Приказ Министерства образования Республики Беларусь от 19.02.2001 № 62 "Аб зацвярджэннi Палажэння аб правядзеннi рэспублiканскага фестывалю аўтарскай песнi "Маладыя галасы" сярод навучэнцаў прафесiянальна-тэхнiчных i сярэднiх спецыяльных навучальных устаноў у 2001 годзе."

Зарегистрировано в НРПА РБ 1 марта 2001 г. N 8/5157

У адпаведнасцi з Палажэннем аб Мiнiстэрстве адукацыi Рэспублiкi Беларусь, зацверджаным пастановай Савета Мiнiстраў Рэспублiкi Беларусь ад 17 красавiка 1997 г. N 361 "Аб зацвярджэннi Палажэння аб Мiнiстэрстве адукацыi Рэспублiкi Беларусь", планам работы Мiнiстэрства адукацыi Рэспублiкi Беларусь на I паўгоддзе 2001 года, зацверджаным Мiнiстрам адукацыi Рэспублiкi Беларусь 22 снежня 2000 г., i ў мэтах далейшага развiцця i прапаганды жанру аўтарскай песнi ЗАГАДВАЮ:

Зацвердзiць Палажэнне аб правядзеннi рэспублiканскага фестывалю аўтарскай песнi "Маладыя галасы" сярод навучэнцаў прафесiянальна-тэхнiчных i сярэднiх спецыяльных навучальных устаноў у 2001 годзе (прыкладаецца).

Мiнiстр В.I.СТРАЖАЎ

                                         ЗАЦВЕРДЖАНА
                                         Загад Мiнiстэрства адукацыi
                                         Рэспублiкi Беларусь
                                         19.02.2001 N 62

1. Асноўнымi мэтамi i задачамi рэспублiканскага фэстывалю аўтарскай песнi "Маладыя галасы" сярод навучэнцаў прафесiянальна-тэхнiчных i сярэднiх спецыяльных навучальных устаноў у 2001 годзе (далей - фестываль) з'яўляюцца:

эстэтычнае выхаванне навучэнскай моладзi;

адкрыццё новых творчых талентаў у жанры аўтарскай песнi сярод навучэнцаў прафесiянальна-тэхнiчных i сярэднiх спецыяльных навучальных устаноў;

садзейнiчанне творчаму росту маладых аўтараў i выканаўцаў;

далучэнне навучэнскай моладзi да паэтычнай i песеннай творчасцi.

2. Першы этап фестывалю праводзiцца прафесiянальна-тэхнiчнымi i сярэднiмi спецыяльнымi навучальнымi ўстановамi ў рамках аглядаў-конкурсаў мастацкай самадзейнай творчасцi навучэнцаў.

3. Лепшыя выканаўцы аўтарскай песнi накiроўваюцца прафесiянальна-тэхнiчнымi i сярэднiмi спецыяльнымi навучальнымi ўстановамi на другi этап фестывалю ў лютым для ўдзелу ў абласных i Мiнскiм гарадскiм аглядах-конкурсах мастацкай самадзейнай творчасцi навучэнцаў прафесiянальна-тэхнiчных i сярэднiх спецыяльных навучальных устаноў.

4. Упраўленнi адукацыi абласных выканаўчых камiтэтаў i Мiнскага гарадскога выканаўчага камiтэта запрашаюць для ўдзелу ў рамках аглядаў-конкурсаў мастацкай самадзейнай творчасцi навучэнцаў прафесiянальна-тэхнiчных i сярэднiх спецыяльных навучальных устаноў.

5. Журы конкурсу другога этапа вызначае лепшых аўтараў i выканаўцаў з лiку навучэнцаў прафесiянальна-тэхнiчных i сярэднiх спецыяльных навучальных устаноў.

6. Упраўленнi адукацыi абласных выканаўчых камiтэтаў i Мiнскага гарадскога выканаўчага камiтэта па вынiках другога этапа аглядаў-конкурсаў мастацкай самадзейнай творчасцi навучэнцаў прафесiянальна-тэхнiчных i сярэднiх спецыяльных навучальных устаноў вызначаюць i накiроўваюць у лютым 2001 года лепшых аўтараў i выканаўцаў аўтарскай песнi сярод навучэнцаў прафесiянальна-тэхнiчных i сярэднiх спецыяльных навучальных устаноў для ўдзелу ў заключным этапе фестывалю.

7. Па прапанове журы другога этапа сярэднiя спецыяльныя навучальныя ўстановы накiроўваюць лепшых аўтараў i выканаўцаў сярод навучэнцаў сярэднiх спецыяльных навучальных устаноў для ўдзелу ў заключным трэцiм этапе фестывалю.

8. Заключны трэцi этап фестывалю аўтарскай песнi праводзiцца 16 - 18 сакавiка 2001 г. у Рэспублiканскай вучэбна-метадычнай установе "Цэнтр мастацкай творчасцi навучэнскай моладзi "Юнацтва".

9. Журы другога этапа фестывалю вызначае для ўдзелу ў трэцiм этапе не больш як 20 пераможцаў ад кожнай вобласцi i горада Мiнска. Колькасны састаў удзельнiкаў заключнага трэцяга этапа фестывалю не павiнен перавышаць 150 чалавек.

10. Кожны ўдзельнiк выконвае 2 - 3 творы аўтарскай песнi. Удзельнiкi павiнны прадставiць членам журы друкаваныя тэксты выконваемых твораў з указаннем аўтараў слоў i музыкi.

11. Не дапускаюцца ў якасцi музычнага суправаджэння электраiнструменты i фанаграмы.

12. Журы заключнага трэцяга этапа фестывалю фармiруецца Рэспублiканскай вучэбна-метадычнай установай "Цэнтр мастацкай творчасцi навучэнскай моладзi "Юнацтва" з вядучых бардаў Беларусi, музыкантаў, паэтаў.

13. На ўсiх этапах фестывалю журы вылучае ўдзельнiкаў у наступных намiнацыях:

аўтарская (паэтычная i музычная асновы твораў);

выканаўчая (вакал i валоданне музычным iнструментам);

ансамблi (выбар рэпертуару, лепшая аранжыроўка твора i сцэнiчная культура).

14. Праезд удзельнiкаў на фестываль i назад бяруць на сябе камандыруючыя навучальныя ўстановы.

15. Фiнансаванне выдаткаў на правядзенне заключнага этапа фестывалю ажыццяўляецца за кошт сродкаў рэспублiканскага бюджэту.

16. У мэтах заахвочвання ўдзельнiкаў фестывалю праводзiцца ўзнагароджванне прызамi па кожнай намiнацыi (1 - 3 месцы, па 1 заахвочвальнаму прызу ў кожнай намiнацыi).

17. Заключны канцэрт пераможцаў фестывалю адбудзецца 18 сакавiка 2001 г. у Рэспублiканскай вучэбна-метадычнай установе "Цэнтр мастацкай творчасцi навучэнскай моладзi "Юнацтва".