ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ
29 жніўня 2007 г. № 37
АБ ЗАЦВЯРДЖЭННІ ЎЗОРАЎ УЛІКОВЫХ ДАКУМЕНТАЎ І
ІНСТРУКЦЫЙ АБ ПАРАДКУ НЕКАТОРЫХ ДЗЕЯННЯЎ У ДАЧЫНЕННІ
ДА ГІСТОРЫКА-КУЛЬТУРНЫХ КАШТОЎНАСЦЕЙ
У адпаведнасці з абзацам трэцім артыкула 9, пунктам 6 артыкула
25 Закона Рэспублікі Беларусь ад 9 студзеня 2006 года «Аб ахове
гісторыка-культурнай спадчыны Рэспублікі Беларусь» Міністэрства
культуры Рэспублікі Беларусь ПАСТАНАЎЛЯЕ:
Зацвердзіць:
узор уліковай карткі гісторыка-культурнай каштоўнасці згодна з
дадаткам 1;
узор пашпарта гісторыка-культурнай каштоўнасці згодна з
дадаткам 2;
Інструкцыю аб парадку запаўнення ўліковых дакументаў
(дадаецца);
Інструкцыю аб парадку падрыхтоўкі, падпісання і рэгістрацыі
ахоўнага абавязацельства на матэрыяльную гісторыка-культурную
каштоўнасць (дадаецца);
Інструкцыю аб парадку вырабу і ўстаноўкі ахоўнай дошкі на
матэрыяльнай нерухомай гісторыка-культурнай каштоўнасці (дадаецца).
Міністр У.Ф.Матвейчук
УЗГОДНЕНА УЗГОДНЕНА
Старшыня Старшыня
Брэсцкага абласнога Віцебскага абласнога
выканаўчага камітэта выканаўчага камітэта
К.А.Сумар У.П.Андрэйчанка
06.07.2007 11.07.2007
УЗГОДНЕНА УЗГОДНЕНА
Старшыня Старшыня
Гомельскага абласнога Гродзенскага абласнога
выканаўчага камітэта выканаўчага камітэта
А.С.Якабсон У.Я.Саўчанка
19.07.2007 15.07.2007
УЗГОДНЕНА УЗГОДНЕНА
Старшыня Старшыня
Магілёўскага абласнога Мінскага абласнога
выканаўчага камітэта выканаўчага камітэта
Б.В.Батура Л.Ф.Крупец
05.07.2007 20.07.2007
УЗГОДНЕНА
Старшыня
Мінскага гарадскога
выканаўчага камітэта
М.Я.Паўлаў
19.07.2007
Дадатак 1
да пастановы
Міністэрства культуры
Рэспублікі Беларусь
29.08.2007 № 37
Узор
УЛІКОВАЯ КАРТКА
гісторыка-культурнай каштоўнасці
---------------------------------T--------------------------------------¬
¦1. Назва (згодна з Дзяржаўным¦2. Шыфр (згодна з Дзяржаўным спiсам¦
¦спiсам гiсторыка-культурных каш-¦гiсторыка-культурных каштоўнасцей Рэс-¦
¦тоўнасцей Рэспублiкi Беларусь)¦публiкi Беларусь)¦
¦Будынак Вялiкага акадэмiчнага¦711Г000210 ¦
¦тэатра оперы i балета Рэспублiкi¦ ¦
¦Беларусь ¦ ¦
+--------------------------------+--------------------------------------+
¦_______________________________________________________________________¦
¦3. Катэгорыя (0/1/2/3/без катэгорыi; А/Б): "1" ¦
¦_______________________________________________________________ ¦
¦пастанова Савета Мiнiстраў Рэспублiкi Беларусь ад 14 мая 2007 г. № 578 ¦
¦ ¦
+----------------T---------------T--------------T-----------------------+
¦4. Месцазнаход-¦ ¦ ¦г. Мiнск ¦
¦жанне ¦ ¦ ¦ ¦
L----------------+---------------+--------------+------------------------
(вобласць) (раён) (населены пункт)
-------------------------------------------------------¬
¦пл. Парыжскай Камуны, 1 ¦
L-------------------------------------------------------
(плошча/вулiца/завулак i нумар будынка)
-------------------T----------------------------------------------------¬
¦5. Вiд ¦Матэрыяльная нерухомая гiсторыка-культурная каш-¦
¦ ¦тоўнасць: ¦
¦ ¦помнiк архiтэктуры ¦
L------------------+-----------------------------------------------------
(матэрыяльная або нематэрыяльная; рухомая або нерухомая гiсторыка-куль-
турная каштоўнасць: дакументальны помнiк, запаветныя мясцiны, помнiк
археалогii, помнiк архiтэктуры, помнiк гiсторыi, помнiк горадабудаў-
нiцтва, помнiк мастацтва; фiксаваная або ўвасобленая нематэрыяльная
гiсторыка-культурная каштоўнасць)
----------T------------T----------T-------------------------------------¬
¦6. Дата¦1935-1937 ¦1944-1948 ¦7. Стваральнiк (аўтар)¦
¦ўзнiкнен-¦гг. ¦гг. ¦I.Лангбард ¦
¦ня ¦ ¦ ¦ ¦
L---------+------------+----------+--------------------------------------
(асноўная) (дадатковая)
--------------T--------------------T------------------------------------¬
¦8. Выкарыс-¦Тэатр ¦Тэатр ¦
¦танне ¦ ¦ ¦
L-------------+--------------------+-------------------------------------
(гiстарычнае) (сучаснае)
-----------------------T------------T------------T----------------------¬
¦9. Уласнiк (ула-¦Форма ўлас-¦Дата наступ-¦Ахоўнае абавязацельс-¦
¦дальнiк) ¦насцi ¦лення/ ¦тва ¦
¦ ¦ ¦заканчэння ¦(дата i нумар¦
¦ ¦ ¦правоў улас-¦рэгiстрацыi) ¦
¦ ¦ ¦насцi ¦ ¦
+----------------------+------------+------------+----------------------+
¦Творчае аб'яднанне "-¦Дзяржаўная: ¦01.01.1996 г¦12.05.2000 г. № 5065 ¦
¦Нацыянальны акадэмiчны¦рэс- ¦ ¦ ¦
¦Вялiкi тэатр оперы i¦публiканская¦ ¦ ¦
¦балета Рэспублiкi Бе-¦ ¦ ¦ ¦
¦ларусь" ¦ ¦ ¦ ¦
+----------------------+------------+------------+----------------------+
¦10. Фотаздымак/схематычны план ¦
¦ ¦
¦ 1***На папяровым носьбiце ¦
¦ ¦
¦11. Кароткае апiсанне: ¦
¦Аб'ёмна-прасторавая кампазiцыя будынка створана па прынцыпе ярусаў.¦
¦Сцены рытмiчна члянёны высокiмi прамавугольнымi аконнымi праёмамi i ла-¦
¦паткамi. Глядзельная частка ўяўляе сабой пастаўленыя адзiн над адным 3¦
¦цылiндрычныя аб'ёмы рознага дыяметра i вышынi, накрыта шатровым дахам,¦
¦вылучана 7 уваходнымi квадратнымi ў плане порцiкамi. Сцены нiжняга¦
¦аб'ёму i калоны порцiкаў апрацаваны рустам. Развiтая сцэнiчная каробка¦
¦i дапаможныя памяшканнi прыбудаваны ў выглядзе высокага прамавугольнага¦
¦ў плане i выступаючых па баках больш нiзкiх кубiчных аб'ёмаў, накрыты¦
¦вальмавым дахам. ¦
L------------------------------------------------------------------------
12. Тэхнічная характарыстыка:
-----------------------------T-----------------------------------------¬
¦1. Сучасны тэхнiчны стан¦Здавальняючы ¦
¦гiсторыка-культурнай каш-¦ ¦
¦тоўнасцi ¦ ¦
L----------------------------+------------------------------------------
(здавальняючы/нездавальняючы/аварыйны)
----------------T---------------T---------------T----------------------¬
¦2. Асноўныя бу-¦3. Плошча забу-¦4. Будаўнiчы¦5. Агульная плошча, м2¦
¦даўнiчыя матэ-¦довы, м2 ¦аб'ём, м3 ¦ ¦
¦рыялы ¦ ¦ ¦ ¦
+---------------+---------------+---------------+----------------------+
¦Цэгла ¦9688 ¦17272 ¦25559 ¦
+---------------+---------------+---------------+----------------------+
¦ ¦6. Вышыня, м ¦7. Даўжыня, м ¦8. Шырыня, м ¦
+---------------+---------------+---------------+----------------------+
¦ ¦40 ¦121 ¦85 ¦
L---------------+---------------+---------------+-----------------------
13. Навуковы кіраўнік:
---------------------T------------T-------T----------------------------¬
¦Прозвiшча, iмя, iмя ¦Дата i нумар¦Пасвед-¦Арганiзацыя, дзе працуе, яе ¦
¦ па бацьку ¦прызначэння ¦ чанне ¦ адрас i тэлефон ¦
+--------------------+------------+-------+----------------------------+
¦Iванова Людмiла¦25.02.2005 г¦01-0014¦РУП "Праектрэстаўрацыя",¦
¦Уладзiмiраўна ¦ № 0014 ¦ ¦вул. Багдановiча, 143,¦
¦ ¦ ¦ ¦г. Мiнск, ¦
¦ ¦ ¦ ¦тэл. 234 22 27 ¦
L--------------------+------------+-------+-----------------------------
14. Наяўнасць дакументацыі:
----------------T--------------------T-----------T---------------------¬
¦Назва раздзела¦Распрацоўшчык ¦Нумар аб'-¦Дата i нумар заклю-¦
¦навукова-пра- ¦ ¦екта па¦чэння або пастановы¦
¦ектнай дакумен-¦ ¦праекце ¦Мiнiстэрства культуры¦
¦тацыi ¦ ¦ ¦па праектнай дакумен-¦
¦ ¦ ¦ ¦тацыi ¦
+---------------+--------------------+-----------+---------------------+
¦1. Комплексныя¦РУП "Праектрэстаўра-¦№ 194-05 ¦01.02.1989 г. ¦
¦навуковыя ¦цыя" ¦ ¦№ 11-01-05/7 ¦
¦даследаваннi ¦ ¦ ¦ ¦
+---------------+--------------------+-----------+---------------------+
¦2. Архiтэктурны¦Iнстытут "Белдзярж-¦№ 43-2.92-0¦02.03.2001 г. ¦
¦праект ¦праект" ¦ ¦№ 11-01-05/10 ¦
+---------------+--------------------+-----------+---------------------+
¦3. Будаўнiчы¦РУП "Праектрэстаўра-¦№ 194-05 ¦ ¦
¦праект ¦цыя" iнстытут "Белд-¦№ 43-2.92-0¦03.04.2005 г. ¦
¦1-ы i 2-гi пус-¦зяржпраект" ¦ ¦№ 11-01-05/395 ¦
¦кавы комлекс¦ ¦ ¦ ¦
¦3-цi пускавы¦ ¦ ¦ ¦
¦комлекс распра-¦ ¦ ¦ ¦
¦цоўваецца ¦ ¦ ¦ ¦
+---------------+--------------------+-----------+---------------------+
¦4. Праект зон¦ ¦ ¦ ¦
¦аховы ¦ ¦ ¦ ¦
L---------------+--------------------+-----------+----------------------
15. Праверка тэхнічнага стану гісторыка-культурнай каштоўнасці:
------------------T---------------T-------------------T----------------¬
¦ Дата ¦Прозвiшча, iмя,¦Пасада правяраючага¦ Заўвагi ¦
¦ ¦ iмя п/б. ¦ ¦ ¦
+-----------------+---------------+-------------------+----------------+
¦01.01.2007 г. ¦Iваноў Iван¦Спецыялiст ¦Няма ¦
¦ ¦Iванавiч ¦ ¦ ¦
+-----------------+---------------+-------------------+----------------+
¦12.02.2007 г. ¦Iваноў Iван¦Галоўны спецыялiст ¦Няма ¦
¦ ¦Iванавiч ¦ ¦ ¦
+-----------------+---------------+-------------------+----------------+
¦16. Дадатковыя звесткi*. Адсутнiчаюць ¦
L-----------------------------------------------------------------------
14.06.2007 г. Складальнік: РУП «Праектрэстаўрацыя»
(назва юрыдычнай установы)
вядучы спецыяліст Пятроў Пётр Пятровіч
(пасада, прозвішча, імя, імя па бацьку)
(дата складання
ўліковай карткі)
______________________________
*Пункт змяшчае звесткі аб змяненнях, унесенных у назву,
катэгорыю, аб пазбаўлені статуса гiсторыка-культурнай каштоўнасцi,
зацверджаных пастановай Савета Міністраў Рэспублікі Беларусь,
змяненнях і дапаўненнях фактычных звестак.
Дадатак 2
да пастановы
Міністэрства культуры
Рэспублікі Беларусь
29.08.2007 № 37
Узор
МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ
ПАШПАРТ
гісторыка-культурнай каштоўнасці
Будынак Вялікага акадэмічнага тэатра оперы і балета Рэспублікі
Беларусь,
г. Мінск, пл. Парыжскай Камуны, 1
____________________________________________________________________
(назва і адрас)
Дырэктар РУП _________ Сіняўскі Уладзімір Пятровіч
«Праектрэстаўрацыя» (подпіс) (прозвішча, імя, імя
(пасада кіраўніка і назва па бацьку)
арганізацыі, якой
падрыхтаваны пашпарт)
------------------------------------------T----------------------------¬
¦1. Назва (згодна з Дзяржаўным спiсам¦2. Шыфр (згодна з Дзяржаўным¦
¦гiсторыка-культурных каштоўнасцей Рэс-¦спiсам гiсторыка-культурных¦
¦публiкi Беларусь)¦каштоўнасцей Рэспублiкi Бе-¦
¦Будынак Вялiкага акадэмiчнага тэатра опе-¦ларусь) ¦
¦ры i балета ¦711Г000210 ¦
¦Рэспублiкi Беларусь¦ ¦
¦_________________________________________¦ ¦
¦3. Катэгорыя (0/1/2/3/без катэгорыi;¦ ¦
¦А/Б): "1" ¦ ¦
¦________________________________________ ¦ ¦
¦пастанова Савета Мiнiстраў Рэспублiкi Бе-¦ ¦
¦ларусь ад 14 мая 2007 г. № 578 ¦ ¦
L-----------------------------------------+-----------------------------
------------T---------------------------------------------------------¬
¦4. Вiд ¦Матэрыяльная ¦
L-----------+----------------------------------------------------------
(матэрыяльная або нематэрыяльная гiсторыка-культурная каштоўнасць)
-----------------------------------------------------------------------
5. Тып:
----------------------------------T------------------------------------¬
¦А. (матэрыяльная гiсторыка-куль-¦Нерухомая гiсторыка-культурная каш-¦
¦турная каштоўнасць) ¦тоўнасць: помнiк архiтэктуры ¦
L---------------------------------+-------------------------------------
(рухомая або нерухомая: дакументальны помнік, запаветныя мясціны,
помнік археалогіі, помнік архітэктуры, помнік гісторыі, помнік
горадабудаўніцтва, помнік мастацтва)
----------------------------------T-----------------------------------¬
¦Б. (нематэрыяльная гiсторыка-ку-¦ - ¦
¦льтурная каштоўнасць) ¦ ¦
L---------------------------------+------------------------------------
(фіксаваная або ўвасобленая: звычаі, традыцыі, абрады, фальклор,
мова, яе дыялекты, змест геральдычных, тапанімічных аб’ектаў і
твораў народнага мастацтва, іншыя праяўленні творчасці чалавека)
----------------------------------T-----------------------------------¬
¦6. Стыль (матэрыяльная гiсторыка-¦Канструктывiзм ¦
¦культурная каштоўнасць) ¦ ¦
L---------------------------------+------------------------------------
------------------------T------------T------------T--------------------¬
¦7. Месцазнаходжанне¦ ¦ ¦г. Мiнск ¦
¦гiсторыка-культурнай ¦ ¦ ¦ ¦
¦каштоўнасцi (па сучас-¦ ¦ ¦ ¦
¦наму адмiнiстрацыйна-¦ ¦ ¦ ¦
¦тэрытарыяльнаму падзе-¦ ¦ ¦ ¦
¦лу) ¦ ¦ ¦ ¦
L-----------------------+------------+------------+---------------------
(вобласць) (раён) (населены пункт)
-----------------------------------------------¬
¦пл. Парыжскай Камуны, 1 ¦
L-----------------------------------------------
(плошча/вулiца/завулак i нумар будынка)
------------------------T-----------T-------------T---------------------¬
¦8. Гiстарычны адрас (на¦ ¦ ¦г. Мiнск ¦
¦момант узнiкнення¦ ¦ ¦ ¦
¦гiсторыка-культурнай ¦ ¦ ¦ ¦
¦каштоўнасцi i наступныя¦ ¦ ¦ ¦
¦змены адрасу) ¦ ¦ ¦ ¦
L-----------------------+-----------+-------------+----------------------
(губерня) (павет) (населены пункт)
------------------------------------------------¬
¦пл. Парыжскай Камуны, д. 1 ¦
L------------------------------------------------
(плошча/вулiца/завулак i нумар будынка)
9. Гісторыя фармавання гісторыка-культурнай каштоўнасці:
----------------------T------------------T-----------------------------¬
¦Узнiкненне; вiды ра- ¦ Дата ¦ Стваральнiк або аўтар ¦
¦ бот ¦ ¦ ¦
+---------------------+------------------+-----------------------------+
¦Пабудова ¦1935-1937 гг. ¦I.Лангбард ¦
+---------------------+------------------+-----------------------------+
¦Рамонт ¦1944-1948 гг. ¦Няма звестак ¦
+---------------------+------------------+-----------------------------+
¦10. Выкарыстанне ¦Тэатр ¦Тэатр ¦
L---------------------+------------------+------------------------------
(гiстарычнае) (сучаснае)
------------------T--------T-----------T----------T--------------------¬
¦11. Уласнiк (ула-¦Ла- ¦Форма ўлас-¦Дата на-¦Ахоўнае абавязаце-¦
¦дальнiк) ¦калiза- ¦насцi ¦ступлення/¦льства (дата i нумар¦
¦ ¦цыя ва-¦ ¦заканчэння¦рэгiстрацыi) ¦
¦ ¦лодання ¦ ¦правоў ¦ ¦
¦ ¦ ¦ ¦уласнасцi ¦ ¦
+-----------------+--------+-----------+----------+--------------------+
¦Творчае аб'яднан-¦Увесь ¦Дзяржаўная:¦Наступлен-¦12.05.2000 г. № 5065¦
¦не "Нацыянальны¦будынак ¦рэс- ¦не правоў¦ ¦
¦акадэмiчны Вялiкi¦ ¦публiканс- ¦уласнасцi ¦ ¦
¦тэатр оперы i ба-¦ ¦кая ¦01.01.1996¦ ¦
¦лета Рэспублiкi¦ ¦ ¦ г. ¦ ¦
¦Беларусь" ¦ ¦ ¦ ¦ ¦
L-----------------+--------+-----------+----------+---------------------
12. Тэхнічная характарыстыка (для матэрыяльнай гісторыка-культурнай
каштоўнасці):
------------------------------T----------------------------------------¬
¦1. Сучасны тэхнiчны стан ¦ Здавальняючы ¦
L-----------------------------+-----------------------------------------
(здавальняючы/нездавальняючы/аварыйны)
------------------T---------------T-------------T----------------------¬
¦2. Асноўныя буда-¦3. Плошча забу-¦4. Будаўнiчы¦5. Агульная плошча, м2¦
¦ўнiчыя матэрыялы ¦довы, м2 ¦аб'ём, м3 ¦ ¦
+-----------------+---------------+-------------+----------------------+
¦Цэгла ¦9688 ¦17272 ¦25559 ¦
+-----------------+---------------+-------------+----------------------+
¦ ¦6. Вышыня, м ¦7. Даўжыня, м¦8. Шырыня, м ¦
+-----------------+---------------+-------------+----------------------+
¦ ¦40 ¦121 ¦85 ¦
L-----------------+---------------+-------------+-----------------------
13. Апісанне гісторыка-культурнай каштоўнасці:
Аб’ёмна-прасторавая кампазiцыя будынка створана па прынцыпе ярусаў.
Сцены рытмiчна члянёны высокiмi прамавугольнымi аконнымi праёмамi i
лапаткамi. Глядзельная частка ўяўляе сабой пастаўленыя адзін над
адным 3 цыліндрычныя аб’ёмы рознага дыяметра і вышыні, накрыта
шатровым дахам, вылучана 7 уваходнымі квадратнымі ў плане порцікамі.
Сцены ніжняга аб’ёму і калоны порцікаў апрацаваны рустам. Развітая
сцэнічная каробка і дапаможныя памяшканні прыбудаваны ў выглядзе
высокага прамавугольнага ў плане і выступаючых па баках больш нізкіх
кубічных аб’ёмаў, накрыты вальмавым дахам.
14. Элементы, што маюць самастойны статус гісторыка-культурнай
каштоўнасці: адсутнічаюць.
---------------T-------------T----------T------------------------------¬
¦ Шыфр ¦ Назва ¦ Дата ¦ Катэгорыя ¦
+--------------+-------------+----------+------------------------------+
¦ ¦ ¦ ¦ ¦
L--------------+-------------+----------+-------------------------------
15. Гістарычная даведка (гісторыя ўзнікнення, асноўныя этапы
фармавання і развіцця, падзеі і асобы, звязаныя з помнікам, гісторыя
даследаванняў помніка):
Будынак тэатра праектаваўся архітэктарам І.Лангбардам у 1934 г.
У пэўнай ступені праект меў эксперыментальны характар. І.Лангбард
шукаў новае рашэнне будынка, улічваючы агульную ў той час у СССР
тэндэнцыю адмаўлення ад акадэмічнага тыпу будынкаў з яруснай
пабудовай залы і сцэнай, рэзка аддзеленай парталам і занавесам.
Цэнтральным ядром кампазіцыі будынка тэатра была авальная зала
на 3000 месцаў у выглядзе крутога амфітэатра з вялікім навісаючым
балконам. Залу паўкальцом ахоплівалі светлыя фае першага і другога
паверхаў. Гардэробы размяшчаліся шырокім фронтам уздоўж знешняга
контуру будынка ў вестыбюлі першага паверха. У вялікай па аб’ёме і
развітай у плане сцэнічнай частцы прадугледжваліся прыстасаванні для
хуткай змены дэкарыцый. Па ўсёй акружнасці залы, пад столлю, была
прыстасавана асвятляльная галерэя.
Па гэтым праекце і пачалося будаўніцтва тэатра ў 1935 г. Аднак
задуманы праект цалкам не быў выкананы. Пачатак будаўніцтва супаў з
перыядам зменаў у літаратуры, мастацтве і архітэктуры. Падвяргаюцца
крытыцы ідэі ўніверсальнага і актыўна механізаванага тэатральнага
дзеяння. Прызнаюцца немэтазгоднымі тэатральныя комплексы гіганцкіх
памераў.
Гэтыя змены і новая жорсткая рэгламентацыя ў тэатральным
мастацтве прывялі да таго, што Лангбарду, не спыняючы будаўніцтва,
неабходна было перапрацаваць праект. Пры завяршэнні будаўніцтва ў
сувязі са скарачэннем фінансавання не былі зроблены скульптуры ў
нішах, партал цэнтральнага ўвахода, акустычнае абсталяванне ў зале.
У гады Вялікай Айчынай вайны будынак тэатра атрымаў пашкоджанні.
У 1944-48 гг. ён аднаўляецца пад кіраўніцтвам аўтара. Пры гэтым
рэканструіруецца зала для гледачоў. Яна набыла класічную пабудову:
партэр і ярусы ложаў, партал сцэны.
У 1964-67 гг. для ліквідацыі зацёкаў замест плоскага даху быў
зроблены схільны. У 1977-81 гг. была праведзена рэканструкцыя
інтэр’ераў залы. У 1981 г. праводзіліся пазалотныя работы. У 2005 г.
распачаўся чарговы этап рэстаўрацыі будынка тэатра оперы і балета.
Плануецца рэстаўраваць тэатр як аўтарскі твор архітэктара
І.Лангбарда.
16. Асноўная бібліяграфія.
Архітэктура Беларусi: Энцыклапедычны даведнiк. Мн. 1993
17. Архіўныя крыніцы.
Праект тэатра оперы і балета. Агульны выгляд. Конкурсны праект. Фонд
№ 25, справа № 91. Беларускi дзяржаўны архiў навукова-тэхнiчнай
дакументацыi.
18. Навуковы кіраўнік:
---------------------T------------T-------T----------------------------¬
¦Прозвiшча, iмя, iмя ¦Дата i нумар¦ Нумар ¦Установа, дзе працуе, яе ад-¦
¦ па бацьку ¦прызначэння ¦пасвед-¦ рас i тэлефон ¦
¦ ¦ ¦ чання ¦ ¦
+--------------------+------------+-------+----------------------------+
¦Iванова Людмiла¦25.02.2005 г¦01-0014¦РУП "Праектрэстаўрацыя",¦
¦Уладзiмiраўна ¦ № 0014 ¦ ¦вул. Багдановiча, 143,¦
¦ ¦ ¦ ¦г. Мiнск, ¦
¦ ¦ ¦ ¦тэл.234 22 27 ¦
L--------------------+------------+-------+-----------------------------
19. Наяўнасць навукова-праектнай дакументацыі (для матэрыяльных
гісторыка-культурных каштоўнасцей):
------------------T---------------------T--------T---------------------¬
¦ Праектная ар- ¦ Назва i стадыя пра- ¦Год рас-¦ Нумар i дата заклю- ¦
¦ ганiзацыя ¦ ектных работ ¦працоўкi¦ чэння Мiнiстэрства ¦
¦ ¦ ¦ ¦ культуры ¦
+-----------------+---------------------+--------+---------------------+
¦РУП "Праектрэста-¦Комплексныя навуковыя¦1989 г. ¦01.02.1989 г. ¦
¦ўрацыя" ¦даследаваннi ¦ ¦№ 11-01-05/7 ¦
+-----------------+---------------------+--------+---------------------+
¦Iнстытут "Белд-¦Архiтэктурны праект ¦2001 г. ¦02.03.2001 г. ¦
¦зяржпраект" ¦ ¦ ¦№ 11-01-05/10 ¦
+-----------------+---------------------+--------+---------------------+
¦РУП "Праектрэста-¦Будаўнiчы праект¦2005 г. ¦03.04.2005 г. ¦
¦ўрацыя" iнстытут¦1-ы i 2-гi пускавы¦ ¦№ 11-01-05/395 ¦
¦"Белдзяржпраект" ¦комлекс ¦ ¦ ¦
¦ ¦3-цi пускавы комлекс¦ ¦ ¦
¦ ¦распрацоўваецца ¦ ¦ ¦
L-----------------+---------------------+--------+----------------------
20. Праект зон аховы (для нерухомай матэрыяльнай гісторыка-
культурнай каштоўнасці):
------------------T-------T-----------------T--------------------------¬
¦ Праектная ар- ¦ Назва ¦ Год распрацоўкi ¦Зацверджаны (дата i нумар ¦
¦ ганiзацыя ¦ ¦ ¦пастановы Мiнiстэрства ку-¦
¦ ¦ ¦ ¦ льтуры Рэспублiкi Бела- ¦
¦ ¦ ¦ ¦ русь) ¦
+-----------------+-------+-----------------+--------------------------+
¦ ¦ ¦ ¦ ¦
L-----------------+-------+-----------------+---------------------------
21. Звесткі аб фіксацыі нематэрыяльнай гісторыка-культурнай
каштоўнасці (графiчнымi i тэхнiчнымi сродкамi, звесткі (нумар і дата
пастановы Міністэрства культуры) аб зацвярджэнні ў якасцi эталона
фiксаванай нематэрыяльнай гiсторыка-культурнай каштоўнасцi ў
парадку, устаноўленым Мiнiстэрствам культуры Рэспублiкi Беларусь)
22. Ілюстрацыйныя матэрыялы, фотаздымкі:
***На папяровым носьбіце
23. Дадатковыя звесткі*.
14.06.2007 г. Складальнік: РУП «Праектрэстаўрацыя»
(дата складання пашпарта) (назва юрыдычнай установы)
вядучы спецыяліст Пятроў Пётр Пятровіч
(пасада, прозвішча, імя, імя па бацьку)
______________________________
*Пункт змяшчае звесткі аб змяненнях, унесенных у назву,
катэгорыю, аб пазбаўлені статуса гiсторыка-культурнай каштоўнасцi,
зацверджаных пастановай Савета Міністраў Рэспублікі Беларусь,
змяненнях і дапаўненнях фактычных звестак.
ЗАЦВЕРДЖАНА
Пастанова
Міністэрства культуры
Рэспублікі Беларусь
29.08.2007 № 37
ІНСТРУКЦЫЯ
аб парадку запаўнення ўліковых дакументаў
1. Інструкцыя аб парадку запаўнення ўліковых дакументаў
(далей - Інструкцыя) распрацавана на падставе пункта 6 артыкула 25
Закона Рэспублікі Беларусь ад 9 студзеня 2006 года «Аб ахове
гісторыка-культурнай спадчыны Рэспублікі Беларусь» (Национальный
реестр правовых актов Республікі Беларусь, 2006 г., № 9, 2/1195) і
ўстанаўлівае парадак запаўнення ўліковых дакументаў.
2. Уліковымі дакументамі на гісторыка-культурную каштоўнасць
(далей - уліковыя дакументы) з’яўляюцца ўліковая картка гісторыка-
культурнай каштоўнасці (далей - улiковая картка) і пашпарт гiсторыка-
культурнай каштоўнасцi (далей - пашпарт).
3. На кожную гісторыка-культурную каштоўнасць запаўняецца
ўліковая картка і складаецца пашпарт адпаведных формаў і ўзораў,
зацверджаных Міністэрствам культуры Рэспублікі Беларусь (далей -
Міністэрства культуры).
Уліковыя дакументы запаўняюцца як на комплексную гісторыка-
культурную каштоўнасць, так і на кожную гісторыка-культурную
каштоўнасць у яе складзе.
4. Запаўненне ўліковых картак і складанне пашпартоў абавязаны
за свой кошт забяспечыць уласнік гісторыка-культурнай каштоўнасці.
5. Запаўненне ўлiковых картак і складанне пашпартоў
ажыццяўляецца па даручэнні ўласніка праектнымі арганізацыямі, якія
ажыццяўляюць падрыхтоўку навукова-праектнай дакументацыі на
гісторыка-культурныя каштоўнасці, і навуковымі ўстановамі.
6. Уліковыя дакументы запаўняюцца з дапамогай тэхнічных
сродкаў або рукапісным спосабам у трох экзэмплярах.
7. Ва ўліковыя дакументы на гісторыка-культурную каштоўнасць
уносяцца звесткі аб гісторыка-культурнай каштоўнасці, атрыманыя ў
ходзе яе вывучэння, а таксама дадзеныя, якія знаходзяцца ў Банку
звестак аб гiсторыка-культурнай спадчыне Рэспублiкi Беларусь.
8. Запоўненая ўліковая картка і складзены пашпарт перадаюцца:
Міністэрству культуры Рэспублiкi Беларусь;
адпаведнаму мясцоваму выканаўчаму і распарадчаму органу;
уласніку гісторыка-культурнай каштоўнасці.
9. Унясенне дапаўненняў і (або) змяненняў ва ўліковыя
дакументы выконваецца адказнымі асобамі мясцовых выканаўчых і
распарадчых органаў, у тым ліку па інфармацыі Міністэрства культуры.
Звесткі аб дапаўненнях і (або) змяненнях накіроўваюцца
ўласніку гісторыка-культурнай каштоўнасці і ў Міністэрства культуры.
10. Пры пазбаўленні статуса гiсторыка-культурнай каштоўнасцi
ва ўлiковых дакументах даецца спасылка на адпаведную пастанову
Савета Мiнiстраў Рэспублiкi Беларусь на падставе звестак, якія
накіроўваюцца Міністэрствам культуры ўласніку і адпаведнаму
мясцоваму выканаўчаму і распарадчаму органу.
11. Уліковыя дакументы падлягаюць пастаяннаму захаванню.
12. Пры запаўненні ўліковай карткі рэквізіты «Назва», «Шыфр»,
«Катэгорыя» змяшчаюць адпаведныя звесткі згодна з Дзяржаўным спісам
гісторыка-культурных каштоўнасцей Рэспублікі Беларусь (далей -
Дзяржаўны спіс), дату і нумар пастановы Савета Міністраў Рэспублікі
Беларусь аб наданні статуса гісторыка-культурнай каштоўнасці.
13. У рэквізіт «Месцазнаходжанне» ўносяцца звесткі аб
месцазнаходжанні гісторыка-культурнай каштоўнасці згодна з
Дзяржаўным спісам: вобласць, раён, населены пункт, плошча, вуліца,
завулак, нумар будынка.
Рэквізіт «раён» не запаўняецца ў сталіцы, абласных цэнтрах,
гарадах і пасёлках гарадскога тыпу абласнога падпарадкавання, якія
маюць гарадскія выканаўчыя камітэты.
Рэквізіты «плошча», «вуліца», «завулак» і «нумар будынка» не
запаўняюцца, калі гісторыка-культурная каштоўнасць знаходзіцца за
межамі населенага пункта. У гэтым выпадку ўносяцца спасылкі на
ўрочышча або прыродныя арыенціры, якія маюць доўгатэрміновы
характар. У выпадку, калі пры вывучэнні гісторыка-культурнай
каштоўнасці былі выкарыстаны прыборы спадарожнікавай навігацыі,
уносяцца звесткі аб каардынатах размяшчэння.
14. У рэквізіце «Від» фіксуецца від гісторыка-культурнай
каштоўнасці:
матэрыяльная або нематэрыяльная;
рухомая або нерухомая гісторыка-культурная каштоўнасць
(дакументальны помнік, запаветныя мясціны, помнік археалогіі, помнік
архітэктуры, помнік гісторыі, помнік горадабудаўніцтва, помнік
мастацтва);
фіксаваная або ўвасобленая нематэрыяльная гісторыка-культурная
каштоўнасць.
15. У наступных рэквізітах уліковай карткі фіксуюцца:
«Дата ўзнікнення» - адзначаецца дата ўзнікнення: асноўная
(згодна з Дзяржаўным спісам і пры наяўнасці звестак) і дадатковыя
(даты рамонта, рэканструкцыі або перабудовы гісторыка-культурнай
каштоўнасці);
«Стваральнік» - указваецца стваральнік, аўтар, архітэктар,
ініцыятар або фундатар пабудовы гісторыка-культурнай каштоўнасці
(пры наяўнасці звестак);
«Выкарыстанне» - адзначаецца гістарычнае і сучаснае
выкарыстанне гісторыка-культурнай каштоўнасці.
16. У рэквізітах «Уласнік», «Форма уласнасці», «Дата
наступлення/заканчэння правоў уласнасці», «Ахоўнае абавязацельства»
змяшчаюцца звесткі адпаведна аб уласніку (уладальніку) гісторыка-
культурнай каштоўнасці, яго юрыдычны адрас, форме ўласнасці і датах
наступлення, заканчэння правоў уласнасці, а таксама ўказваюцца дата
і нумар рэгістрацыі ахоўнага абавязацельства.
17. Рэквізіт «Фотаздымак/схематычны план» змяшчае фотаздымак і
(або) схематычны план гісторыка-культурнай каштоўнасці ў памеры не
менш 10х15 см.
18. Кароткае апісанне гісторыка-культурнай каштоўнасці змяшчае
звесткі аб архітэктурных і гістарычных асаблівасцях, планіроўцы,
аздабленні фасадаў, колькасці паверхаў, аконных і дзвярных праёмаў і
іх форме, відзе і матэрыяле, з якога ўсталяваны дах, наяўнасці іншых
элементаў (балконы, парталы і г.д.), а таксама іншай інфармацыі,
якая датычыць гісторыка-культурнай каштоўнасці.
19. У рэквізітах «Тэхнічная характарыстыка», «Сучасны тэхнічны
стан гісторыка-культурнай каштоўнасці», «Асноўныя будаўнічыя
матэрыялы» адзначаюцца сучасны тэхнічны стан гісторыка-культурнай
каштоўнасці (здавальняючы, нездавальняючы або аварыйны) і асноўныя
будаўнічыя матэрыялы, з якіх пабудавана гісторыка-культурная
каштоўнасць.
Адпаведныя рэквізіты ўліковай карткі змяшчаюць звесткі аб
плошчы забудовы ў квадратных метрах, будаўнічым аб’ёме ў кубічных
метрах, агульнай плошчы ў квадратных метрах, вышыні, даўжыні і
шырыні гісторыка-культурнай каштоўнасці ў метрах (звесткі
запаўняюцца згодна з тэхнічным пашпартам, а пры яго адсутнасці -
згодна з матэрыяламі архітэктурных або археалагічных абмераў).
20. У рэквізіце «Навуковы кіраўнік» адзначаецца навуковы
кіраўнік гісторыка-культурнай каштоўнасці з указаннем яго прозвішча,
iмя, імя па бацьку, даты і нумара прызначэння, наяўнасць
пасведчання, арганізацыя, дзе ён працуе, а таксама адрас установы і
кантактны тэлефон.
21. У рэквізітах «Наяўнасць дакументацыі», «Назва раздзела
навукова-праектнай дакументацыі», «Распрацоўшчык», «Нумар аб’екта па
праекце» і «Дата і нумар заключэння або пастановы Міністэрства
культуры па праектнай дакументацыі» ўказваюцца звесткі аб
распрацаванай навукова-праектнай дакументацыі на гісторыка-
культурную каштоўнасць і яе распрацоўшчыку, указваюцца таксама нумар
аб’екта па праекце, дата і нумар заключэння або пастановы
Міністэрства культуры па праектнай дакументацыі. У выпадку, калі
праект зон аховы не распрацаваны, рэквізіт «Праект зон аховы» не
запаўняецца.
22. Звесткі аб праверках тэхнічнага стану гiсторыка-культурнай
каштоўнасцi з указаннем даты, прозвішча, імя, імя па бацьку, пасады
правяраючага, а таксама магчымыя заўвагі фіксуюцца ў адпаведных
рэквізітах уліковай карткі.
23. Рэквізіт «Дадатковыя звесткі» змяшчае дадатковыя звесткі
аб змяненнях, унесеных у назву і катэгорыю гісторыка-культурнай
каштоўнасці, аб пазбаўленні статуса гісторыка-культурнай
каштоўнасці, зацверджаных пастановай Савета Міністраў Рэспублікі
Беларусь, змяненнях і дапаўненнях фактычных звестак.
24. У наступных рэквізітах указваецца дата складання ўліковай
карткі і складальнік (назва юрыдычнай установы, пасада, прозвішча,
імя, імя па бацьку).
25. Пры запаўненні пашпарта ў рэквізітах «назва і адрас»
указваюцца назва і адрас гісторыка-культурнай каштоўнасці згодна з
Дзяржаўным спісам.
Ніжэй указваецца пасада кіраўніка і назва арганізацыі, якой
падрыхтаваны пашпарт, подпіс кіраўніка, прозвішча, імя, імя па
бацьку кіраўніка.
26. Рэквізіты «Назва», «Шыфр», «Катэгорыя» пашпарта змяшчаюць
адпаведныя звесткі згодна з Дзяржаўным спісам, дату і нумар
пастановы Савета Міністраў Рэспублікі Беларусь аб наданні статуса
гісторыка-культурнай каштоўнасці.
27. У рэквізіце «Від» фіксуецца від гісторыка-культурнай
каштоўнасці:
матэрыяльная або нематэрыяльная;
рухомая або нерухомая гісторыка-культурная каштоўнасць
(дакументальны помнік, запаветныя мясціны, помнік археалогіі, помнік
архітэктуры, помнік гісторыі, помнік горадабудаўніцтва, помнік
мастацтва);
фіксаваная або ўвасобленая нематэрыяльная гісторыка-культурная
каштоўнасць.
28. Для запаўнення рэквізіту пашпарта «Тып» неабходна выбраць
адпаведнае:
у рэквізіце «А (матэрыяльная гісторыка-культурная
каштоўнасць)» адзначаецца рухомая або нерухомая гісторыка-культурная
каштоўнасць (дакументальны помнік, запаветныя мясціны, помнік
археалогіі, помнік архітэктуры, помнік гісторыі, помнік
горадабудаўніцтва, помнік мастацтва);
у рэквізіце «Б (нематэрыяльная гісторыка-культурная
каштоўнасць)» адзначаецца фіксаваная або ўвасобленая каштоўнасць
(звычаі, традыцыі, абрады, фальклор, мова, яе дыялекты, змест
геральдычных, тапанімічных аб’ектаў і твораў народнага мастацтва,
іншыя праяўленні творчасці чалавека).
29. Звесткі аб стылі гісторыка-культурнай каштоўнасці
змяшчаюцца ў рэквізіце «Стыль», які вызначаецца ўстойлівымі
кампазіцыйнымі, пластычнымі, каларыстычнымі, рытмічнымі і іншымі
мастацкімі адзнакамі і з’яўляецца характэрным для таго або іншага
часу.
30. У наступных рэквізітах пашпарта фіксуюцца:
«Месцазнаходжанне гісторыка-культурнай каштоўнасці» -
месцазнаходжанне гісторыка-культурнай каштоўнасці па сучасным
адміністрацыйна-тэрытарыяльным падзеле згодна з Дзяржаўным спісам з
указаннем вобласці, раёна, населенага пункта, плошчы, вуліцы,
завулка, нумара будынка.
Рэквізіт «раён» не запаўняецца ў сталіцы, абласных цэнтрах,
гарадах і пасёлках гарадскога тыпу абласнога падпарадкавання, якія
маюць гарвыканкамы.
Рэквізіты «плошча», «вуліца», «завулак» і «нумар будынка» не
запаўняюцца, калі гісторыка-культурная каштоўнасць знаходзіцца за
межамі населенага пункта. У гэтым выпадку ўносяцца спасылкі на
ўрочышча або прыродныя арыенціры, якія маюць доўгатэрміновы
характар. У выпадку, калі пры вывучэнні гісторыка-культурнай
каштоўнасці былі выкарыстаны прыборы спадарожнікавай навігацыі,
уносяцца звесткі аб каардынатах размяшчэння.
«Гістарычны адрас» - гістарычны адрас на момант узнікнення
гісторыка-культурнай каштоўнасці і наступныя змены адраса з
указаннем губерні, павета, населенага пункта, плошчы, вуліцы,
завулка і нумара будынка.
«Гісторыя фармавання гісторыка-культурнай каштоўнасці» -
гісторыя фармавання гісторыка-культурнай каштоўнасці з пазначэннем
абставін, якія папярэднічалі ўзнікненню (рашэнне аб пабудове, час
праектавання), час пачатку і заканчэння работ, відаў і абставін, пры
якіх адбывалася пабудова, і іншае.
31. Гістарычнае і сучаснае выкарыстанне гісторыка-культурнай
каштоўнасці фіксуецца ў рэквізіце «Выкарыстанне».
32. У наступных рэквізітах фіксуецца ўласнік (уладальнік)
каштоўнасці, лакалізацыя валодання (указваюцца межы ўласнасці або
валодання згодна з тэхнічным пашпартам, напрыклад: увесь будынак,
першы паверх, 70 квадратных метраў), форма ўласнасці, дата
наступлення, заканчэння правоў уласнасці, дата і нумар рэгістрацыі
ахоўнага абавязацельства.
33. Рэквізіт «Тэхнічная характарыстыка» змяшчае:
«Сучасны тэхнічны стан» - звесткі аб сучасным тэхнічным стане
(здавальняючы, нездавальняючы, аварыйны);
«Асноўныя будаўнічыя матэрыялы» - звесткі аб сучасных
будаўнічых матэрыялах.
Адпаведныя рэквізіты пашпарта змяшчаюць звесткі аб плошчы
забудовы ў квадратных метрах, будаўнічым аб’ёме ў кубічных метрах,
агульнай плошчы ў квадратных метрах, вышыні, даўжыні і шырыні
гісторыка-культурнай каштоўнасці ў метрах (звесткі запаўняюцца
згодна з тэхнічным пашпартам, а пры яго адсутнасці - згодна з
матэрыяламі архітэктурных або археалагічных абмераў).
34. Апісанне гісторыка-культурнай каштоўнасці змяшчае звесткі
аб архітэктурных і гістарычных асаблівасцях, планіроўцы, аздабленні
фасадаў, колькасці паверхаў, аконных і дзвярных праёмаў і іх форме,
відзе і матэрыяле, з якога ўсталяваны дах, наяўнасці іншых элементаў
(балконы, парталы і г.д.), а таксама іншай інфармацыі, якая датычыць
гісторыка-культурнай каштоўнасці.
35. У наступных рэквізітах пашпарта фіксуюцца шыфр, назва,
дата і катэгорыя элементаў, што маюць самастойны статус гісторыка-
культурнай каштоўнасці згодна з Дзяржаўным спісам.
36. Рэквізіт «Гістарычная даведка» змяшчае звесткі аб гісторыі
ўзнікнення, асноўных этапах фармавання і развіцця гісторыка-
культурнай каштоўнасці, падзеях і асобах, звязаных з помнікам,
гісторыю даследаванняў помніка.
37. У рэквізітах «Асноўная бібліяграфія», «Архіўныя крыніцы»
фіксуюцца асноўная бібліяграфія і архіўныя крыніцы.
38. У рэквізіце «Навуковы кіраўнік» адзначаецца навуковы
кіраўнік гісторыка-культурнай каштоўнасці з указаннем яго прозвішча,
імя, імя па бацьку, даты і нумара прызначэння, наяўнасць
пасведчання, арганізацыя, дзе ён працуе, а таксама адрас установы і
тэлефон.
39. Рэквізіты «Наяўнасць навукова-праектнай дакументацыі»,
«Назва і стадыя праектных работ», « Год распрацоўкі», «Нумар і дата
заключэння Міністэрства культуры» змяшчаюць звесткі аб наяўнасці
навукова-праектнай дакументацыі з указаннем праектнай арганізацыі,
назвы і стадыі праектных работ, года распрацоўкі, нумара і даты
заключэння Міністэрства культуры.
40. У рэквізіце «Праект зон аховы» (для нерухомай матэрыяльнай
гісторыка-культурнай каштоўнасці) указваецца праектная арганізацыя,
якая распрацавала праект зон аховы, назва праекта, год распрацоўкі,
дата і нумар пастановы Міністэрства культуры, якой зацверджаны
праект зон аховы. У выпадку, калі праект зон аховы не распрацаваны,
рэквізіт не запаўняецца.
41. У рэквізіце «Звесткі аб фіксацыі нематэрыяльнай гісторыка-
культурнай каштоўнасці» змяшчаюцца звесткі аб фіксацыі
нематэрыяльнай гісторыка-культурнай каштоўнасці графічнымі і
тэхнічнымі сродкамі, звесткі (нумар і дата пастановы Міністэрства
культуры) аб зацвярджэнні ў якасці эталона фіксаванай нематэрыяльнай
гісторыка-культурнай каштоўнасці ў парадку, устаноўленым
Міністэрствам культуры.
42. У наступных рэквізітах прадстаўляюцца ілюстрацыйныя
матэрыялы (схемы, фотаздымкі гісторыка-культурнай каштоўнасці, якія
выкананы ў час складання пашпарта, пасля капітальнага рамонту,
рэстаўрацыі і г.д., у час правядзення праверак тэхнічнага стану;
магчыма прадстаўленне гістарычных фотаздымкаў і малюнкаў).
43. У рэквізіце «Дадатковыя звесткі» змяшчаюцца звесткі аб
змяненнях і дапаўненнях фактычных звестак, унесеных у назву,
катэгорыю і г.д., аб пазбаўленні статуса гісторыка-культурнай
каштоўнасці, з датай і нумарам адпаведнай пастановы Савета Міністраў
Рэспублікі Беларусь.
44. У наступных рэквізітах указваецца дата складання пашпарта,
фіксуецца назва юрыдычнай установы, пасада, прозвішча, імя, імя па
бацьку асобы, якая запоўніла пашпарт.
45. У выпадку, калі звесткі па пунктах 20, 21, 22, 23, 38, 39,
40, 41, 42, 43 дадзенай Інструкцыі адсутнічаюць, рэквізіты не
запаўняюцца да моманту атрымання звестак.
ЗАЦВЕРДЖАНА
Пастанова
Міністэрства культуры
Рэспублікі Беларусь
29.08.2007 № 37
IНСТРУКЦЫЯ
аб парадку падрыхтоўкі, падпісання і рэгістрацыі ахоўнага
абавязацельства на матэрыяльную гісторыка-культурную каштоўнасць
1. Інструкцыя аб парадку падрыхтоўкі, падпісання і рэгістрацыі
ахоўнага абавязацельства на матэрыяльную гісторыка-культурную
каштоўнасць распрацавана на падставе Закона Рэспублікі Беларусь ад 9
студзеня 2006 года «Аб ахове гісторыка-культурнай спадчыны
Рэспублікі Беларусь» (Национальный реестр правовых актов Республики
Беларусь, 2006 г., № 9, 2/1195) і ўстанаўлівае парадак падрыхтоўкі,
падпісання і рэгістрацыі ахоўнага абавязацельства.
2. Ахоўнае абавязацельства складаецца для кожнай матэрыяльнай
гiсторыка-культурнай каштоўнасці (далей - гісторыка-культурная
каштоўнасць) па адпаведнай форме, зацверджанай пастановай
Міністэрства культуры Рэспублікі Беларусь ад 8 снежня 2006 г. № 40
«Аб зацвярджэнні некаторых форм» (Национальный реестр правовых актов
Республики Беларусь, 2007 г., № 14, 8/15544).
3. Ахоўнае абавязацельства змяшчае звесткі аб вызначаных
індывідуальных умовах утрымання і выкарыстання гісторыка-культурнай
каштоўнасці, аб парадку выканання работ на гэтай гісторыка-
культурнай каштоўнасці, іншыя абмежаванні дзейнасці яе ўласніка
(уладальніка) і (або) карыстальніка, а таксама патрабаванні па
забеспячэнні захавання гісторыка-культурнай каштоўнасці.
4. Ахоўнае абавязацельства запаўняецца адказнай асобай
адпаведнага мясцовага выканаўчага і распарадчага органа, на
тэрыторыі якога размешчана гісторыка-культурная каштоўнасць (далей -
адказная асоба), у трох экзэмплярах.
5. Адказная асоба ўносіць у ахоўнае абавязацельства наступныя
звесткі:
поўную назву і шыфр гісторыка-культурнай каштоўнасці згодна з
Дзяржаўным спісам гісторыка-культурных каштоўнасцей Рэспублікі
Беларусь;
дату і нумар пастановы Савета Міністраў Рэспублікі Беларусь аб
наданні статуса і катэгорыі гісторыка-культурнай каштоўнасці;
месцазнаходжанне гісторыка-культурнай каштоўнасці;
форму ўласнасці, у якой знаходзіцца гісторыка-культурная
каштоўнасць (дзяржаўная: рэспубліканская або камунальная,
прыватная);
прозвішча, імя, імя па бацьку фiзiчнай асобы, у тым лiку
iндывiдуальнага прадпрымальнiка або поўную назву юрыдычнай асобы,
якая з’яўляецца ўласнікам (уладальнікам) гісторыка-культурнай
каштоўнасці, пасаду, прозвішча, імя і імя па бацьку кіраўніка
юрыдычнай асобы;
адрас ўласніка гісторыка-культурнай каштоўнасці (фiзiчнай
асобы, у тым лiку iндывiдуальнага прадпрымальнiка) або юрыдычны
адрас (для юрыдычнай асобы), кантактны тэлефон;
індывідуальныя ўмовы ўтрымання і выкарыстання гісторыка-
культурнай каштоўнасці.
Адказная асоба, якая запоўніла ахоўнае абавязацельства,
падпісвае яго з указаннем свайго прозвішча, імя і імя па бацьку.
6. Для запаўнення ахоўнага абавязацельства ўласнік або па яго
даручэнні ўладальнік прадстаўляе адказнай асобе агульнаграмадзянскі
пашпарт, даверанасць (пры афармленні дакументаў па даверанасці),
рэгістрацыйнае пасведчанне (для юрыдычнай асобы) і копіі наступных
дакументаў:
тэхнічны пашпарт;
дагавор куплі-продажу, пасведчанне аб праве на спадчыну па
завяшчанні (пры перадачы каштоўнасці ў спадчыну) або іншыя
дакументы, якія сведчаць аб праве ўласнасці на гісторыка-культурную
каштоўнасць;
копіі старонак 22, 23, 30, 31, 32 і 33 агульнаграмадзянскага
пашпарта.
7. Запоўненае ахоўнае абавязацельства падпісваецца ўласнікам
або па яго даручэнні ўладальнiкам гiсторыка-культурнай каштоўнасцi і
накіроўваецца для падпісання і рэгістрацыі ў Міністэрства культуры
Рэспублікі Беларусь (далей - Міністэрства культуры).
8. Пасля падпісання ў Міністэрстве культуры ахоўнаму
абавязацельству надаецца рэгістрацыйны нумар, які ўносіцца ў кнігу
рэгістрацыі ахоўных абавязацельстваў, складзеную па форме згодна з
дадаткам.
9. Пасля падпісання і рэгістрацыі адзін экзэмпляр ахоўнага
абавязацельства застаецца ў Міністэрстве культуры, два другіх
накіроўваюцца ў адпаведны мясцовы выканаўчы і распарадчы орган.
10. Адказная асоба адзін з экзэмпляраў падпісанага і
зарэгістраванага ахоўнага абавязацельства перадае ўласніку
(уладальніку) гісторыка-культурнай каштоўнасці.
11. Падпісанае і зарэгістраванае ахоўнае абавязацельства
дзейнічае да моманту змены ўласніка гісторыка-культурнай
каштоўнасці.
У выпадку змены ўласніка гісторыка-культурнай каштоўнасці ў
кнізе рэгістрацыі ахоўных абавязацельстваў робіцца запіс аб спыненні
дзейнасці ахоўнага абавязацельства.
12. Пры набыцці права ўласнасці на гісторыка-культурную
каштоўнасць новы ўласнік або па яго даручэнні ўладальнік абавязаны
на працягу аднаго месяца падпісаць ахоўнае абавязацельства.
Дадатак
да Інструкцыі аб парадку падрыхтоўкі,
падпісання і рэгістрацыі ахоўнага
абавязацельства на матэрыяльную
гісторыка-культурную каштоўнасць
МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ
КНІГА
рэгістрацыі ахоўных абавязацельстваў на гісторыка-культурныя
каштоўнасці
Ад «__» _____________ 20__ г.
Да «__» _____________ 20__ г.
------------T---------T----------T-----------T----------T--------------¬
¦ Нумар ¦ Дата ¦Месцазна- ¦ Назва ¦ Уласнiк ¦Дата спынення ¦
¦ ахоўнага ¦рэгiстра-¦ ходжанне ¦гiсторыка- ¦гiсторыка-¦ дзейнасцi ¦
¦абавязаце- ¦ цыi ¦гiсторыка-¦культурнай ¦культурнай¦ ¦
¦ льства ¦ ¦культурнай¦каштоўнасцi¦ каштоў- ¦ ¦
¦ ¦ ¦ каштоў- ¦ ¦ насцi ¦ ¦
¦ ¦ ¦ насцi ¦ ¦ ¦ ¦
+-----------+---------+----------+-----------+----------+--------------+
¦ 1 ¦ 2 ¦ 3 ¦ 4 ¦ 5 ¦ 6 ¦
+-----------+---------+----------+-----------+----------+--------------+
¦ ¦ ¦ ¦ ¦ ¦ ¦
ЗАЦВЕРДЖАНА
Пастанова
Міністэрства культуры
Рэспублікі Беларусь
29.08.2007 № 37
IНСТРУКЦЫЯ
аб парадку вырабу і ўстаноўкі ахоўнай дошкі на матэрыяльнай
нерухомай гісторыка-культурнай каштоўнасці
1. Інструкцыя аб парадку вырабу і ўстаноўкі ахоўнай дошкі на
матэрыяльнай нерухомай гісторыка-культурнай каштоўнасці (далей -
Інструкцыя) распрацавана на падставе Закона Рэспублікі Беларусь ад 9
студзеня 2006 года «Аб ахове гісторыка-культурнай спадчыны
Рэспублікі Беларусь» (Национальный реестр правовых актов Республики
Беларусь, 2006 г., № 9, 2/1195) і ўстанаўлівае парадак вырабу і
ўстаноўкі ахоўнай дошкі на нерухомай матэрыяльнай гісторыка-
культурнай каштоўнасці (далей - гісторыка-культурная каштоўнасць).
2. Ахоўная дошка вырабляецца як малюнак або барэльеф з
матэрыялу і спосабам, якія забяспечваюць яе доўгатэрміновае
выкарыстанне, эстэтычнае ўспрыманне, нагляднасць і зручнасць
прачытання інфармацыі.
3. Ахоўная дошка змяшчае інфармацыю аб прыналежнасці гісторыка-
культурнай каштоўнасці да гісторыка-культурнай спадчыны Рэспублікі
Беларусь, назву і датаванне гісторыка-культурнай каштоўнасці згодна
з Дзяржаўным спісам гісторыка-культурных каштоўнасцей Рэспублікі
Беларусь, указанне на адказнасць за прычыненне шкоды гісторыка-
культурнай каштоўнасці.
4. Ахоўная дошка вырабляецца, устанаўліваецца і захоўваецца за
кошт сродкаў уласніка гісторыка-культурнай каштоўнасці.
5. Ахоўная дошка адзінай формы, зацверджанай пастановай
Міністэрства культуры Рэспублікі Беларусь ад 8 снежня 2006 г. № 40
«Аб зацвярджэнні некаторых форм» (Национальный реестр правовых актов
Республики Беларусь, 2007 г., № 14, 8/15544), устанаўліваецца на
кожнай гісторыка-культурнай каштоўнасці.
На комплекснай гісторыка-культурнай каштоўнасці дапускаецца
ўстаноўка некалькіх аднолькавых ахоўных дошак, размяшчэнне якіх
ажыццяўляецца на асноўных шляхах наведвання тэрыторыі, на якой
размешчана комплексная гісторыка-культурная каштоўнасць.
6. Ахоўныя дошкі ўстанаўліваюцца ў трохмесячны тэрмін з
моманту ўключэння гісторыка-культурнай каштоўнасці ў Дзяржаўны спіс
гісторыка-культурных каштоўнасцей Рэспублікі Беларусь.
7. Ахоўныя дошкі ўстанаўліваюцца на галоўным фасадзе гісторыка-
культурнай каштоўнасці, як правіла, на адным з кутоў ніжэй аншлагаў
з назвай вуліцы і нумарам дома.
8. Устаноўка ахоўнай дошкі ўзгадняецца з адказнай асобай
мясцовых выканаўчых і распарадчых органаў, на тэрыторыі якой
размешчана гісторыка-культурная каштоўнасць.
Для ўзгаднення ўстаноўкі ахоўнай дошкі ўласнік прадстаўляе
адказнай асобе эскіз ахоўнай дошкі ў двух экзэмплярах.
Пры немагчымасці размяшчэння ахоўнай дошкі ў парадку,
вызначаным пункам 7 дадзенай Інструкцыі, уласнік прадстаўляе
дадаткова два экзэмпляры схемы або фотаздымкаў гісторыка-культурнай
каштоўнасці з указаннем месца размяшчэння ахоўнай дошкі.
9. Узгадненне ахоўнай дошкі афармляецца ў выглядзе запісу
«Узгоднена», даты ўзгаднення і подпісу адказнай асобы на эскізе
ахоўнай дошкі. Эскіз ахоўнай дошкі перадаецца ўласніку.
|
