ПАСТАНОВА САВЕТА МІНІСТРАЎ РЭСПУБЛІКІ БЕЛАРУСЬ
14 чэрвеня 2006 г. № 752
АБ ЗАЦВЯРДЖЭННІ ПАГАДНЕННЯ АБ СУПРАЦОЎНІЦТВЕ
ДЗЯРЖАЎ - УДЗЕЛЬНІЦ САДРУЖНАСЦІ НЕЗАЛЕЖНЫХ ДЗЯРЖАЎ ПА
ПЫТАННЯХ ВЯРТАННЯ НЕПАЎНАЛЕТНІХ У ДЗЯРЖАВЫ ІХ
ПАСТАЯННАГА ПРАЖЫВАННЯ
Савет Міністраў Рэспублікі Беларусь ПАСТАНАЎЛЯЕ:
1. Зацвердзіць Пагадненне аб супрацоўніцтве дзяржаў -
удзельніц Садружнасці Незалежных Дзяржаў па пытаннях вяртання
непаўналетніх у дзяржавы іх пастаяннага пражывання, падпісанае ў
г. Кішынёве 7 кастрычніка 2002 года.
Вызначыць у адпаведнасці з артыкулам 10 гэтага Пагаднення
кампетэнтнымі органамі Рэспублікі Беларусь, адказнымі за рэалізацыю
яго палажэнняў:
Міністэрства ўнутраных спраў - за ажыццяўленне вышуку
непаўналетніх, якія засталіся без папячыцельства і пакінулі
Рэспубліку Беларусь або дзяржаву іх пастаяннага пражывання;
устанаўленне асобы, прычын і ўмоў прыбыцця ў Рэспубліку Беларусь або
дзяржаву знаходжання непаўналетніх, якія змешчаны ў спецыялізаваныя
ўстановы; інфармаванне фізічнай або юрыдычнай асобы, якая ажыццяўляе
права бацькоўскай апекі і папячыцельства, а таксама дыпламатычнага
прадстаўніцтва (консульскай установы) дзяржавы пастаяннага
пражывання непаўналетняга ў Рэспубліцы Беларусь аб яго месцы
знаходжання; суправаджэнне непаўналетніх са спецыялізаваных устаноў
дзяржавы знаходжання ў Рэспубліку Беларусь і ў найбліжэйшыя
спецыялізаваныя ўстановы дзяржавы пастаяннага пражывання, названыя ў
дадатку да дадзенага Пагаднення, з Рэспублікі Беларусь; абмен
вопытам работы спецыялізаваных устаноў, нарматыўнымі прававымі
актамі, навучальнай і метадычнай літаратурай, якія адносяцца да
сферы іх дзейнасці;
Міністэрства адукацыі - за інфармаванне фізічнай або юрыдычнай
асобы, якая ажыццяўляе права бацькоўскай апекі і папячыцельства, а
таксама дыпламатычнага прадстаўніцтва (консульскай установы)
дзяржавы пастаяннага пражывання непаўналетняга ў Рэспубліцы Беларусь
аб месцы знаходжання непаўналетняга; абмен вопытам работы
спецыялізаваных устаноў, нарматыўнымі прававымі актамі, навучальнай
і метадычнай літаратурай, якія адносяцца да сферы іх дзейнасці;
Міністэрства замежных спраў - за аказанне садзейнічання па
ўстанаўленню асобы непаўналетніх, якія змешчаны ў спецыялізаваныя
ўстановы; бязвыплатнае прадстаўленне па запыту інфармацыі, якая
дазваляе вызначыць дзяржаву пастаяннага пражывання непаўналетняга,
што знаходзіцца на тэрыторыі другой дзяржавы; прадстаўленне пры
неабходнасці дакументаў, неабходных для перасячэння дзяржаўнай
граніцы непаўналетнім; аказанне садзейнічання асобам, якія
суправаджаюць непаўналетніх у Рэспубліку Беларусь або дзяржаву іх
пастаяннага пражывання, пры вяртанні, транзітным праездзе,
афармленні віз і вырашэнні іншых пытанняў, якія ўзнікаюць у гэтай
сувязі.
2. Міністэрству замежных спраў накіраваць паведамленне
дэпазітарыю аб выкананні Рэспублікай Беларусь унутрыдзяржаўных
працэдур, неабходных для ўступлення ў сілу Пагаднення аб
супрацоўніцтве дзяржаў - удзельніц Садружнасці Незалежных Дзяржаў па
пытаннях вяртання непаўналетніх у дзяржавы іх пастаяннага
пражывання.
Прэм'ер-міністр Рэспублікі Беларусь С.Сідорскі
|
