У мэтах выканання падпункта 2.3 пункта 2 пастановы Савета Мiнiстраў Рэспублiкi Беларусь ад 6 мая 2002 г. N 579 "Аб пытаннях захавання гiсторыка-культурнай спадчыны Рэспублiкi Беларусь" (Нацыянальны рэестр прававых актаў Рэспублiкi Беларусь, 2002 г., N 55, 5/10410) Мiнiстэрства культуры Рэспублiкi Беларусь ПАСТАНАЎЛЯЕ:
Зацвердзiць Iнструкцыю аб складзе, парадку распрацоўкi, узгаднення i зацвярджэння навукова-праектнай дакументацыi на выкананне работ на нерухомых матэрыяльных гiсторыка-культурных каштоўнасцях.
Мiнiстр Л.П.ГУЛЯКА
ЗАЦВЕРДЖАНА
Пастанова
Мiнiстэрства культуры
Рэспублiкi Беларусь
23.05.2003 N 14
IНСТРУКЦЫЯ
АБ СКЛАДЗЕ, ПАРАДКУ РАСПРАЦОЎКI, УЗГАДНЕННЯ I
ЗАЦВЯРДЖЭННЯ НАВУКОВА-ПРАЕКТНАЙ ДАКУМЕНТАЦЫI
НА ВЫКАНАННЕ РАБОТ НА НЕРУХОМЫХ МАТЭРЫЯЛЬНЫХ
ГIСТОРЫКА-КУЛЬТУРНЫХ КАШТОЎНАСЦЯХ
Глава 1. АГУЛЬНЫЯ ПАЛАЖЭННI
1. Iнструкцыя аб складзе, парадку распрацоўкi, узгаднення i зацвярджэння навукова-праектнай дакументацыi на выкананне работ на нерухомых матэрыяльных гiсторыка-культурных каштоўнасцях (далей - Iнструкцыя) распрацавана ў выкананне падпункта 2.3 пункта 2 пастановы Савета Мiнiстраў Рэспублiкi Беларусь ад 6 мая 2002 г. N 579 "Аб пытаннях захавання гiсторыка-культурнай спадчыны Рэспублiкi Беларусь" (Нацыянальны рэестр прававых актаў Рэспублiкi Беларусь, 2002 г., N 55, 5/10410).
Iнструкцыя распрацавана ўзамен Часовай iнструкцыi аб складзе, парадку распрацоўкi, узгаднення i зацвярджэння навукова-праектнай дакументацыi па помнiках гiсторыi i культуры (РНiП 102-84), зацверджанай загадам Мiнiстэрства культуры СССР ад 23.08.1984 N 446.
2. Iнструкцыя распаўсюджваецца на работы па рэстаўрацыi, кансервацыi, аднаўленню, рамонту, прыстасаванню, рэканструкцыi, дапаўненню i раскрыццю <1>, што выконваюцца на нерухомых матэрыяльных гiсторыка-культурных каштоўнасцях.
------------------------------
<1> Наступныя вiды работ: рэстаўрацыя, кансервацыя, аднаўленне, рамонт, прыстасаванне, рэканструкцыя, дапаўненне i раскрыццё - далей называюцца "рэстаўрацыя".
3. Iнструкцыя рэгламентуе склад, парадак распрацоўкi, узгаднення i зацвярджэння комплекснай навукова-даследчай, вышукальнай i праектна-каштарыснай дакументацыi <2> на правядзенне ўсiх вiдаў работ, якiя маюць адносiны да каштоўнасцей.
------------------------------
<2> Комплексная навукова-даследчая, вышукальная i праектна-каштарысная дакументацыя далей называецца "навукова-праектная дакументацыя".
Выкананне палажэнняў гэтай Iнструкцыi абавязкова для органаў дзяржаўнага кiравання, нагляду, юрыдычных асоб i грамадзян, якiя прымаюць удзел у распрацоўцы навукова-праектнай дакументацыi i выкананнi рэстаўрацыйных работ, незалежна ад форм уласнасцi, прыналежнасцi i крынiц фiнансавання.
4. Падставай для рэстаўрацыi каштоўнасцi могуць быць:
неабходнасць выканання заканадаўства, скiраванага на ахову гiсторыка-культурнай спадчыны;
прадпiсаннi дзяржаўнага органа аховы гiсторыка-культурнай спадчыны;
праграмы па рэгенерацыi гiстарычных цэнтраў гарадоў;
планы развiцця гiстарычных цэнтраў населеных пунктаў;
указы Прэзiдэнта, пастановы Савета Мiнiстраў Рэспублiкi Беларусь;
рашэннi па рэстаўрацыi нерухомых матэрыяльных гiсторыка-культурных каштоўнасцей абласных або гарадскiх выканаўчых камiтэтаў.
5. Пры распрацоўцы навукова-праектнай дакументацыi належыць карыстацца актамi заканадаўства Рэспублiкi Беларусь, iншымi нарматыўнымi прававымi актамi Рэспублiкi Беларусь i дадзенай Iнструкцыяй.
6. Тэхналагiчныя працэсы, новыя матэрыялы, вырабы i абсталяванне, што выкарыстоўваюцца ўпершыню або распрацаваныя ў праекце, падлягаюць праверцы на патэнтаздольнасць i патэнтную чысцiню, па вынiках якой павiнен быць складзены патэнтны фармуляр у адпаведнасцi з дзяржаўным стандартам Рэспублiкi Беларусь.
У выпадках прымянення вынаходстваў у праектных рашэннях у тлумачальнай запiсцы праекта неабходна паказваць нумары аўтарскiх пасведчанняў i заявак на вынаходствы, якiя выкарыстоўваюцца.
7. Для распрацоўкi навукова-праектнай дакументацыi заказчык заключае дагавор генеральнага падраду са спецыялiзаванай праектнай арганiзацыяй, якае мае лiцэнзiю на выкананне работ на гiсторыка-культурных каштоўнасцях.
У выпадку заключэння прамых дагавораў падрада з некалькiмi арганiзацыямi заказчык сумесна з навуковым кiраўнiком аб'екта каардынуе распрацоўку навукова-праектнай дакументацыi або можа даручыць гэта на дагаворных умовах праектнай арганiзацыi, якая спецыялiзуецца ў галiне навукова-праектных работ па рэстаўрацыi нерухомых матэрыяльных гiсторыка-культурных каштоўнасцей i будзе выконваць функцыi генеральнага праекцiроўшчыка.
Распрацоўка навукова-праектнай дакументацыi праводзiцца з пiсьмовага дазволу, выдадзенага заказчыку работ дзяржаўным органам аховы гiсторыка-культурнай спадчыны.
8. Пры выкананнi даследчых i рэстаўрацыйных работ на гiсторыка-культурнай каштоўнасцi магчыма раскрыццё дэталей i фрагментаў, невядомых раней. На гэтыя раскрыццi складаюцца акты, на падставе якiх у зацверджаную навукова-праектную дакументацыю ўносяцца адпаведныя змяненнi.
9. Навукова-праектная дакументацыя павiнна быць прадстаўлена ў дзяржаўны орган аховы гiсторыка-культурнай спадчыны на разгляд i ўзгадненне ў аб'ёме i складзе, дастатковым для абгрунтавання прымаемых рашэнняў, вызначэння аб'ёмаў i кошту работ, а таксама патрэбнасцi ў матэрыялах i канструкцыях.
Глава 2. ЗЫХОДНА-ДАЗВАЛЯЛЬНАЯ ДАКУМЕНТАЦЫЯ НА РАСПРАЦОЎКУ
НАВУКОВА-ПРАЕКТНАЙ ДАКУМЕНТАЦЫI ДЛЯ РЭСТАЎРАЦЫI
ГIСТОРЫКА-КУЛЬТУРНАЙ КАШТОЎНАСЦI
10. Навукова-праектная дакументацыя распрацоўваецца згодна з заданнем на праектаванне, падрыхтаваным у адпаведнасцi з дзеючым заканадаўствам i ўзгодненым у дзяржаўным органе аховы гiсторыка-культурнай спадчыны, i Рэстаўрацыйным заданнем на распрацоўку навукова-праектнай дакументацыi i правядзенне рэстаўрацыйна-аднаўленчых работ на гiсторыка-культурнай каштоўнасцi (далей - Заданне).
11. Заданне складаецца ў трох экзэмплярах навуковым кiраўнiком аб'екта сумесна з заказчыкам у адпаведнасцi з дадаткам 1 да дадзенай Iнструкцыi.
У Заданнi вызначаюцца мэты, задачы i спосабы рэалiзацыi асноўных рашэнняў па рэстаўрацыi гiсторыка-культурнай каштоўнасцi.
12. Заданне зацвярджаецца дзяржаўным органам аховы гiсторыка-культурнай спадчыны i перадаецца заказчыкам у спецыялiзаваную рэстаўрацыйную праектную арганiзацыю.
Сумесна з Заданнем перадаюцца наступныя зыходна-дазваляльныя дакументы:
пiсьмо-заказ на выкананне навукова-праектнай дакументацыi з гарантыяй аплаты работ;
рашэнне мясцовага выканаўчага i распарадчага органа аб дазволе на правядзенне праектна-даследчых работ на аб'екце;
архiтэктурна-планiровачнае заданне на праектаванне, выдадзенае органам архiтэктурнага кiравання выканаўчай улады;
дазвол на права правядзення праектных работ на гiсторыка-культурнай каштоўнасцi, выдадзены дзяржаўным органам аховы гiсторыка-культурнай спадчыны;
сiтуацыйны план мясцовасцi або вытрымку з генплана населенага пункта, дзе знаходзiцца каштоўнасць, у маштабе 1:2000 або 1:5000 з указаннем зон аховы i рэгулявання забудовы, калi яны былi распрацаваны раней;
тэхнiчныя ўмовы на падключэнне каштоўнасцi да iнжынерных камунiкацый;
дадзеныя аб iснуючых i праектуемых сетках водаправода, каналiзацыi, цеплафiкацыi, электразабеспячэння, газiфiкацыi, тэлефанiзацыi i радыёфiкацыi з указаннем пунктаў падключэння;
даведка дзяржаўнага органа аховы гiсторыка-культурнай спадчыны аб выкананай раней навукова-праектнай дакументацыi па гiсторыка-культурнай каштоўнасцi, яе месцазнаходжаннi;
матэрыялы раней праведзеных iнжынерных пошукаў, геафiзiчны здымак зямельнага ўчастку; заключэнне аб гiдрагеалагiчных умовах тэрыторыi, на якой размешчана гiсторыка-культурная каштоўнасць;
iншыя зыходныя дадзеныя па патрабаванню праектнай арганiзацыi.
13. Збор зыходных дадзеных ажыццяўляецца за кошт сродкаў заказчыка.
Збор зыходных дадзеных заказчык можа даручыць на дагаворных умовах навукова-праектнай спецыялiзаванай арганiзацыi.
14. Заказчык нясе поўную адказнасць за дакладнасць прадстаўленых зыходна-дазваляльных дакументаў.
Глава 3. СКЛАД I ПАРАДАК РАСПРАЦОЎКI
НАВУКОВА-ПРАЕКТНАЙ ДАКУМЕНТАЦЫI
15. Навукова-праектная дакументацыя для рэстаўрацыi гiсторыка-культурнай каштоўнасцi павiнна складацца з раздзелаў:
папярэднiя работы;
комплексныя навуковыя даследаваннi;
праект рэстаўрацыi;
каштарысная дакументацыя;
навукова-рэстаўрацыйная справаздача.
Склад i змест раздзелаў навукова-праектнай дакументацыi на рэстаўрацыю гiсторыка-культурнай каштоўнасцi вызначаецца ў адпаведнасцi з Заданнем, у залежнасцi ад аб'ему i вiду рэстаўрацыi.
Навукова-праектная дакументацыя павiнна быць распрацавана ў аб'ёме, дастатковым для прыняцця навукова абгрунтаванага рашэння i выканання работ у адпаведнасцi з заданнем на праектаванне.
У працэсе вытворчасцi работ, з улiкам выяўлення раней невядомых вартасцей аб'екта, дапускаецца распрацоўка дадатковай рабочай дакументацыi i карэкцiроўка раней прынятых рашэнняў, якiя пацвярджаюцца адпаведнымi актамi на дадатковыя работы i ўзгоднены з дзяржаўным органам аховы гiсторыка-культурнай спадчыны.
16. Матэрыялы комплексных навуковых даследаванняў распрацоўваюцца ў пяцi экзэмплярах, праектна-каштарысная дакументацыя <3> распрацоўваецца ў чатырох экзэмплярах: тры экзэмпляры навукова-праектнай дакументацыi выканаўца перадае заказчыку, адзiн экзэмпляр матэрыялаў навуковых даследаванняў перадаецца ў Банк звестак аб гiсторыка-культурнай спадчыне Рэспублiкi Беларусь (далей - Банк звестак), адзiн экзэмпляр дакументацыi застаецца ў выканаўцы. У склад дакументацыi, якая прадстаўляецца заказчыку, не ўключаюцца кракi абмераў, разлiкi будаўнiчых канструкцый, журнал лабараторных даследаванняў, негатывы фотафiксацый, а таксама некаторыя падрыхтоўчыя матэрыялы гiсторыка-архiўных i натурных даследаванняў. Усе арыгiналы дакументацыi захоўваюцца ў архiве праектнай арганiзацыi.
------------------------------
<3> Праектна-каштарысная дакументацыя - гэта матэрыялы рэстаўрацыйнага праекта i каштарыснай дакументацыi.
17. Затраты на выкананне ўсiх праектных, навукова-даследчых i эксперыментальных работ, навуковага кiраўнiцтва ходам работ i камандзiровачныя расходы ўключаюцца ў зводны каштарыс аб'екта.
18. Заказчык ажыццяўляе нагляд за ходам выканання работ, прымае ад выканаўцы праектную дакументацыю i прадстаўляе яе на ўзгадненне ва ўстаноўленым заканадаўствам парадку.
19. Абарону праекта пры ўзгадненнi i зацвярджэннi ажыццяўляе навуковы кiраўнiк аб'екта або прадстаўнiк выканаўцы.
Глава 4. ЗМЕСТ РАЗДЗЕЛАЎ НАВУКОВА-ПРАЕКТНАЙ ДАКУМЕНТАЦЫI
20. Папярэднiя работы.
Папярэднiя работы выконваюць з мэтай азнаямлення з каштоўнасцю, вызначэння характару i аб'ёму работ, неабходных для выканання яе рэстаўрацыi. Папярэднiя работы забяспечваюць выпуск навукова-праектнай дакументацыi на выкананне першачарговых супрацьаварыйных работ i вызначаюць накiраванасць навукова-праектных работ.
Папярэднiя работы павiнны ўключаць:
схематычныя абмеры каштоўнасцi i вызначэнне фiзiчнага аб'ёму каштоўнасцi;
фотафiксацыю;
акт аб катэгорыi складанасцi гiсторыка-культурнай каштоўнасцi, складзены ў адпаведнасцi з дадаткам 2 да дадзенай Iнструкцыi;
акт страты першапачатковага выгляду гiсторыка-культурнай каштоўнасцi, складзены ў адпаведнасцi з дадаткам 3 да дадзенай Iнструкцыi;
акт тэхнiчнага стану гiсторыка-культурнай каштоўнасцi, складзены ў адпаведнасцi з дадаткам 4 да дадзенай Iнструкцыi;
кароткiя гiсторыка-бiблiяграфiчныя звесткi;
методыку i апiсанне правядзення рэстаўрацыйных работ з вызначэннем iх чарговасцi;
праграму выканання навукова-праектных работ;
матэрыялы папярэднiх iнжынерных даследаванняў;
рэкамендацыi па выкананню першачарговых супрацьаварыйных работ;
матэрыялы iнжынерна-геалагiчнага даследавання;
праграму натурных даследаванняў са схемай устаноўкi будаўнiчых рыштаванняў, месцаў вытворчасцi зандажоў, шурфаў;
асобныя рабочыя чарцяжы на вытворчасць першачарговых i супрацьаварыйных работ, устаноўку рыштаванняў для натурных даследаванняў, вытворчасцi зандажоў, шурфаў у адпаведнасцi з дадаткам 8 да дадзенай Iнструкцыi;
лакальны i аб'ектны каштарыс на вытворчасць першачарговых i супрацьаварыйных работ;
каштарыс-калькуляцыю на выкананне навукова-праектных работ, навукова-метадычнае кiраўнiцтва i нагляд за рэстаўрацыйнымi работамi.
Калi пасля праведзеных папярэднiх работ высветлiцца, што распрацоўка дакументацыi па рэстаўрацыi не патрэбна, складаецца дэфектная ведамасць.
Раздзел "Папярэднiя работы" можа з'яўляцца пераддагаворнай стадыяй у частцы, якая абгрунтоўвае складанне Задання, i аплочваецца па асобных дагаворах.
21. Комплексныя навуковыя даследаваннi.
Комплексныя навуковыя даследаваннi праводзяцца да пачатку i, у выпадку неабходнасцi, у працэсе работ з мэтай атрымання паўнацэннага матэрыялу для распрацоўкi праекта рэстаўрацыi i яго ажыццяўлення. Комплексныя навуковыя даследаваннi накiраваны на выяўленне розных наслаенняў i пераробак, на пошук слядоў i рэшткаў парушаных i страчаных дэталяў каштоўнасцi, па якiх могуць быць з максiмальнай дакладнасцю i верагоднасцю адноўлены ўсе страты, на вызначэнне ступенi захаванасцi канструктыўнага стану каштоўнасцi, яе асобных элементаў i дэталяў. Атрыманыя ў вынiку навуковых даследаванняў сiстэматызаваныя матэрыялы аналiзуюцца i з'яўляюцца асновай для прыняцця навукова-праектных рашэнняў.
Комплексныя навуковыя даследаваннi праводзяцца:
для атрымання матэрыялаў аб гiсторыка-культурнай i архiтэктурна-мастацкай вартасцi каштоўнасцi;
з мэтай падрыхтоўкi дадзеных для абгрунтавання рашэнняў па рэстаўрацыi i далейшаму зберажэнню каштоўнасцi;
для ацэнкi ступенi захаванасцi i вартасцi канструкцый i матэрыялаў каштоўнасцi;
для прыняцця рашэнняў па вывядзенню аб'екта з аварыйнага стану.
Комплексныя навуковыя даследаваннi праводзяцца як да пачатку вытворчасцi работ з афармленнем першага этапа асобным раздзелам, так i ў працэсе рэстаўрацыi гiсторыка-культурных каштоўнасцей.
Вiдамi комплексных навуковых даследаванняў з'яўляюцца гiсторыка-архiўныя, бiблiяграфiчныя i натурныя даследаваннi.
Гiсторыка-архiўныя i бiблiяграфiчныя даследаваннi складаюцца з наступных раздзелаў:
бiблiяграфiчны спiс i спiс музейных фондаў i архiўных спраў, якiя ўтрымлiваюць звесткi пра гiсторыка-культурную каштоўнасць i яе аналагi;
пералiк раней распрацаванай навукова-праектнай дакументацыi па рэстаўрацыi гiсторыка-культурнай каштоўнасцi;
выпiскi з архiўных i бiблiяграфiчных крынiц, якiя даюць магчымасць вызначыць кола гiстарычных падзей i прычын, у вынiку якiх была створана i вiдазмянялася каштоўнасць, прасачыць гiсторыю яе бытавання, ролю ў наваколлi i культурнае значэнне;
фотакопii цi выкапiроўкi пiсьмовых, графiчных i выяўленчых матэрыялаў, у тым лiку па аналагах;
архiтэктурна-мастацкi аналiз гiсторыка-культурнай каштоўнасцi, кароткая гiсторыя мясцовасцi, дзе яна была пабудавана; кароткая характарыстыка навакольнай гiстарычнай забудовы;
звесткi аб архiтэктарах, будаўнiках, уладальнiках гiсторыка-культурнай каштоўнасцi;
змены ў карыстаннi гiсторыка-культурнай каштоўнасцю за час яе iснавання, падрабязнае апiсанне разбурэнняў, рамонтаў, перабудоў, а таксама праведзеных работ па рэстаўрацыi, ужытых архiтэктурных i канструктыўных рашэннях, будаўнiчых прыёмах i матэрыялах, iнжынернага абсталявання, аналiз наяўнай раней распрацаванай навукова-праектнай дакументацыi для рэстаўрацыi гiсторыка-культурнай каштоўнасцi;
апiсанне аналагаў i неабходныя iлюстратыўныя матэрыялы, якiя прадстаўляюць аб'ект рэстаўрацыi ў розныя перыяды яго iснавання.
Натурныя даследаваннi ўключаюць:
кракi i чарцяжы абмераў каштоўнасцi;
даследаваннi, фотафiксацыю i акты даследаванняў гiсторыка-культурнай каштоўнасцi, складзеныя ў адпаведнасцi з дадаткам 6 да дадзенай Iнструкцыi, па зандажах, шурфах, раскрыццях канструкцый з вызначэннем аўтэнтычных элементаў i матэрыялаў гiсторыка-культурнай каштоўнасцi цi iх рэшткаў i слядоў, характару апрацоўкi (аздобы), ужытых будаўнiчых i тэхналагiчных прыёмаў, тэхнiчнага стану i прычын дэфектаў, якiя даюць магчымасць прасачыць змяненне гiсторыка-культурнай каштоўнасцi ў часе, правесцi параўнальны аналiз з дадзенымi гiсторыка-архiўных i бiблiяграфiчных даследаванняў i рэкамендаваць метад рэстаўрацыi;
вынiкi даследаванняў манументальнага жывапiсу, прадметаў унутранай аздобы;
адбор проб i ўзораў будаўнiчых i апрацоўчых матэрыялаў i лабараторны аналiз адабраных проб, з улiкам якога выпрацоўваюцца рэкамендацыi адносна прымянення будаўнiчых матэрыялаў;
матэрыялы археалагiчных даследаванняў тэрыторыi гiсторыка-культурнай каштоўнасцi;
вынiкi iнжынерна-геалагiчных i тапаграфiчных даследаванняў;
дадзеныя па iнжынерных i дэндралагiчных даследаваннях;
вынiкi разлiкаў апорнай здольнасцi канструкцый i падмуркаў, цеплатэхнiчных, светлатэхнiчных i акустычных параметраў гiсторыка-культурнай каштоўнасцi;
графiчныя i iншыя фiксацыйныя матэрыялы па натурных даследаваннях.
Спецыяльныя iнжынерна-тэхналагiчныя даследаваннi складаюцца з:
даследаванняў i разлiкаў па вызначэнню аптымальных фiзiка-тэхнiчных параметраў i тэмпературна-вiльготнаснага рэжыму гiсторыка-культурнай каштоўнасцi ў мэтах забеспячэння яе фiзiчнага даўгалецця i захаванасцi пры сучасным выкарыстаннi з улiкам уплыву антрапагенных, тэхнагенных i прыродна-клiматычных уздзеянняў, iснуючай цi плануемай тапаграфiчнай, ландшафтнай i горадабудаўнiчай сiтуацыi, гiдрагеалагiчных умоў i паводзiнаў грунтоў падмурка;
распрацоўкi метадаў абароны ад неспрыяльных уздзеянняў на будаўнiчыя i апрацоўчыя матэрыялы i метадаў iх кансервацыi;
методыкi распрацоўкi будаўнiчых i апрацоўчых матэрыялаў, адпаведных першапачатковым цi блiзкiх да iх па ўласцiвасцях;
эксперыментальныя даследаваннi i рэкамендацыi па тэхналогii асобных вiдаў работ.
22. Праект рэстаўрацыi.
У адпаведнасцi з дзеючым заканадаўствам распрацоўку праекта рэстаўрацыi каштоўнасцi належыць ажыццяўляць, як правiла, у дзве стадыi. Стадыйнасць праектавання вызначаецца Заданнем у залежнасцi ад складанасцi i стану гiсторыка-культурнай каштоўнасцi.
Пры двухстадыйным праектаваннi навукова-праектная дакументацыя складаецца з архiтэктурнага праекта рэстаўрацыi "А" - першая (зацвярджаемая) стадыя - i рабочага праекта рэстаўрацыi "Р" <4> - другая стадыя распрацоўкi навукова-праектнай дакументацыi.
------------------------------
<4> Стадыя "Рабочы праект рэстаўрацыi", зыходзячы з паслядоўнасцi выканання работ, адпавядае стадыi "Будаўнiчы праект "С" згодна з БНБ 1.03.02-96 "Склад, парадак распрацоўкi i ўзгаднення праектнай дакументацыi ў будаўнiцтве".
Пры аднастадыйным праектаваннi ў склад навукова-праектнай дакументацыi ўваходзiць дакументацыя праекта рэстаўрацыi з выдзяленнем зацвярджаемай часткi.
Архiтэктурны праект рэстаўрацыi "А" выконваецца для ацэнкi прынятых праектных рашэнняў. У склад архiтэктурнага праекта рэстаўрацыi павiнны ўключацца:
праектныя (эскiзныя) рашэннi;
навукова-метадычныя абгрунтаваннi прымаемых праектных рашэнняў, якiя афармляюцца тлумачальнай запiскай;
iнжынерныя, канструктыўныя, тэхналагiчныя рашэннi па рэстаўрацыi каштоўнасцi;
чарцяжы графiчнай рэканструкцыi;
асноўныя палажэннi па арганiзацыi рэстаўрацыi ў адпаведнасцi з дадаткам 7 да дадзенай Iнструкцыi;
праект ахоўных зон.
Рабочы праект рэстаўрацыi "Р" распрацоўваецца на выкананне розных вiдаў работ па рэстаўрацыi на падставе зацверджанага архiтэктурнага праекта рэстаўрацыi. У склад рабочага праекта рэстаўрацыi павiнны ўключацца:
тлумачальная запiска, складзеная ў адпаведнасцi з дадаткам 5 да дадзенай Iнструкцыi;
генеральны план тэрыторыi каштоўнасцi;
архiтэктурна-будаўнiчыя чарцяжы;
iнжынерна-канструктарскiя чарцяжы;
чарцяжы па iнжынернаму забеспячэнню i аснашчэнню iнжынерным абсталяваннем;
тэхналагiчныя карты i методыкi на вытворчасць асобных вiдаў рэстаўрацыйных работ;
адпаведныя спецыфiкацыi i ведамасцi;
праект пажара-ахоўнай сiгналiзацыi;
праект знешнiх iнжынерных сетак i камунiкацый;
праект добраўпарадкавання.
Пры аднастадыйным праектаваннi дакументацыя ўключае ўсе вышэй названыя раздзелы.
23. Каштарысная дакументацыя.
Лакальныя i аб'ектныя каштарысы складаюцца пры выкананнi ўсiх раздзелаў праекта. Для вызначэння каштарыснай вартасцi рэстаўрацыi i афармлення дакументаў па фiнансаванню вытворчасцi складаецца зводны каштарысны разлiк.
У выпадку неабходнасцi выканання работ, не ўлiчаных зводным каштарысным разлiкам, на падставе запiсаў у Журнале аўтарскага нагляду падрадчык сумесна з заказчыкам, навуковым кiраўнiком аб'екта i прадстаўнiком праектнай арганiзацыi складаюць акт на выяўленыя аб'ёмы работ. Гэты акт з'яўляецца падставай для аплаты разам з астатнiмi выкананымi рэстаўрацыйнымi работамi.
24. Навукова-рэстаўрацыйная справаздача.
Пасля заканчэння ўсiх рэстаўрацыйных работ на каштоўнасцi, у перыяд не болей за 3 месяцы, навуковым кiраўнiком аб'екта пры ўдзеле iншых спецыялiстаў, якiя праводзiлi нагляд за работамi, складаецца навукова-рэстаўрацыйная справаздача i перадаецца праз дзяржаўны орган аховы гiсторыка-культурнай спадчыны ў Банк звестак.
Навукова-рэстаўрацыйная справаздача павiнна асвятляць:
змест i вынiкi комплексных навуковых даследаванняў;
кароткi змест зацверджанага архiтэктурнага праекту;
змены, унесеныя ў праект у працэсе правядзення работ;
апiсанне зробленых работ па iх вiдах з пазначэннем ужытых тэхналогiй, будаўнiчых i апрацоўчых матэрыялаў, вырабаў, канструкцый i абсталявання;
навуковую ацэнку вынiкаў рэстаўрацыi.
Да справаздачы дадаюцца:
акт прыёмкi работ па рэстаўрацыi гiсторыка-культурнай каштоўнасцi ў цэлым цi iх асобных чэргаў;
камплект фiксацыйных чарцяжоў i выканаўчыя каштарысы, фотафiксацыйныя матэрыялы, якiя прадстаўляюць выгляд гiсторыка-культурнай каштоўнасцi i яе стан да пачатку работ, у працэсе даследаванняў i правядзення работ i пасля заканчэння рэстаўрацыi.
Пры правядзеннi рэстаўрацыйна-аднаўленчых работ на каштоўнасцi на працягу некалькiх гадоў напрыканцы кожнага года складаецца кароткая гадавая справаздача аб выкананых рэстаўрацыйных i навукова-праектных работах.
Глава 5. УЗГАДНЕННЕ I ЗАЦВЯРДЖЭННЕ
НАВУКОВА-ПРАЕКТНАЙ ДАКУМЕНТАЦЫI
25. Узгадненню дзяржаўным органам аховы гiсторыка-культурнай спадчыны падлягаюць:
раздзелы "Папярэднiя работы", "Праект рэстаўрацыi", "Праект ахоўных зон", асобныя складаныя архiтэктурныя, канструктыўныя, iнжынерныя i тэхналагiчныя рашэннi праектна-сметнай дакументацыi, раздзел "Навукова-рэстаўрацыйная справаздача". Навукова-праектную дакументацыю ў абавязковым парадку неабходна ўзгаднiць з навуковым кiраўнiком.
Выкананне гэтага пункта не вызваляе ад неабходнасцi ўзгаднення праектна-каштарыснай дакументацыi з мясцовым органам архiтэктурна-горадабудаўнiчай дзейнасцi ў адпаведнасцi з дзеючым заканадаўствам.
26. Тэрмiн узгаднення навукова-праектнай дакументацыi не павiнен перавышаць 21 дзень.
Узгадненню з падраднымi вытворчымi арганiзацыямi падлягаюць: асноўныя палажэннi па арганiзацыi работ, асобныя складаныя архiтэктурныя, канструктыўныя, iнжынерныя i тэхналагiчныя рашэннi праектна-каштарыснай дакументацыi ў частцы вiду i аб'ёму работ, каштарысная дакументацыя (за выключэннем каштарыса-калькуляцыi на распрацоўку навукова-праектнай дакументацыi).
Выканаўца абавязаны на працягу месяца разгледзець i ўнесцi выпраўленнi i дапаўненнi ў навукова-праектную дакументацыю па заўвагах пры ўзгадненнi, а пры нязгодзе з заўвагамi - звярнуцца ў дзяржаўныя органы аховы гiсторыка-культурнай спадчыны для вырашэння спрэчных пытанняў.
Пры адсутнасцi заўваг на працягу 21 дня навукова-праектная дакументацыя лiчыцца ўзгодненай i можа быць перададзена Заказчыку.
27. Матэрыялы навукова-праектнай дакументацыi на рэстаўрацыю, пададзеныя на ўзгадненне, павiнны быць падпicаны:
тытульны лiст агульнай тлумачальнай запiскi - дырэктарам, галоўным архiтэктарам цi галоўным iнжынерам праектнай арганiзацыi, навуковым кiраўнiком аб'екта i выканаўцамi;
iншыя матэрыялы - навуковым кiраўнiком аб'екта, начальнiкам аддзела (майстэрнi), выканаўцамi;
каштарысная дакументацыя - службовымi асобамi, адзначанымi ў адпаведных формах гэтых дакументаў.
Усе вiды дакументацыi перадаюцца праектнай арганiзацыяй Заказчыку ў тэрмiны, прадугледжаныя графiкам, дададзеным да дагавора (дадатковага пагаднення) на выкананне навукова-праектных работ.
Па просьбе Заказчыка праектная арганiзацыя павiнна выдаваць неабходную колькасць экземпляраў навукова-праектнай дакументацыi, звыш вызначанага гэтай Iнструкцыяй лiмiта, за дадатковую плату.
28. Зацвярджэнне навукова-праектнай дакументацыi Заказчыкам магчыма толькi пасля яе ўзгаднення дзяржаўным органам аховы гiсторыка-культурнай спадчыны i станоўчага заключэння пазаведамаснай экспертызы.
29. Па заканчэннi нарматыўнага тэрмiну дзеяння заключэння па праекту (два гады), калi за гэты перыяд не пачата рэстаўрацыя аб'екта, дакументацыя падлягае пераўзгадненню ў дзяржаўным органе аховы.
Глава 6. НАВУКОВАЕ КIРАЎНIЦТВА РАБОТАМI, ЯКIЯ ДАТЫЧАЦЦА
НЕРУХОМЫХ МАТЭРЫЯЛЬНЫХ ГIСТОРЫКА-КУЛЬТУРНЫХ КАШТОЎНАСЦЕЙ
30. Усе вiды работ, якiя датычацца гiсторыка-культурных каштоўнасцей, павiнны выконвацца пры безумоўным абавязковым наглядзе i пад кiраўнiцтвам навуковага кiраўнiка аб'екта (далей - навуковы кiраўнiк).
31. Навуковым кiраўнiком аб'екта можа быть прызначаны спецыялiст-архiтэктар, якi мае вопыт работы па распрацоўцы навукова-праектнай дакументацыi па рэстаўрацыi гiсторыка-культурных каштоўнасцей: для катэгорыi "3" - не менш за тры гады; для каштоўнасцей катэгорый "2", "1" i "0" - не менш за пяць гадоў.
Навуковы кiраўнiк ажыццяўляе агульнае кiраўнiцтва працэсам праектавання i ўваходзiць у склад творчага калектыву незалежна ад таго, якая арганiзацыя выконвае навукова-праектную дакументацыю. У сваёй дзейнасцi навуковы кiраўнiк кiруецца патрабаваннямi Закона Рэспублiкi Беларусь "Аб ахове гiсторыка-культурнай спадчыны", дадзенай Iнструкцыяй i iншымi актамi заканадаўства ў сферы архiтэктурна-горадабудаўнiчай дзейнасцi i будаўнiцтва.
32. Навуковы кiраўнiк абавязаны:
прымаць удзел у падрыхтоўцы i прадстаўленнi на ўзгадненне рэстаўрацыйнага задання на распрацоўку навукова-праектнай дакументацыi для рэстаўрацыi гiсторыка-культурнай каштоўнасцi;
забяспечваць выкананне даследаванняў каштоўнасцi, у тым лiку з неабходнай фiксацыяй i аналiзам у працэсе вытворчасцi работ, i распрацоўку навукова-праектнай дакументацыi ў адпаведнасцi з палажэннямi гэтай Iнструкцыi;
забяспечваць даставернасць i паўнату вынiкаў даследаванняў гiсторыка-культурнай каштоўнасцi;
забяспечваць навуковую абгрунтаванасць i адпаведнасць прымаемых праектных рашэнняў з умовай зберажэння адметных вартасцей каштоўнасцi;
забяспечваць своечасовае вырашэнне ўсiх пытанняў па праектна-каштарыснай дакументацыi, што ўзнiкаюць у працэсе рэстаўрацыi каштоўнасцi;
забяспечваць узаемадзеянне падраздзяленняў i суб'ектаў гаспадарчай дзейнасцi, задзейнiчаных у распрацоўцы навукова-праектнай дакументацыi;
забяспечваць сумесна з Заказчыкам вырашэнне ўсяго комплексу пытанняў па распрацоўцы навукова-праектнай дакументацыi пры атрыманнi ў адпаведных службах дазваляльна-узгадняльнай дакументацыi i, у выпадку неабходнасцi, з органамi пазаведамаснай экспертызы праектаў;
прымаць удзел ва ўзгадненнi i абароне праектных прапаноў i выкананай навукова-праектнай дакументацыi;
ажыццяўляць кантроль за выкананнем работ у адпаведнасцi з зацверджанай ва ўстаноўленым парадку навукова-праектнай дакументацыяй;
забяспечваць навуковую фiксацыю гiсторыка-культурнай каштоўнасцi ў працэсе правядзення работ, фотафiксацыю да пачатку, у працэсе, а таксама пасля заканчэння работ;
фiксаваць у адзiным для ўсiх вiдаў работ журнале аўтарскага нагляду ўсе заўвагi ў ходзе выканання работ;
прымаць удзел у рабоце камiсiй па прыёму завершаных этапаў работ i рэстаўрацыi каштоўнасцi ў цэлым;
не пазней як праз тры месяцы пасля завяршэння работ на матэрыяльнай гiсторыка-культурнай каштоўнасцi прадставiць у дзяржаўны орган па ахове гiсторыка-культурнай спадчыны навуковую справаздачу аб усiх праведзеных на аб'екце рэстаўрацыйных работах.
33. Навуковы кiраўнiк мае права прыпыняць правядзенне асобных вiдаў работ пры неабходнасцi даследавання i фiксацыi недаследаваных або нанова выяўленых частак i дэталей каштоўнасцi, пры пагрозе разбурэння канструкцый, пры сiстэматычным невыкананнi навукова-праектнай дакументацыi i ўказанняў навуковага кiраўнiка, а таксама патрабаваць ад усiх выканаўцаў i ўдзельнiкаў працэсу рэстаўрацыi выканання патрабаванняў дзеючага заканадаўства аб ахове гiсторыка-культурнай спадчыны i гэтай Iнструкцыi, iншых актаў заканадаўства, якiя маюць адносiны да работ, якiя выконваюцца на аб'екце.
34. Указаннi навуковага кiраўнiка з'яўляюцца абавязковымi для заказчыка i ўсiх службовых асоб i выканаўцаў падрадных вытворчых арганiзацый i могуць быць адменены толькi дзяржаўным органам аховы гiсторыка-культурнай спадчыны па вынiках разгляду Навукова-метадычнай рады.
35. Аб'ектыўнай прычынай па замене навуковага кiраўнiка можа лiчыцца пiсьмовае адмаўленне навуковага кiраўнiка ад выканання сваiх функцый, невыкананне iм сваiх функцыянальных абавязкаў, пераход на iншую работу, не звязаную з рэстаўрацыяй гiсторыка-культурных каштоўнасцей, i iншыя фактары, аргументавана выкладзеныя i прадстаўленыя на разгляд Навукова-метадычнай рады.
36. Умовы аплаты працы навуковага кiраўнiка аб'екта вызначаюцца на падставе дагавароў на распрацоўку навукова-праектнай дакументацыi, а таксама ў перыяд вытворчасцi рэстаўрацыйна-аднаўленчых работ, заключаных памiж заказчыкам работ i праектнай арганiзацыяй.
Дадатак 1
ЗАЦВЯРДЖАЮ
Намеснiк Мiнiстра культуры
Рэспублiкi Беларусь
У.П.Грыдзюшка
"____" ____________ 200 г.
РЭСТАЎРАЦЫЙНАЕ ЗАДАННЕ
N _________
на распрацоўку навукова-праектнай дакументацыi
i правядзенне рэстаўрацыйна-аднаўленчых работ
на гiсторыка-культурнай каштоўнасцi
1. Гiсторыка-культурная каштоўнасць:
Адрас:
Абгрунтаванне для выдачы задання: пiсьмо-заказ N ____ ад ___________
Заказчык:
Праектная установа:
Вытворчая установа:
2. Катэгорыя аховы:
3. Кароткiя гiстарычныя даведкi:
4. Агульны тэхнiчны стан:
5. Наяўнасць праектна-даследчай дакументацыi:
6. Характар плануемых работ:
7. Добраўпарадкаванне тэрыторыi ў межах:
8. Умовы прыстасавання аб'екта пад сучасныя мэты:
9. Склад навукова-даследчых работ:
9.1. Папярэднiя работы:
9.2. Архiўныя i бiблiяграфiчныя матэрыялы, складанне гiстарычнай запiскi:
9.3. Натурныя даследаваннi (абмеры, зандажы, шурфы):
9.4. Iнжынернае даследаванне з заключэннем и рэкамендацыямi:
9.5. Фотафiксацыя:
9.6. Лабараторныя даследаваннi будаўнiчых i апрацоўчых матэрыялаў:
10. Склад i стадыйнасць праекта:
10.1. Архiтэктурны праект рэстаўрацыi:
10.2. Архiтэктурны праект рэстаўрацыi i прыстасавання па заданню заказчыка (неабходнасць прадстаўлення макета, перспектывы, разгортак i iнш.):
10.3. Праект арганiзацыi рэстаўрацыi:
10.4. Дакументацыя на першачарговыя i супрацьаварыйныя работы:
10.5. Рэстаўрацыйны праект:
11. Парадак правядзення навуковага кiраўнiцтва i прадстаўлення навуковых справаздач (гадавых, па асобных цыклах работ, канчатковых):
12. Дадатковыя патрабаваннi:
Навуковы кiраўнiк аб'екта
"____" ______________ 200 г.
Дадатак 2
АКТ
аб катэгорыi складанасцi гiсторыка-культурнай каштоўнасцi
Назва гiсторыка-культурнай каштоўнасцi:
1. Катэгорыя складанасцi пры абмерных работах
2. Катэгорыя складанасцi пры праектаваннi
Навуковы кiраўнiк аб'екта
Прадстаўнiк дзяржаўнага ограна аховы
гiсторыка-культурнай спадчыны
Заказчык
Дадатак 3
АКТ
страты першапачатковага выгляду
гiсторыка-культурнай каштоўнасцi
"____" _____________ 200 г.
Назва гiсторыка-культурнай каштоўнасцi:
Кароткая характарыстыка каштоўнасцi ___________________________
Аб'ём гiсторыка-культурнай каштоўнасцi _________ куб.м.
------+----------------+----------+--------+---------+-------------¬
¦ N ¦ Назва ¦ Адзiнка ¦ Поўны ¦ Працэнт ¦ Аб'ём ¦
¦ п/п ¦ канструктыўных ¦вымярэння ¦ аб'ём ¦ страты ¦ рэстаўрацыi ¦
¦ ¦ элементаў ¦ ¦ работ ¦ ¦ ¦
+-----+----------------+----------+--------+---------+-------------+
¦ 1 ¦ 2 ¦ 3 ¦ 4 ¦ 5 ¦ 6 ¦
+-----+----------------+----------+--------+---------+-------------+
¦ ¦ ¦ ¦ ¦ ¦ ¦
¦-----+----------------+----------+--------+---------+--------------
Раздзел 1. Асноўныя канструктыўныя элементы
Раздзел 2. Дадатковыя работы
Заўвагi:
1. Працэнт страты на каштоўнасцi вызначаецца камiсiйна з улiкам акта агляду тэхнiчнага стану гiсторыка-культурнай каштоўнасцi;
2. Графы 5, 6 удакладняюцца ў працэсе вытворчасцi i дадатковых даследаванняў.
Камiсiя:
Навуковы кiраўнiк аб'екта:
Прадстаўнiк дзяржаўнага органа аховы
гiсторыка-культурнай спадчыны:
Прадстаўнiк генпраектнай арганiзацыi:
Заказчык:
Дадатак 4
АКТ
агляду тэхнiчнага стану гiсторыка-культурнай каштоўнасцi
"_____" _______________ 200 г.
Назва гiсторыка-культурнай каштоўнасцi:
Месцазнаходжанне:
Камiсiя ў складзе прадстаўнiка дзяржаўнага органа аховы
гiсторыка-культурнай спадчыны ___________________________________,
Заказчыка _________________________________________________________,
навуковага кiраўнiка аб'екта ______________________________________,
прадстаўнiка генпраектнай арганiзацыi ____________________________
склалi дадзены акт аб тым, што "_____" _______________ 200 г.
праведзены агляд тэхнiчнага стану гiсторыка-культурнай каштоўнасцi.
У вынiку агляду вызначана:
1. Агульны стан каштоўнасцi (кароткая характарыстыка аб'екта, кароткая даведка гiсторыi стварэння)
2. Стан знешнiх архiтэктурна-канструктыўных элементаў каштоўнасцi:
а) агульны стан
б) падмуркi
в) цокаль, адмостка
г) сцены
д) дах - кроквы, абрашотка, пакрыццё, элементы водаадводу
е) завяршэнне - главы, шатры, iх канструкцыi i пакрыццё
ж) знешняе дэкаратыўнае аздабленне фасадаў - аблiцоўка, афарбоўка, карнiзы, дэкор, скульптура, жывапiс
3. Стан унутраных архiтэктурна-канструктыўных элементаў каштоўнасцi:
а) агульны стан
б) перакрыццi
в) падлога
г) сцены
д) слупы, калоны
е) дзверы, вокны,
ж) лесвiцы
з) дэкаратыўнае аздабленне - ляпны дэкор, скульптура, жывапiс
4. Сад, двор, парк, агароджа
Вывады:
Заўвагi:
1. Планы паверхаў (iнвентарныя)
2. Генплан
Навуковы кiраўнiк аб'екта:
Прадстаўнiк дзяржаўнага органа аховы
гiсторыка-культурнай спадчыны:
Прадстаўнiк генпраектнай арганiзацыi:
Заказчык:
Дадатак 5
СКЛАД ТЛУМАЧАЛЬНАЙ ЗАПIСКI
Тлумачальная запiска павiнна змяшчаць:
агульныя звесткi аб гiсторыка-культурнай каштоўнасцi i праведзеных комплексных навуковых даследаваннях;
апiсанне iснуючага выгляду, тэхнiчнага стану i выкарыстання гiсторыка-культурнай каштоўнасцi;
апiсанне праектуемага архiтэктурнага выгляду i характару выкарыстання гiсторыка-культурнай каштоўнасцi;
прапанаваныя графiчныя рэканструкцыi;
характарыстыку прынцыповых архiтэктурных, канструктыўных, iнжынерных i тэхналагiчных рашэнняў для рэстаўрацыi гiсторыка-культурнай каштоўнасцi;
прапановы па каляровым рашэннi фасадаў i iнтэр'ераў;
прапановы па рэстаўрацыi манументальнага жывапiсу i прадметаў унутранага афармлення;
рашэннi па добраўпарадкаванню, вертыкальнай планiроўцы i азеляненню тэрыторыi, якую займае гiсторыка-культурная каштоўнасць;
прапановы па новым будаўнiцтве для забеспячэння сучаснага выкарыстання гiсторыка-культурнай каштоўнасцi;
пералiк вытворчых работ, iх тэхналогii, будаўнiчых i апрацоўчых матэрыялаў, вырабаў, канструкцый i абсталявання;
прапановы па арганiзацыi работ i iх паслядоўнасцi;
асноўныя тэхнiка-эканамiчныя паказальнiкi.
Таксама дадаюцца:
копiя зацверджанага Задання на распрацоўку навукова-праектнай дакументацыi;
звесткi аб праведзеных узгадненнях прынцыповых рашэнняў i, пры разглядзе на пасяджэннi Навукова-метадычнай рады, пратакол абмеркавання праекта рэстаўрацыi з рэцэнзiямi;
чарцёж - сiтуацыйны план мясцовасцi размяшчэння каштоўнасцi ў маштабе 1:2000 цi 1:5000;
генеральны план участка, на тэрыторыi якога размешчана гiсторыка-культурная каштоўнасць, на тапаграфiчнай аснове з асноўнымi iнжынернымi сеткамi, камунiкацыямi i збудаваннямi ў маштабе 1:5000;
фасады, планы, разрэзы, фрагменты, вузлы, дэталi, неабходныя для характарыстыкi рэстаўрацыi, у тым лiку прынцыповых рашэнняў па супрацьаварыйных мерапрыемствах i канструктыўных зменах, службовым i экспазiцыйным абсталяваннi, каляровым афармленнi фасадаў i iнтэр'ераў;
прынцыповыя рашэннi па iнжэнерным абсталяваннi: схемы ацяплення i вентыляцыi, водазабеспячэння, пажарагашэння i каналiзацыi, электраабсталявання i маланкаабароны, радыёфiкацыi, тэлефанiзацыi, тэлебачання, аўтаматызацыi сiстэмаў iнжынернага абсталявання, ахоўна-пажарнай сiгналiзацыi;
прынцыповыя рашэннi па добраўпарадкаваннi, вертыкальнай планiроўцы i азеляненнi тэрыторыi гiсторыка-культурнай каштоўнасцi.
Навуковы кiраўнiк аб'екта:
Дадатак 6
АКТ
на даследаваннi гiсторыка-культурнай каштоўнасцi
Назва гiсторыка-культурнай каштоўнасцi
Месцазнаходжанне
Вiд даследавання
Задачы даследавання
Апiсанне месца даследавання
Нагляд за даследаваннямi
Вывады:
Правядзенне фiксацыi
Навуковы кiраўнiк аб'екта:
Прадстаўнiк генпраектнай арганiзацыi:
Прадстаўнiк дзяржаўнага органа аховы
гiсторыка-культурнай спадчыны:
Дадатак 7
АСНОЎНЫЯ ПАЛАЖЭННI ПА АРГАНIЗАЦЫI РЭСТАЎРАЦЫI
Тлумачальная запiска павiнна мець:
абгрунтаванне тэхналогii i паслядоўнасцi работ з пералiкам аб'ёмаў работ;
схематычны будгенплан з адзначэннем агароджы пляцоўкi, небяспечных зон, будаўнiчых рыштаванняў, месцаў складзiравання матэрыялаў i паўфабрыкатаў, пад'яздных шляхоў, часовых збудаванняў, расстаноўкi механiзмаў, схемы часовага энергазабеспячэння i водазабеспячэння, сродкаў сiгналiзацыi i пажаратушэння, папераджальных знакаў;
камплектавальная ведамасць матэрыялаў, паўфабрыкатаў, вырабаў, канструкцый, абсталявання, машын, механiзмаў;
ведамасць патрэбы ў вадзе, электраэнергii i цяпле;
разлiк колькасцi працуючых з вызначэннем спецыяльнасцi;
узбуйнены графiк правядзення работ з пазначэннем iх паслядоўнасцi i сумяшчэння асобных вiдаў работ (без каляндарнай прывязкi);
узгаднення камунальных i адмiнiстратыўных службаў, органаў выканаўчай улады, у распараджэннi якiх знаходзiцца тэрыторыя размяшчэння гiсторыка-культурнай каштоўнасцi.
Дадатак 8
ВЫТВОРЧАСЦЬ ПЕРШАЧАРГОВЫХ I СУПРАЦЬАВАРЫЙНЫХ РАБОТ
Рабочыя чарцяжы на вытворчасць першачарговых i супрацьаварыйных работ уключаюць:
рабочыя чарцяжы на часовыя супрацьаварыйныя i кансервацыйныя работы, падпорныя i агароджавыя канструкцыi аварыйных частак гiсторыка-культурных каштоўнасцей;
схемы адпампоўвання вады з падвалаў, разбiрання завалаў, асушвання i ачысткi тэрыторыi, аварыйнай сiгналiзацыi, устаноўкi маякоў i рэпераў пры неабходнасцi кантролю за дэфармацыямi;
схемы месцаў правядзення зандзiраванняў i шурфоў (з пазначэннем iх памераў), раскрыцця канструкцый i адбору пробаў матэрыялаў;
схемы паслядоўнасцi разбiрання чужародных прыбудоў i напластаванняў з пазначэннем аб'ёмаў, схемы ўстаноўкi неабходных рыштаванняў;
пры магчымасцi, рабочая дакументацыя на першапачатковыя работы па рэстаўрацыi;
лакальныя каштарысы на правядзенне работ.
| 
