ПРАТАКОЛ ПАМІЖ УРАДАМ РЭСПУБЛІКІ БЕЛАРУСЬ І УРАДАМ
ЛАТВІЙСКАЙ РЭСПУБЛІКІ АБ УНЯСЕННІ ЗМЯНЕННЯЎ У
ПАГАДНЕННЕ ПАМІЖ УРАДАМ РЭСПУБЛІКІ БЕЛАРУСЬ І УРАДАМ
ЛАТВІЙСКАЙ РЭСПУБЛІКІ ПА ПЫТАННЮ АБ ПУНКТАХ ПРОПУСКУ
АД 18 ЖНІЎНЯ 1993 ГОДА
Урад Рэспублікі Беларусь і Урад Латвійскай Рэспублікі, якія
называюцца далей Бакамі,
у мэтах стварэння спрыяльных умоў для перасячэння граніцы
жыхарамі прыгранічных тэрыторый Рэспублікі Беларусь і Латвійскай
Рэспублікі,
улічваючы неабходнасць удасканалення арганізацыі перасячэння
граніцы аўтамабільнымі транспартнымі сродкамі,
кіруючыся нормамі міжнароднага права,
пагадзіліся аб ніжэйпададзеным:
1. Унесці ў Пагадненне паміж Урадам Рэспублікі Беларусь і
Урадам Латвійскай Рэспублікі па пытанню аб пунктах пропуску ад 18
жніўня 1993 года (далей - Пагадненне) наступныя змяненні:
1.1. Выключыць з пункта першага артыкула 1 Пагаднення словы
«Друя - Піедруя».
1.2. Выкласці пункт чацвёрты артыкула 1 Пагаднення ў наступнай
рэдакцыі:
«Для перасячэння граніцы жыхарамі прыгранічных тэрыторый
Рэспублікі Беларусь і Латвійскай Рэспублікі, якія накіроўваюцца на
прыгранічныя тэрыторыі дзяржавы другога Боку пяшком альбо з
ужываннем транспартных сродкаў, што знаходзяцца ў іх асабістым
карыстанні, вагой не больш за 3,5 тоны, без тавара, які належыць
дэклараванню, будуць адкрыты наступныя пункты пропуску:
Ліпаўка - Ворзава;
Плюсы - Каплава;
Гаўрыліна - Мейкшаны;
Друя - Піедруя.
Парадак вызначэння рэжыму работы і перасячэння граніцы ў
дадзеных пунктах пропуску ўстанаўліваецца асобнымі пагадненнямі
паміж Бакамі.».
2. Гэты Пратакол з’яўляецца неад’емнай часткай Пагаднення і
ўступае ў сілу з даты атрымання па дыпламатычных каналах апошняга
пісьмовага паведамлення аб выкананні Бакамі ўнутрыдзяржаўных
працэдур, якія неабходны для яго ўступлення ў сілу.
Здзейснена ў г. Мінску 19 студзеня 2007 года ў двух
экзэмплярах, кожны на беларускай і латышскай мовах, пры гэтам абодва
тэксты маюць аднолькавую сілу.
За Урад За Урад
Рэспублікі Беларусь Латвійскай Рэспублікі
Подпіс Подпіс
|
