Постановление Министерства статистики и анализа Республики Беларусь от 17.11.2003 № 186 "Аб зацвярджэннi формы дзяржаўнай статыстычнай справаздачнасцi 10-сг "Справаздача аб нарыхтоўцы кармоў" i ўказанняў па яе запаўненню"

На падставе Палажэння аб Мiнiстэрстве статыстыкi i аналiзу Рэспублiкi Беларусь, зацверджанага пастановай Савета Мiнiстраў Рэспублiкi Беларусь ад 19 красавiка 2000 г. N 547 "Вопросы Министерства статистики и анализа Республики Беларусь", Мiнiстэрства статыстыкi i аналiзу Рэспублiкi Беларусь ПАСТАНАЎЛЯЕ:

1. Зацвердзiць прыкладзеную форму дзяржаўнай статыстычнай справаздачнасцi 10-сг "Справаздача аб нарыхтоўцы кармоў" <*>: па панядзелках - у перыяд нарыхтоўкi кармоў (па ўказанню органаў статыстыкi), на 1 снежня - гадавая; увесцi яе ў дзеянне, пачынаючы са справаздачы ў 2004 годзе.

2. Зацвердзiць прыкладзеныя Указаннi па запаўненню формы дзяржаўнай статыстычнай справаздачнасцi 10-сг "Справаздача аб нарыхтоўцы кармоў" <*> i ўвесцi iх ў дзеянне, пачынаючы са справаздачы ў 2004 годзе.

-------------------------------

<*> Не прыводзiцца.

3. Распаўсюдзiць вызначаную ў пункце 1 дадзенай пастановы форму дзяржаўнай статыстычнай справаздачнасцi на юрыдычныя асобы ўсiх форм уласнасцi, iх адасобленыя падраздзяленнi, асноўным вiдам дзейнасцi якiх з'яўляецца сельскагаспадарчая вытворчасць, а таксама сялянскiя (фермерскiя) гаспадаркi, падсобныя гаспадаркi пры прамысловых, транспартных, будаўнiчых i iншых арганiзацыях, у якiх плошча сельскагаспадарчых зямель складае 300 i болей гектараў альбо колькасць умоўнага пагалоўя жывелы 100 i болей галоў.

Мiнiстр У.I.ЗIНОЎСКI