ПОИСК ДОКУМЕНТОВ

"Пагадненне памiж Урадам Рэспублiкi Беларусь i Урадам Лiтоўскай Рэспублiкi аб супрацоўнiцтве ў галiне стандартызацыi, метралогii i сертыфiкацыi"

Текст документа с изменениями и дополнениями по состоянию на ноябрь 2013 года

< Главная страница

Зарегистрировано в НРПА РБ 12 декабря 2001 г. N 3/207

--------------------------------

<*> Вступило в силу 23 февраля 1992 года.

Урад Рэспублiкi Беларусь i Урад Лiтоўскай Рэспублiкi, якiя ў далейшым называюцца Бакамi,

адзначаючы важную ролю стандартызацыi, метралогii i сертыфiкацыi прадукцыi ў лiквiдацыi тэхнiчных бар'ераў у эканамiчных, гандлёвых i iншых адносiнах,

прызнаючы iх неабходнасць дзеля забеспячэння сумяшчальнасцi, узаемазамяняльнасцi, яе бяспекi для жыцця i здароўя чалавека, аховы навакольнага асяроддзя,

улiчваючы ўзаемную эканамiчную зацiкаўленасць, дамовiлiся аб наступным:

Артыкул 1

Бакi, валодаючы поўнай самастойнасцю ў фармiраваннi i рэалiзацыi нацыянальных сiстэм стандартызацыi, метралогii, сертыфiкацыi i арганiзацыi работ ў гэтых галiнах дзейнасцi,

прызнаюць iснуючыя нацыянальныя эталоны адзiнак фiзiчных велiчынь i пры iх выкарыстаннi ўжываюць рэжым найбольшага спрыяння;

узаемна прадстаўляюць нарматыўна-тэхнiчную дакументацыю на ўзгодненых умовах i па асобных запытах;

узгадняюць працэдуры ўзаемнага прызнання органаў па сертыфiкацыi, выпрабавальных лабараторый (цэнтраў), вынiкаў выпрабаванняў i сертыфiкацыi, сертыфiкатаў i знакаў адпаведнасцi на ўзаемапастаўляемую прадукцыю на аснове нацыянальных сiстэм сертыфiкацыi;

узгадняюць працэдуры ўзаемнага прызнання вынiкаў дзяржаўных выпрабаванняў, зацвярджэння тыпаў сродкаў вымярэнняў, акрэдытацыi паверачных лабараторый;

узаемна прызнаюць вынiкi метралагiчнай атэстацыi, паверкi i калiброўкi сродкаў вымярэнняў.

Артыкул 2

Бакi садзейнiчаюць прыбораўладальнiкам у ажыццяўленнi паверкi сродкаў вымярэнняў у акрэдытаваных арганiзацыях другой краiны, забяспечваючы iх iнфармацыяй аб тэхнiчных магчымасцях i адрасах гэтых арганiзацый, правiлах i працэдуры афармлення дакументацыi i дазволаў на вываз (увоз) прыбораў паверачнага абсталявання i перасоўных лабараторый, на камандзiраванне спецыялiстаў, якiя праводзяць паверку.

Артыкул 3

Каардынацыя работ, прадугледжаных дадзеным Пагадненнем i адказнасць за iх выкананне ўскладаюцца:

у Рэспублiцы Беларусь - на Камiтэт па стандартызацыi, метралогii i сертыфiкацыi пры Савеце Мiнiстраў Рэспублiкi Беларусь;

у Лiтоўскай Рэспублiцы - на Лiтоўскую дзяржаўную службу стандартызацыi.

Артыкул 4

Бакi забяспечваюць канфiдэнцыяльнасць атрыманай дакументацыi i iнфармацыi аб работах, якiя праводзяцца ў рамках дадзенага Пагаднення, аб дасягнутых навукова-тэхнiчных вынiках, калi перадаючым органам будзе агаворана, што яны маюць канфiдэнцыяльны характар.

Артыкул 5

Навукова-тэхнiчная iнфармацыя, якую атрымлiвае адзiн з Бакоў у ходзе супрацоўнiцтва, можа быць свабодна выкарыстана iм, калi другi Бок не папярэдзiў аб яе канфiдэнцыяльнасцi. Гэта iнфармацыя можа перадавацца трэцяй дзяржаве толькi па ўзаемнай згодзе Бакоў, якiя яе прадаставiлi.

Артыкул 6

Палажэннi дадзенага Пагаднення пры неабходнасцi канкрэтызуюцца дадатковымi пагадненнямi (пратаколамi), якiя заключаны памiж Камiтэтам па стандартызацыi, метралогii i сертыфiкацыi пры Савеце Мiнiстраў Рэспублiкi Беларусь i Лiтоўскай дзяржаўнай службай стандартызацыi.

Артыкул 7

Дадзенае Пагадненне не закранае дагавароў, якiя былi заключаны раней Бакамi i iх арганiзацыямi ў галiне стандартызацыi, метралогii i сертыфiкацыi.

Артыкул 8

Дадзенае Пагадненне з'яўляецца двухбаковым i не закранае iнтарэсаў трэцiх дзяржаў.

Артыкул 9

Дадзенае Пагадненне ўступае ў сiлу з дня яго падпiсання i дзейнiчае да сканчэння 6 месяцаў з дня, калi адзiн з Бакоў накiруе другому Боку пiсьмовае паведамленне аб сваiм намеры спынiць яго дзеянне.

Заключаны ў г.Мiнску 23 лютага 1992 г. у дзвюх экземплярах, кожны на лiтоўскай i беларускай мовах, прычым абодва тэксты маюць аднолькавую сiлу.

За Урад Рэспублiкi Беларусь _____________ подпiс

За Урад Лiтоўскай Рэспублiкi _____________ подпiс

dokumenty archiwalne Папярэдні | Наступны