"Праграма супрацоўнiцтва памiж Мiнiстэрствам культуры Рэспублiкi Беларусь i Мiнiстэрствам культуры i турызму Украiны на 2010 - 2013 гады"

Текст документа с изменениями и дополнениями по состоянию на ноябрь 2013 года

< Главная страница

Зарегистрировано в НРПА РБ 22 июля 2010 г. N 3/2583

--------------------------------

<*> Вступила в силу 29 апреля 2010 года.

Мiнiстэрства культуры Рэспублiкi Беларусь i Мiнiстэрства культуры i турызму Украiны (далей - Бакi),

iмкнучыся ўмацоўваць культурныя сувязi i паглыбляць узаемаразуменне памiж народамi абедзвюх краiн,

у адпаведнасцi з Пагадненнем аб супрацоўнiцтве ў галiне культуры памiж Мiнiстэрствам культуры Рэспублiкi Беларусь i Мiнiстэрствам культуры Украiны ад 10 лютага 1993 года

дамовiлiся аб наступным:

Артыкул 1

Бакi будуць развiваць прамое супрацоўнiцтва ва ўсiх сферах культуры i мастацтва шляхам садзейнiчання абмену iнфармацыяй аб правядзеннi мiжнародных фестываляў, святкаваннi памятных дат i iншых значных падзей, якiя будуць адбывацца на тэрыторыi абедзвюх дзяржаў.

Артыкул 2

Бакi пагадзiлiся правесцi Днi культуры Рэспублiкi Беларусь ва Украiне ў 2010 годзе i Днi культуры Украiны ў Рэспублiцы Беларусь у 2011 годзе.

Умовы i канкрэтныя тэрмiны правядзення Дзён культуры будуць узгадняцца Бакамi дадаткова ў рабочым парадку.

Артыкул 3

Бакi будуць аказваць садзейнiчанне ўдзелу беларускiх i ўкраiнскiх музычных калектываў, асобных выканаўцаў у мiжнародных музычных конкурсах i фестывалях, якiя праводзяцца на тэрыторыi дзяржаў Бакоў, устанаўленню i развiццю непасрэдных кантактаў у сферы музычнага мастацтва памiж канцэртнымi арганiзацыямi i творчымi саюзамi, абмену салiстамi i калектывамi.

Украiнскi Бок iнфармуе Беларускi Бок аб такiх мiжнародных музычных фестывалях, што праводзяцца на тэрыторыi Украiны:

Мiжнародны фестываль "Два днi i дзве ночы новай музыкi";

Мiжнародны музычны фестываль "Прэм'еры сезона";

Мiжнародны форум "Музыка маладых";

Мiжнародны музычны фестываль "Вiртуозы";

Мiжнародны фестываль класiчнай музыкi "Зоркi планеты";

Мiжнародны фестываль "Кiеў-музык-фэст".

Беларускi Бок iнфармуе Украiнскi Бок аб наступных мiжнародных музычных фестывалях, што праводзяцца на тэрыторыi Рэспублiкi Беларусь:

Мiжнародны фестываль мастацтваў "Славянскi базар у Вiцебску";

Мiжнародны конкурс пiянiстаў "Мiнск-2010";

Мiжнародны фестываль "Беларуская музычная восень";

Мiжнародны музычны фестываль "Залаты шлягер".

Арганiзацыi i ўстановы, зацiкаўленыя ва ўдзеле ў мерапрыемстве, будуць вырашаць пытаннi, звязаныя з удзелам у iм, непасрэдна з арганiзатарамi мерапрыемства.

Артыкул 4

Бакi будуць працягваць супрацоўнiцтва ў галiне народнай творчасцi i садзейнiчаць усталяванню прамых сувязяў памiж самадзейнымi калектывамi i дамамi народнай творчасцi абедзвюх дзяржаў.

Украiнскi Бок iнфармуе Беларускi Бок аб такiх мiжнародных фестывалях, што праводзяцца на тэрыторыi Украiны:

Мiжнародны фестываль сучаснага мастацтва "Гогаль-фэст";

Мiжнародны фестываль "Краина мрий";

Мiжнародны эка-культурны фестываль "Трипильське коло".

Беларускi Бок iнфармуе Украiнскi Бок аб наступных мiжнародных фестывалях, што праводзяцца на тэрыторыi Рэспублiкi Беларусь:

Мiжнародны фестываль народнай музыкi "Звiняць цымбалы i гармонiк";

Мiжнародны фестываль юных талентаў "Зямля пад белымi крыламi";

Мiжнародны фестываль харэаграфiчнага мастацтва "Сожскi карагод".

Артыкул 5

Бакi ў адпаведнасцi з нацыянальным заканадаўствам будуць падтрымлiваць розныя формы супрацоўнiцтва ў сферы забеспячэння культурных патрэбнасцяў нацыянальных меншасцяў.

Артыкул 6

Бакi будуць падтрымлiваць супрацоўнiцтва ў галiне кiнематаграфii, уключаючы ўдзел беларускiх i ўкраiнскiх кiнематаграфiстаў, iх фiльмаў у мiжнародных кiнафестывалях, якiя праводзяцца на тэрыторыi дзяржаў Бакоў, а таксама будуць спрыяць абмену iнфармацыяй у гэтай сферы.

Украiнскi Бок iнфармуе Беларускi Бок аб такiх кiнафестывалях, якiя праводзяцца на тэрыторыi Украiны:

Кiеўскi мiжнародны кiнафестываль;

Бярдзянскi мiжнародны кiнафестываль;

Мiжнародны фестываль анiмацыйных фiльмаў "Крок";

Кiеўскi мiжнародны кiнафестываль "Маладосць".

Беларускi Бок iнфармуе Украiнскi Бок аб такiх кiнафестывалях, якiя праводзяцца на тэрыторыi Рэспублiкi Беларусь:

Мiнскi мiжнародны кiнафестываль "Лiстапад";

Мiжнародны фестываль анiмацыйных фiльмаў "Анiмаёўка";

Мiжнародны кiнатэлефорум экалагiчнага кiно "Экафiльм".

Артыкул 7

Бакi будуць спрыяць развiццю непасрэдных кантактаў памiж тэатральнымi саюзамi, драматычнымi, лялечнымi i iншымi тэатрамi дзяржаў Бакоў шляхам аказання садзейнiчання ў арганiзацыi гастроляў i выступленняў тэатральных калектываў i асобных выканаўцаў, а таксама ўдзелу ў тэатральных фестывалях на парытэтных прынцыпах.

Украiнскi Бок iнфармуе Беларускi Бок аб такiх мiжнародных тэатральных фестывалях, якiя праводзяцца на тэрыторыi Украiны:

Мiжнародны тэатральны фестываль "Залаты Леў";

Мiжнародны тэатральны фестываль "Славянскiя тэатральныя сустрэчы".

Беларускi Бок iнфармуе Украiнскi Бок аб такiх мiжнародных тэатральных фестывалях, якiя праводзяцца на тэрыторыi Рэспублiкi Беларусь:

Мiжнародны тэатральны фестываль "Белая вежа";

Мiжнародны тэатральны фестываль "Славянскiя тэатральныя сустрэчы".

Артыкул 8

Бакi будуць заахвочваць развiццё прамых кантактаў памiж Нацыянальным мастацкiм музеем Рэспублiкi Беларусь, Нацыянальным гiстарычным музеем Рэспублiкi Беларусь i Нацыянальным мастацкiм музеем Украiны, Нацыянальным музеем гiсторыi Украiны.

Бакi будуць аказваць садзейнiчанне абмену выстаўкамi, спецыялiстамi ў сферы музейнай справы, iнфармацыйнымi матэрыяламi.

Артыкул 9

Бакi будуць спрыяць усталяванню прамых кантактаў памiж вышэйшымi i сярэднiмi спецыяльнымi навучальнымi ўстановамi культуры i мастацтваў Рэспублiкi Беларусь i Украiны, заахвочваючы абмен студэнтамi i выкладчыкамi з мэтай азнаямлення з асаблiвасцямi навучання i правядзення навуковых даследаванняў, а таксама будуць аказваць садзейнiчанне ажыццяўленню стажыровак для прафесарска-выкладчыцкага складу ў навучальных установах культуры i мастацтваў дзяржаў Бакоў.

Артыкул 10

Бакi будуць аказваць садзейнiчанне ўдзелу навуковых работнiкаў i спецыялiстаў у сферы культуры i мастацтва ў мiжнародных канферэнцыях, сiмпозiумах i семiнарах, якiя праводзяцца ў абедзвюх краiнах.

Артыкул 11

Бакi будуць заахвочваць развiццё прамога супрацоўнiцтва памiж Нацыянальнай бiблiятэкай Беларусi i Нацыянальнай бiблiятэкай Украiны iмя У.I.Вярнадскага.

Бакi будуць аказваць садзейнiчанне фармiраванню агульных iнфармацыйных рэсурсаў у галiне бiблiятэчнай справы.

Артыкул 12

Бакi будуць аказваць садзейнiчанне пашырэнню i актывiзацыi супрацоўнiцтва ў сферы культурнай спадчыны.

Формы супрацоўнiцтва будуць узгадняцца непасрэдна адпаведнымi ўстановамi Бакоў.

Артыкул 13

Бакi ў межах сваёй кампетэнцыi i ў адпаведнасцi з нормамi дзеючага мiжнароднага права i нацыянальнага заканадаўства дзяржаў Бакоў будуць прымаць меры для папярэджвання незаконнага ўвозу i вывазу культурных каштоўнасцей.

Артыкул 14

Бакi будуць садзейнiчаць сумеснаму ўдзелу ў двухбаковых i шматбаковых праектах знешнепалiтычнай iнiцыятывы Еўрапейскага саюза "Усходняе партнёрства".

Артыкул 15

Украiнскi Бок падтрымлiвае далучэнне Беларускага Боку да пiлотнага праекта "Рэабiлiтацыя культурнай спадчыны ў гiстарычных месцах" у рамках Рэгiянальнай праграмы Савета Еўропы "Кiеўская iнiцыятыва для дэмакратычнага развiцця праз культуру Азербайджана, Арменii, Грузii, Малдовы i Украiны" пад эгiдай Савета Еўропы i пры актыўнай падтрымцы Еўрапейскага саюза, разлiчанага на 2009 - 2013 гады.

Артыкул 16

Бакi дамовiлiся, што абмен дэлегацыямi, мастацкiмi калектывамi, асобнымi выканаўцамi i мастакамi ў рамках гэтай Праграмы будзе ажыццяўляцца на наступных умовах:

а) накiроўваючы Бок бярэ на сябе выдаткi, звязаныя з пераездам да месца правядзення мерапрыемства i ў зваротным напрамку (у тым лiку на перавоз багажу i рэквiзiтаў), страхаваннем асоб i абсталявання;

б) прымаючы Бок бярэ на сябе выдаткi, звязаныя з пражываннем, харчаваннем, i бязвыплатна прадастаўляе залы для правядзення мерапрыемства, а таксама забяспечвае ўнутраным транспартам у адпаведнасцi з праграмай яго правядзення;

в) усе дэталi правядзення абменных паездак мастацкiх калектываў, асобных выканаўцаў i мастакоў будуць узгадняцца дадаткова памiж непасрэднымi арганiзатарамi мерапрыемства;

г) умовы правядзення выставак будуць узгадняцца дадаткова асобнымi пратаколамi, якiя будуць падпiсвацца памiж непасрэднымi арганiзатарамi.

Артыкул 17

Рознагалоссi адносна тлумачэння цi прымянення палажэнняў гэтай Праграмы вырашаюцца шляхам кансультацый i перагавораў памiж Бакамi.

Артыкул 18

Па ўзаемнай згодзе Бакоў у гэту Праграму могуць быць унесены змяненнi i дапаўненнi, якiя афармляюцца асобнымi пратаколамi i складаюць яе неад'емную частку.

Артыкул 19

Гэта Праграма ўступае ў сiлу з даты яе падпiсання i дзейнiчае да 31 снежня 2013 года.

Здзейснена ў г. Мiнску 29 красавiка 2010 года ў двух экзэмплярах, кожны на беларускай i ўкраiнскай мовах, прычым усе тэксты з'яўляюцца аўтэнтычнымi.

Архіў дакументаў Папярэдні | Наступны


	Под общей редакцией Валерия Левоневского