Указы Президента РБ

Указ Президента Республики Беларусь от 10.07.2006 № 435 "Аб некаторых пытаннях перамяшчэння музейных прадметаў праз мяжу Рэспублiкi Беларусь"

Зарегистрировано в НРПА РБ 11 июля 2006 г. N 1/7728

У мэтах забеспячэння захаванасцi музейных прадметаў, iх агульнадаступнасцi i павышэння эфектыўнасцi выкарыстання, у тым лiку ў якасцi аб'ектаў мiжнароднага культурнага абмену:

1. Устанавiць, што музейныя прадметы, уключаныя ў Музейны фонд Рэспублiкi Беларусь, вывазу за межы Рэспублiкi Беларусь на пастаяннае захоўванне не падлягаюць, за выключэннем выпадкаў, калi:

вываз ажыццяўляецца ў адпаведнасцi з уступiўшым у сiлу мiжнародным дагаворам Рэспублiкi Беларусь аб рэстытуцыi культурных каштоўнасцей згодна з рашэннем Савета Мiнiстраў Рэспублiкi Беларусь, якое прымаецца па кожнаму факту перамяшчэння культурных каштоўнасцей;

музейныя прадметы, уключаныя ў Музейны фонд Рэспублiкi Беларусь (за выключэннем тых, што прызнаны гiсторыка-культурнымi каштоўнасцямi), абменьваюцца на iншыя музейныя прадметы або прадметы музейнага значэння, якiя знаходзяцца ў замежных музеях. Абгрунтаваннем для абмену з'яўляецца рашэнне Савета Мiнiстраў Рэспублiкi Беларусь, якое прымаецца па кожнаму факту перамяшчэння культурных каштоўнасцей пры наяўнасцi пiсьмовай дамоўленасцi памiж музеямi i згодна з хадайнiцтвам Мiнiстэрства культуры Рэспублiкi Беларусь аб раўназначнасцi абмену.

2. Савету Мiнiстраў Рэспублiкi Беларусь забяспечыць прывядзенне актаў заканадаўства ў адпаведнасць з дадзеным Указам.

3. Дадзены Указ уступае ў сiлу з дня яго афiцыйнага апублiкавання.

Прэзiдэнт Рэспублiкi Беларусь А.Лукашэнка