ПАСТАНОВА САВЕТА МIНIСТРАЎ РЭСПУБЛIКI БЕЛАРУСЬ
3 жніўня 2006 г. № 998
АБ ЗАЦВЯРДЖЭННІ ПАЛАЖЭННЯ АБ ПАРАДКУ РАБОТЫ
НАВЕДВАЛЬНІКАЎ МУЗЕЯЎ З МУЗЕЙНЫМІ ПРАДМЕТАМІ І (АБО)
МУЗЕЙНЫМІ КАЛЕКЦЫЯМІ
У адпаведнасці з артыкулам 5 Закона Рэспублікі Беларусь ад 12
снежня 2005 года «Аб музеях і Музейным фондзе Рэспублікі Беларусь»
Савет Міністраў Рэспублікі Беларусь ПАСТАНАЎЛЯЕ:
1. Зацвердзіць прыкладзенае Палажэнне аб парадку работы
наведвальнікаў музеяў з музейнымі прадметамі і (або) музейнымі
калекцыямі.
2. Дадзеная пастанова ўступае ў сілу праз 10 дзён пасля яе
афіцыйнага апублікавання.
Прэм'ер-міністр Рэспублікі Беларусь С.Сідорскі
ЗАЦВЕРДЖАНА
Пастанова
Савета Мiнiстраў
Рэспублiкi Беларусь
03.08.2006 № 998
ПАЛАЖЭННЕ
аб парадку работы наведвальнікаў музеяў з музейнымі прадметамі і
(або) музейнымі калекцыямі
1. Дадзенае Палажэнне распрацавана ў адпаведнасці з Законам
Рэспублікі Беларусь ад 12 снежня 2005 года «Аб музеях і Музейным
фондзе Рэспублікі Беларусь» (Национальный реестр правовых актов
Республики Беларусь, 2005 г., № 197, 2/1167) і ўстанаўлівае парадак
доступу да музейных фондаў, работы з музейнымі прадметамі і (або)
музейнымі калекцыямі.
2. Дадзенае Палажэнне з’яўляецца абавязковым для ўсіх
дзяржаўных музеяў, а таксама для прыватных музеяў у дачыненні да
музейных прадметаў і (або) музейных калекцый, уключаных у Музейны
фонд Рэспублікі Беларусь, а таксама распаўсюджваецца на музейныя
прадметы і (або) музейныя калекцыі прыватных музеяў, якія не
ўключаны ў Музейны фонд Рэспублікі Беларусь, у выпадку, калі іншы
парадак не ўстаноўлены ўласнікам музея.
3. Музейныя прадметы і (або) музейныя калекцыі з’яўляюцца
даступнымі для візуальнага агляду наведвальнікаў музеяў падчас іх
наведвання музейных экспазіцый і выставак.
4. Дакладная інфармацыя аб усіх музейных прадметах і (або)
музейных калекцыях, уключаных у Музейны фонд Рэспублікі Беларусь,
рэгіструецца ў Дзяржаўным каталогу Музейнага фонду Рэспублікі
Беларусь і з’яўляецца даступнай для наведвальнікаў музеяў у парадку,
устаноўленым Палажэннем аб Музейным фондзе Рэспублікі Беларусь.
5. Работа наведвальнікаў музеяў з музейнымі прадметамі і (або)
музейнымі калекцыямі, што знаходзяцца ў фондасховішчах музеяў,
ажыццяўляецца на падставе пісьмовай заявы, у якой указваецца
дакладная і аргументаваная мэта работы, і пісьмовага дазволу
кіраўніка музея.
6. Пры наяўнасці страхавых копій любых існуючых фарматаў
музейных прадметаў, якія ўяўляюць аўтэнтычныя формы пісьменнасці і
выяўленчага мастацтва (дакументы, рукапісы, старадрукаваныя выданні,
фотадакументы, графіка і іншыя), у мэтах іх найлепшага захавання
дадзеныя музейныя прадметы з фондасховішчаў музеяў для работы
наведвальнікам музеяў не выдаюцца. Наведвальнікі музеяў карыстаюцца
іх страхавымі копіямі.
7. Музей арганізуе работу наведвальнікаў музеяў з музейнымі
прадметамі і (або) музейнымі калекцыямі ў асобных ці службовых
памяшканнях і ў прысутнасці музейнага работніка.
Работа наведвальнікаў музеяў з музейнымі прадметамі і (або)
музейнымі калекцыямі ў фондасховішчах музеяў не дапускаецца, за
выключэннем выпадкаў, калі музейныя прадметы маюць вялікія памеры
(скульптура, транспартныя сродкі, побытавыя рэчы і іншыя).
8. У мэтах забеспячэння захаванасці музейных прадметаў і (або)
музейных калекцый і выключэння магчымых негатыўных уздзеянняў на іх
доступ да работы з музейнымі прадметамі і (або) музейнымі
калекцыямі, якія знаходзяцца ў фондасховішчах музеяў, можа быць
абмежаваны, калі:
8.1. музейны прадмет і (або) музейная калекцыя маюць
нездавальняючы стан захаванасці;
8.2. адкрыты доступ да музейнага прадмета і (або) музейнай
калекцыі пагражае іх захаванасці;
8.3. музейны прадмет і (або) музейная калекцыя знаходзяцца ў
працэсе кансервацыі ці рэстаўрацыі;
8.4. музейны прадмет і (або) музейная калекцыя знаходзяцца ў
працэсе тэхнічнага афармлення, навуковых даследаванняў музейных
работнікаў;
8.5. музейны прадмет і (або) музейная калекцыя з’яўляюцца
асабліва каштоўнымі формамі пісьменнасці або выяўленчага мастацтва
(дакументы, рукапісы, старадрукаваныя выданні, фотадакументы,
графіка і іншыя) і не маюць страхавых копій;
8.6. музейныя прадметы і (або) музейныя калекцыі знаходзяцца
на спецыяльным уліку, парадак якога вызначаецца Міністэрствам
культуры;
8.7. музейныя прадметы і (або) музейныя калекцыі маюць статус
гісторыка-культурных каштоўнасцей і ўключаны ў Дзяржаўны спіс
гісторыка-культурнах каштоўнасцей Рэспублікі Беларусь.
9. Доступ да інфармацыі, якая змяшчаецца ў друкаваных і
электронных каталогах музеяў, за выключэннем інфармацыі ў дакументах
спецыяльнага ўліку, а таксама інфармацыі аб асобах, якія здалі ў
музей музейныя прадметы і (або) музейныя калекцыі, з’яўляецца
адкрытым.
10. Інфармацыя аб паходжанні, кошце, дакладным
месцазнаходжанні музейных прадметаў і (або) музейных калекцый,
зафіксаваная ва ўліковай дакументацыі музея, з’яўляецца службовай і
доступ да яе абмежаваны.
11. Наведвальнікі музеяў, якія атрымалі доступ да музейных
прадметаў і (або) музейных калекцый, абавязаны зарэгістравацца ў
спецыяльным журнале рэгістрацыі наведвальнікаў музея і азнаёміцца з
правіламі работы наведвальнікаў музеяў з музейнымі прадметамі і
(або) музейнымі калекцыямі.
12. Унутрымузейныя правілы работы наведвальнікаў музеяў з
музейнымі прадметамі і (або) музейнымі калекцыямі, якія
зацвярджаюцца кіраўніком музея і размяшчаюцца ў даступным месцы
(інфармацыйным стэндзе ці табло), рапрацоўваюцца на падставе
дадзенага Палажэння.
13. Публікацыя выяў музейных прадметаў і (або) музейных
калекцый і выкарыстанне інфармацыі аб іх ажыццяўляюцца толькі з
дазволу музея.
Выраб выяўленчай, друкаванай, сувенірнай і іншай тыражаванай
прадукцыі і вытворчасць тавараў народнага спажывання з выкарыстаннем
выяў музейных прадметаў і (або) музейных калекцый, будынкаў музеяў,
аб’ектаў, размешчаных на тэрыторыях музеяў, у тым ліку з
выкарыстаннем іх найменняў і сімволікі, ажыццяўляюцца толькі з
дазволу музеяў.
14. Наведвальнікі музеяў, якія дапусцілі пашкоджанне ці страту
музейных прадметаў і (або) музейных калекцый, нясуць
адміністрацыйную, крымінальную і іншую адказнасць у адпаведнасці з
заканадаўствам.
|
