Постановление Министерства природных ресурсов и охраны окружающей среды Республики Беларусь, Министерства образования Республики Беларусь, Министерства культуры Республики Беларусь от 27.06.2008 № 63/52/25 "Аб IV рэспублiканскiм аглядзе-конкурсе на лепшую пастаноўку работы бiблiятэк па экалагiчнай асвеце i iнфармаваннi насельнiцтва ў 2006 - 2008 гадах"

Текст документа с изменениями и дополнениями по состоянию на ноябрь 2013 года

< Главная страница

Зарегистрировано в НРПА РБ 18 июля 2008 г. N 8/19157

На падставе Палажэння аб Мiнiстэрстве прыродных рэсурсаў i аховы навакольнага асяроддзя Рэспублiкi Беларусь, зацверджанага пастановай Савета Мiнiстраў Рэспублiкi Беларусь ад 29 лiпеня 2006 г. N 962 "Вопросы Министерства природных ресурсов и охраны окружающей среды Республики Беларусь", Палажэння аб Мiнiстэрстве адукацыi Рэспублiкi Беларусь, зацверджанага пастановай Савета Мiнiстраў Рэспублiкi Беларусь ад 29 кастрычнiка 2001 г. N 1554, Палажэння аб Мiнiстэрстве культуры Рэспублiкi Беларусь, зацверджанага пастановай Савета Мiнiстраў Рэспублiкi Беларусь ад 30 кастрычнiка 2001 г. N 1558 "Вопросы Министерства культуры Республики Беларусь", Мiнiстэрства прыродных рэсурсаў i аховы навакольнага асяроддзя Рэспублiкi Беларусь, Мiнiстэрства адукацыi Рэспублiкi Беларусь i Мiнiстэрства культуры Рэспублiкi Беларусь ПАСТАНАЎЛЯЮЦЬ:

1. Правесцi ў 2008 годзе IV рэспублiканскi агляд-конкурс на лепшую пастаноўку работы бiблiятэк па экалагiчнай асвеце i iнфармаваннi насельнiцтва ў 2006 - 2008 гадах (далей - агляд-конкурс).

2. Зацвердзiць:

прыкладзеную Iнструкцыю аб парадку правядзення IV рэспублiканскага агляду-конкурсу на лепшую пастаноўку работы бiблiятэк па экалагiчнай асвеце i iнфармаваннi насельнiцтва ў 2006 - 2008 гадах;

склад рэспублiканскага аргкамiтэта IV рэспублiканскага агляду-конкурсу на лепшую пастаноўку работы бiблiятэк па экалагiчнай асвеце i iнфармаваннi насельнiцтва ў 2006 - 2008 гадах (далей - рэспублiканскi аргкамiтэт агляду-конкурсу) згодна з дадаткам.

3. Ускласцi работу па арганiзацыi i правядзеннi агляду-конкурсу на аддзел iнфармацыi Мiнiстэрства прыродных рэсурсаў i аховы навакольнага асяроддзя Рэспублiкi Беларусь (Вараўка В.М.), упраўленне агульнай сярэдняй адукацыi Мiнiстэрства адукацыi Рэспублiкi Беларусь (Гладкоў Ю.I.), упраўленне ўстаноў культуры i народнай творчасцi Мiнiстэрства культуры Рэспублiкi Беларусь (Чэрнiк В.М.), дзяржаўную ўстанову "Нацыянальная бiблiятэка Беларусi" (Матульскi Р.С.).

4. Рэкамендаваць абласным i Мiнскаму гарадскому камiтэтам прыродных рэсурсаў i аховы навакольнага асяроддзя, органам адукацыi i культуры абласных, Мiнскага гарадскога выканаўчых камiтэтаў стварыць сумесна з зацiкаўленымi ўстановамi i арганiзацыямi абласныя (Мiнскi гарадскi) аргкамiтэты агляду-конкурсу, вызначыць формы ўзнагарод i крынiцы матэрыяльнага заахвочвання пераможцаў першага тура агляду-конкурсу.

5. Рэспублiканскаму аргкамiтэту агляду-конкурсу:

5.1. падвесцi вынiкi i правесцi ўзнагароджанне пераможцаў другога тура агляду-конкурсу да 1 снежня 2008 г.;

5.2. арганiзаваць асвятленне ходу правядзення i вынiкаў агляду-конкурсу ў сродках масавай iнфармацыi, у тым лiку электронных.

6. Дзяржаўнай установе "Нацыянальная бiблiятэка Беларусi" (Матульскi Р.С.) падрыхтаваць iнфармацыю па вынiках агляду-конкурсу.

7. Аддзелу iнфармацыi Мiнiстэрства прыродных рэсурсаў i аховы навакольнага асяроддзя Рэспублiкi Беларусь (Вараўка В.М.), упраўленню сацыяльна-эканамiчнага развiцця Мiнiстэрства адукацыi Рэспублiкi Беларусь (Субоцкая Л.I.), эканамiчнаму ўпраўленню Мiнiстэрства культуры Рэспублiкi Беларусь (Кананюк В.К.) унесцi прапановы аб выдзяленнi ў 2008 годзе сродкаў на арганiзацыю i правядзенне агляду-конкурсу.

8. Кантроль за выкананнем гэтай пастановы ўскласцi на намеснiка Мiнiстра прыродных рэсурсаў i аховы навакольнага асяроддзя Рэспублiкi Беларусь Ваўчугу Г.У., намеснiка Мiнiстра культуры Рэспублiкi Беларусь Кураша В.I., намеснiка Мiнiстра адукацыi Рэспублiкi Беларусь Фарыно К.C.

9. Пастанова ўступае ў сiлу з дня афiцыйнага апублiкавання.

Мiнiстр прыродных рэсурсаў

i аховы навакольнага асяроддзя

Рэспублiкi Беларусь Л.I.ХАРУЖЫК

Мiнiстр адукацыi Рэспублiкi Беларусь А.М.РАДЗЬКОЎ

Мiнiстр культуры Рэспублiкi Беларусь У.Ф.МАТВЕЙЧУК

УЗГОДНЕНА                 УЗГОДНЕНА
Старшыня                  Намеснiк старшынi
Брэсцкага абласнога       Вiцебскага абласнога
выканаўчага камiтэта      выканаўчага камiтэта
К.А.Сумар                 П.В.Южык
16.05.2008                30.04.2008

УЗГОДНЕНА                 УЗГОДНЕНА
Старшыня                  Старшыня
Гомельскага абласнога     Гродзенскага абласнога
выканаўчага камiтэта      выканаўчага камiтэта
А.С.Якабсон               У.Я.Саўчанка
30.04.2008                30.04.2008

УЗГОДНЕНА                 УЗГОДНЕНА
Старшыня                  Старшыня
Мiнскага абласнога        Магiлёўскага абласнога
выканаўчага камiтэта      выканаўчага камiтэта
Л.Ф.Крупец                Б.В.Батура
29.04.2008                30.04.2008

УЗГОДНЕНА
Старшыня
Мiнскага гарадскога
выканаўчага камiтэта
М.Я.Паўлаў
30.04.2008

                                      ЗАЦВЕРДЖАНА
                                      Пастанова Мiнiстэрства
                                      прыродных рэсурсаў
                                      i аховы навакольнага асяроддзя
                                      Рэспублiкi Беларусь,
                                      Мiнiстэрства адукацыi
                                      Рэспублiкi Беларусь
                                      i Мiнiстэрства культуры
                                      Рэспублiкi Беларусь
                                      27.06.2008 N 63/52/25

Глава 1 АГУЛЬНЫЯ ПАЛАЖЭННI

1. Iнструкцыя аб парадку правядзення IV рэспублiканскага агляду-конкурсу на лепшую пастаноўку работы бiблiятэк па экалагiчнай асвеце i iнфармаваннi насельнiцтва ў 2006 - 2008 гадах (далей - Iнструкцыя) вызначае парадак правядзення IV рэспублiканскага агляду-конкурсу на лепшую пастаноўку работы бiблiятэк па экалагiчнай асвеце i iнфармаваннi насельнiцтва ў 2006 - 2008 гадах (далей - агляд-конкурс).

2. Мэты агляду-конкурсу:

удасканаленне сiстэмы iнфармацыйнага забеспячэння насельнiцтва рэспублiкi матэрыяламi па экалогii, прыродакарыстаннi i ахове навакольнага асяроддзя;

актывiзацыя работы бiблiятэк па рэалiзацыi палiтыкi дзяржаўных органаў улады ў сферы павышэння экалагiчнай свядомасцi i адукацыi насельнiцтва;

далейшае пашырэнне супрацоўнiцтва бiблiятэк з арганiзацыямi, якiя маюць экалагiчныя напрамкi дзейнасцi;

выяўленне i распаўсюджванне лепшага вопыту работы бiблiятэк па экалагiчнай асвеце i iнфармаваннi насельнiцтва.

Глава 2 ЗАСНАВАЛЬНIКI, ЭТАПЫ ПРАВЯДЗЕННЯ

3. Заснавальнiкамi агляду-конкурсу з'яўляюцца:

Мiнiстэрства прыродных рэсурсаў i аховы навакольнага асяроддзя Рэспублiкi Беларусь;

Мiнiстэрства адукацыi Рэспублiкi Беларусь;

Мiнiстэрства культуры Рэспублiкi Беларусь.

Арганiзацыйную, фiнансавую i матэрыяльна-тэхнiчную падтрымку агляду-конкурсу могуць аказваць любыя юрыдычныя i фiзiчныя асобы, у тым лiку грамадскiя арганiзацыi i аб'яднаннi.

4. Агляд-конкурс праводзiцца ў два туры:

у першым туры (лiпень 2008 г. - 30 верасня 2008 г.) вызначаюцца лепшыя бiблiятэкi на абласным (г.Мiнска) узроўнi;

у другiм туры (1 - 31 кастрычнiка 2008 г.) вызначаюцца лепшыя бiблiятэкi на рэспублiканскiм узроўнi (сярод тых, якiя занялi першае, другое i трэцяе месцы ў першым туры).

Глава 3 АРГАНIЗАЦЫЯ, ТЭРМIНЫ I ЎМОВЫ ЎДЗЕЛУ

5. Для арганiзацыi, правядзення i падвядзення вынiкаў першага i другога тураў агляду-конкурсу ствараюцца адпаведна абласныя (Мiнскi гарадскi) i рэспублiканскi аргкамiтэты.

6. Абласныя (Мiнскi гарадскi) аргкамiтэты агляду-конкурсу ствараюцца з прадстаўнiкоў тэрытарыяльных органаў Мiнiстэрства прыродных рэсурсаў i аховы навакольнага асяроддзя Рэспублiкi Беларусь, органаў адукацыi i культуры абласных (Мiнскага гарадскога) выканаўчых камiтэтаў сумесна з зацiкаўленымi арганiзацыямi. Аргкамiтэты выконваюць таксама функцыi журы.

7. У аглядзе-конкурсе маюць права ўдзельнiчаць усе бiблiятэкi незалежна ад ведамаснай прыналежнасцi i формы ўласнасцi, якiя маюць вопыт работы ў напрамку экалагiчнай асветы i iнфармавання насельнiцтва.

8. Вылучэнне пераможцаў будзе ажыццяўляцца па наступных намiнацыях:

лепшыя абласная, гарадская i раённая бiблiятэкi;

лепшая сельская бiблiятэка;

лепшая бiблiятэка навучальнай установы.

У кожнай намiнацыi вылучаецца адно першае, адно другое i адно трэцяе месцы.

9. Бiблiятэкi, якiя прымаюць удзел у аглядзе-конкурсе, накiроўваюць у адпаведны абласны (Мiнскi гарадскi) аргкамiтэт тлумачальную запiску, якая можа дапаўняцца нагляднымi матэрыяламi, публiкацыямi ў сродках масавай iнфармацыi i iншым. Да разгляду прымаюцца матэрыялы, якiя былi напрацаваны бiблiятэкамi ў 2006 - 2008 гадах.

10. У тлумачальнай запiсцы, накiраванай у аргкамiтэт, павiнны быць адлюстраваны наступныя напрамкi работы:

стварэнне сiстэмы садзейнiчання экалагiчнай асвеце i iнфармаванню грамадскасцi (канцэпцыi, планы, праграмы, праекты работы бiблiятэкi ў гэтым напрамку);

удзел у працэсе адукацыi ў iнтарэсах устойлiвага развiцця ў адпаведнасцi са Стратэгiяй Еўрапейскай эканамiчнай камiсii Арганiзацыi Аб'яднаных Нацый для адукацыi ў iнтарэсах устойлiвага развiцця, прынятай на нарадзе высокага ўзроўню прадстаўнiкоў мiнiстэрстваў аховы навакольнага асяроддзя i адукацыi ў г. Вiльнюсе (Лiтва) 17 - 18 сакавiка 2005 г.;

развiццё сiстэмы даведачна-бiблiяграфiчнага абслугоўвання, стварэнне адпаведных баз даных, iнфармацыйнага цэнтра па экалогii, Орхускага цэнтра (цэнтра iнфармавання насельнiцтва, якi ствараецца ў адпаведнасцi з Канвенцыяй аб доступе да iнфармацыi, удзеле грамадскасцi ў працэсе прыняцця рашэнняў i доступе да правасуддзя па пытаннях, якiя тычацца навакольнага асяроддзя, прынятай на Чацвёртай канферэнцыi мiнiстраў "Навакольнае асяроддзе для Еўропы" ў г. Орхусе (Данiя) 25 чэрвеня 1998 года (Орхуская канвенцыя);

планамернасць папаўнення бiблiятэчнага фонду даведачна-энцыклапедычнымi выданнямi, падручнiкамi, навукова-папулярнай i iншай лiтаратурай па экалагiчнай тэматыцы;

iнфармаванне насельнiцтва аб экалагiчным становiшчы рэгiёна, у тым лiку прадстаўленне звестак, якiя тычацца радыяцыйнай бяспекi;

iнфармацыйнае супрацоўнiцтва з тэрытарыяльнымi органамi Мiнiстэрства прыродных рэсурсаў i аховы навакольнага асяроддзя Рэспублiкi Беларусь, кiраўнiкамi прадпрыемстваў, iншых арганiзацый у галiне экалогii;

садзейнiчанне экалагiчнай адукацыi ў дашкольных i школьных установах адукацыi;

iнфармацыйная падтрымка спецыялiстаў-эколагаў, а таксама распаўсюджванне iх вопыту;

метадычная дапамога ў арганiзацыi экалагiчнага выхавання;

узаемадзеянне з арганiзацыямi, якiя маюць экалагiчны напрамак дзейнасцi, для выкарыстання матэрыялаў аб iх дзейнасцi ў мэтах экалагiчнай асветы насельнiцтва;

вывучэнне чытацкага попыту экалагiчнай iнфармацыi (метады, перыядычнасць, вынiкi вывучэння);

распрацоўка i ўкараненне, рэалiзацыя iнавацыйных формаў iндывiдуальнай i масавай работы па экалагiчнай асвеце;

павышэнне ўзроўню экалагiчнай адукацыi работнiкаў бiблiятэкi (тэматычныя семiнары, спецыяльныя курсы ў сiстэме павышэння квалiфiкацыi, стажыроўкi i iншыя формы экалагiчнай адукацыi).

11. Па вынiках першага тура агляду-конкурсу абласныя (Мiнскi гарадскi) аргкамiтэты вызначаюць пераможцаў i накiроўваюць у рэспублiканскi аргкамiтэт матэрыялы-прадстаўленнi на бiблiятэкi, якiя занялi першае, другое i трэцяе месцы ў кожнай намiнацыi.

12. На кожную бiблiятэку, якая прадстаўлена для ўдзелу ў другiм туры агляду-конкурсу, абласныя (Мiнскi гарадскi) аргкамiтэты накiроўваюць наступныя матэрыялы:

рашэнне абласнога (Мiнскага гарадскога) аргкамiтэта аб вылучэннi бiблiятэкi на другi тур агляду-конкурсу;

даведку аб рабоце бiблiятэкi па экалагiчнай асвеце i iнфармаваннi насельнiцтва;

рэквiзiты бiблiятэкi: поўная назва, ведамасная прыналежнасць, адрас, тэлефон, факс, электронная пошта; бюджэтны i пазабюджэтны разлiковыя рахункi, код банка, улiкова-падатковы нумар; прозвiшча, iмя i iмя па бацьку дырэктара (загадчыка) бiблiятэкi, а таксама работнiкаў, якiя ажыццяўляюць работу па экалагiчнай асвеце i iнфармаваннi насельнiцтва.

13. Конкурсныя матэрыялы на другi тур накiроўваюцца на адрас: 220114, г.Мiнск, праспект Незалежнасцi, 116, Нацыянальная бiблiятэка Беларусi, навукова-даследчы аддзел бiблiятэказнаўства. Даведкi па тэлефоне: 293 27 93, e-mail: bibved@nlb.by.

14. Тэрмiны прадстаўлення матэрыялаў у аргкамiтэты агляду-конкурсу:

на першы тур - да 10 верасня 2008 г.;

на другi тур - да 1 кастрычнiка 2008 г.

15. Матэрыялы, якiя дасланы пазней тэрмiну, азначанага пунктам 14 гэтай Iнструкцыi, да разгляду не прымаюцца.

Глава 4 УЗНАГАРОДЖАННЕ ПЕРАМОЖЦАЎ

16. Узнагароджанне пераможцаў першага тура агляду-конкурсу праводзяць абласныя (Мiнскi гарадскi) аргкамiтэты, другога - рэспублiканскi аргкамiтэт.

17. Удзельнiкi агляду-конкурсу ўзнагароджваюцца грашовымi прэмiямi або камплектамi адпаведнай лiтаратуры цi каштоўнымi падарункамi. Па вынiках агляду-конкурсу могуць быць узнагароджаны грашовымi прэмiямi асобныя работнiкi бiблiятэк, якiя дасягнулi значных вынiкаў у рабоце па тэме агляду-конкурсу.

Глава 5 ФIНАНСАВАННЕ

18. Фiнансаванне ўзнагароджання пераможцаў першага тура агляду-конкурсу ажыццяўляецца абласнымi (Мiнскiм гарадскiм) камiтэтамi прыродных рэсурсаў i аховы навакольнага асяроддзя за кошт сродкаў рэспублiканскага фонду аховы прыроды.

Фiнансаванне ўзнагароджання пераможцаў другога тура агляду-конкурсу ажыццяўляецца Мiнiстэрствам прыродных рэсурсаў i аховы навакольнага асяроддзя Рэспублiкi Беларусь за кошт сродкаў рэспублiканскага фонду аховы прыроды. Мiнiстэрства культуры Рэспублiкi Беларусь i Мiнiстэрства адукацыi Рэспублiкi Беларусь у межах сродкаў рэспублiканскага бюджэту i iншых крынiц, не забароненых заканадаўствам, ажыццяўляюць фiнансаванне прызоў пераможцам другога тура агляду-конкурсу ў адпаведных намiнацыях.

19. Парадак узнагароджання пераможцаў (вiд, форма ўзнагароды i крынiцы заахвочвання) першага тура агляду-конкурсу зацвярджаецца загадамi адпаведных абласных (Мiнскага гарадскога) камiтэтаў прыродных рэсурсаў i аховы навакольнага асяроддзя, другога тура - загадамi заснавальнiкаў агляду-конкурсу ў адпаведнасцi з пратаколам пасяджэння рэспублiканскага аргкамiтэта агляду-конкурсу.

20. Усе ўдзельнiкi другога тура агляду-конкурсу атрымлiваюць дыплом удзельнiка або пераможцы агляду-конкурсу.

Дадатак
да пастановы Мiнiстэрства
прыродных рэсурсаў i аховы
навакольнага асяроддзя
Рэспублiкi Беларусь,
Мiнiстэрства адукацыi
Рэспублiкi Беларусь
i Мiнiстэрства культуры
Рэспублiкi Беларусь
27.06.2008 N 63/52/25

СКЛАД РЭСПУБЛIКАНСКАГА АРГКАМIТЭТА IV РЭСПУБЛIКАНСКАГА АГЛЯДУ-КОНКУРСУ НА ЛЕПШУЮ ПАСТАНОЎКУ РАБОТЫ БIБЛIЯТЭК ПА ЭКАЛАГIЧНАЙ АСВЕЦЕ I IНФАРМАВАННI НАСЕЛЬНIЦТВА Ў 2006 - 2008 ГАДАХ

Ваўчуга              - намеснiк Мiнiстра прыродных рэсурсаў i аховы
Галiна Уладзiмiраўна   навакольнага асяроддзя Рэспублiкi Беларусь,
                       старшыня рэспублiканскага аргкамiтэта

Кураш                - намеснiк Мiнiстра культуры Рэспублiкi
Вiктар Iосiфавiч       Беларусь, намеснiк старшынi рэспублiканскага
                       аргкамiтэта

Фарыно               - намеснiк Мiнiстра адукацыi Рэспублiкi
Казiмiр Сцяпанавiч     Беларусь, намеснiк старшынi рэспублiканскага
                       аргкамiтэта

Матульскi            - дырэктар дзяржаўнай установы "Нацыянальная
Раман Сцяпанавiч       бiблiятэка Беларусi", намеснiк старшынi
                       рэспублiканскага аргкамiтэта

Алейнiк              - загадчык навукова-даследчага аддзела
Марына Георгiеўна      бiблiятэказнаўства дзяржаўнай установы
                       "Нацыянальная бiблiятэка Беларусi"

Белая                - намеснiк дырэктара навукова-педагагiчнай
Алёна Леанiдаўна       бiблiятэкi ўстановы "Галоўны
                       iнфармацыйна-аналiтычны цэнтр Мiнiстэрства
                       адукацыi Рэспублiкi Беларусь"

Гладкоў                начальнiк упраўлення агульнай сярэдняй
Юрый Iгаравiч          адукацыi Мiнiстэрства адукацыi Рэспублiкi
                       Беларусь

Кiрухiна             - намеснiк дырэктара па навуковай рабоце i
Людмiла Генадзеўна     сувязях з грамадскасцю дзяржаўнай установы
                       "Нацыянальная бiблiятэка Беларусi"

Крушынская           - дырэктар Рэдакцыйна-выдавецкай установы
Людмiла Аляксееўна     "Культура i мастацтва"

Савiч                - намеснiк начальнiка аддзела iнфармацыi
Вольга Уладзiмiраўна   Мiнiстэрства прыродных рэсурсаў i аховы
                       навакольнага асяроддзя Рэспублiкi Беларусь

Чэрнiк               - начальнiк упраўлення ўстаноў культуры i
Васiлiй Мечыслававiч   народнай творчасцi Мiнiстэрства культуры
                       Рэспублiкi Беларусь

dokumenty archiwalne Папярэдні | Наступны


	Под общей редакцией Валерия Левоневского