Зарегистрировано в НРПА РБ 10 августа 2007 г. N 8/16946
У адпаведнасцi з Указам Прэзiдэнта Рэспублiкi Беларусь ад 3 мая 2002 г. N 238 "Об учреждении нагрудного знака Министерства образования "Выдатнiк адукацыi" i Палажэннем аб Мiнiстэрстве адукацыi Рэспублiкi Беларусь, зацверджаным пастановай Савета Мiнiстраў Рэспублiкi Беларусь ад 29 кастрычнiка 2001 г. N 1554, Мiнiстэрства адукацыi Рэспублiкi Беларусь ПАСТАНАЎЛЯЕ:
Зацвердзiць Iнструкцыю аб парадку прадстаўлення да ўзнагароджання нагрудным знакам Мiнiстэрства адукацыi "Выдатнiк адукацыi" (дадаецца).
Мiнiстр А.М.РАДЗЬКОЎ
ЗАЦВЕРДЖАНА
Пастанова
Мiнiстэрства адукацыi
Рэспублiкi Беларусь
05.07.2007 N 31а
IНСТРУКЦЫЯ
АБ ПАРАДКУ ПРАДСТАЎЛЕННЯ ДА ЎЗНАГАРОДЖАННЯ НАГРУДНЫМ
ЗНАКАМ МIНIСТЭРСТВА АДУКАЦЫI "ВЫДАТНIК АДУКАЦЫI"
1. Iнструкцыя аб парадку прадстаўлення да ўзнагароджання нагрудным знакам Мiнiстэрства адукацыi "Выдатнiк адукацыi" (далей - Iнструкцыя) распрацавана ў адпаведнасцi з Указам Прэзiдэнта Рэспублiкi Беларусь ад 3 мая 2002 г. N 238 "Об учреждении нагрудного знака Министерства образования "Выдатнiк адукацыi" (Национальный реестр правовых актов Республики Беларусь, 2002 г., N 53-54, 1/3674) i вызначае парадак прадстаўлення да ўзнагароджання нагрудным знакам Мiнiстэрства адукацыi "Выдатнiк адукацыi" (далей - нагрудны знак) работнiкаў арганiзацый сiстэмы адукацыi Рэспублiкi Беларусь (далей - работнiкi).
2. Для ўзнагароджання работнiкаў нагрудным знакам кiраўнiком арганiзацыi прадстаўляецца ў Мiнiстэрства адукацыi Рэспублiкi Беларусь суправаджальнае пiсьмо на бланку арганiзацыi i ўзнагародны лiст па форме згодна дадатку да дадзенай Iнструкцыi.
3. Узнагародны лiст афармляецца на падставе станоўчага рашэння сходу калектыву работнiкаў арганiзацыi аб прадстаўленнi да ўзнагароджання нагрудным знакам работнiка.
4. Рашэнне калектыву работнiкаў арганiзацыi аб прадстаўленнi да ўзнагароджання нагрудным знакам прымаецца на сходзе калектыву работнiкаў адкрытым галасаваннем простай большасцю галасоў пры ўмове прысутнасцi на iм больш 50% членаў калектыву работнiкаў арганiзацыi.
5. Узнагародны лiст узгадняецца для работнiкаў устаноў i iншых арганiзацый, падпарадкаваных:
Мiнiстэрству адукацыi Рэспублiкi Беларусь - са старшынёй прафсаюзнага камiтэта арганiзацыi;
упраўленням (аддзелам, камiтэту) адукацыi мясцовых выканаўчых i распарадчых органаў - з кiраўнiком упраўлення адукацыi абласнога выканаўчага камiтэта (камiтэта па адукацыi Мiнскага гарадскога выканаўчага камiтэта) i старшынёй абласнога галiновага прафсаюзнага камiтэта;
iншым дзяржаўным органам - з адпаведнымi дзяржаўнымi органамi.
6. Для ўзнагароджання нагрудным знакам работнiкаў цэнтральнага апарата Мiнiстэрства адукацыi Рэспублiкi Беларусь, дэпартамента кантролю якасцi адукацыi Мiнiстэрства адукацыi Рэспублiкi Беларусь прадстаўляюцца дакладная запiска на iмя Мiнiстра адукацыi Рэспублiкi Беларусь i ўзнагародны лiст, якi ўзгадняецца са старшынёй прафсаюзнага камiтэта Мiнiстэрства адукацыi Рэспублiкi Беларусь.
7. Ва ўзнагародным лiсце адлюстроўваюцца iнфармацыя аб рашэннi калектыву работнiкаў i ўзгадненнi, якiя прадугледжаны дадзенай Iнструкцыяй у выглядзе подпiсаў кiраўнiкоў арганiзацый i прафсаюзных органаў, якiя завераны пячаткай адпаведных арганiзацый i органаў.
8. Работнiкi арганiзацый, якiя ўзнагароджваюцца нагрудным знакам, заахвочваюцца грашовай прэмiяй у парадку i ў памеры згодна з лакальным нарматыўным прававым актам арганiзацый, але не болей за сем базавых велiчынь.
Дадатак
да Iнструкцыi
аб парадку прадстаўлення
да ўзнагароджання нагрудным
знакам Мiнiстэрства адукацыi
"Выдатнiк адукацыi"
УЗНАГАРОДНЫ ЛIСТ
1. Прозвiшча _______________________________________________________
Iмя i iмя па бацьку ________________________________________________
2. Пасада i месца работы ___________________________________________
____________________________________________________________________
3. З якога часу працуе на апошняй пасадзе __________________________
4. Стаж педагагiчнай цi навукова-педагагiчнай работы _______________
5. Дата i месца нараджэння _________________________________________
____________________________________________________________________
6. Грамадзянства ___________________________________________________
7. Адукацыя ________________________________________________________
(указаць, калi i якую навучальную ўстанову скончыў)
____________________________________________________________________
8. Вучоная ступень i вучонае званне ________________________________
____________________________________________________________________
9. Якiя ўзнагароды мае i дата ўзнагароджання _______________________
____________________________________________________________________
10. Дамашнi адрас __________________________________________________
____________________________________________________________________
11. ХАРАКТАРЫСТЫКА
____________________________________________________________________
12. Звесткi аб рашэннi ў калектыве работнiкаў ______________________
(назва арганiзацыi,
____________________________________________________________________
дата абмеркавання, нумар пратакола)
Кiраўнiк арганiзацыi _______________________________________________
(пасада, подпiс, iнiцыялы, прозвiшча)
М.П.
Старшыня прафсаюзнай арганiзацыi ___________________________________
(подпiс, iнiцыялы, прозвiшча)
"__" ____________ 200_ г.
УЗГОДНЕНА УЗГОДНЕНА
Старшыня Старшыня
Гомельскага абласнога Мiнскага абласнога
выканаўчага камiтэта выканаўчага камiтэта
А.С.Якабсон Л.Ф.Крупец
17.07.2007 19.07.2007
УЗГОДНЕНА УЗГОДНЕНА
Старшыня Старшыня
Вiцебскага абласнога Гродзенскага абласнога
выканаўчага камiтэта выканаўчага камiтэта
У.П.Андрэйчанка У.Я.Саўчанка
19.07.2007 19.07.2007
УЗГОДНЕНА УЗГОДНЕНА
Старшыня Старшыня
Брэсцкага абласнога Мiнскага гарадскога
выканаўчага камiтэта выканаўчага камiтэта
К.А.Сумар М.Я.Паўлаў
19.07.2007 17.07.2007
УЗГОДНЕНА
Старшыня
Магiлёўскага абласнога
выканаўчага камiтэта
Б.В.Батура
18.07.2007
| 
