Решение Минского городского исполнительного комитета от 16.01.1997 № 14 "Аб змяненнi тарыфу на праезд у гарадскiм пасажырскiм транспарце"

Для забеспячэння пасажырскiх перавозак прадпрыемствам гарадскога транспарту неабходна на 1997 год 764,5 млрд.руб. бюджэтных сродкаў. Праектам бюджэту прадугледжваецца выдзяленне толькi 255,8 млрд.руб., або 33,5% ад неабходнай сумы.

Улiчваючы недахоп бюджэтных сродкаў, а таксама павелiчэнне цэн на аўтамабiльнае палiва i iншых расходаў на эксплуатацыю пасажырскага транспарту, Мiнскi гарадскi выканаўчы камiтэт ВЫРАШЫЎ:

1. Зацвердзiць адзiны тарыф на праезд пасажыраў, а таксама правоз аднаго месца багажу ў г. Мiнску:

1.1. У метро, аўтобусе, трамваi, тралейбусе ў памеры 2000 руб., а для пенсiянераў, студэнтаў i навучэнцаў - 1000 руб. за адну паездку.

1.2. У аўтобусе з экспрэсным рэжымам руху ў памеры 4000 руб., а для пенсiянераў, студэнтаў i навучэнцаў - 2000 руб. за адну паездку.

2. Увесцi ў дзеянне зацверджаныя пунктам 1 гэтага рашэння адзiныя тарыфы:

2.1. На праезд у метро - з 18 студзеня 1997 г.

2.2. На праезд у гарадскiм аўтобусе, тралейбусе, трамваi - з 1 лютага 1997 г.

3. Установiць, што з 1 лютага 1997 года пры рэалiзацыi бiлетаў на адну паездку вадзiцелямi ў рухомым саставе цана бiлета павялiчваецца на 300 руб. да зацверджанага тарыфу.

4. Зацвердзiць кошт месячных i дэкадных праязных бiлетаў на праезд у гарадскiм пасажырскiм транспарце згодна з дадаткам.

5. Устанавiць, што пры праездзе ў гарадскiх аўтобусах з экспрэсным рэжымам руху, пасажыры, якiя маюць месячны праязны бiлет на права праезду ў аўтобусах гарадскiх маршрутаў, дадаткова аплачваюць - 2000 руб., а пенсiянеры, студэнты i навучэнцы - 1000 руб. за кожную паездку.

6. Прадаставiць пасажырам, якiя маюць праязны бiлет на гарадскi аўтобус з экспрэсным рэжымам руху, права на праезд у аўтобусах усiх гарадскiх маршрутаў.

7. Прадаставiць пасажырам, якiя маюць праязны бiлет на 4 вiды гарадскога транспарту (аўтобус-тралейбус-трамвай-метро), права на праезд у аўтобусах экспрэсных маршрутаў.

8. Вытворчаму ўпраўленню транспарту i сувязi Мiнгарвыканкома (Вавула М.В.):

8.1. Прыняць меры для забеспячэння бесперабойнай рэалiзацыi бiлетнай прадукцыi на праезд у гарадскiм пасажырскiм транспарце праз кiёскi МГАРП "Белсаюздрук", гандлёвую сетку, у спецыялiзаваных бiлетных касах, на дыспетчарскiх пунктах, вадзiцелямi ў салонах аўтобусаў, трамваяў, тралейбусаў, грамадскiмi распаўсюджвальнiкамi.

8.2. Iнфармаваць насельнiцтва аб змяненнi тарыфаў праз сродкi масавай iнфармацыi i на транспарце.

8.3. Узмацнiць кантроль вадзiцелямi, кантралёрамi i iншымi работнiкамi пасажырскага транспарту за паўнатой аплаты праезду.

9. Абавязаць усе гандлёвыя арганiзацыi, незалежна ад форм уласнасцi, распаўсюджваць бiлетную прадукцыю на праезд у гарадскiм транспарце на падставе заключаных з вытворчым упраўленнем транспарту i сувязi дагавораў.

10. УУС Мiнгарвыканкома (Тарлецкi Б.К.) аказваць садзейнiчанне вытворчаму ўпраўленню транспарту i сувязi ў пытаннях праверкi паўнаты аплаты праезду у гарадскiм пасажырскiм транспарце.

11. Рашэнне Мiнгарвыканкома ад 04.01.96 N 1 лiчыць страцiўшым сiлу.

12. Кантроль за выкананнем гэтага рашэння ўскласцi на намеснiка старшынi гарвыканкама Сямашку П.М.

Першы нам. старшынi выканкома Г.П.Сенькевiч

Кiраўнiк спраў Л.М.Валодзькiна

Дадатак
да рашэння
Мiнгарвыканкома
16.01.1997 N 14

----------------------------+-----------------------+-----------------------
                            ¦   Для насельнiцтва,   ¦     Iльготныя для
                            ¦    прадпрыемстваў,    ¦навучэнцаў, студэнтаў,
                            ¦      арганiзацый      ¦      пенсiянераў
----------------------------+-----------+-----------+-----------+-----------
                            ¦ месячныя  ¦ дэкадныя  ¦ месячныя  ¦ дэкадныя
----------------------------+-----------+-----------+-----------+-----------
На адзiн вiд транспарту
/аўтобус, тралейбус,
трамвай, метро/                 85000      29000        42500       14000

Аўтобус-экспрэс                120000      40000        60000       20000

На два вiды транспарту
/метро-аўтобус,
метро-тралейбус,
метро-трамвай,
аўтобус-тралейбус,
аўтобус-трамвай,
трамвай-тралейбус/             120000      40000        60000       20000

На тры вiды транспарту
/аўтобус-тралейбус-трамвай,
аўтобус-тралейбус-метро,
аўтобус-трамвай-метро,
трамвай-тралейбус-метро/       140000      47000        70000       23000

Адзiны на чатыры вiды
транспарту /аўтобус-
тралейбус-трамвай-метро/ -
прыгодны для праезду ў
аўтобусе-экспрэсе              160000      54000        80000       26000

Кiраўнiк спраў Л.М.Валодзькiна