Решение Минского городского Совета депутатов от 17.06.2009 № 239 "Аб прысваеннi найменаванняў безназоўным скверам i запраектаванаму парку г. Мiнска"

Зарегистрировано в НРПА РБ 10 июля 2009 г. N 9/25023

У адпаведнасцi з артыкулам 15 Закона Рэспублiкi Беларусь ад 5 мая 1998 года "Об административно-территориальном делении и порядке решения вопросов административно-территориального устройства Республики Беларусь" Мiнскi гарадскi Савет дэпутатаў ВЫРАШЫЎ:

1. Прысвоiць найменаваннi безназоўным скверам i запраектаванаму парку г. Мiнска:

скверу ў межах вул. В.Харужай - ГЦ "Алiмп" - ГЦ "Зеркала" - Дом мэблi надаць назву "сквер Камароўскi" ("сквер Комаровский") па назве квартала i Камароўскага рынка;

скверу каля УА "Каледж фiнансаў i банкаўскай справы" па вул. Краснай, 17 надаць назву "сквер Красны" ("сквер Красный"), што азначае "красивый", "прыгожы";

скверу ў межах вул. Купрыянава - Лiбкнехта - завулка Дамашэўскага надаць назву "сквер Лютэранскi" ("сквер Лютеранский"). На гэтым месцы з сярэдзiны ХIХ стагоддзя па 1970-я гады iснавалi Лютэранскiя могiлкi;

скверу ў межах вул. Купрыянава - жылой забудовы - вул. Волаха надаць назву "сквер Маламядзвежынскi" ("сквер Маломедвежинский") па назве былой вёскi Малое Мядзвежына, якая знiкла ў 1970-я гады;

скверу памiж вул. Кальварыйскай - праездам Кальварыйскiм i могiлкамi "Кальварыя" надаць назву "сквер Кальварыйскi" ("сквер Кальварийский");

скверу ў межах выканкама Мiнскага раёна - вул. Альшэўскага надаць назву "сквер Альшэўскi" ("сквер Ольшевский") па назве знесенай у 1960-я гады вёскi Альшэва;

запраектаванаму парку ў мiкрараёне "Сухарава-5" надаць назву парк "Дзiвiвелка" (парк "Дививелка"), па старажытнай назве ракi Качынка - Дзiвiвелка;

паркавай зоне ўздоўж ракi Свiслач у межах вул. Камунiстычная - вул. Старажоўская перад гасцiнiцай "Беларусь" надаць назву "сквер Старосцiнская слабада" ("сквер Старостинская слобода") па назве старога Мiнскага прадмесця - Старосцiнская слабада, якое iснавала тут у ХVI - першай палове ХХ ст.ст.;

скверу вакол Нацыянальнага акадэмiчнага Вялiкага тэатра оперы i балета Рэспублiкi Беларусь у межах вулiц Куйбышава - Алаiзы Пашкевiч - М.Багдановiча - Янкi Купалы надаць назву "сквер Траецкая гара" ("сквер Троицкая гора") па гiстарычнай назве плошчы - Траецкая гара, якая знiкла ў 1930-я гады.

2. Сапраўднае рашэнне падлягае афiцыйнаму апублiкаванню ў газеце "Мiнскi кур'ер".

3. Сапраўднае рашэнне ўступае ў сiлу пасля яго афiцыйнага апублiкавання.

Старшыня М.В.Матусевiч