< Главная страница

Зарегистрировано в НРПА РБ 15 августа 2001 г. N 5/6900

Савет Мiнiстраў Рэспублiкi Беларусь ПАСТАНАЎЛЯЕ:

1. Устанавiць, што ў склад Беларускай рэспублiканскай навукова-метадычнай рады па пытаннях гiсторыка-культурнай спадчыны пры Мiнiстэрстве культуры ўваходзiць 12 чалавек. Гэты склад з'яўляецца пастаянным i дзейнiчае на ўвесь час працы Беларускай рэспублiканскай навукова-метадычнай рады па пытаннях гiсторыка-культурнай спадчыны пры Мiнiстэрстве культуры.

2. Зацвердзiць:

прыкладзены Статут Беларускай рэспублiканскай навукова-метадычнай рады па пытаннях гiсторыка-культурнай спадчыны пры Мiнiстэрстве культуры.

Абзац утратил силу. - Постановление Совмина от 25.09.2002 N 1314.

3. Утратил силу. - Постановление Совмина от 08.06.2001 N 862.

4. Ускласцi арганiзацыйна-тэхнiчнае забеспячэнне работы Беларускай рэспублiканскай навукова-метадычнай рады па пытаннях гiсторыка-культурнай спадчыны пры Мiнiстэрстве культуры - на Мiнiстэрства культуры.

Прэм'ер-мiнiстр Рэспублiкi Беларусь С.ЛIНГ

                                          ЗАЦВЕРДЖАНА
                                          Пастанова Савета Мiнiстраў
                                          Рэспублiкi Беларусь
                                          16.10.1998 N 1590

СТАТУТ БЕЛАРУСКАЙ РЭСПУБЛIКАНСКАЙ НАВУКОВА-МЕТАДЫЧНАЙ РАДЫ ПА ПЫТАННЯХ ГIСТОРЫКА-КУЛЬТУРНАЙ СПАДЧЫНЫ ПРЫ МIНIСТЭРСТВЕ КУЛЬТУРЫ

Агульныя палажэннi

1. Беларуская рэспублiканская навукова-метадычная рада па пытаннях гiсторыка-культурнай спадчыны пры Мiнiстэрстве культуры (далей - Навукова-метадычная рада) з'яўляецца навукова-метадычным органам па пытаннях улiку, аховы, зберажэння, аднаўлення, выкарыстання, памнажэння i вяртання гiсторыка-культурнай спадчыны Рэспублiкi Беларусь.

2. Навукова-метадычная рада фармiруецца з прадстаўнiкоў мiнiстэрстваў, iншых рэспублiканскiх органаў дзяржаўнага кiравання, прадпрыемстваў, устаноў i арганiзацый, а таксама са спецыялiстаў, якiя ажыццяўляюць дзейнасць у галiне тэорыi i практыкi вывучэння, зберажэння, кансервацыi, рэстаўрацыi, выкарыстання i памнажэння гiсторыка-культурнай спадчыны, а таксама ў iншых сумежных напрамках.

У склад Навукова-метадычнай рады ўваходзяць намеснiк начальнiка ўпраўлення па ахове гiсторыка-культурнай спадчыны i рэстаўрацыi Мiнiстэрства культуры, а таксама спецыялiст названага ўпраўлення - вучоны сакратар Навукова-метадычнай рады па пасадзе.

Старшынёй Навукова-метадычнай рады з'яўляецца начальнiк ўпраўлення па ахове гiсторыка-культурнай спадчыны i рэстаўрацыi Мiнiстэрства культуры.

Колькасны i персанальны склад Навукова-метадычнай рады зацвярджаецца Саветам Мiнiстраў Рэспублiкi Беларусь па прадстаўленню Мiнiстра культуры.

3. У сваёй дзейнасцi Навукова-метадычная рада кiруецца заканадаўствам Рэспублiкi Беларусь i дадзеным Статутам.

4. Навукова-метадычная рада мае бланкi са сваiм найменнем.

Кампетэнцыя Навукова-метадычнай рады

5. Навукова-метадычная рада:

5.1. вырашае пытаннi:

надання (або адмаўлення ў наданнi) статуса гiсторыка-культурных каштоўнасцей нанава выяўленым, або нанава вывучаным матэрыяльным аб'ектам, прадметам, або нематэрыяльным праяўленням чалавечай творчасцi;

надання катэгорый каштоўнасцям;

5.2. выдае заключэннi па:

праектах перспектыўных праграм i гадавых планаў работ па рэстаўрацыi гiсторыка-культурных каштоўнасцей;

прапановах аб размеркаваннi бюджэтных сродкаў, якiя выдзяляюцца на ахову i аднаўленне гiсторыка-культурнай спадчыны, i сродкаў Фонду аховы, зберажэння i аднаўлення гiсторыка-культурнай спадчыны народа Беларусi;

квалiфiкацыi спецыялiстаў на прадмет выдачы iм сертыфiкатаў на права правядзення работ з гiсторыка-культурнымi каштоўнасцямi;

праектна-каштарыснай дакументацыi, якая датычыцца гiсторыка-культурных каштоўнасцей катэгорый "0", "1" i "2";

кандыдатурах навуковых кiраўнiкоў на правядзенне работ з гiсторыка-культурнымi каштоўнасцямi катэгорыi "0";

iншых пытаннях, якiя выносяцца на разгляд Навукова-метадычнай рады Мiнiстрам культуры або начальнiкам ўпраўлення па ахове гiсторыка-культурнай спадчыны i рэстаўрацыi Мiнiстэрства культуры;

5.3. выпрацоўвае прапановы па:

паляпшэнню ў Беларусi справы вывучэння, улiку, аховы, зберажэння, аднаўлення, памнажэння i вяртання гiсторыка-культурных каштоўнасцей;

памерах кампенсацыi за шкоду, прычыненую гiсторыка-культурным каштоўнасцям або зонам iх аховы;

выплаце ўзнагароджанняў за выяўленне каштоўных у гiсторыка-культурных адносiнах матэрыяльных аб'ектаў або нематэрыяльных праяўленняў чалавечай творчасцi;

абмежаванню або поўнай забароне руху транспартных сродкаў на шляхах зносiн, якiя прылягаюць да гiсторыка-культурных каштоўнасцей.

Рэгламент работы Навукова-метадычнай рады

6. Работа Навукова-метадычнай рады праводзiцца ў адпаведнасцi з гадавымi планамi, якiя зацвярджаюцца дырэктарам дэпартамента па ахове гiсторыка-культурнай спадчыны i рэстаўрацыi Мiнiстэрства культуры.

7. Пасяджэннi Навукова-метадычнай рады праводзяцца па меры неабходнасцi, але не радзей аднаго разу ў месяц.

Пасяджэннi Навукова-метадычнай рады праводзiць старшыня, а ў яго адсутнасць - намеснiк старшынi Навукова-метадычнай рады.

Бягучая работа памiж пасяджэннямi Навукова-метадычнай рады ажыццяўляецца старшынёй i вучоным сакратаром.

8. Ход i вынiкi абмеркавання пытанняў на Навукова-метадычнай радзе фiксуюцца ў пратаколе. Пратакол афармляецца вучоным сакратаром Навукова-метадычнай рады ў тэрмiн да двух тыдняў з дня пасяджэння на падставе рукапiсных, стэнаграфiчных або магнiтафонных запiсаў, а таксама такiх дакументаў, як парадак дня, тэзiсы выступленняў, праекты пастаноў.

Пратаколы пасяджэнняў Навукова-метадычнай рады i выпiскi з iх друкуюцца на бланках вызначанага ўзору.

9. Старшыня мае права афiцыйна запрашаць для ўдзелу ў рабоце Навукова-метадычнай рады экспертаў (у тым лiку замежных грамадзян).

10. Навукова-метадычная рада правамоцна прымаць рашэннi пры наяўнасцi на пасяджэннi не менш за 8 членаў Навукова-метадычнай рады.

11. Рашэннi Навукова-метадычнай рады лiчацца прынятымi:

у дачыненнi да пытанняў, абумоўленых у падпункце 5.1 i абзацы чацвёртым падпункта 5.2 пункта 5 дадзенага Статута, калi за рашэнне прагаласавала не менш за 7 членаў Навукова-метадычнай рады;

ва ўсiх астатнiх выпадках - калi за рашэнне прагаласавала больш паловы прысутных на пасяджэннi членаў Навукова-метадычнай рады.

У выпадку ўзнiкнення рознагалоссяў памiж старшынёй i членамi Навукова-метадычнай рады пры абмеркаваннi i прыняццi рашэнняў па ўсiх пытаннях, за выключэннем абумоўленых у пункце 5.1 дадзенага Статута, старшыня Навукова-метадычнай рады праводзiць у жыццё сваё рашэнне i iнфармуе аб гэтым Савет Мiнiстраў Рэспублiкi Беларусь. Члены Навукова-метадычнай рады таксама маюць права iнфармаваць Савет Мiнiстраў Рэспублiкi Беларусь аб сваёй пазiцыi.

12. Старшыня Навукова-метадычнай рады штогод прадстаўляе ў Савет Мiнiстраў Рэспублiкi Беларусь iнфармацыю аб праведзенай рабоце.

                                       ДАДАТАК
                                       да пастановы Савета Мiнiстраў
                                       Рэспублiкi Беларусь
                                       16.10.1998 N 1590

СКЛАД БЕЛАРУСКАЙ РЭСПУБЛIКАНСКАЙ НАВУКОВА-МЕТАДЫЧНАЙ РАДЫ ПА ПЫТАННЯХ ГIСТОРЫКА-КУЛЬТУРНАЙ СПАДЧЫНЫ ПРЫ КАМIТЭЦЕ ПА АХОВЕ ГIСТОРЫКА-КУЛЬТУРНАЙ СПАДЧЫНЫ ПРЫ МIНIСТЭРСТВЕ КУЛЬТУРЫ

Утратил силу. - Постановление Совмина от 25.09.2002 N 1314.

Archiv Dokumente Папярэдні | Наступны