Стр. 1
Страницы: Стр.1 | Стр.2 | Стр.3 | Стр.4 | Стр.5 | Стр.6 |
Зарегистрировано в НРПА РБ 6 декабря 2006 г. N 9/5716
На падставе Закона Рэспублiкi Беларусь ад 29 кастрычнiка 1991 года "Об образовании" у рэдакцыi Закона Рэспублiкi Беларусь ад 19 сакавiка 2002 года, Закона Рэспублiкi Беларусь ад 19 лiстапада 1993 года "О правах ребенка" у рэдакцыi Закона Рэспублiкi Беларусь ад 25 кастрычнiка 2000 года, Закона Рэспублiкi Беларусь ад 18 мая 2004 года "Об образовании лиц с особенностями психофизического развития (специальном образовании)" Нясвiжскi раённы Савет дэпутатаў ВЫРАШЫЎ:
Зацвердзiць прыкладаемую Праграму развiцця адукацыi Нясвiжскага раёна Мiнскай вобласцi на 2006 - 2010 гады.
Старшыня Т.I.КАСПЕР
ЗАЦВЕРДЖАНА
Рашэнне Нясвiжскага
раённага Савета
дэпутатаў
18.10.2006 N 115
ПРАГРАМА РАЗВIЦЦЯ АДУКАЦЫI НЯСВIЖСКАГА РАЁНА МIНСКАЙ
ВОБЛАСЦI НА 2006 - 2010 ГАДЫ
Глава 1
ДЭМАГРАФIЧНАЯ СIТУАЦЫЯ I КАНТЫНГЕНТ ВУЧНЯЎ
АГУЛЬНААДУКАЦЫЙНЫХ ШКОЛ РАЁНА
1. Праграма развiцця адукацыi Нясвiжскага раёна на 2006 - 2010 гады (далей - Праграма) распрацавана ў адпаведнасцi з Законам Рэспублiкi Беларусь ад 29 кастрычнiка 1991 года "Об образовании" (Ведамасцi Вярхоўнага Савета Рэспублiкi Беларусь, 1991 г., N 33, ст. 598; Национальный реестр правовых актов Республики Беларусь, 2002 г., N 37, 2/844), Закона Рэспублiкi Беларусь ад 19 лiстапада 1993 года "О правах ребенка" (Ведамасцi Вярхоўнага Савета Рэспублiкi Беларусь, 1993 г., N 33, ст. 430; Национальный реестр правовых актов Республики Беларусь, 2000 г., N 103, 2/215), Закона Рэспублiкi Беларусь ад 18 мая 2004 года "Об образовании лиц с особенностями психофизического развития (специальном образовании)" (Национальный реестр правовых актов Республики Беларусь, 2004 г., N 87, 2/1034) i згодна з рашэннем Мiнскага абласнога Савета дэпутатаў ад 29 чэрвеня 2006 г. N 216 "О Программе развития образования Минской области на 2006 - 2010 годы".
2. Дэмаграфiчная сiтуацыя ў Нясвiжскiм раёне (далей - раён) апошнiя 16 год характарызуецца знiжэннем колькасцi народжаных дзяцей: у 1990 годзе ў раёне нарадзiлася 613 чалавек (далей - чал.), а ў 2005 годзе - усяго 355 чал.
Да 2000 года знiжэнне колькасцi народжаных дзяцей прывяло да скарачэння колькасцi вучняў: у 2000 годзе ў школы раёна было прынята 578 чал., а ў 2005 годзе - 438 чал. Дадзеная тэндэнцыя будзе мець развiццё i ў блiжэйшыя пяць гадоў.
3. На 1 верасня 2000 года ў агульнаадукацыйных установах налiчвалася 6922 чал., а 1 верасня 2005 года ў школы раёна прыйшло 5790 чал.
Змяншэнне колькасцi вучняў прыводзiць да скарачэння колькасцi класаў. Так, толькi за апошнiя пяць гадоў колькасць класаў зменшылася з 391 да 353.
Тэндэнцыя знiжэння колькасцi вучняў прывядзе да далейшага закрыцця, рэарганiзацыi ўстаноў адукацыi - з'явiцца неабходнасць абнаўлення парку школьных аўтобусаў.
Глава 2
ДАШКОЛЬНАЯ I АГУЛЬНАЯ СЯРЭДНЯЯ АДУКАЦЫЯ, НАКIРУНКI
РЭАЛIЗАЦЫI ПРАГРАМЫ I ЧАКАЕМЫЯ ВЫНIКI
4. Вучэбная сетка раёна ў 2005 - 2006 навучальным годзе (далей - н.г.) уключала ў сябе 50 устаноў адукацыi: 1 гiмназiю, 1 агульнаадукацыйны лiцэй, 14 сярэднiх школ, 5 базавых школ, 5 устаноў "Дзiцячы сад - школа", 19 дзiцячых садоў, 1 вячэрнюю школу, 1 цэнтр карэкцыйна-развiваючага навучання i рэабiлiтацыi, 1 цэнтр пазашкольнай работы, 1 дзiцячы дом сямейнага тыпу, 1 аздараўленчы лагер "Арляня".
5. Адукацыйныя ўстановы раёна эфектыўна працуюць над рашэннем задач паспяховай сацыялiзацыi моладзi ў грамадстве, засваеннем маладым пакаленнем базавых сацыяльных здольнасцей i ўменняў, выхаваннем грамадзянскай свядомасцi.
Галоўным дасягненнем адукацыйнай сiстэмы раёна з'яўляецца стварэнне адпаведнага асяроддзя, якое забяспечвае рэалiзацыю права дзiцяцi на атрыманне адпаведнай адукацыi.
6. Больш за 41% вучняў пражывае ў сельскай мясцовасцi, i гэта аказвае адпаведны ўплыў на ўпраўленчую дзейнасць аддзела адукацыi Нясвiжскага раённага выканаўчага камiтэта (далей - аддзел адукацыi).
7. Развiццё варыятыўнасцi ў сiстэме агульнай сярэдняй адукацыi забяспечыла значнае павышэнне асноўных колькасных i якасных паказчыкаў навучальна-выхаваўчага працэсу.
8. Параўнальны аналiз паказвае, што агульны працэнт ахопу сiстэмай дыферэнцыраванага навучання вучняў 1 - 11-х класаў узрос з 35% у 2001 годзе да 79% у 2006 годзе.
Трывала ўвайшло ў практыку работы школ профiльнае навучанне. У 2005 - 2006 н.г. рознымi формамi дыферэнцыраванага навучання было ахоплена 82% вучняў 8 - 11-х класаў, у 2001 годзе гэты паказчык складаў 52%.
9. У мэтах стварэння ўмоў для атрымання адукацыi найбольш здольнымi вучнямi з 2003 года ў раёне функцыянiруе ўстанова адукацыi "Нясвiжскi дзяржаўны раённы агульнаадукацыйны лiцэй". У 6 школах раёна працуе 14 лiцэйскiх класаў (у 2001 годзе - 5).
10. Актыўна супрацоўнiчаюць педагагiчныя калектывы школ з вышэйшымi навучальнымi ўстановамi (далей - ВНУ): Беларускiм нацыянальным тэхнiчным унiверсiтэтам, Беларускiм дзяржаўным педагагiчным унiверсiтэтам iмя Максiма Танка, Ваеннай акадэмiяй Рэспублiкi Беларусь, Беларускiм дзяржаўным тэхналагiчным унiверсiтэтам, Беларускiм дзяржаўным аграрным тэхнiчным унiверсiтэтам, Беларускiм дзяржаўным медыцынскiм унiверсiтэтам.
11. Назiраецца станоўчая дынамiка паступлення ў ВНУ i сярэднiя спецыяльныя навучальныя ўстановы (далей - ССНУ) выпускнiкоў устаноў адукацыi. У 2005 годзе 75% выпускнiкоў сталi студэнтамi ВНУ i ССНУ (у 2004 годзе - 70%), пры гэтым выпускнiкi, якiя вывучалi прадметы на павышаным цi паглыбленым узроўнi, паказалi значна вышэйшы рэзультат паступлення - 90,3%, чым выпускнiкi, якiя вывучалi прадметы на базавым узроўнi, - 54,7%.
12. Асаблiвая ўвага надаецца развiццю сельскай школы. Праводзiцца мэтанакiраваная рацыяналiзацыя сеткi адукацыйных устаноў.
13. У 2003 годзе ахоп дзяцей дашкольным выхаваннем склаў 97%, у 2004 годзе ён павялiчыўся на 1,5% (98,5%). У 2005 годзе гэта лiчба засталася стабiльнай i склала 98,5% (у сельскай мясцовасцi - 97,5%).
У сiстэме дашкольнай адукацыi работа накiравана на забеспячэнне варыятыўнасцi адукацыi, якая арыентуецца на задавальненне запытаў бацькоў, пераемнасць i неперарыўнасць дашкольнай i пачатковай адукацыi, захаванне фiзiчнага i псiхiчнага здароўя дзяцей.
14. Накiрункамi развiцця дашкольнай адукацыi з'яўляюцца:
захаванне i развiццё сiстэмы дашкольнай адукацыi, забеспячэнне яе даступнасцi для дзяцей усiх груп насельнiцтва, у тым лiку дзяцей з абмежаванымi магчымасцямi, дзяцей з малазабяспечаных сем'яў;
развiццё розных формаў садзейнiчання сем'ям у выхаваннi дзяцей дашкольнага ўзросту, якiя не наведваюць дзiцячыя сады;
стварэнне ўмоў для найбольш поўнага развiцця здольнасцей дзяцей дашкольнага ўзросту праз укараненне ў практыку работы новых праграм i тэхналогiй;
забеспячэнне пераемнасцi сямейнай, дашкольнай, пачатковай, агульнай сярэдняй адукацыi, iнтэграцыя дашкольных адукацыйных устаноў з установамi пазашкольнай адукацыi;
стварэнне пры Нясвiжскiм раённым выканаўчым камiтэце (далей - Нясвiжскi райвыканкам) мiжведамаснага каардынацыйнага савета па дашкольнай адукацыi з мэтай аб'яднання бацькоўскай грамадскасцi, прадстаўнiкоў розных ведамстваў, сацыяльнай сферы для выпрацоўкi адзiнай стратэгii.
15. Чакаюцца наступныя вынiкi развiцця дашкольнай адукацыi:
стварэнне i функцыянiраванне дашкольных адукацыйных устаноў розных вiдаў, пашырэнне паслуг, якiя прадастаўляюцца дзецям, што не наведваюць дашкольныя ўстановы;
забеспячэнне квалiфiкаванага педагагiчнага кансультавання бацькоў;
рэалiзацыя новых падыходаў да кiравання выхаваўчым працэсам у дашкольнай адукацыйнай установе, да найбольш поўнага выяўлення i развiцця здольнасцей i iнтарэсаў дзяцей;
забеспячэнне захавання высокага працэнту ахопу дзяцей дашкольнай адукацыяй.
16. У сiстэме агульнай сярэдняй адукацыi чакаецца завяршэнне пераходу на 12-гадовае навучанне, стварэнне ўмоў для рэалiзацыi канцэпцыi профiльнага навучання, ажыццяўленне аптымiзацыi сеткi ўстаноў, якiя забяспечваюць атрыманне агульнай сярэдняй адукацыi, з улiкам дэмаграфiчнай сiтуацыi ў раёне.
17. Прадугледжваецца праз правядзенне комплексу мерапрыемстваў па рэалiзацыi Праграмы павышэнне якасцi адукацыйнага працэсу на аснове выкарыстання сучасных тэхналогiй, у тым лiку праз уключэнне адукацыйных устаноў у сучасныя iнфармацыйныя сеткi; забеспячэнне канкурэнтаздольнасцi выпускнiкоў сельскiх школ пры паступленнi ў ВНУ i ССНУ.
18. Накiрункамi развiцця агульнай сярэдняй адукацыi з'яўляюцца:
падтрымка i развiццё адукацыйных устаноў, забеспячэнне iх агульнадаступнасцi;
рэструктурызацыя сеткi ўстаноў агульнай сярэдняй адукацыi, якiя размешчаны ў сельскай мясцовасцi;
развiццё сiстэмы падтрымкi адораных дзяцей, забеспячэнне агульнай сярэдняй адукацыяй дзяцей з абмежаванымi магчымасцямi;
забеспячэнне фармiравання пазнавальных, агульнавучэбных уменняў i навыкаў, iнтэлектуальнай кампетэнтнасцi навучэнцаў;
забеспячэнне аб'ектыўнасцi ацэнкi якасцi агульнай сярэдняй адукацыi;
укараненне сучасных педагагiчных тэхналогiй.
19. Чакаюцца наступныя вынiкi:
рэструктурызацыя i развiццё сiстэмы устаноў агульнай сярэдняй адукацыi, скарачэнне адукацыйных устаноў, якiя працуюць у дзве змены;
забеспячэнне даступнасцi шматпрофiльнай агульнай сярэдняй адукацыi;
якаснае абнаўленне зместу i тэхналогiй агульнай сярэдняй адукацыi;
стварэнне ўмоў для забеспячэння гатоўнасцi да паўнацэннай грамадскай дзейнасцi выпускнiкоў школ, iх адаптацыi ў сучасным свеце;
павышэнне аб'ектыўнасцi ў ацэнцы якасцi адукацыi.
Мерапрыемствы па развiццi дашкольнай i агульнай сярэдняй адукацыi плануецца ажыццяўляць згодна з дадаткамi 1 - 2 да Праграмы.
Глава 3
АХОВА ДЗЯЦIНСТВА
20. У раёне вядзецца камп'ютэрны ўлiк дзяцей-сiрот i дзяцей, якiя засталiся без апекi бацькоў. Па банку даных на ўлiку на 1 красавiка 2006 года знаходзiлася 237 дзяцей-сiрот i дзяцей, якiя засталiся без апекi бацькоў. З iх:
133 чалавекi, якiя знаходзяцца на дзяржаўнай апецы:
у дзяржаўнай установе адукацыi "Гарадзейская агульнаадукацыйная школа-iнтэрнат для дзяцей-сiрот i дзяцей, якiя засталiся без апекi бацькоў" - 107 чал.;
навучэнцы ўстановы адукацыi "Нясвiжскi дзяржаўны педагагiчны каледж iмя Якуба Коласа" - 26 чал.;
104 чалавекi знаходзяцца на прыватнай апецы:
у апякунскiх сем'ях - 84 чал.;
у прыёмных сем'ях - 12 чал.;
у дзiцячым доме сямейнага тыпу - 8 чал.
21. Больш за 73% ад агульнай колькасцi сiрот з'яўляюцца сацыяльнымi сiротамi.
22. Прыярытэтным накiрункам работы па прафiлактыцы сiроцтва з'яўляецца развiццё сямейных форм уладкавання дзяцей-сiрот на выхаванне. Назiраецца ўстойлiвая тэндэнцыя скарачэння колькасцi дзяцей, накiраваных на выхаванне ў дзiцячыя дамы i школы-iнтэрнаты. За 2005 год двое дзяцей былi ўладкаваны ў дзiцячыя iнтэрнатныя ўстановы, 28 - у сям'ю (2001 год - 12 у дзяржаўныя ўстановы, 1 - у сям'ю).
Па вынiках работы за 2005 год раён знаходзiцца на 2-м месцы ў вобласцi па ўладкаваннi дзяцей-сiрот i дзяцей, якiя засталiся без апекi бацькоў, у замяшчальныя сем'i.
23. Актыўна развiваецца iнстытут прыёмнай сям'i. За 2005 год на выхаванне ў прыёмныя сем'i перададзена 12 дзяцей. У раёне склалася сiстэма сацыяльна-псiхолага-педагагiчнага суправаджэння замяшчальных сем'яў.
24. Усынаўленне з'яўляецца прыярытэтнай формай уладкавання дзяцей-сiрот. На ўсынаўленне ў 2005 - 2006 н.г. перададзена 3 дзiцяцi.
25. Своечасова вырашаюцца пытаннi жыццёвага ўладкавання, далейшага навучання або працаўладкавання выпускнiкоў, якiя знаходзяцца на сямейных формах выхавання. Выпускнiкамi 2004 - 2005 н.г. сталi 9 дзяцей з замяшчальных сем'яў: 5 выпускнiкоў 9 класа, 4 - 11 класа. У ССНУ з iх паступiлi 2 чалавекi, у прафесiйна-тэхнiчныя ўстановы - 5.
26. На працягу 2005 года разгледжаны пытаннi па абароне маёмасных правоў у адносiнах 87 дзяцей. У адносiнах 2 дзяцей жыллёвыя пытаннi разглядалiся ў судах. У адносiнах 4 дзяцей органамi аховы дзяцiнства былi разгледжаны спрэчкi бацькоў аб удзеле ў выхаваннi дзяцей.
27. З 2005 года вядзецца работа па рэалiзацыi Закона Рэспублiкi Беларусь ад 19 лiпеня 2005 года "О внесении изменений и дополнений в некоторые законодательные акты Республики Беларусь по вопросам возмещения расходов на содержание детей, находящихся на государственном обеспечении" (Национальный реестр правовых актов Республики Беларусь, 2005 г., N 120, 2/1134).
28. У мэтах аптымальнага развiцця сiстэмы аховы дзяцiнства ў 2006 - 2010 гадах будуць вырашацца наступныя задачы:
забеспячэнне прыярытэтнага права дзiцяцi на пражыванне ў сям'i;
стварэнне наблiжаных да дамашнiх умоў пражывання дзяцей;
правядзенне работы па пераводу сямей з катэгорыi "прыёмных" у катэгорыю "усынавiцелей" у выпадках, калi ў сем'ях устаноўлены фактычныя адносiны "дзецi-бацькi";
правядзенне работы па перадачы дзяцей-сiрот i дзяцей, якiя засталiся без апекi бацькоў, у сем'i нацыянальных усынавiцелей;
арганiзацыя i каардынацыя мiжведамаснага ўзаемадзеяння з органамi дзяржаўнага кiравання па раннiм выяўленнi сямейнай неблаганадзейнасцi, прафiлактыцы сацыяльнага сiроцтва.
Мерапрыемствы па развiццi сiстэмы аховы дзяцiнства плануецца ажыццяўляць згодна з дадаткам 3 да Праграмы.
Глава 4
СПЕЦЫЯЛЬНАЯ АДУКАЦЫЯ
29. Створаная ў раёне сiстэма спецыяльнай адукацыi ўвесь час удасканальваецца. Яна накiравана на рэалiзацыю правоў дзяцей з асаблiвасцямi псiхафiзiчнага развiцця. У раёне па стану на 1 студзеня 2006 года банк даных дзяцей з асаблiвасцямi псiхафiзiчнага развiцця налiчваў 543 чалавекi, з iх 107 дзяцей-iнвалiдаў. У агульнаадукацыйных школах працуе 18 класаў iнтэграванага навучання, у якiх займаюцца 23 вучнi. Створана 12 пунктаў карэкцыйна-педагагiчнай дапамогi (далей - ПКПД), якiя наведваюць 307 дзяцей, з iх у гарадскiх i сельскiх школах - 10 ПКПД, якiя наведваюць 258 дзяцей, у дзiцячых садах - 2 ПКПД, якiя наведваюць 49 дзяцей. Працуюць дзве спецыяльныя групы для дзяцей з цяжкiмi парушэннямi мовы ў дзiцячым яслях-садзе N 5 г.Нясвiжа, якiя наведваюць 25 дзяцей. Навучаннем дома па праграмах спецыяльных школ ахоплена 11 вучняў. У раёне функцыянiруе дзяржаўная ўстанова адукацыi "Цэнтр карэкцыйна-развiваючага навучання i рэабiлiтацыi Нясвiжскага раёна" (далей - ЦКРНiР). На базе ЦКРНiР арганiзаваны навучальна-выхаваўчы працэс для 13 дзяцей з цяжкiмi i множнымi парушэннямi развiцця ва ўзросце ад 5 да 17 год. 21 дзiця атрымлiвае карэкцыйную дапамогу ў групах кароткачасовага знаходжання, iндывiдуальна цi ва ўмовах сям'i.
30. Перад сiстэмай спецыяльнай адукацыi раёна стаяць наступныя праблемы:
колькасць ПКПД у школах i дашкольных установах у сельскай мясцовасцi з'яўляецца недастатковай;
матэрыяльная база ЦКРНiР не поўнасцю адпавядае патрабаванням да арганiзацыi работы службаў ЦКРНiР i да вучэбна-выхаваўчай работы з дзецьмi-iнвалiдамi;
кадравае забеспячэнне настаўнiкамi-дэфектолагамi з улiкам патрэбнасцi.
31. Адной з мэт Праграмы з'яўляецца эфектыўная iнтэграцыя дзяцей з асаблiвасцямi псiхафiзiчнага развiцця i дзяцей-iнвалiдаў у грамадства шляхам стварэння ўмоў для iх навучання, выхавання i рэабiлiтацыi, а таксама фiзiчнага i духоўнага развiцця.
32. Задачамi Праграмы ў развiццi спецыяльнай адукацыi з'яўляюцца:
максiмальнае забеспячэнне спецыяльнай дапамогай усiх дзяцей з асаблiвасцямi псiхафiзiчнага развiцця шляхам стварэння адаптыўнай адукацыйнай прасторы;
стварэнне ўмоў для паляпшэння практыка-арыентаванага сацыяльнага i эмацыянальнага развiцця вучняў, iх працоўнай падрыхтоўкi i iнтэграцыi ў грамадства;
павышэнне якасцi адукацыйных i выхаваўчых паслуг у сiстэме спецыяльнай адукацыi на аснове шырокага выкарыстання сучасных навуковых i iнфармацыйных дасягненняў;
умацаванне матэрыяльна-тэхнiчнай базы i фiнансавага забеспячэння ўстаноў, якiя забяспечваюць атрыманне спецыяльнай адукацыi;
умацаванне мiжведамаснага ўзаемадзеяння па рэалiзацыi карэкцыйна-развiваючых праграм у iнтарэсах дзяцей з асаблiвасцямi псiхафiзiчнага развiцця i iх бацькоў;
аптымiзацыя сiстэмы ранняга выяўлення дзяцей з асаблiвасцямi псiхафiзiчнага развiцця i рэалiзацыя мер па прафiлактыцы iнвалiднасцi.
33. Мерапрыемствы па развiццi спецыяльнай адукацыi плануецца здзяйсняць згодна з дадаткам 4 да Праграмы.
34. Чакаемыя вынiкi:
паляпшэнне становiшча дзяцей-iнвалiдаў, дзяцей з асаблiвасцямi псiхафiзiчнага развiцця;
павышэнне эфектыўнасцi спецыяльнай адукацыi, стварэнне спрыяльных умоў для навучання i выхавання дзяцей з асаблiвасцямi псiхафiзiчнага развiцця i дзяцей-iнвалiдаў;
забеспячэнне дзяцей-iнвалiдаў сучаснымi тэхнiчнымi сродкамi рэабiлiтацыi;
забеспячэнне эфектыўнага ўзаемадзеяння i каардынацыйнай дзейнасцi аддзела адукацыi i мясцовых выканаўчых i распарадчых органаў, грамадскiх арганiзацый.
Глава 5
АРГАНIЗАЦЫЯ ЗАНЯТАСЦI ДЗЯЦЕЙ
35. Развiццё асобы дзiцяцi, яго творчых здольнасцей, iнтарэсаў i патрэбнасцей здзяйсняецца на ўсiх узроўнях атрымання адукацыi.
У 2005 - 2006 н.г. ў школах раёна дзейнiчаў 241 гурток з ахопам 3572 дзяцей (61% ад агульнай колькасцi вучняў), а таксама 123 спартыўныя секцыi з ахопам 2130 вучняў (37%). Накiраванасць гурткоў розная: мастацкая, дэкаратыўна-прыкладная, тэхнiчная, экалагiчная, турысцка-краязнаўчая, арганiзацыйна-масавая, спартыўная. У гуртках мастацкай творчасцi ў 2005 - 2006 н.г. займалася 1476 выхаванцаў, у гуртках дэкаратыўна-прыкладной творчасцi - 796 выхаванцаў, у гуртках тэхнiчнай творчасцi - 102 выхаванцы, у экалагiчных - 135 выхаванцаў, у турысцка-краязнаўчых - 298 выхаванцаў, у арганiзацыйна-масавых гуртках - 669 выхаванцаў, у спартыўных гуртках - 196 выхаванцаў.
У раёне функцыянiруе раённы цэнтр пазашкольнай работы (далей - РЦПР). У РЦПР ў 2005 - 2006 н.г. дзейнiчала 38 гурткоў, у якiх займалася 526 вучняў (21% ад агульнай колькасцi вучняў Нясвiжа). Назiраецца дынамiка росту колькасцi гурткоў РЦПР i ахопу дзяцей дадзенай установай у параўнаннi з мiнулымi навучальнымi гадамi (у 2003 годзе працавала 29 гурткоў, у якiх займалася 438 выхаванцаў).
36. Адукацыйна-выхаваўчы працэс у РЦПР здзяйсняюць 11 педагогаў, з iх 9 - з профiльнай адукацыяй. 7 педагогаў маюць вышэйшую, 4 - сярэднюю спецыяльную адукацыю. Таму актуальным застаецца пытанне павышэння квалiфiкацыi i перападрыхтоўкi кадраў.
37. Асновай выхаваўчай работы з'яўляецца дзейнасць дзiцячых i маладзёжных грамадскiх аб'яднанняў. У 2005 - 2006 н.г. у 25 пiянерскiх дружынах налiчвалася 3034 чалавекi (84% ад агульнай колькасцi вучняў 2-8-га класаў).
У 25 пярвiчных арганiзацыях грамадскага аб'яднання "Беларускi рэспублiканскi саюз моладзi" (далей - БРСМ) - 717 вучняў старэйшых класаў, што складае 39% ад агульнай колькасцi вучняў, старэйшых за 14 год. Толькi за 2005 - 2006 н.г. колькасць членаў БРСМ узрасла з 589 да 717 вучняў, створаны 4 новыя пярвiчныя арганiзацыi.
38. Ва ўстановах адукацыi пашыраны такiя формы пазакласнай работы, як класныя i iнфармацыйныя гадзiны, конкурсы, выставы, акцыi, агляды, канферэнцыi, дыспуты, фестывалi i iншыя.
39. Для стварэння ва ўсiх тыпах агульнаадукацыйных устаноў аптымальных умоў для ўмацавання здароўя вучняў сродкамi фiзiчнай культуры захавана i ўдасканальваецца вучэбна-спартыўная база, абсталяваны спартыўна-гульнёвыя пляцоўкi ў навучальных установах. Для правядзення фiзкультурна-аздараўленчай i спартыўна-масавай работы з вучнямi выкарыстоўваецца 22 спартыўныя залы i 5 прыстасаваных памяшканняў, 25 стадыёнаў, 27 гульнёвых спартыўных пляцовак, 14 трэнажорных залаў. З мэтай навучання дзяцей плаванню выкарыстоўваюцца басейны адкрытага акцыянернага таварыства "Гарадзейскi цукровы камбiнат", сельскагаспадарчага вытворчага кааператыва "Агракамбiнат Сноў".
40. Усе ўстановы адукацыi ўкамплектаваны адпаведнымi кадрамi. У школах працуе 37 настаўнiкаў фiзiчнай культуры, з якiх 33 (89%) маюць вышэйшую фiзкультурную адукацыю, 4 (11%) - сярэднюю спецыяльную (з iх 2 вучацца завочна). Вышэйшую квалiфiкацыйную катэгорыю маюць 9 настаўнiкаў (24,3%), першую - 15 (40,5%), другую - 6 (16,3%), без катэгорыi - 7 (18,9%) - маладыя спецыялiсты.
41. Акрамя ўрочнай формы заняткаў, у школах раёна праводзiцца пазакласная фiзкультурна-аздараўленчая работа. Працуюць спартыўныя секцыi па валейболе, баскетболе, футболе, настольным тэнiсе, турызму, агульнай фiзiчнай падрыхтоўцы i iнш. Ахоп гуртковай i секцыйнай работай у 2005 - 2006 н.г. павялiчыўся i склаў 37% (у 2002 - 2003 н.г. - 19%, у 2003 - 2004 н.г. - 29%, у 2004 - 2005 н.г. - 32%).
42. Прыярытэтнымi накiрункамi i задачамi па арганiзацыi занятасцi дзяцей ва ўстановах з'яўляюцца:
прафiлактыка залежнасцi ад шкодных звычак сярод падлеткаў, павышэнне iх гiгiенiчнай культуры, удасканаленне работы па фармiраваннi здаровага ладу жыцця;
удасканальванне падрыхтоўкi i павышэння квалiфiкацыi педагогаў па спецыялiзацыях у адпаведнасцi з накiрункамi дзейнасцi ва ўстановах адукацыi;
умацаванне i развiццё матэрыяльна-тэхнiчнай базы ўстаноў адукацыi для арганiзацыi выхаваўчай работы.
43. Мерапрыемствы па арганiзацыi занятасцi дзяцей плануецца ажыццяўляць згодна з дадаткам 5 да Праграмы.
Глава 6
АРГАНIЗАЦЫЙНА-КАДРАВАЕ ЗАБЕСПЯЧЭННЕ СIСТЭМЫ АДУКАЦЫI
44. Ва ўстановах адукацыi раёна занята больш за 1580 работнiкаў, у тым лiку 884 педагогi.
У сiстэме школьнай адукацыi працуе 714 педагогаў, 89% з якiх маюць вышэйшую адукацыю.
За апошнiя тры гады колькасць настаўнiкаў, якiя маюць вышэйшую адукацыю, узрасла на 4%. Павышаецца i квалiфiкацыйны ўзровень педагогаў: доля настаўнiкаў з вышэйшай квалiфiкацыйнай катэгорыяй узрасла з 10% у 2001 годзе да 16% у 2005 годзе.
У сiстэме дашкольнай адукацыi раёна занята 170 педагагiчных работнiкаў, з iх - 34% з вышэйшай адукацыяй.
45. Аналiз узроставага складу кадраў раёна сведчыць аб дастаткова стабiльных суадносiнах узростаў у педагагiчных калектывах. Колькасць асоб пенсiённага ўзросту знаходзiцца ў межах 4%.
46. Штогод у раён прыходзяць працаваць маладыя кадры. За перыяд з 2002 па 2005 гады ва ўстановы адукацыi прыбылi i прыступiлi да працы 82 маладыя спецыялiсты, у тым лiку 17 (21%) - пасля навучання па дагавору на мэтавую падрыхтоўку.
Працягваюць працаваць у цяперашнi час 11 спецыялiстаў (65%) пасля навучання па дагавору на мэтавую падрыхтоўку.
47. Асаблiвае значэнне мае мэтавая падрыхтоўка педагагiчных кадраў.
У 2001 - 2005 гадах паступiлi на ўмовах мэтавай падрыхтоўкi 26 выпускнiкоў школ раёна.
З 1999 года ў раёне створаны фонд падтрымкi маладых спецыялiстаў, накiраваных на работу ў сельскую мясцовасць, якi забяспечвае матэрыяльнае стымуляванне iх працы.
48. У сувязi з дэмаграфiчнымi працэсамi, якiя адбываюцца ў раёне, назiраецца змяншэнне колькасцi вучняў у школах i выхаванцаў у дашкольных установах. З 2000 па 2005 гады колькасць настаўнiкаў у школах зменшылася на 46 чалавек, у сiстэме дашкольнага выхавання - на 5 чалавек.
49. У адпаведнасцi з зацверджанай праграмай развiцця раёна адбываецца пастаянны працэс рэструктурызацыi i рэарганiзацыi ўстаноў адукацыi.
У 2005 - 2006 навучальным годзе лiквiдавана 2 установы адукацыi. Трапiлi пад скарачэнне 13 педагогаў, якiя працаўладкаваны ў сiстэме адукацыi раёна.
50. У мэтах забеспячэння вучэбна-выхаваўчых устаноў квалiфiкаванымi кадрамi, а таксама росту канкурэнтаздольнасцi на рынку працы праводзiцца мэтанакiраваная работа па перападрыхтоўцы кадраў у мэтах атрымання iмi новых спецыяльнасцей. У навучальных установах на ўмовах перападрыхтоўкi навучаюцца 5 педагогаў.
51. У мэтах павышэння адукацыйнага ўзроўню педагогаў раёна пастаянная ўвага надаецца завочнаму навучанню спецыялiстаў. За апошнiя тры гады колькасць чалавек, якiя навучаюцца на завочных аддзяленнях ВНУ, павялiчылася з 78 чалавек у 2003 годзе да 107 чалавек у 2005 годзе.
Усiм навучэнцам завочнай формы навучання прадастаўляюцца льготы i гарантыi, прадугледжаныя заканадаўствам.
52. Кiруючыя кадры ўстаноў адукацыi раёна складаюць 78 чалавек, у тым лiку кiраўнiкоў устаноў адукацыi ўсiх тыпаў - 47 чалавек. Усе кiраўнiкi школ, гiмназii, лiцэя маюць вышэйшую адукацыю. Адпаведны паказчык загадчыкаў дашкольных устаноў складае 90%.
За апошнi год узрос працэнт змяняльнасцi кiруючых кадраў: з 5% у 2004 годзе да 13% у 2005 годзе, што тлумачыцца арганiзаванай работай з рэзервам кiруючых кадраў, а таксама з iзноў прызначанымi кiраўнiкамi.
53. Маральнае i матэрыяльнае стымуляванне працы работнiкаў галiны - важны накiрунак работы органаў кiравання i кiраўнiкоў устаноў адукацыi.
Штогод Нясвiжскi райвыканкам узнагароджвае лепшых педагогаў i работнiкаў сiстэмы адукацыi Ганаровымi граматамi Нясвiжскага райвыканкама i Падзякамi старшынi Нясвiжскага райвыканкама з выдзяленнем грашовых прэмiй. За 2001 - 2005 гады ўзнагародамi Нясвiжскага райвыканкама адзначана больш за 120 работнiкаў галiны.
Педагогам, якiя падрыхтавалi пераможцаў раённых, абласных, рэспублiканскiх алiмпiяд, конкурсаў, спаборнiцтваў, таксама выплачваюцца грашовыя прэмii. За перыяд 2001 - 2005 гадоў прэмii атрымалi 67 педагогаў.
54. Прыярытэтнымi накiрункамi па ўдасканальваннi работы з кадрамi з'яўляюцца:
павышэнне прафесiйнага ўзроўню работнiкаў адукацыi ў галiне iнфармацыйна-адукацыйных тэхналогiй;
укараненне дыстанцыйнага навучання пры падрыхтоўцы рэзерву кiруючых кадраў;
удасканальванне нарматыўна-прававой базы кадравага забеспячэння адукацыйных устаноў раёна;
павышэнне эфектыўнасцi кiравання кадравай палiтыкай у сiстэме адукацыi;
удасканальванне структуры i зместу шматузроўневай бесперапыннай педагагiчнай адукацыi;
удасканальванне сiстэмы замацавання маладых спецыялiстаў сiстэмы адукацыi, прадухiленне адтоку педагагiчных кадраў;
павышэнне ўзроўню сацыяльнай абароненасцi педагогаў, прэстыжу прафесii настаўнiка.
55. Мерапрыемствы па арганiзацыйна-кадравым забеспячэннi сiстэмы адукацыi плануецца ажыццяўляць згодна з дадаткам 6 да Праграмы.
56. Прагназуемыя вынiкi:
забеспячэнне занятасцi педагагiчных работнiкаў ва ўмовах рэарганiзацыi сеткi ўстаноў адукацыi;
павышэнне прафесiйнага майстэрства i якасцi работы спецыялiстаў сiстэмы адукацыi;
забеспячэнне адукацыйных устаноў усiх тыпаў i вiдаў педагагiчнымi работнiкамi неабходнай квалiфiкацыi;
стварэнне навукова-метадычнай базы для арганiзацыi работы з педагагiчнымi кадрамi ўсiх узроўняў.
Глава 7
ВУЧЭБНА-МЕТАДЫЧНАЕ ЗАБЕСПЯЧЭННЕ РАБОТЫ З ПЕДАГАГIЧНЫМI
I КIРУЮЧЫМI КАДРАМI РАЁНА
57. У паспяховым развiццi сiстэмы адукацыi, у арганiзацыi бесперапыннага павышэння квалiфiкацыi педагагiчных работнiкаў, укараненнi сучасных адукацыйных тэхналогiй значная роля адводзiцца метадычнаму забеспячэнню адукацыйнага працэсу.
58. Раённы вучэбна-метадычны кабiнет аддзела адукацыi Нясвiжскага райвыканкама (далей - РВМК) як вучэбна-метадычная ўстанова здзяйсняе вучэбную, навуковую i арганiзацыйна-метадычную работу па павышэннi квалiфiкацыi работнiкаў сiстэмы адукацыi раёна, якiя маюць вышэйшую цi сярэднюю спецыяльную адукацыю.
59. За перыяд з 2001 па 2005 гады 594 педагогi прайшлi базавую курсавую падрыхтоўку, павысiлi свой прафесiйны ўзровень на аўтарскiх, мэтавых i праблемных курсах. На базе раёна працуюць рэгiянальныя групы настаўнiкаў фiзiкi (25 чал.) i настаўнiкаў пачатковых класаў (29 чал.).
60. У раёне працуе 29 раённых метадычных аб'яднанняў (далей - РМА). Iх дзейнасць накiравана на забеспячэнне прафесiйнага, культурнага i творчага росту педагогаў. 2 разы ў год праводзяцца пасяджэннi РМА, на якiх выкарыстоўваюцца розныя формы работы. Гэта круглы стол, семiнар-практыкум, педагагiчны рынг, майстар-клас, дыскусii.
61. Для павышэння тэарэтычнага i метадычнага ўзроўню работнiкаў адукацыi, апрабацыi iнавацыйных працэсаў створаны школа ўдасканалення ўпраўленчай дзейнасцi, школа маладога загадчыка i школа кiраўнiкоў фiзiчнага выхавання, творчая група работнiкаў сiстэмы дашкольнай адукацыi.
62. Адным з накiрункаў работы РВМК з'яўляецца работа з маладымi спецыялiстамi. Арганiзавана стажорская практыка маладых педагогаў ва ўстановах адукацыi раёна, кiраўнiкамi стажорскай практыкi праводзяцца iнструктыўна-метадычныя нарады па арганiзацыi стажыроўкi з маладымi спецыялiстамi.
63. З кiраўнiкамi ўстаноў адукацыi РВМК праводзiць работу па павышэннi квалiфiкацыi шляхам дыягностыкi прафесiйных уменняў i запытаў, арганiзуе экскурсii з мэтай вывучэння вопыту творча працуючых калектываў ва ўстановах вобласцi. У 2005 - 2006 н.г. калектыў кiраўнiкоў устаноў раёна наведаў установы адукацыi Капыльскага i Клецкага раёнаў.
64. У раёне 14 агульнаадукацыйных устаноў займаюцца iнавацыйнай дзейнасцю. За 2001 - 2005 гады адкрыты i працягваюць працаваць 17 раённых iнавацыйных пляцовак.
65. РВМК ажыццяўляе кантроль за атэстацыяй педагагiчных работнiкаў раёна. Так, у 2001 годзе вышэйшую квалiфiкацыйную катэгорыю мелi 69 чал. (10%), I катэгорыю - 333 чал. (50%), а ў 2005 - 104 чал. (16%) i 370 чал. (53%) адпаведна.
66. З мэтай развiцця творчага патэнцыялу педагагiчных работнiкаў, выяўлення, абагульнення i распаўсюджвання педагагiчнага вопыту РВМК праводзiў конкурсы прафесiйнага майстэрства: 2000 - 2001 н.г. - "Кiраўнiк года", 2001 - 2002 н.г. - "Самы класны класны", 2002 - 2003 н.г. - "Педагог года", 2003 - 2004 н.г. - "Малады педагог", 2004 - 2005 н.г. - "Творчы кiраўнiк", 2005 - 2006 н.г. - "Настаўнiк года".
67. Адным з вiдаў дзейнасцi РВМК з'яўляецца выяўленне, абагульненне, распаўсюджванне эфектыўнай педагагiчнай практыкi. За 2004 - 2005 н.г. у раёне абагульнены перадавы педагагiчны вопыт (далей - ППВ) 13 педагогаў.
68. З работнiкамi ўстаноў адукацыi раёна праводзiлася работа па асноўных накiрунках развiцця адукацыi:
суправаджэнне iнавацыйнай дзейнасцi ва ўстановах адукацыi;
пераход на 10-бальную сiстэму адзнакi ўзроўняў засваення ведаў вучняў;
арганiзацыя вучэбна-выхаваўчага працэсу ва ўмовах 5-дзённага вучэбнага тыдня;
арганiзацыя работы класнага кiраўнiка i кiраўнiкоў школ.
69. Улiчваючы паказчыкi павышэння квалiфiкацыi за 2001 - 2005 гады i магчымасцi развiцця РВМК, неабходна намецiць наступныя перспектыўныя накiрункi дзейнасцi РВМК у перыяд 2006 - 2010 гадоў:
павышэнне кампетэнтнасцi спецыялiстаў адукацыi шляхам стварэння аптымальных умоў i ўключэнне iх у сiстэму неперарыўнага павышэння квалiфiкацыi;
iнтэнсiфiкацыя прапаганды перадавога педагагiчнага вопыту спецыялiстаў адукацыi раёна;
узаемадзеянне з установамi адукацыi раёна па падрыхтоўцы да ўкаранення перадпрофiльнага i профiльнага навучання на старэйшай ступенi агульнай сярэдняй адукацыi;
узаемадзеянне з установамi адукацыi раёна ў пытаннях арганiзацыi работы з адоранымi дзецьмi;
забеспячэнне рознабаковай апераджаючай падрыхтоўкi педагогаў, якiя працуюць у аграгарадках.
70. РВМК у 2006 - 2010 гадах накiроўвае свае намаганнi на захаванне iнтэлектуальнага i культурнага патэнцыялу раёна, уключаючы педагогаў у дзейнасць, якая дазволiць iм самавызначацца ў педагагiчнай i сацыяльнай прасторы, навучыцца праектаваць сваю дзейнасць, а таксама вырашаць гуманiтарныя, светапоглядныя праблемы, ствараць мадэлi развiцця cвaix адукацыйных устаноў. Ва ўмовах перманентных змен у змесце школьнай адукацыi, укаранення новых педагагiчных тэхналогiй ўзрастае неабходнасць пастаяннага абнаўлення метадалагiчных, псiхолага-педагагiчных ведаў, у пашырэннi прафесiянальнай кампетэнтнасцi педагагiчных кадраў.
Адсюль вынiкаюць наступныя накiрункi дзейнасцi РВМК:
70.1. сацыякультурная:
павышэнне ўспрымальнасцi адукацыйнага асяроддзя, суб'ектаў адукацыi да iнаватыкi;
стварэнне ўмоў для ўкаранення iнавацыйных распрацовак ва ўстановах адукацыi;
вывучэнне сацыякультурных i адукацыйных патрэб раёна;
70.2. навукова-метадычная:
даследчая, эксперыментальная работа;
праектаванне сумесна з педагогамi новых вучэбных курсаў, факультатываў, праграм;
выяўленне сумесна з педагогамi сутнасцi значэння новых тэхналогiй выхавання i навучання;
сумесная распрацоўка з педагогамi тэхналогii пераходу навучальна-выхаваўчых устаноў у рэжым развiцця;
аналiз вынiкаў работы настаўнiкаў, педагагiчных калектываў;
70.3. метадычная:
праектаванне агульнаадукацыйных працэсаў;
дапамога педагогам ў падрыхтоўцы да атэстацыi;
стварэнне ў навучальна-выхаваўчых установах шматузроўневай структуры прафесiянальных аб'яднанняў;
падрыхтоўка палажэнняў, рэкамендацый, зместу аглядаў, конкурсаў;
дапамога новым спецыялiстам у школах i дашкольных установах: псiхолагам, педагогам сацыяльным;
абагульненне, распаўсюджванне педагагiчнага вопыту настаўнiкаў, выхавальнiкаў, педагагiчных калектываў;
70.4. арганiзацыйная:
каардынацыя работы ўсiх суб'ектаў адукацыйнай прасторы;
укараненне iнавацыйных праектаў, праграм, распрацовак (вывучэнне ўзораў iнавацыйнага педагагiчнага вопыту, запуск, падтрымка i педагагiчны манiторынг);
стварэнне эксперыментальных пляцовак, кiраўнiцтва iмi i экспертыза iх дзейнасцi;
падрыхтоўка i правядзенне конкурсаў, аглядаў, алiмпiяд.
Мерапрыемствы па арганiзацыi вучэбна-метадычнага забеспячэння работы з педагагiчнымi i кiруючымi кадрамi раёна плануецца ажыццяўляць згодна з дадаткам 7 да Праграмы.
Глава 8
УМАЦАВАННЕ ВУЧЭБНА-МАТЭРЫЯЛЬНАЙ БАЗЫ
71. На балансе ўстаноў адукацыi раёна на 1 студзеня 2006 г. знаходзiцца 1688 будынкаў, утрымлiваецца 13 кацельняў.
На рамонтныя работы ў 2001 - 2005 гадах было накiравана 3363,0 мiльёна рублёў (далей - млн.руб.).
72. У мэтах прывядзення будынкаў i збудаванняў у адпаведнасць з сучаснымi патрабаваннямi, падтрымкi матэрыяльнай базы на неабходным узроўнi на капiтальны рамонт з мясцовага бюджэту за перыяд 2006 - 2010 гадоў прадугледжваецца выдзелiць 5300,0 млн.руб. у цэнах 2006 года.
73. У 2006 - 2010 гадах будзе рэалiзавана работа па замене камп'ютэрнай тэхнiкi, аснашчэннi школ новым вучэбным i спартыўным абсталяваннем, замене мэблi, па набыццi тэхналагiчнага абсталявання, пасцельнай бялiзны, посуду i iншых гаспадарчых тавараў, на што плануецца накiраваць са сродкаў раённага бюджэту 1520,0 млн.руб.
74. Згодна з рэструктурызацыяй сiстэмы адукацыi раёна аддзелам адукацыi распрацаваны план па закупцы аўтобусаў для штодзённага падвозу дзяцей з аддаленых населеных пунктаў.
Для вырашэння дадзенай задачы з 2002 па 2005 гады набыта 4 аўтобусы.
Набыццё школьных аўтобусаў у 2006 - 2010 гадах у колькасцi 4 адзiнак дазволiць поўнасцю вырашыць пытанне падвозу дзяцей ва ўстановы адукацыi раёна.
75. Рэалiзацыя Праграмы дазволiць:
абнавiць устарэлы фонд будынкаў;
ажыццявiць неабходны капiтальны рамонт, палепшыць матэрыяльную базу ўстаноў адукацыi;
абнавiць устарэлае тэхналагiчнае абсталяванне ў харчовых блоках, вучэбную, лабараторную i бытавую мэблю;
павялiчыць забяспечанасць устаноў адукацыi спартыўным iнвентаром i абсталяваннем;
забяспечыць падвоз дзяцей з аддаленых населеных пунктаў да ўстаноў адукацыi раёна.
Мерапрыемствы па развiццi вучэбна-матэрыяльнай базы плануецца ажыццяўляць згодна з дадаткам 8 да Праграмы.
Дадатак 1
да Праграмы
развiцця адукацыi
Нясвiжскага раёна
Мiнскай вобласцi
на 2006 - 2010 гады
МЕРАПРЫЕМСТВЫ ПА РЭАЛIЗАЦЫI ПРАГРАМЫ РАЗВIЦЦЯ АДУКАЦЫI
НЯСВIЖСКАГА РАЁНА МIНСКАЙ ВОБЛАСЦI НА 2006 - 2010 ГАДЫ
Ў ГАЛIНЕ ДАШКОЛЬНАЙ АДУКАЦЫI
----+--------------------------+-----------+-----------------+-------------¬
¦ N ¦ Назва мерапрыемства ¦ Тэрмiн ¦ Выканаўца ¦ Крынiца ¦
¦п/п¦ ¦выканання, ¦ ¦фiнансавання ¦
¦ ¦ ¦ гады ¦ ¦ ¦
+---+--------------------------+-----------+-----------------+-------------+
¦ 1. Арганiзацыйныя мерапрыемствы ¦
+---+--------------------------+-----------+-----------------+-------------+
¦1.1¦Стварэнне банка даных аб ¦ Штогод ¦Аддзел адукацыi ¦ - ¦
¦ ¦дзецях дашкольнага ¦ ¦Нясвiжскага ¦ ¦
¦ ¦ўзросту, якiя не ¦ ¦раённага ¦ ¦
¦ ¦наведваюць дашкольныя ¦ ¦выканаўчага ¦ ¦
¦ ¦ўстановы ¦ ¦камiтэта (далей -¦ ¦
¦ ¦ ¦ ¦аддзел адукацыi);¦ ¦
¦ ¦ ¦ ¦дашкольныя ¦ ¦
¦ ¦ ¦ ¦ўстановы (далей -¦ ¦
¦ ¦ ¦ ¦ДУ) ¦ ¦
+---+--------------------------+-----------+-----------------+-------------+
¦1.2¦Улiк дзяцей 5-гадовага ¦ Штогод ¦Аддзел адукацыi; ¦ - ¦
¦ ¦ўзросту, ахопленых i не ¦ ¦ДУ ¦ ¦
¦ ¦ахопленых падрыхтоўкай да ¦ ¦ ¦ ¦
¦ ¦школы ¦ ¦ ¦ ¦
+---+--------------------------+-----------+-----------------+-------------+
¦1.3¦Стварэнне банка даных аб ¦ Штогод ¦Аддзел адукацыi ¦ - ¦
¦ ¦дашкольных установах ¦ ¦ ¦ ¦
¦ ¦рознага тыпу, вiду, ¦ ¦ ¦ ¦
¦ ¦профiлю ¦ ¦ ¦ ¦
+---+--------------------------+-----------+-----------------+-------------+
¦ 2. Развiццё сеткi дашкольных устаноў ¦
+---+--------------------------+-----------+-----------------+-------------+
¦2.1¦Адкрыццё дашкольнага ¦ 2006 ¦Аддзел адукацыi ¦Раённы бюджэт¦
¦ ¦цэнтра развiцця дзiцяцi на¦(верасень) ¦ ¦ ¦
¦ ¦базе дзiцячага ясляў-сада ¦ ¦ ¦ ¦
¦ ¦N 6 г.Нясвiжа ¦ ¦ ¦ ¦
+---+--------------------------+-----------+-----------------+-------------+
¦2.2¦Адкрыццё пунктаў ¦ ¦Аддзел адукацыi ¦Раённы бюджэт¦
¦ ¦карэкцыйна-педагагiчнай ¦ ¦ ¦ ¦
¦ ¦дапамогi: ¦ ¦ ¦ ¦
¦ +--------------------------+-----------+ ¦ ¦
¦ ¦на базе Ударненскага ¦ 2006 ¦ ¦ ¦
¦ ¦дзiцячага ясляў-сада ¦ ¦ ¦ ¦
¦ +--------------------------+-----------+ ¦ ¦
¦ ¦на базе Гарадзейскага ¦ 2006 ¦ ¦ ¦
¦ ¦дзiцячага ясляў-сада N 2 ¦ ¦ ¦ ¦
¦ +--------------------------+-----------+ ¦ ¦
¦ ¦на базе УА "Лысiцкая ¦ 2006 ¦ ¦ ¦
¦ ¦дзяржаўная ¦ ¦ ¦ ¦
¦ ¦агульнаадукацыйная ¦ ¦ ¦ ¦
¦ ¦сярэдняя школа - дзiцячы ¦ ¦ ¦ ¦
¦ ¦сад" ¦ ¦ ¦ ¦
¦ +--------------------------+-----------+ ¦ ¦
¦ ¦на базе Сноўскага ¦ 2007 ¦ ¦ ¦
¦ ¦дзiцячага ясляў-сада ¦ ¦ ¦ ¦
¦ +--------------------------+-----------+ ¦ ¦
¦ ¦на базе Ланскага дзiцячага¦ 2008 ¦ ¦ ¦
¦ ¦сада ¦ ¦ ¦ ¦
+---+--------------------------+-----------+-----------------+-------------+
¦2.3¦Адкрыццё на аснове ¦ ¦Аддзел адукацыi; ¦Раённы бюджэт¦
¦ ¦вывучэння запытаў бацькоў ¦ ¦ДУ ¦ ¦
¦ ¦прагулачных груп: ¦ ¦ ¦ ¦
¦ +--------------------------+-----------+ ¦ ¦
¦ ¦дзiцячы яслi-сад N 4 ¦ 2007 ¦ ¦ ¦
¦ ¦г.Нясвiжа ¦ ¦ ¦ ¦
¦ +--------------------------+-----------+ ¦ ¦
¦ ¦груп выхаднога дня: ¦ ¦ ¦ ¦
¦ +--------------------------+-----------+ ¦ ¦
¦ ¦дзiцячыя яслi-сады N 4, 5 ¦2007 - 2008¦ ¦ ¦
¦ ¦г.Нясвiжа ¦ ¦ ¦ ¦
¦ +--------------------------+-----------+ ¦ ¦
¦ ¦груп кароткачасовага ¦ ¦ ¦ ¦
¦ ¦знаходжання: ¦ ¦ ¦ ¦
¦ +--------------------------+-----------+ ¦ ¦
¦ ¦дзiцячыя яслi-сады N 5, N ¦ 2008 ¦ ¦ ¦
¦ ¦7 г.Нясвiжа ¦ ¦ ¦ ¦
+---+--------------------------+-----------+-----------------+-------------+
¦2.4¦Адкрыццё санаторных груп ¦ 2007 ¦Аддзел адукацыi ¦Раённы бюджэт¦
¦ ¦на базе Гарадзейскага ¦ ¦ ¦ ¦
¦ ¦дзiцячага ясляў-сада N 2 ¦ ¦ ¦ ¦
+---+--------------------------+-----------+-----------------+-------------+
¦ 3. Павышэнне якасцi дашкольнай адукацыi ¦
+---+--------------------------+-----------+-----------------+-------------+
¦3.1¦Распрацоўка раённай ¦ 2006 ¦Аддзел адукацыi ¦Раённы бюджэт¦
¦ ¦праграмы "Адораныя дзецi" ¦ ¦ ¦ ¦
+---+--------------------------+-----------+-----------------+-------------+
¦3.2¦Стварэнне банка даных ¦ 2006 ¦Аддзел адукацыi; ¦Раённы бюджэт¦
¦ ¦"Адораныя дзецi" ¦ ¦ДУ ¦ ¦
+---+--------------------------+-----------+-----------------+-------------+
¦3.3¦Забеспячэнне псiхолага- ¦ Штогод ¦Аддзел адукацыi; ¦Раённы бюджэт¦
¦ ¦педагагiчнага ¦ ¦ДУ ¦ ¦
¦ ¦суправаджэння работы з ¦ ¦ ¦ ¦
¦ ¦адоранымi дзецьмi ¦ ¦ ¦ ¦
+---+--------------------------+-----------+-----------------+-------------+
¦3.4¦Укараненне ў практыку ¦ ¦Аддзел адукацыi; ¦Раённы бюджэт¦
¦ ¦работы дашкольных устаноў ¦ ¦ДУ ¦ ¦
¦ ¦перадавых педагагiчных ¦ ¦ ¦ ¦
¦ ¦тэхналогiй: ¦ ¦ ¦ ¦
¦ +--------------------------+-----------+ ¦ ¦
¦ ¦"Тэорыя рашэння ¦ 2006 ¦ ¦ ¦
¦ ¦вынаходнiцкiх задач i ¦ ¦ ¦ ¦
¦ ¦развiцця творчага ¦ ¦ ¦ ¦
¦ ¦ўяўлення" (Гарадзейскi ¦ ¦ ¦ ¦
¦ ¦дзiцячы яслi-сад N 2) - ¦ ¦ ¦ ¦
¦ ¦раённая iнавацыйная ¦ ¦ ¦ ¦
¦ ¦пляцоўка ¦ ¦ ¦ ¦
¦ +--------------------------+-----------+ ¦ ¦
¦ ¦"Мадэль сельскага ¦ 2007 ¦ ¦ ¦
¦ ¦дзiцячага сада на аснове ¦ ¦ ¦ ¦
¦ ¦экалагiчнага выхавання i ¦ ¦ ¦ ¦
¦ ¦адукацыi" (Аношкаўскi ¦ ¦ ¦ ¦
¦ ¦дзiцячы сад) - абласная ¦ ¦ ¦ ¦
¦ ¦iнавацыйная пляцоўка ¦ ¦ ¦ ¦
¦ +--------------------------+-----------+ ¦ ¦
¦ ¦"Мадэль зместу i форм ¦ 2008 ¦ ¦ ¦
¦ ¦духоўна-маральнага ¦ ¦ ¦ ¦
¦ ¦выхавання дашкольнiкаў на ¦ ¦ ¦ ¦
¦ ¦праваслаўных традыцыях ¦ ¦ ¦ ¦
¦ ¦беларускага народа" ¦ ¦ ¦ ¦
¦ ¦(Высокалiпскi дзiцячы ¦ ¦ ¦ ¦
¦ ¦сад) - абласная ¦ ¦ ¦ ¦
¦ ¦iнавацыйная пляцоўка ¦ ¦ ¦ ¦
+---+--------------------------+-----------+-----------------+-------------+
¦3.5¦Прапаганда перадавога ¦ Штогод ¦Аддзел адукацыi; ¦Раённы бюджэт¦
¦ ¦вопыту педагогаў, якiя ¦ ¦ДУ ¦ ¦
¦ ¦працуюць з дзецьмi ¦ ¦ ¦ ¦
¦ ¦дашкольнага ўзросту, сярод¦ ¦ ¦ ¦
¦ ¦бацькоў, грамадскасцi, у ¦ ¦ ¦ ¦
¦ ¦сродках масавай iнфармацыi¦ ¦ ¦ ¦
¦ ¦(далей - СМI) ¦ ¦ ¦ ¦
+---+--------------------------+-----------+-----------------+-------------+
¦3.6¦Удзел у раённых конкурсах ¦2006 - 2010¦Аддзел адукацыi; ¦Раённы бюджэт¦
¦ ¦педагагiчнага майстэрства ¦ ¦ДУ ¦ ¦
+---+--------------------------+-----------+-----------------+-------------+
¦3.7¦Забеспячэнне дзяцей ¦ Штогод ¦Аддзел адукацыi; ¦Раённы бюджэт¦
¦ ¦пяцiгадовага ўзросту, якiя¦ ¦ДУ; ¦ ¦
¦ ¦не наведваюць дашкольныя ¦ ¦агульнаадукацый- ¦ ¦
¦ ¦ўстановы, падрыхтоўкай да ¦ ¦ныя ўстановы ¦ ¦
¦ ¦школы на занятках у ¦ ¦ ¦ ¦
¦ ¦агульнаадукацыйных школах ¦ ¦ ¦ ¦
+---+--------------------------+-----------+-----------------+-------------+
¦3.8¦Стварэнне сiстэмы ¦ 2006 ¦Аддзел адукацыi; ¦ - ¦
¦ ¦манiторынгу якасцi ¦ ¦ДУ ¦ ¦
¦ ¦дашкольнай адукацыi ¦ ¦ ¦ ¦
+---+--------------------------+-----------+-----------------+-------------+
¦ 4. Павышэнне якасцi фiзкультурна-аздараўленчай работы ¦
+---+--------------------------+-----------+-----------------+-------------+
¦4.1¦Распрацоўка праграм ¦2006 - 2007¦Аддзел адукацыi; ¦Раённы бюджэт¦
¦ ¦захавання здароўя дзяцей i¦ ¦ДУ ¦ ¦
¦ ¦механiзмаў рэалiзацыi ¦ ¦ ¦ ¦
¦ ¦гэтых праграм у дашкольных¦ ¦ ¦ ¦
¦ ¦установах ¦ ¦ ¦ ¦
+---+--------------------------+-----------+-----------------+-------------+
¦4.2¦Арганiзацыя выхаваўча- ¦ Штогод ¦Аддзел адукацыi; ¦Раённы бюджэт¦
¦ ¦адукацыйнага працэсу i ¦ ¦ДУ ¦ ¦
¦ ¦аздараўлення дзяцей з ¦ ¦ ¦ ¦
¦ ¦мэтай пераадолення ¦ ¦ ¦ ¦
¦ ¦адмоўнага ўздзеяння на ¦ ¦ ¦ ¦
¦ ¦здароўе дзяцей (распарадак¦ ¦ ¦ ¦
¦ ¦дня, арганiзацыя ¦ ¦ ¦ ¦
¦ ¦харчавання, сетка ¦ ¦ ¦ ¦
¦ ¦заняткаў, дадатковыя ¦ ¦ ¦ ¦
¦ ¦платныя паслугi) ¦ ¦ ¦ ¦
+---+--------------------------+-----------+-----------------+-------------+
¦4.3¦Шырокае выкарыстанне ¦2006 - 2010¦Аддзел адукацыi; ¦Раённы бюджэт¦
¦ ¦фiзкультурна-аздараўленчых¦ ¦ДУ ¦ ¦
¦ ¦формаў работы з дзецьмi i ¦ ¦ ¦ ¦
¦ ¦iх бацькамi (святы ¦ ¦ ¦ ¦
¦ ¦здароўя, школа выхаднога ¦ ¦ ¦ ¦
Страницы: Стр.1 | Стр.2 | Стр.3 | Стр.4 | Стр.5 | Стр.6 |
| 
