Решение Конституционного Суда Республики Беларусь от 29.10.2009 № Р-370/2009 "Аб адпаведнасцi Канстытуцыi Рэспублiкi Беларусь Закона Рэспублiкi Беларусь "Аб ратыфiкацыi Рамачнага пагаднення памiж Урадам Рэспублiкi Беларусь i Камiсiяй Еўрапейскiх супольнасцей"

Зарегистрировано в НРПА РБ 4 ноября 2009 г. N 6/787

Канстытуцыйны Суд Рэспублiкi Беларусь у складзе старшынствуючага - Старшынi Канстытуцыйнага Суда Мiклашэвiча П.П., намеснiка Старшынi Марыскiна А.У., суддзяў Бойка Т.С., Варановiча Т.В., Данiлюка С.Я., Iзоткi У.П., Козыравай Л.Р., Падгрушы В.В., Рабцава Л.М., Сяргеевай В.Г., Цiкавенкi А.Г., Чыгрынава С.П.

на падставе часткi першай артыкула 116 Канстытуцыi Рэспублiкi Беларусь, падпункта 1.1 пункта 1 i пункта 3 Дэкрэта Прэзiдэнта Рэспублiкi Беларусь ад 26 чэрвеня 2008 г. N 14 "Аб некаторых мерах па ўдасканальванню дзейнасцi Канстытуцыйнага Суда Рэспублiкi Беларусь"

разгледзеў у адкрытым судовым пасяджэннi ў парадку абавязковага папярэдняга кантролю канстытуцыйнасць Закона Рэспублiкi Беларусь "Аб ратыфiкацыi Рамачнага пагаднення памiж Урадам Рэспублiкi Беларусь i Камiсiяй Еўрапейскiх супольнасцей".

Заслухаўшы суддзю-дакладчыка Чыгрынава С.П., прааналiзаваўшы палажэннi Канстытуцыi Рэспублiкi Беларусь (далей - Канстытуцыя), Закона Рэспублiкi Беларусь "Аб ратыфiкацыi Рамачнага пагаднення памiж Урадам Рэспублiкi Беларусь i Камiсiяй Еўрапейскiх супольнасцей", Закона Рэспублiкi Беларусь "Аб мiжнародных дагаворах Рэспублiкi Беларусь", iншых заканадаўчых актаў Рэспублiкi Беларусь, якiя маюць дачыненне да разглядаемага пытання, Канстытуцыйны Суд Рэспублiкi Беларусь устанавiў:

Закон Рэспублiкi Беларусь "Аб ратыфiкацыi Рамачнага пагаднення памiж Урадам Рэспублiкi Беларусь i Камiсiяй Еўрапейскiх супольнасцей" (далей - Закон) прыняты Палатай прадстаўнiкоў Нацыянальнага сходу Рэспублiкi Беларусь 8 кастрычнiка 2009 г., адобраны Саветам Рэспублiкi Нацыянальнага сходу Рэспублiкi Беларусь 22 кастрычнiка 2009 г. i прадстаўлены Прэзiдэнту Рэспублiкi Беларусь на подпiс.

Закон з'яўляецца актам аб выражэннi згоды Рэспублiкi Беларусь на абавязковасць для яе Рамачнага пагаднення памiж Урадам Рэспублiкi Беларусь i Камiсiяй Еўрапейскiх супольнасцей (далей - Рамачнае пагадненне), якое падпiсана ў г. Мiнску 18 снежня 2008 года з мэтай пашырэння тэхнiчнага супрацоўнiцтва Беларусi i Еўрапейскай супольнасцi.

У адпаведнасцi з абзацам трэцiм артыкула 19 Закона "Аб мiжнародных дагаворах Рэспублiкi Беларусь" ратыфiкацыi падлягаюць мiждзяржаўныя i мiжурадавыя дагаворы, якiя ўстанаўлiваюць iншыя правiлы, чым тыя, што змяшчаюцца ў законах Рэспублiкi Беларусь, дэкрэтах i ўказах Прэзiдэнта Рэспублiкi Беларусь.

У Рамачным пагадненнi прадугледжваюцца, у прыватнасцi, iншыя правiлы абкладання мытнымi пошлiнамi i зборамi, дакументальнага афармлення ўвозу, набыцця i выкарыстання замежнай валюты, атрымання экспертамi i членамi iх сем'яў вадзiцельскiх пасведчанняў, чым тыя, якiя замацаваны адпаведна ў Мытным кодэксе Рэспублiкi Беларусь, законах Рэспублiкi Беларусь "Аб валютным рэгуляваннi i валютным кантролi" i "Аб дарожным руху". У сувязi з гэтым выражэнне згоды Рэспублiкi Беларусь на абавязковасць для яе Рамачнага пагаднення ў форме закона аб ратыфiкацыi з'яўляецца абгрунтаваным.

Па свайму зместу Закон не супярэчыць Канстытуцыi.

Па форме нарматыўнага прававога акта Закон адпавядае патрабаванням пункта 2 часткi першай артыкула 97 i часткi першай артыкула 104 Канстытуцыi, часткi першай артыкула 15 i часткi першай артыкула 16 Закона Рэспублiкi Беларусь "Аб нарматыўных прававых актах Рэспублiкi Беларусь".

Парадак прыняцця Закона адпавядае палажэнням артыкулаў 97 - 100 Канстытуцыi.

Суб'екты заканадаўчага працэсу пры прыняццi Закона дзейнiчалi ў межах кампетэнцыi, замацаванай артыкуламi 97 - 99 Канстытуцыi.

Такiм чынам, Канстытуцыйны Суд прыходзiць да вываду аб тым, што па зместу норм, форме акта, парадку яго прыняцця, а таксама з пункту гледжання размежавання кампетэнцыi памiж дзяржаўнымi органамi пры прыняццi акта Закон адпавядае Канстытуцыi.

Кiруючыся часткамi першай, сёмай артыкула 116 Канстытуцыi Рэспублiкi Беларусь, часткамi восьмай, трынаццатай, чатырнаццатай артыкула 24 Кодэкса Рэспублiкi Беларусь аб судаўладкаваннi i статусе суддзяў, падпунктам 1.1 пункта 1 i пунктам 3 Дэкрэта Прэзiдэнта Рэспублiкi Беларусь ад 26 чэрвеня 2008 г. N 14 "Аб некаторых мерах па ўдасканальванню дзейнасцi Канстытуцыйнага Суда Рэспублiкi Беларусь", Канстытуцыйны Суд Рэспублiкi Беларусь

вырашыў:

1. Прызнаць Закон Рэспублiкi Беларусь "Аб ратыфiкацыi Рамачнага пагаднення памiж Урадам Рэспублiкi Беларусь i Камiсiяй Еўрапейскiх супольнасцей" адпаведным Канстытуцыi Рэспублiкi Беларусь.

2. Гэта рашэнне ўступае ў сiлу з дня прыняцця.

3. Апублiкаваць гэта рашэнне ў адпаведнасцi з заканадаўствам.

Старшынствуючы - 

Старшыня Канстытуцыйнага Суда

Рэспублiкi Беларусь П.П.Мiклашэвiч