Решение Витебского областного исполнительного комитета от 12.03.2012 № 129 "Аб унясеннi змяненняў i дапаўненняў у рашэнне Вiцебскага абласнога выканаўчага камiтэта ад 9 верасня 2004 г. № 563"

Зарегистрировано в НРПА РБ 29 марта 2012 г. N 9/48999

На падставе пункта 1 артыкула 40 Закона Рэспублiкi Беларусь ад 4 студзеня 2010 года "О местном управлении и самоуправлении в Республике Беларусь" Вiцебскi абласны выканаўчы камiтэт РАШЫЎ:

1. Унесцi ў рашэнне Вiцебскага абласнога выканаўчага камiтэта ад 9 верасня 2004 г. N 563 "Аб прэмiях за высокiя творчыя дасягненнi ў галiне культуры i мастацтва" (Национальный реестр правовых актов Республики Беларусь, 2004 г., N 151, 9/3703) наступныя змяненнi i дапаўненнi:

1.1. пункт 2 выкласцi ў наступнай рэдакцыi:

"2. Зацвердзiць прыкладаемае Палажэнне аб прэмiях Вiцебскага абласнога выканаўчага камiтэта за высокiя творчыя дасягненнi ў галiне культуры i мастацтва.";

1.2. дадатак да гэтага рашэння выключыць;

1.3. у Палажэннi аб прэмiях Вiцебскага абласнога выканаўчага камiтэта за высокiя творчыя дасягненнi ў галiне культуры i мастацтва, зацверджаным гэтым рашэннем:

у пункце 1, частцы першай пункта 4, пункце 8 слова "аблвыканком" замянiць словам "аблвыканкам" у адпаведным склоне;

дапоўнiць Палажэнне пунктам 2-1 наступнага зместу:

"2-1. Рашэнне аб прысуджэннi прэмii прымаецца камiсiяй па прысуджэннi прэмiй Вiцебскага абласнога выканаўчага камiтэта за высокiя творчыя дасягненнi ў галiне культуры i мастацтва (далей - камiсiя па прысуджэннi прэмiй), склад якой зацвярджаецца распараджэннем старшынi аблвыканкама.";

пункт 3 пасля слова "Камiсiя" дапоўнiць словамi "па прысуджэннi прэмiй";

у частцы першай пункта 5:

у абзацы першым слова "аблвыканкома" замянiць словам "аблвыканкама";

у абзацы другiм слова "гаррайвыканкома" замянiць словамi "гарадскога цi раённага выканаўчага камiтэта".

2. Дадзенае рашэнне ўступае ў сiлу пасля яго афiцыйнага апублiкавання.

Старшыня А.М.Косiнец

Кiраўнiк спраў А.У.Мацюшка