўнасцей, незаконна вывезеных за яе межы;

папулярызацыi гiсторыка-культурнай спадчыны народа Беларусi ў краiне i за яе межамi.

Глава 3 ПАРАДАК ФАРМIРАВАННЯ БАНКА ЗВЕСТАК

8. Фармiраванне Банка звестак ажыццяўляецца спецыялiстамi ААТ "Праектрэстаўрацыя", якiя маюць адпаведную квалiфiкацыю, што дазваляе праводзiць iм выяўленне, аналiз i рэдагаванне iнфармацыi аб каштоўнасцях, занясенне яе ў электронную базу дадзеных Банка звестак, архiвiраванне навукова-даследчых, праектных i iншых матэрыялаў, якiя датычацца гiсторыка-культурнай спадчыны (далей - спецыялiсты).

9. На кожную каштоўнасць, вызначаную ў адпаведнасцi з пунктам 4 дадзенага Палажэння, у Банку звестак запаўняецца ўлiковы дакумент у форме электроннага пашпарта, раздзелы якога складаюць iнтэрфейс Банка звестак.

10. У iнтэрфейсе Банка звестак паслядоўна або ў iншым спецыяльна зададзеным парадку прадстаўлены наступныя раздзелы электроннага пашпарта:

улiковыя дадзеныя i месца знаходжання каштоўнасцi, у якiм прадстаўлены юрыдычны адрас каштоўнасцi, i для гiсторыка-культурнай каштоўнасцi - шыфр адпаведна Дзяржаўнаму спiсу;

абгрунтаванне статусу каштоўнасцi з указаннем дзеючых нарматыўных прававых актаў, паводле якiх нададзены статус гiсторыка-культурнай каштоўнасцi, а таксама страцiўшых сiлу нарматыўных прававых актаў, якiмi гэты або прыраўняны да яго статус надаваўся ў папярэднi перыяд;

гiстарычны адрас, якi магла мець каштоўнасць пры яе стварэннi i ў далейшы перыяд iснавання;

характарыстыка ўласнiкаў (уладальнiкаў), якая змяшчае звесткi аб уласнiку (уладальнiку) каштоўнасцi, лакалiзацыi ўладання, датах пачатку i заканчэння права ўладання, форме ўласнасцi, кошце аб'екта i даце вызначэння гэтага кошту;

звесткi аб зонах аховы матэрыяльнай нерухомай гiсторыка-культурнай каштоўнасцi з указаннем даты i нумара нарматыўнага прававога акта, якiм зацверджаны праект зон аховы, тыпу гэтых зон, апiсання межаў i рэжымаў;

звесткi аб ахоўных абавязацельствах, якiя падпiсаны ўласнiкам (уладальнiкам) каштоўнасцi або ўладальнiкам зямельнага ўчастка, на якiм размешчаны помнiк археалогii, i зарэгiстраваны ва ўстаноўленым парадку ў Мiнiстэрстве культуры;

iнфармацыя пра адказных за правядзенне работ асоб з указаннем звестак у адпаведнасцi з дакументам, якi дае iм права на правядзенне пэўных вiдаў работ;

кароткае апiсанне каштоўнасцi;

характарыстыка сучаснага тэхнiчнага стану каштоўнасцi;

звесткi аб элементах каштоўнасцi, якiя маюць самастойны статус гiсторыка-культурнай каштоўнасцi;

гiсторыя фармiравання i выкарыстання каштоўнасцi;

кароткая гiстарычная даведка пра каштоўнасць;

графiчныя матэрыялы i фотаздымкi з адлюстраваннем каштоўнасцi, у тым лiку ў розныя перыяды яе iснавання або бытавання;

архiўныя i бiблiяграфiчныя крынiцы пра каштоўнасць;

звесткi аб наяўнасцi навукова-тэхнiчнай дакументацыi на рэстаўрацыю i iншыя вiды работ на гiсторыка-культурных каштоўнасцях.

У кожным раздзеле электроннага пашпарта ўказваюцца прозвiшча i iнiцыялы яго складальнiка (спецыялiста), дата запаўнення гэтага раздзела.

Раздзелы пашпарта могуць быць дапоўнены iншымi звесткамi, якiя змяшчаюць важную для характарыстыкi каштоўнасцi iнфармацыю.

11. Юрыдычныя i фiзiчныя асобы, у тым лiку iндывiдуальныя прадпрымальнiкi, якiя з'яўляюцца заказчыкамi распрацоўкi навукова-праектнай дакументацыi на выкананне работ на матэрыяльных гiсторыка-культурных каштоўнасцях, у абавязковым парадку павiнны перадаваць у ААТ "Праектрэстаўрацыя" ўстаноўленыя Мiнiстэрствам культуры раздзелы навукова-праектнай дакументацыi на ўсе вiды работ на гiсторыка-культурных каштоўнасцях i ў зонах iх аховы для ўнясення адпаведнай iнфармацыi ў Банк звестак.

Iнфармацыя перадаецца ў Банк звестак на папяровых i (або) электронных носьбiтах заказчыкам распрацоўкi навукова-праектнай дакументацыi або па яго даручэнню праектнай арганiзацыяй, якая выканала распрацоўку гэтай навукова-праектнай дакументацыi. Без выканання гэтага патрабавання навукова-праектная дакументацыя не падлягае ўзгадненню i дазвол на выкананне работ на гiсторыка-культурных каштоўнасцях не выдаецца.

12. Запаўненне i дапаўненне iнфармацыяй раздзелаў электроннага пашпарта (базы дадзеных), яе змяненне ў вынiку выяўлення новых дадзеных праводзiцца спецыялiстамi на падставе атрыманых у ходзе праведзеных навукова-даследчых i iншых мерапрыемстваў звестак або копiй матэрыялаў, якiя датычацца гiсторыка-культурных каштоўнасцей або iншых адметных вынiкаў i сведчанняў гiстарычнага, культурнага i духоўнага развiцця народа Беларусi, выяўленых у ходзе гэтых мерапрыемстваў.

Не дапускаецца ўчыненне перашкод спецыялiстам пры выкананнi iмi работы па збору звестак i матэрыялаў аб гiсторыка-культурнай спадчыне Рэспублiкi Беларусь, правядзенне якой пiсьмова пацвярджаецца Мiнiстэрствам культуры або ААТ "Праектрэстаўрацыя". Службовыя асобы, уласнiкi (уладальнiкi) i карыстальнiкi гiсторыка-культурнымi каштоўнасцямi, грамадзяне, кiраўнiкi i супрацоўнiкi навукова-праектных арганiзацый, iншыя зацiкаўленыя абавязаны спрыяць спецыялiстам у выяўленнi i атрыманнi дакладнай iнфармацыi i матэрыялаў аб гiсторыка-культурнай спадчыне народа Беларусi.

13. За ААТ "Праектрэстаўрацыя", якое выконвае работу па фармiраванню Банка звестак, замацоўваюцца абсталяванне i тэхнiчныя сродкi, непасрэдна прызначаныя для фармiравання Банка звестак, што дазваляюць з выкарыстаннем сучасных тэхналогiй праводзiць выяўленне, фiксацыю, капiраванне, рэдагаванне i захаванне iнфармацыi аб гiсторыка-культурнай спадчыне, яе прадастаўленне ва ўстаноўленым парадку зацiкаўленым, увядзенне ў шырокi ўжытак вызначаных раздзелаў Банка звестак з мэтай папулярызацыi гiсторыка-культурнай спадчыны Рэспублiкi Беларусь.

Глава 4 ПАРАДАК АЗНАЯМЛЕННЯ З IНФАРМАЦЫЯЙ, ЯКАЯ ЗМЯШЧАЕЦЦА Ў БАНКУ ЗВЕСТАК

14. Электронная праграма Банка звестак разлiчана на прадастаўленне iнфармацыi аб гiсторыка-культурнай спадчыне на электронных носьбiтах пры дапамозе лакальных сетак, праз глабальную камп'ютэрную сетку Iнтэрнет i на папяровых носьбiтах.

15. Органы дзяржаўнага кiравання, дзяржаўныя архiвы i бiблiятэкi, юрыдычныя i фiзiчныя асобы, якiя бясплатна прадстаўляюць iнфармацыю аб гiсторыка-культурнай спадчыне для занясення яе ў базу дадзеных Банка звестак, могуць карыстацца змешчанай у iм iнфармацыяй, а таксама сабранымi матэрыяламi навукова-праектнага i архiўна-бiблiяграфiчнага характару на бязвыплатнай аснове.

16. Iншыя зацiкаўленыя могуць карыстацца iнфармацыяй, прадастаўляемай згодна з пунктам 14 дадзенага Палажэння, з аплатай паслуг Банка звестак адпаведна калькуляцыi яго рэальных расходаў, зацверджанай Мiнiстэрствам культуры.

Сродкi, атрыманыя ААТ "Праектрэстаўрацыя" за карыстанне iнфармацыяй Банка звестак, паступаюць на адпаведны рахунак гэтага прадпрыемства i выкарыстоўваюцца на патрэбы фармiравання Банка звестак або на яго матэрыяльна-тэхнiчнае забеспячэнне.

17. Пры стварэннi ў Iнтэрнеце сайта Банка звестак для агульнага азнаямлення прадстаўляюцца iнфармацыя, якая адпавядае раздзелам Дзяржаўнага спiса, а таксама асобныя iлюстрацыйныя матэрыялы, неабходныя для дастатковага ўяўлення гiсторыка-культурнай каштоўнасцi або iншых адметных вынiкаў i сведчанняў гiстарычнага, культурнага i духоўнага развiцця народа Беларусi.

18. Пры выкарыстаннi iнфармацыi, якая змяшчаецца ў Банку звестак, спасылка на раздзелы дадзенага Банка з'яўляецца абавязковай.

                                                 ЗАЦВЕРДЖАНА
                                                 Пастанова
                                                 Савета Мiнiстраў
                                                 Рэспублiкi Беларусь
                                                 15.06.2006 N 762

ПАЛАЖЭННЕ АБ ПАРАДКУ ВЫДАЧЫ ДАЗВОЛУ НА ВЫКАНАННЕ РАБОТ НА МАТЭРЫЯЛЬНЫХ ГIСТОРЫКА-КУЛЬТУРНЫХ КАШТОЎНАСЦЯХ I (АБО) У ЗОНАХ АХОВЫ НЕРУХОМЫХ МАТЭРЫЯЛЬНЫХ ГIСТОРЫКА-КУЛЬТУРНЫХ КАШТОЎНАСЦЕЙ

Глава 1 АГУЛЬНЫЯ ПАЛАЖЭННI

1. Дадзенае Палажэнне распрацавана ў адпаведнасцi з Законам Рэспублiкi Беларусь ад 9 студзеня 2006 года "Аб ахове гiсторыка-культурнай спадчыны Рэспублiкi Беларусь" (Национальный реестр правовых актов Республики Беларусь, 2006 г., N 9, 2/1195) (далей - Закон) у мэтах вызначэння парадку выдачы дазволу на правядзенне ўсiх вiдаў навукова-праектных i рэстаўрацыйна-аднаўленчых работ на матэрыяльных гiсторыка-культурных каштоўнасцях i (або) у зонах аховы нерухомых матэрыяльных гiсторыка-культурных каштоўнасцей (далей - гiсторыка-культурныя каштоўнасцi), вызначаных артыкулам 36 Закона.

2. Дадзенае Палажэнне з'яўляецца абавязковым для ўсiх юрыдычных i фiзiчных асоб, у тым лiку iндывiдуальных прадпрымальнiкаў, уласнiкаў (уладальнiкаў), зацiкаўленых у выкананнi навукова-даследчых i рэстаўрацыйна-аднаўленчых работ на гiсторыка-культурных каштоўнасцях (далей - заказчык).

3. Дазвол на выкананне работ на матэрыяльных гiсторыка-культурных каштоўнасцях i (або) у зонах аховы нерухомых матэрыяльных гiсторыка-культурных каштоўнасцей (далей - дазвол) выдаецца Мiнiстэрствам культуры па месцы яго знаходжання i дае права на правядзенне ўсiх вiдаў работ на матэрыяльных гiсторыка-культурных каштоўнасцях i (або) у зонах аховы нерухомых матэрыяльных гiсторыка-культурных каштоўнасцей, за выключэннем выпадкаў, вызначаных у пункце 4 дадзенага Палажэння.

Дазвол не вызваляе заказчыка ад неабходнасцi афармлення дакументаў у дзяржаўных органах на выкананне такiх работ у выпадках, прадугледжаных заканадаўствам.

4. Не патрабуецца дазвол на работы па забеспячэнню належнага тэхнiчнага i санiтарнага стану гiсторыка-культурных каштоўнасцей, у тым лiку работы па бягучаму рамонту i тэхнiчнаму абслугоўванню ў межах ахоўнага абавязацельства, прадугледжанага артыкулам 44 Закона, якiя выконваюцца штодзённа або з iншай перыядычнасцю.

5. Заказчыкi па распрацоўцы навукова-праектнай дакументацыi на выкананне рэстаўрацыйна-аднаўленчых работ на гiсторыка-культурных каштоўнасцях у абавязковым парадку павiнны перадаваць у Банк звестак аб гiсторыка-культурнай спадчыне Рэспублiкi Беларусь раздзелы навукова-праектнай дакументацыi, якiя датычацца выканання рэстаўрацыйна-аднаўленчых работ на гiсторыка-культурных каштоўнасцях i работ у зонах аховы нерухомых матэрыяльных гiсторыка-культурных каштоўнасцей. Без выканання гэтага патрабавання дазвол не выдаецца.

Глава 2 ВIДЫ ДАЗВОЛАЎ I ТЭРМIН IХ ДЗЕЯННЯ

6. Дазвол выдаецца па форме згодна з дадаткам для выканання:

навукова-даследчых i праектных работ;

рэстаўрацыйна-аднаўленчых работ пасля ўзгаднення навукова-праектнай дакументацыi на выкананне рэстаўрацыйна-аднаўленчых работ на гiсторыка-культурных каштоўнасцях;

археалагiчных даследаванняў пасля прадастаўлення Нацыянальнай акадэмiяй навук Беларусi iх выканаўцам права на правядзенне дадзеных даследаванняў.

Дазвол на выкананне навукова-даследчых i праектных работ выдаецца на правядзенне:

архiтэктурна-археалагiчных абмераў;

iнжынернага даследавання будаўнiчых канструкцый;

навуковых даследаванняў па зандажах i шурфах;

натурных даследаванняў;

лабараторных аналiзаў, даследаванняў, выпрабаванняў матэрыялаў;

фотафiксацыi;

праектных работ;

кiраўнiцтва распрацоўкай навукова-праектнай дакументацыi на выкананне рэстаўрацыйна-аднаўленчых работ на гiсторыка-культурных каштоўнасцях, у тым лiку на правядзенне аўтарскага нагляду за iх выкананнем.

Дазвол на выкананне рэстаўрацыйна-аднаўленчых работ выдаецца для правядзення аднаўленчых работ, дапаўненняў, кансервацыi, прыстасавання, рамонту, раскрыцця, рэгенерацыi, рэканструкцыi, рэстаўрацыi.

7. Дазвол выдаецца юрыдычным асобам i iндывiдуальным прадпрымальнiкам на тэрмiн да канца каляндарнага года, у якiм запланавана правядзенне работ, фiзiчным асобам (акрамя iндывiдуальных прадпрымальнiкаў) - да канца каляндарнага года, у якiм запланавана заканчэнне работ.

Пасля заканчэння тэрмiну дзеяння дазволу або для працягу прыпыненай дзейнасцi ў выпадках, вызначаных Законам, заказчык павiнен у парадку згодна з дадзеным Палажэннем звярнуцца ў Мiнiстэрства культуры з заявай аб выдачы дазволу на працяг работ.

Глава 3 ПАРАДАК ВЫДАЧЫ ДАЗВОЛАЎ

8. Для атрымання дазволу заказчык, якi з'яўляецца юрыдычнай асобай або iндывiдуальным прадпрымальнiкам, звяртаецца ў Мiнiстэрства культуры з заявай, складзенай па форме, якая ўстанаўлiваецца Мiнiстэрствам культуры.

Для атрымання дазволу на працяг работ да заявы прыкладаецца справаздача аб выкананых на працягу папярэдняга года работах на гiсторыка-культурнай каштоўнасцi, складзеная пры ўдзеле навуковага кiраўнiка гiсторыка-культурнай каштоўнасцi.

9. Исключен.

9-1. Пералiк дакументаў i (або) звестак, якiя прадстаўляе фiзiчная асоба, акрамя iндывiдуальнага прадпрымальнiка, у Мiнiстэрства культуры для атрымання дазволу, вызначаны ў пункце 8.5 пералiку адмiнiстрацыйных працэдур, што ажыццяўляюцца дзяржаўнымi органамi i iншымi арганiзацыямi па заявах грамадзян, зацверджанага Указам Прэзiдэнта Рэспублiкi Беларусь ад 26 красавiка 2010 г. N 200 "Об административных процедурах, осуществляемых государственными органами и иными организациями по заявлениям граждан" (Национальный реестр правовых актов Республики Беларусь, 2010 г., N 119, 1/11590).

10. Дакументы, прадстаўленыя заказчыкам, захоўваюцца ў Мiнiстэрстве культуры на працягу тэрмiну, прадугледжанага нарматыўнымi прававымi актамi Рэспублiкi Беларусь.

11. У выпадку прыняцця рашэння аб паэтапным правядзеннi рэстаўрацыйна-аднаўленчых работ з паралельным праектаваннем Мiнiстэрства культуры выдае дазвол на правядзенне работ паэтапна або на асобныя вiды работ у парадку, вызначаным дадзеным Палажэннем.

12. Падрыхтоўка дазволу для заказчыкаў, якiя з'яўляюцца юрыдычнымi асобамi або iндывiдуальнымi прадпрымальнiкамi, ажыццяўляецца ў 15-дзённы тэрмiн, для заказчыкаў фiзiчных асоб (акрамя iндывiдуальных прадпрымальнiкаў) - у двухмесячны тэрмiн з дня падачы заявы пры ўмове выканання патрабаванняў, вызначаных дадзеным Палажэннем.

13. Адмоўнае рашэнне ў выдачы дазволу афармляецца ў выглядзе пiсьма iнфармацыйнага характару з указаннем прычын адмовы.

14. Выдача або адмова ў выдачы дазволу на правядзенне работ на гiсторыка-культурнай каштоўнасцi фiксуецца ў кнiзе рэгiстрацыi дазволаў, форма якой зацвярджаецца Мiнiстэрствам культуры.

15. Дазвол на выкананне работ выдаецца бясплатна.

16. У выпадку змянення праектных рашэнняў на рэстаўрацыйна-аднаўленчыя работы, пры якiх праектная дакументацыя патрабуе паўторнага ўзгаднення i правядзення экспертызы, заказчык у месячны тэрмiн пiсьмова iнфармуе аб гэтым Мiнiстэрства культуры ў мэтах разгляду магчымасцi працягу работ.

У выпадку пагрозы iснаванню гiсторыка-культурнай каштоўнасцi ў працэсе выканання рэстаўрацыйна-аднаўленчых работ заказчык абавязаны прыпынiць усе работы i паведамiць аб гэтым у Мiнiстэрства культуры.

17. У выпадку перадачы правоў на правядзенне работ iншаму заказчыку або пры перадачы падраду iншай праектнай або будаўнiчай арганiзацыi дазвол павiнен быць перааформлены заказчыкам у Мiнiстэрстве культуры ў двухтыднёвы тэрмiн.

18. Пры правядзеннi рэстаўрацыйна-аднаўленчых работ копiя дазволу павiнна быць на аб'екце ў выканаўцы работ, якi прызначаны загадам падрадчыка i з'яўляецца адказным за выкананне работ на дадзеным аб'екце.

19. Дазвол можа быць прыпынены ў выпадках:

калi правядзенне работ не пачата ў шасцiмесячны тэрмiн з даты выдачы дазволу;

выяўлення факту фальсiфiкацыi прадстаўленых у Мiнiстэрства культуры дакументаў;

невыканання заказчыкам патрабаванняў пунктаў 16 i 17 дадзенага Палажэння.

Аб прыпыненнi дзеяння дазволу Мiнiстэрства культуры выдае прадпiсанне, дзеянне якога захоўвае сiлу да ўстаранення парушэння.

20. Пасля заканчэння ўсiх работ на гiсторыка-культурнай каштоўнасцi заказчык прадстаўляе ў Мiнiстэрства культуры навукова-рэстаўрацыйную справаздачу аб выкананых работах, складзеную навуковым кiраўнiком гiсторыка-культурнай каштоўнасцi, пасля чаго названае Мiнiстэрства ў межах сваёй кампетэнцыi выдае заключэнне аб магчымасцi прыёмкi ўказанай каштоўнасцi ў эксплуатацыю.

Выкананне работ на гiсторыка-культурных каштоўнасцях без дазволу Мiнiстэрства культуры, а таксама выкананне iншых вiдаў работ, не азначаных у дазволе, з'яўляецца самавольным i цягне адказнасць у адпаведнасцi з заканадаўствам.

Дадатак
да Палажэння аб парадку
выдачы дазволу на выкананне
работ на матэрыяльных
гiсторыка-культурных
каштоўнасцях i (або) у зонах
аховы нерухомых
матэрыяльных гiсторыка
культурных каштоўнасцей

Форма

        ------------------------------------------------
        ¦     МIНIСТЭРСТВА КУЛЬТУРЫ РЭСПУБЛIКI БЕЛАРУСЬ     ¦
        ¦----------------------------------------------------

                               ДАЗВОЛ
      на выкананне работ на матэрыяльных гiсторыка-культурных
     каштоўнасцях i (або) у зонах аховы нерухомых матэрыяльных
                 гiсторыка-культурных каштоўнасцей
               ад "__" ___________ 20__ г. N ________

                         Дазвол сапраўдны па "__" __________ 20__ г.

     У  адпаведнасцi  з артыкулам 37 Закона Рэспублiкi Беларусь  "Аб
ахове  гiсторыка-культурнай  спадчыны  Рэспублiкi  Беларусь"  дазвол
выдадзены __________________________________________________________
                    (поўная назва юрыдычнай асобы,
____________________________________________________________________
             прозвiшча, iмя, iмя па бацьку фiзiчнай асобы)

на правядзенне _____________________________________________________
                                (назва работ)
                                       (у адпаведнасцi з пунктам (i)
                                       артыкула 36 названага Закона)
на гiсторыка-культурнай        _____________________________________
каштоўнасцi катэгорыi "__"        (назва гiсторыка-культурнай
Выканаўца работ:                  каштоўнасцi i яе месцазнаходжанне)
генпраектная (праектная)
арганiзацыя або генпадрадная _______________________________________
(падрадная) арганiзацыя ____________________________________________

Асобыя ўмовы: ______________________________________________________
     Аб'ект пад шыфрам ____________________ унесены ў Дзяржаўны спiс
гiсторыка-культурных   каштоўнасцей   Рэспублiкi  Беларусь  згодна з
пастановай Савета Мiнiстраў Рэспублiкi Беларусь ад "__" ____________
20_ г. N __ (Национальный реестр правовых актов Республики Беларусь,
20__ г., N _____).
     Адказным  за захаванасць гiсторыка-культурнай каштоўнасцi (усiх
яе  адметных вартасцей) у працэсе работ з'яўляецца навуковы кiраўнiк
аб'екта, архiтэктар ________________________________________________
                             (прозвiшча, iмя, iмя па бацьку)
_____________   ___________   ______________________________________
  (пасада)        (подпiс)     (iнiцыялы, прозвiшча адказнай асобы)
                   М.П.

                                                 ЗАЦВЕРДЖАНА
                                                 Пастанова
                                                 Савета Мiнiстраў
                                                 Рэспублiкi Беларусь
                                                 15.06.2006 N 762

ПАЛАЖЭННЕ АБ ПАРАДКУ ВЫДАЧЫ ПАСВЕДЧАННЯЎ НА КIРАЎНIЦТВА РАСПРАЦОЎКАЙ НАВУКОВА-ПРАЕКТНАЙ ДАКУМЕНТАЦЫI НА ВЫКАНАННЕ РЭСТАЎРАЦЫЙНА-АДНАЎЛЕНЧЫХ РАБОТ НА МАТЭРЫЯЛЬНЫХ ГIСТОРЫКА-КУЛЬТУРНЫХ КАШТОЎНАСЦЯХ I (АБО) У ЗОНАХ АХОВЫ НЕРУХОМЫХ МАТЭРЫЯЛЬНЫХ ГIСТОРЫКА-КУЛЬТУРНЫХ КАШТОЎНАСЦЕЙ

Глава 1 АГУЛЬНЫЯ ПАЛАЖЭННI

1. Дадзенае Палажэнне распрацавана ў адпаведнасцi з пунктам 3 артыкула 40 Закона Рэспублiкi Беларусь ад 9 студзеня 2006 года "Аб ахове гiсторыка-культурнай спадчыны Рэспублiкi Беларусь" (Национальный реестр правовых актов Республики Беларусь, 2006 г., N 9, 2/1195) (далей - Закон) i ўстанаўлiвае парадак выдачы пасведчанняў на кiраўнiцтва распрацоўкай навукова-праектнай дакументацыi на выкананне рэстаўрацыйна-аднаўленчых работ на матэрыяльных гiсторыка-культурных каштоўнасцях i (або) у зонах аховы нерухомых матэрыяльных гiсторыка-культурных каштоўнасцей (далей - пасведчанне).

2. Пасведчанне з'яўляецца афiцыйным дакументам, якi пацвярджае адпаведную квалiфiкацыю яго ўладальнiка i дае права допуску да выканання азначаных у iм наступных вiдаў работ:

археалагiчныя даследаваннi (разведка i раскопкi) нерухомых матэрыяльных гiсторыка-культурных каштоўнасцей, у тым лiку правядзенне нагляду пры выкананнi земляных i будаўнiчых работ;

архiўна-бiблiяграфiчныя даследаваннi па высвятленню i ўдакладненню адметных дакументальных вартасцей гiсторыка-культурных каштоўнасцей;

натурныя даследаваннi па высвятленню i ўдакладненню адметных мастацкiх вартасцей гiсторыка-культурных каштоўнасцей;

кiраўнiцтва распрацоўкай навукова-праектнай дакументацыi на выкананне рэстаўрацыйна-аднаўленчых работ на гiсторыка-культурных каштоўнасцях i аўтарскi нагляд за iх выкананнем;

работы, звязаныя з непасрэдным уздзеяннем на адметныя якасцi рухомых i (або) нерухомых гiсторыка-культурных каштоўнасцей i iх фрагменты, страта аўтэнтычнасцi якiх недапушчальная.

У пасведчаннi ў абавязковым парадку вызначаюцца катэгорыi гiсторыка-культурных каштоўнасцей, на правядзенне работ на якiх выдаецца гэта пасведчанне.

3. На ўладальнiкаў пасведчанняў ускладаецца адказнасць за невыкананне палажэнняў Закона i абавязкаў, вызначаных дадзеным Палажэннем.

Глава 2 ПАРАДАК ВЫДАЧЫ ПАСВЕДЧАННЯЎ

4. Пасведчанне выдаецца па форме згодна з дадаткам бясплатна Мiнiстэрствам культуры пасля атрымання рашэнняў Беларускай рэспублiканскай навукова-метадычнай рады па пытаннях гiсторыка-культурнай спадчыны пры Мiнiстэрстве культуры (далей - Навукова-метадычная рада) або Нацыянальнай акадэмii навук Беларусi аб адпаведнасцi квалiфiкацыйным патрабаванням кандыдатаў на iх атрыманне.

5. Пасведчаннi выдаюцца на падставе пiсьмовага звароту ў Мiнiстэрства культуры навукова-даследчых, праектных, навуковых арганiзацый, устаноў адукацыi, складзенага па форме, якая ўстанаўлiваецца Мiнiстэрствам культуры.

Да звароту прыкладаюцца:

копiя дыплома кандыдата на атрыманне пасведчання;

фотаздымак кандыдата памерам 3 x 4 см.

6. Мiнiстэрства культуры ў 5-дзённы тэрмiн з дня паступлення звароту накiроўвае матэрыялы, указаныя ў пункце 5 дадзенага Палажэння, для разгляду на чарговым пасяджэннi Навукова-метадычнай рады, якая выдае рашэнне аб адпаведнасцi квалiфiкацыйным патрабаванням кандыдата на атрыманне пасведчання на права выканання работ, указаных у пункце 2 дадзенага Палажэння (за выключэннем правядзення археалагiчных даследаванняў), або пiсьмовы зварот у Нацыянальную акадэмiю навук Беларусi аб выдачы заключэння на права правядзення археалагiчных даследаванняў.

Указаныя рашэнне або заключэнне выдаюцца ў тэрмiн, якi не перавышае 30 дзён з дня паступлення звароту.

Звесткi аб рашэннях Навукова-метадычнай рады або заключэннях Нацыянальнай акадэмii навук Беларусi аб адпаведнасцi квалiфiкацыйным патрабаванням кандыдатаў на атрыманне пасведчання ўносяцца ў кнiгу рэгiстрацыi i выдачы пасведчанняў, форма якой зацвярджаецца Мiнiстэрствам культуры.

7. У выпадку адмовы ў выдачы пасведчання ў рашэннi ўказваецца прычына адмовы i яе абгрунтаванне.

8. Падрыхтоўка пасведчання ажыццяўляецца на працягу 5 дзён пасля атрымання адпаведнага заключэння, прадугледжанага пунктам 6 дадзенага Палажэння.

Пасведчанне мае нумар, якi адпавядае нумару запiсу ў кнiзе рэгiстрацыi i выдачы пасведчанняў.

Пасведчанне падпiсваецца кiраўнiком Мiнiстэрства культуры або яго намеснiкамi i завяраецца пячаткай гэтага Мiнiстэрства.

Пасведчанне выдаецца непасрэдна кандыдату або па яго пiсьмовай просьбе даверанай асобе.

9. У выпадку страты пасведчання выдаецца яго дублiкат.

10. Пасведчанне выдаецца на тэрмiн 5 гадоў.

Пасля заканчэння гэтага тэрмiну выдаецца новае пасведчанне ў парадку, вызначаным дадзеным Палажэннем.

Глава 3 ПРАВЫ I АБАВЯЗКI СПЕЦЫЯЛIСТА, ЯКI МАЕ ПАСВЕДЧАННЕ

11. Спецыялiст, квалiфiкацыя якога пацверджана пасведчаннем:

11.1. мае права:

прыпыняць правядзенне асобных вiдаў работ на гiсторыка-культурнай каштоўнасцi пры неабходнасцi даследавання i фiксацыi нанава выяўленых яе частак i дэталей, якiя маюць свае адметныя духоўныя, мастацкiя i (або) дакументальныя вартасцi, пры пагрозе разбурэння канструкцый або знiшчэння асобных элементаў гiсторыка-культурнай каштоўнасцi, пры сiстэматычным невыкананнi навукова-праектнай дакументацыi i ўказанняў навуковага кiраўнiка;

11.2. абавязаны:

забяспечваць узаемадзеянне падраздзяленняў i суб'ектаў гаспадарчай дзейнасцi, якiя задзейнiчаны ў распрацоўцы навукова-праектнай дакументацыi;

прымаць удзел у падрыхтоўцы рэстаўрацыйнага задання;

ажыццяўляць кантроль за правядзеннем поўнага комплексу навукова-даследчых работ, у тым лiку з неабходнай фiксацыяй i аналiзам у працэсе вытворчасцi работ;

забяспечваць дакладнасць i паўнату вынiкаў навукова-даследчых работ;

ажыццяўляць кантроль за распрацоўкай навукова-праектнай дакументацыi, якая складаецца з камплекта дакументаў, атрыманых па вынiках правядзення навукова-даследчых работ, уключаючы матэрыялы з вызначэннем умоў i мерапрыемстваў, накiраваных на захаванне каштоўнасцей, i праектна-каштарыснай дакументацыi, распрацаванай у адпаведнасцi з дзеючымi нормамi;

забяспечваць навуковую абгрунтаванасць i адпаведнасць прымаемых праектных рашэнняў з умовай зберажэння адметных вартасцей гiсторыка-культурнай каштоўнасцi;

забяспечваць своечасовае вырашэнне ўсiх пытанняў па праектна-каштарыснай дакументацыi, што ўзнiкаюць у працэсе правядзення работ на гiсторыка-культурнай каштоўнасцi;

прымаць удзел пры ўзгадненнi i абароне праектных прапаноў i выкананай навукова-праектнай дакументацыi;

ажыццяўляць кантроль за выкананнем рэстаўрацыйна-аднаўленчых работ у адпаведнасцi з зацверджанай ва ўстаноўленым парадку навукова-праектнай дакументацыяй;

забяспечваць навуковую фiксацыю гiсторыка-культурнай каштоўнасцi ў працэсе правядзення работ, фотафiксацыю да пачатку, у працэсе, а таксама пасля заканчэння работ;

прадугледжваць меры па захаванню гiсторыка-культурнай каштоўнасцi ў працэсе правядзення навукова-даследчых работ i пасля iх заканчэння, звязаных з непасрэдным уздзеяннем на яе;

адлюстроўваць у навуковай справаздачы дакладную i поўную iнфармацыю, выяўленую ў працэсе правядзення навукова-даследчых работ;

матэрыялы навуковай справаздачы, падрыхтаваныя рэкамендацыi па вынiках праведзеных навукова-даследчых работ своечасова прадстаўляць распрацоўшчыкам навукова-праектнай дакументацыi;

ажыццяўляць кантроль за належным выкарыстаннем прапанаваных рэкамендацый i навукова-праектнай дакументацыi ў працэсе выканання рэстаўрацыйна-аднаўленчых работ на гiсторыка-культурных каштоўнасцях.

12. У выпадках невыканання спецыялiстам, якi мае пасведчанне, патрабаванняў дзеючага заканадаўства i абавязкаў, ускладзеных на яго ў адпаведнасцi з дадзеным Палажэннем, па прадстаўленню абгрунтаваных прэтэнзiй Мiнiстэрства культуры i (або) мясцовых выканаўчых i распарадчых органаў, у кампетэнцыю якiх уваходзяць пытаннi аховы гiсторыка-культурнай спадчыны, Навукова-метадычнай радай прымаецца рашэнне аб прыпыненнi дзейнасцi пасведчання.

На адрас прадпрыемства, у якiм працуе ўладальнiк пасведчання, Мiнiстэрства культуры накiроўвае пiсьмовае паведамленне аб рашэннi Навукова-метадычнай рады.

Дадатак
да Палажэння аб парадку выдачы
пасведчанняў на кiраўнiцтва
распрацоўкай навукова-праектнай
дакументацыi на выкананне
рэстаўрацыйна-аднаўленчых работ на
матэрыяльных гiсторыка-культурных
каштоўнасцях i (або) у зонах аховы
нерухомых матэрыяльных гiсторыка
культурных каштоўнасцей

      Узор пасведчання на кiраўнiцтва распрацоўкай навукова-праектнай
 дакументацыi на выкананне рэстаўрацыйна-аднаўленчых работ на матэрыяльных
     гiсторыка-культурных каштоўнасцях i (або) у зонах аховы нерухомых
              матэрыяльных гiсторыка-культурных каштоўнасцей

--------------------------+------------------------------------
¦ МIНIСТЭРСТВА КУЛЬТУРЫ   ¦               Прозвiшча _______________¦
¦   РЭСПУБЛIКI БЕЛАРУСЬ   ¦               Iмя _____________________¦
¦                         ¦Фота 3 x 4 см  Iмя па бацьку ___________¦
¦       ПАСВЕДЧАННЕ       ¦                                        ¦
¦        N ______         ¦                                        ¦
¦                         ¦ ______________________________________ ¦
¦                         ¦        (вiды работ i катэгорыi         ¦
¦                         ¦ ______________________________________ ¦
¦                         ¦   гiсторыка-культурных каштоўнасцей,   ¦
¦                         ¦ ______________________________________ ¦
¦                         ¦     на якiя выдаецца пасведчанне)      ¦
¦                         ¦ ______________________________________ ¦
¦                         ¦ ______________________________________ ¦
¦                         ¦ ______________________________________ ¦
¦ Выдадзена               ¦                 _______________________¦
¦ "__" ___________ 20__ г.¦                 (пасада адказнай асобы)¦
¦ Сапраўдна па            ¦                 _______________________¦
¦ "__" ___________ 20__ г.¦                 (подпiс адказнай асобы)¦
¦                         ¦        ________________________________¦
¦                         ¦    (прозвiшча, iнiцыялы адказнай асобы)¦
¦                         ¦М.П.                                    ¦
¦-------------------------+-----------------------------------------

                                                 ЗАЦВЕРДЖАНА
                                                 Пастанова
                                                 Савета Мiнiстраў
                                                 Рэспублiкi Беларусь
                                                 15.06.2006 N 762

ПАЛАЖЭННЕ АБ БЕЛАРУСКАЙ РЭСПУБЛIКАНСКАЙ НАВУКОВА-МЕТАДЫЧНАЙ РАДЗЕ ПА ПЫТАННЯХ ГIСТОРЫКА-КУЛЬТУРНАЙ СПАДЧЫНЫ ПРЫ МIНIСТЭРСТВЕ КУЛЬТУРЫ

Глава 1 АГУЛЬНЫЯ ПАЛАЖЭННI

1. Дадзенае Палажэнне распрацавана ў адпаведнасцi з Законам Рэспублiкi Беларусь ад 9 студзеня 2006 года "Аб ахове гiсторыка-культурнай спадчыны Рэспублiкi Беларусь" (Национальный реестр правовых актов Республики Беларусь, 2006 г., N 9, 2/1195) (далей - Закон) i ўстанаўлiвае рэгламент работы i вызначае пералiк пытанняў, якiя ўваходзяць у кампетэнцыю Беларускай рэспублiканскай навукова-метадычнай рады па пытаннях гiсторыка-культурнай спадчыны пры Мiнiстэрстве культуры (далей - Навукова-метадычная рада).

2. Навукова-метадычная рада з'яўляецца навукова-метадычным органам па пытаннях улiку, захавання, аднаўлення, утрымання i выкарыстання гiсторыка-культурных каштоўнасцей, што ажыццяўляюцца ў мэтах зберажэння i памнажэння гiсторыка-культурнай спадчыны.

3. У сваёй дзейнасцi Навукова-метадычная рада кiруецца заканадаўствам i дадзеным Палажэннем.

Глава 2 ЗАДАЧЫ I КАМПЕТЭНЦЫЯ НАВУКОВА-МЕТАДЫЧНАЙ РАДЫ

4. Асноўнымi задачамi Навукова-метадычнай рады з'яўляюцца:

навукова-метадычнае забеспячэнне аховы гiсторыка-культурнай спадчыны;

выпрацоўка прапаноў, рэкамендацый па комплексу пытанняў аховы гiсторыка-культурнай спадчыны.

5. Да кампетэнцыi Навукова-метадычнай рады адносiцца:

прыняцце рашэнняў аб неабходнасцi надання матэрыяльным аб'ектам i нематэрыяльным праяўленням творчасцi чалавека статусу гiсторыка-культурнай каштоўнасцi або аб адсутнасцi неабходнасцi надання iм такога статусу;

прыняцце рашэнняў аб немагчымасцi навукова абгрунтаванага аднаўлення гiсторыка-культурных каштоўнасцей у выпадку страты iмi сваiх адметных духоўных, мастацкiх i (або) дакументальных вартасцей, якiя абумовiлi наданне iм статусу гiсторыка-культурнай каштоўнасцi, а таксама ў выпадку iх знiшчэння, страты цi знiкнення ў вынiку ўздзеяння прыродных фактараў або iншых сiтуацый;

разгляд прапаноў аб наданнi матэрыяльнаму аб'екту або нематэрыяльнаму праяўленню творчасцi чалавека статусу гiсторыка-культурнай каштоўнасцi, якi уключае разгляд фiксацыi, навуковую апрацоўку i мастацкую ацэнку матэрыяльнага аб'екта або нематэрыяльнага праяўлення творчасцi чалавека, для прыняцця рашэння аб неабходнасцi надання матэрыяльнаму аб'екту або нематэрыяльнаму праяўленню творчасцi чалавека статусу гiсторыка-культурнай каштоўнасцi;

прыняцце рашэнняў аб неабходнасцi аднясення гiсторыка-культурнай каштоўнасцi да пэўнай катэгорыi або аб неабходнасцi змянення яе катэгорыi;

разгляд распрацаванай у адпаведным парадку навукова-праектнай дакументацыi на выкананне рэстаўрацыйна-аднаўленчых работ на матэрыяльных гiсторыка-культурных каштоўнасцях катэгорый "0", "1", "2" i яе адабрэнне або неадабрэнне;

выдача рашэнняў аб адпаведнасцi квалiфiкацыйным патрабаванням кандыдатаў на атрыманне пасведчанняў на кiраўнiцтва распрацоўкай навукова-праектнай дакументацыi на выкананне рэстаўрацыйна-аднаўленчых работ на матэрыяльных гiсторыка-культурных каштоўнасцях i (або) у зонах аховы нерухомых матэрыяльных гiсторыка-культурных каштоўнасцей;

выдача заключэнняў аб поўным вывучэннi помнiкаў археалогii;

выкананне iншых функцый у адпаведнасцi з Законам.

Глава 3 СКЛАД НАВУКОВА-МЕТАДЫЧНАЙ РАДЫ I АРГАНIЗАЦЫЯ ЯЕ ДЗЕЙНАСЦI

6. У склад Навукова-метадычнай рады ўваходзяць прадстаўнiкi рэспублiканскiх органаў дзяржаўнага кiравання, мясцовых выканаўчых i распарадчых органаў, арганiзацый, якiя ў сваёй дзейнасцi маюць адносiны да арганiзацыйных, навуковых, iнфармацыйных i iншых пытанняў, што закранаюць сферу аховы гiсторыка-культурнай спадчыны.

7. Навукова-метадычную раду ўзначальвае старшыня Навукова-метадычнай рады, а ў яго адсутнасць - намеснiк старшынi Навукова-метадычнай рады.

Старшыня Навукова-метадычнай рады:

кiруе дзейнасцю Навукова-метадычнай рады;

склiкае пасяджэннi Навукова-метадычнай рады;

арганiзуе работу Навукова-метадычнай рады ў адпаведнасцi з дадзеным Палажэннем;

вызначае шэраг iншых пытанняў, якiя падлягаюць разгляду на пасяджэннях Навукова-метадычнай рады i зацвярджае iх.

8. Сакратар Навукова-метадычнай рады забяспечвае:

арганiзацыю падрыхтоўкi пытанняў для разгляду на пасяджэннях Навукова-метадычнай рады;

паведамленне членам Навукова-метадычнай рады аб часе i месцы правядзення пасяджэння Навукова-метадычнай рады, пытаннях, якiя вынесены на яе разгляд;

улiк прысутных на пасяджэннi Навукова-метадычнай рады;

наяўнасць неабходнай дакументацыi, якая датычыцца пытанняў, вынесеных на разгляд пасяджэння Навукова-метадычнай рады;

вядзенне справаводства Навукова-метадычнай рады, афармленне пратаколаў яе пасяджэнняў;

давядзенне прынятых Навукова-метадычнай радай рашэнняў да зацiкаўленых.

9. Пасяджэннi Навукова-метадычнай рады праводзяцца па меры неабходнасцi, але не радзей аднаго разу ў месяц.

10. Навукова-метадычная рада правамоцна прымаць рашэннi пры наяўнасцi на пасяджэннi не менш за 2/3 яе складу.

Рашэннi Навукова-метадычнай рады лiчацца прынятымi, калi за яе рашэнне прагаласавала больш за палавiну прысутных на пасяджэннi членаў Навукова-метадычнай рады. Пры роўнасцi галасоў прынятым лiчыцца рашэнне, за якое прагаласаваў старшыня Навукова-метадычнай рады, а ў яго адсутнасць - намеснiк старшынi Навукова-метадычнай рады.

Па вынiках абмеркавання пытанняў на пасяджэннях Навукова-метадычнай рады прымаюцца рашэннi, якiя фiксуюцца ў пратаколе. Пратакол афармляецца вучоным сакратаром Навукова-метадычнай рады ў тэрмiн, якi не перавышае 10 дзён з дня пасяджэння.

11. Старшыня Навукова-метадычнай рады мае права афiцыйна запрашаць для ўдзелу ў яе рабоце экспертаў, прадстаўнiкоў мясцовых выканаўчых i распарадчых органаў, праектных устаноў, iншых зацiкаўленых у вырашэннi пытанняў, якiя датычацца гiсторыка-культурных каштоўнасцей i разглядаюцца на пасяджэннях Навукова-метадычнай рады.

12. Арганiзацыйна-тэхнiчнае забеспячэнне дзейнасцi Навукова-метадычнай рады ажыццяўляецца Мiнiстэрствам культуры.

                                                 ЗАЦВЕРДЖАНА
                                                 Пастанова
                                                 Савета Мiнiстраў
                                                 Рэспублiкi Беларусь
                                                 15.06.2006 N 762

СКЛАД БЕЛАРУСКАЙ РЭСПУБЛIКАНСКАЙ НАВУКОВА-МЕТАДЫЧНАЙ РАДЫ ПА ПЫТАННЯХ ГIСТОРЫКА-КУЛЬТУРНАЙ СПАДЧЫНЫ ПРЫ МIНIСТЭРСТВЕ КУЛЬТУРЫ

Кураш                   - намеснiк Мiнiстра культуры (старшыня
Вiктар Iосiфавiч          Навукова-метадычнай рады)

Чарняўскi               - начальнiк упраўлення па ахове
Iгар Мяфодзiевiч          гiсторыка-культурнай спадчыны i рэстаўрацыi
                          Мiнiстэрства культуры (намеснiк старшынi
                          Навукова-метадычнай рады)

Кiтова                  - вядучы спецыялiст ўпраўлення па ахове
Вольга Мiкалаеўна         гiсторыка-культурнай спадчыны i рэстаўрацыi
                          Мiнiстэрства культуры (вучоны сакратар
                          Навукова-метадычнай рады)

Багласаў                - намеснiк начальнiка архiтэктурна-праектнай
Сяргей Георгiевiч         майстэрнi праектнага камунальнага унiтарнага
                          прадпрыемства "Мiнскпраект"

Бутэвiч                 - старшыня грамадскай назiральнай камiсii пры
Анатолiй Iванавiч         Мiнiстэрстве культуры па ахове
                          гiсторыка-культурнай спадчыны

Бяспалая                - прарэктар па навуковай рабоце ўстановы
Марыя Аркадзьеўна         адукацыi "Беларускi дзяржаўны унiверсiтэт
                          культуры i мастацтваў", доктар гiстарычных
                          навук, прафесар

Варфаламеева            - старшы навуковы супрацоўнiк дзяржаўнай
Тамара Барысаўна          навуковай установы "Iнстытут
                          мастацтвазнаўства, этнаграфii i фальклору
                          iмя Кандрата Крапiвы Нацыянальнай акадэмii
                          навук Беларусi", кандыдат мастацтвазнаўства

Высоцкая                - загадчык аддзела старажытнага беларускага
Надзея Фёдараўна          мастацтва дзяржаўнай установы "Нацыянальны
                          мастацкi музей Рэспублiкi Беларусь", доктар
                          мастацтвазнаўства, прафесар

Жураўлёў                - галоўны спецыялiст - эксперт
Iван Сяргеевiч            па архiтэктуры рэспублiканскага унiтарнага
                          прадпрыемства "Галоўдзяржбудэкспертыза"

Карпук                  - вядучы архiтэктар адкрытага акцыянернага
Андрэй Мiхайлавiч         таварыства "Праектрэстаўрацыя"

Ляўко                   - кiраўнiк цэнтра дзяржаўнай навуковай
Вольга Мiкалаеўна         установы "Iнстытут гiсторыi Нацыянальнай
                          акадэмii навук Беларусi", доктар
                          гiстарычных навук

Лакотка                 - дырэктар дзяржаўнай навуковай установы
Аляксандр Iванавiч        "Iнстытут мастацтвазнаўства, этнаграфii i
                          фальклору iмя Кандрата Крапiвы Нацыянальнай
                          акадэмii навук Беларусi", член-карэспандэнт
                          Нацыянальнай акадэмii навук Беларусi, доктар
                          гiстарычных навук, доктар архiтэктуры

Пятроў                  - старшыня камiтэта архiтэктуры i горадабудаўнiцтва
Аляксандр Мiкалаевiч      Мiнскага гарвыканкама

Сардараў                - дэкан архiтэктурнага факультэта Беларускага
Армэн Сяргеевiч           нацыянальнага тэхнiчнага унiверсiтэта,
                          доктар архiтэктуры

Сiняўскi                - намеснiк дырэктара праектнага фiлiяла
Уладзiмiр Пятровiч        адкрытага акцыянернага таварыства
                          "Белрэстаўрацыя"

Архіў дакументаў Папярэдні | Наступны