ПРАТАКОЛ
АБ УСТАНАЎЛЕННI ДЫПЛАМАТЫЧНЫХ АДНОСIН ПАМIЖ
РЭСПУБЛIКАЙ БЕЛАРУСЬ I ВЕНГЕРСКАЙ РЭСПУБЛIКАЙ*
_____________________________
*Уступiў у сiлу 12 лютага 1992 г.
Рэспублiка Беларусь i Венгерская Рэспублiка,
кiруючыся жаданнем развiваць свае адносiны на аснове раўнапраўя
i супрацоўнiцтва,
упэўненыя ў тым, што гэтым яны будуць садзейнiчаць мiру,
бяспецы i стабiльнасцi ў Еўропе, а таксама ажыццяўленню мэтаў i
прынцыпаў Статута ААН, Хельсiнскага Заключнага Акта i Парыжскай
Хартыi для новай Еўропы,
зыходзячы з жадання ўсямерна ўмацоўваць палiтычныя, гандлёвыя,
эканамiчныя i культурныя адносiны памiж дзвюмя краiнамi i надаваць
iм новую якасць i вымярэнне,
жадаючы няўхiльна пашыраць дружалюбныя адносiны памiж iх
грамадзянамi i народамi,
пагадзiлiся аб устанаўленнi дыпламатычных адносiн памiж iмi з
дня падпiсання гэтага Пратакола i аб абмене дыпламатычнымi
прадстаўнiцтвамi на ўзроўнi Пасольстваў у тэрмiны, якiя падлягаюць
узгадненню памiж Бакамi, у адпаведнасцi з палажэннямi Венскай
Канвенцыi аб дыпламатычных зносiнах ад 18 красавiка 1961 года.
У гэтых мэтах прадстаўнiкi, упаўнаважаныя адпаведна Рэспублiкай
Беларусь i Венгерскай Рэспублiкай, падпiсалi гэты Пратакол у двух
экземплярах, кожны на беларускай i венгерскай мовах, прычым абодва
тэксты маюць аднолькавую сiлу.
Аформлена ў горадзе Будапешце 12 лютага 1992 года.
За Рэспублiку Беларусь За Венгерскую Рэспублiку
Пётр Краўчанка Геза Есенскi
Мiнiстр Замежных Спраў Мiнiстр Замежных Спраў
|
