Постановления СМ РБ

Постановления других органов Республики Беларусь

Постановление Совета Министров Республики Беларусь от 17.05.2008 № 699 "Аб выдзяленнi сродкаў з рэспублiканскага бюджэту на фiнансаванне расходаў, звязаных са стыхiйнымi бедствамi, аварыямi i катастрофамi"

Зарегистрировано в НРПА РБ 20 мая 2008 г. N 5/27666

У адпаведнасцi з падпунктам 1.2 пункта 1 артыкула 35 Закона Рэспублiкi Беларусь ад 26 снежня 2007 года "Аб бюджэце Рэспублiкi Беларусь на 2008 год" Савет Мiнiстраў Рэспублiкi Беларусь ПАСТАНАЎЛЯЕ:

1. Мiнiстэрству фiнансаў выдзелiць у II квартале 2008 г. з рэспублiканскага бюджэту са сродкаў фонду фiнансавання расходаў, звязаных са стыхiйнымi бедствамi, аварыямi i катастрофамi:

Кiраўнiцтву справамi Прэзiдэнта Рэспублiкi Беларусь 257,05 млн. рублёў на правядзенне рамонтна-аднаўленчых работ у падначаленых Кiраўнiцтву справамi Прэзiдэнта Рэспублiкi Беларусь санаторна-курортных установах, якiя знаходзяцца ў гарадах Сочы, Туапсэ Расiйскай Федэрацыi i п.г.т. Карэiз Аўтаномнай Рэспублiкi Крым Украiны, што пацярпелi ў вынiку надзвычайных сiтуацый, выклiканых ураганнымi вятрамi ў лiстападзе 2007 г.;

Беларускай чыгунцы 15,504 млн. рублёў на пакрыццё расходаў па дастаўцы гуманiтарнай дапамогi Рэспублiцы Малдова;

Брэсцкаму аблвыканкому 308,5 млн. рублёў на кампенсацыю расходаў, звязаных з правядзеннем аварыйна-выратавальных i iншых неадкладных работ i аднаўленнем будынка кацельнай камунальнага унiтарнага шматгалiновага вытворчага прадпрыемства жыллёва-камунальнай гаспадаркi "Ганцавiцкая РЖКХ";

Мiнiстэрству сельскай гаспадаркi i харчавання 228,2 млн. рублёў на кампенсацыю расходаў, звязаных з аднаўленнем будынкаў адкрытага акцыянернага таварыства "Вiцебская бройлерная птушкафабрыка", што пацярпелi ў вынiку надзвычайных сiтуацый, выклiканых ураганнымi вятрамi ў чэрвенi 2007 г.

2. Мiнiстэрству па надзвычайных сiтуацыях i Мiнiстэрству фiнансаў забяспечыць кантроль за мэтавым выкарыстаннем выдзеленых у адпаведнасцi з дадзенай пастановай сродкаў.

Прэм'ер-мiнiстр Рэспублiкi Беларусь С.СIДОРСКI