Постановление Министерства образования Республики Беларусь от 30.03.2010 № 39 "Аб зацвярджэннi ўзору студэнцкага бiлета"

Зарегистрировано в НРПА РБ 2 июня 2010 г. N 8/22392

На падставе артыкула 29 Закона Рэспублiкi Беларусь ад 11 лiпеня 2007 года "О высшем образовании" Мiнiстэрства адукацыi Рэспублiкi Беларусь ПАСТАНАЎЛЯЕ:

1. Зацвердзiць:

1.1. узор бланка студэнцкага бiлета згодна з дадаткам 1;

1.2. апiсанне студэнцкага бiлета згодна з дадаткам 2.

2. Вызначыць, што:

2.1. бланк студэнцкага бiлета вырабляецца на спецыяльнай паперы i адносiцца да бланкаў строгай справаздачнасцi;

2.2. запаўненне бланка студэнцкага бiлета ажыццяўляецца шляхам удрукоўвання тэксту на беларускай мове ў адпаведнасцi з зацверджаным узорам, пры гэтым на пярэднiх баках кожнага з лiстоў бланка ў верхнiх левых вуглах змяшчаецца выява таварнага знака (пры яго наяўнасцi ў вышэйшай навучальнай установы), уверсе на пярэднiх баках кожнага з лiстоў бланка ўказваецца найменне дзяржаўнага органа, у падначаленнi якога знаходзiцца дзяржаўная вышэйшая навучальная ўстанова, найменне вышэйшай навучальнай установы, для прыватнай вышэйшай навучальнай установы - толькi найменне вышэйшай навучальнай установы, на пярэднiм баку левага лiста бланка ў нiжнiм левым вугле змяшчаецца лiчбавы фотаздымак студэнта;

2.3. студэнцкiя бiлеты падлягаюць рэгiстрацыi ў кнiзе рэгiстрацыi выдачы студэнцкiх бiлетаў вышэйшай навучальнай установы (факультэта) з указаннем наступных дадзеных:

прозвiшча, уласнага iмя, iмя па бацьку студэнта;

нумара бланка студэнцкага бiлета;

нумара студэнцкага бiлета;

даты залiчэння;

факультэта;

даты выдачы студэнцкага бiлета;

тэрмiну дзеяння студэнцкага бiлета;

заводскага нумара мiкрапрацэсара;

асабiстага подпiсу ўладальнiка студэнцкага бiлета;

2.4. нумар студэнцкага бiлета пры навучаннi студэнта ў рамках адной вышэйшай навучальнай установы, уключаючы яго пераводы i ўзнаўленнi, застаецца нязменным i павiнен супадаць з нумарамi асабiстай карткi i залiковай кнiжкi студэнта;

2.5. студэнцкiя бiлеты, выдадзеныя да ўступлення ў сiлу дадзенай пастановы, абавязковай замене на студэнцкiя бiлеты новага ўзору не падлягаюць.

3. Дазволiць вышэйшым навучальным установам у 2010 годзе выкарыстоўваць пры выдачы студэнцкiх бiлетаў бланкi студэнцкiх бiлетаў, якiя ёсць у наяўнасцi.

4. Дадзеная пастанова ўступае ў сiлу пасля яе афiцыйнага апублiкавання.

Мiнiстр А.М.Радзькоў

УЗГОДНЕНА
Мiнiстр фiнансаў
Рэспублiкi Беларусь
        А.М.Харкавец
29.03.2010

Дадатак 1
да пастановы
Мiнiстэрства адукацыi
Рэспублiкi Беларусь
30.03.2010 N 39

                   Узор бланка студэнцкага бiлета

------------------------------- ---------------------------------
¦                           0000000¦ ¦                           0000000  ¦
¦                                  ¦ ¦                                    ¦
¦ СТУДЭНЦКI БIЛЕТ N                ¦ ¦  Дата залiчэння                    ¦
¦                                  ¦ ¦                                    ¦
¦          Прозвiшча               ¦ ¦  Дата выдачы                       ¦
¦        Уласнае iмя               ¦ ¦  бiлета                            ¦
¦      Iмя па бацьку               ¦ ¦                                    ¦
¦          Факультэт               ¦ ¦  Бiлет сапраўдны                   ¦
¦    Форма атрымання               ¦ ¦  да                                ¦
¦           адукацыi               ¦ ¦ ------------- ---------- ¦
¦                                  ¦ ¦ ¦                ¦ ¦             ¦ ¦
¦                                  ¦ ¦ ¦----------------- ¦-------------- ¦
¦                                  ¦ ¦ Асабiсты подпiс     Подпiс         ¦
¦                                  ¦ ¦студэнта             рэктара        ¦
¦                                  ¦ ¦                     М.П.           ¦
¦----------------------------------- ¦-------------------------------------

Дадатак 2
да пастановы
Мiнiстэрства адукацыi
Рэспублiкi Беларусь
30.03.2010 N 39

АПIСАННЕ СТУДЭНЦКАГА БIЛЕТА

Студэнцкi бiлет уяўляе сабой пластыкавую картку фармату ID1 памеру 85,6 х 54,1 мм. Студэнцкi бiлет вырабляецца шляхам ламiнiравання персанiфiкаванага бланка, якi складаецца з левага i правага лiстоў, на пярэднiх баках якiх размяшчаецца iнфармацыя ў адпаведнасцi з зацверджаным узорам, пры гэтым лiсты ў пластыкавым канверце размяшчаюцца адваротнымi бакамi адзiн да другога. У пластыкавым канверце памiж адваротнымi бакамi лiстоў бланка размяшчаецца мiкрапрацэсар памяццю не менш за 2 Kb з антэнай для бескантактнай перадачы i прыёму iнфармацыi.